Todt ætlar ekki að gerast einræðisherra í F1 eins og Mosley Birgir Þór Harðarson skrifar 22. október 2012 16:15 Hart er tekist á innan sem utan brautar í Formúlu 1. nordicphotos/afp Nú er að hefjast samningalota milli FIA (Alþjóða akstursíþróttasambandsins) og liðanna í Formúlu 1 um nýjan Concorde-samning. Samningurinn ákvarðar þá upphæð af sjónvarpsfé sem rennur til liðanna og kveður á um skyldur beggja aðila. Talið er að samningaviðræðurnar verði erfiðar en ekki eins stirðar og árið 2003 þegar stóru keppnisliðin hótuðu því að hætta í Formúlu 1 og stofna aðra mótaröð til höfuðs F1. Max Mosley var þá forseti FIA og þótti erfiður við að eiga. Mosley er yngsti sonur Oswald Mosley, leiðtoga fasista í Bretlandi í seinni Heimstyrjöldinni. Árið 2009 fjallaði gula pressan í Bretlandi um kynlífshneyksli þar sem Max klæddi sig upp sem nasistaforingi og gamnaði sér með vændiskonum. Jean Todt er nú forseti FIA. Þó Todt hafi verið sá sem Mosley vildi að tæki við af sér hefur Jean „litli" Todt ekki haft eins róttæk afskipti af Formúlunni og forveri hans. Todt var liðstjóri Ferrari-liðsins frá 1993 til 2007 og vann allt sem vinna mátti með Michael Schumacher innanborðs. „Hann hefur allt annan stjórnunarstíl," sagði Mosley við Sky Sports F1 um Todt. „Hversu vel það mun virka verðum við að bíða og sjá." „Árið 2003, þegar liðin vildu ekki sameinast um kostnaðinn, sagði ég bara: „Við hættum þá að nota sér vélar í tímatökum og sér bíla og höfum parc ferme klukkan sex á laugardögum." Liðstjórarnir sturluðust, en það var það rétta í stöðunni og nú eru allir sáttir við engar tímatökuvélar og bíla." „Stundum þarf maður að standa í átökum," sagði Mosley. Todt er hins vegar þeirrar skoðunar að auðveldari leið megi fara að sátt. „Ég er ekki harðstjóri sem skipar fyrir. Það sem FIA leggur til og hlutverk þess verður að fara vel með og virða," sagði Todt við Financial Times. Ágreiningurinn um peningaFIA, FOM (Formula One Management, í eigu Bernie Ecclestone) og keppnisliðin greinir á um nokkur atriði sem munu hafa áhrif á þróun Formúlu 1 í framtíðinni. Þar leika peningar stórt hlutverk. Samningafundurinn verður haldinn í lok mánaðarins. Helstu átakaatriði samningsins eru gríðarlegar hækkanir inngöngugjaldi vilji nýtt lið taka þátt og kostnaðarþök sem eiga að taka gildi í nánustu framtíð. Þá er stjórnunarhlutverk F1 nefndarinnar mikið ágreiningsatriði. Í síðustu viku tjáði Monisha Kaltenborn, framkvæmdastjóri Sauber-liðsins, sig um fundinn. Hún sagði hann mjög mikilvægan fyrir framtíð Formúlunnar. „Það er margt sem á eftir að segja og skrifa um hvar Formúla 1 stendur nú gagnvart framtíðinni." Aðrir liðstjórar segja fundinn og samningaviðræðurnar vera til þess að ákvarða hver ræður yfir Formúlu 1 í framtíðinni. Hefur þar hár aldur Bernie Ecclestone borið á góma en kallinn er 81 árs og mætir enn á hvert mót í hlutverki framkvæmdastjóra. Concorde-samningurinn bjargaði mótaröðinniEfni Concorde-samningsins hefur alla tíð verði leynilegt. Undir samninginn skrifa öll keppnislið sem keppa í Formúlu 1, FOM og FIA. Samningurinn bindur saman reglur Formúlunnar, hvert tekjur af mótshaldinu og sjónvarpsútsendingum fara og tryggir FIA ákveðið stefnumótunarvald. Gegn völdum FIA viðurkennir alþjóðastofnunin mótaröðina sem heimsmeistarakeppni. Fyrsti Concorde-samningurinn var undirritaður í fyrsta sinn árið 1981. Síðan þá hafa fimm slíkir samningar verið undirritaðir. Nú er deilt um þann sjötta. Ástæða þess að sérstakan samning þurfti um mótaröðina var deila milli FISA (sem gengdi sama hlutverki og FIA nú) og FOCA (samtök bílasmiða í Formúlu 1). Í forsvari fyrir FISA var Jean Marie Balestre, fúll Frakki sem naut þess að deila og drottna. Í forsvari fyrir FOCA var Bernie Ecclestone, þá eigandi Brabham-liðsins og lögfræðingur hans Max Mosley. Vegna deilna þessara samtaka var nokkrum mótum aflýst og Goodyear dekkjaframleiðandinn hótaði að hætta endanlega í Formúlu 1. Ecclestone kallaði alla aðila til fundar í höfuðstöðvum FIA á Place de la Concorde í París í janúar 1981. Þrettán klukkustundir tók að semja um fyrsta samninginn. Ecclestone náði með þessum samningi alræðisvaldi í Formúlu 1. Í samningnum var klausa þar sem liðunum var gert að bjóða út sjónvarpsréttinn frá kappakstrinum. Nýstofnað fyrirtæki Bernie Ecclestone, FOPA (Formula One Promotions and Administration) fékk sjónvarpsréttinn og hefur haldið honum síðan. Formúla Mest lesið Versta byrjun í sögu efstu deildar Fótbolti Forsetinn Eto‘o fær ekki að mæta á leiki þjóðar sinnar Fótbolti Brasilíski miðvörðurinn gríðarlega eftirsóttur Fótbolti Fyrirliðinn segir Íslendingaliðið of gott fyrir C-deildina Enski boltinn Dagskráin í dag: Meistaradeild Evrópu og Bónus deild kvenna fer af stað Sport Kolbeinn með glæsimark í sigri Gautaborgar Fótbolti Hilmar Árni: Þurftum að vinna, gerðum það og svo bara næsti leikur Íslenski boltinn Dómarinn fyrrverandi segir Bruno hafa átt að fá gult Enski boltinn Ætla að sniðganga leikinn við Víking Fótbolti Lilja tognuð á ökkla og frá næsta mánuðinn Handbolti Fleiri fréttir Hamilton opnar sig um þunglyndi og einelti: „Hafði engan til að tala við“ Ricciardo tapar sæti sínu hjá RB Þrír ákærðir fyrir að reyna að fjárkúga fjölskyldu Schumacher Mætti tárvotur í viðtal og óviss um framhaldið Refsing fyrir að blóta gæti flýtt fyrir því að Verstappen hætti Norris nálgast Verstappen eftir sigur í Singapúr Norris á ráspól í Singapúr Eðla rölti inn á brautina á æfingu Heimsmeistaranum refsað fyrir notkun blótsyrðis FIA tók fyrir kvörtun Red Bull og hefur kveðið upp dóm sinn Piastri vann í Aserbaísjan og McLaren fór fram úr Red Bull Lando Norris enn vongóður þrátt fyrir gulu flöggin Leclerc á ráspól á morgun Vill vinna titilinn á eigin forsendum Biðja Piastri um að styðja Norris í baráttunni um titilinn Hvalreki fyrir Aston Martin í Formúlu 1 Leclerc vann Monza kappaksturinn Táningurinn sem tekur við af Hamilton klessti bílinn í frumrauninni Sjá meira
Nú er að hefjast samningalota milli FIA (Alþjóða akstursíþróttasambandsins) og liðanna í Formúlu 1 um nýjan Concorde-samning. Samningurinn ákvarðar þá upphæð af sjónvarpsfé sem rennur til liðanna og kveður á um skyldur beggja aðila. Talið er að samningaviðræðurnar verði erfiðar en ekki eins stirðar og árið 2003 þegar stóru keppnisliðin hótuðu því að hætta í Formúlu 1 og stofna aðra mótaröð til höfuðs F1. Max Mosley var þá forseti FIA og þótti erfiður við að eiga. Mosley er yngsti sonur Oswald Mosley, leiðtoga fasista í Bretlandi í seinni Heimstyrjöldinni. Árið 2009 fjallaði gula pressan í Bretlandi um kynlífshneyksli þar sem Max klæddi sig upp sem nasistaforingi og gamnaði sér með vændiskonum. Jean Todt er nú forseti FIA. Þó Todt hafi verið sá sem Mosley vildi að tæki við af sér hefur Jean „litli" Todt ekki haft eins róttæk afskipti af Formúlunni og forveri hans. Todt var liðstjóri Ferrari-liðsins frá 1993 til 2007 og vann allt sem vinna mátti með Michael Schumacher innanborðs. „Hann hefur allt annan stjórnunarstíl," sagði Mosley við Sky Sports F1 um Todt. „Hversu vel það mun virka verðum við að bíða og sjá." „Árið 2003, þegar liðin vildu ekki sameinast um kostnaðinn, sagði ég bara: „Við hættum þá að nota sér vélar í tímatökum og sér bíla og höfum parc ferme klukkan sex á laugardögum." Liðstjórarnir sturluðust, en það var það rétta í stöðunni og nú eru allir sáttir við engar tímatökuvélar og bíla." „Stundum þarf maður að standa í átökum," sagði Mosley. Todt er hins vegar þeirrar skoðunar að auðveldari leið megi fara að sátt. „Ég er ekki harðstjóri sem skipar fyrir. Það sem FIA leggur til og hlutverk þess verður að fara vel með og virða," sagði Todt við Financial Times. Ágreiningurinn um peningaFIA, FOM (Formula One Management, í eigu Bernie Ecclestone) og keppnisliðin greinir á um nokkur atriði sem munu hafa áhrif á þróun Formúlu 1 í framtíðinni. Þar leika peningar stórt hlutverk. Samningafundurinn verður haldinn í lok mánaðarins. Helstu átakaatriði samningsins eru gríðarlegar hækkanir inngöngugjaldi vilji nýtt lið taka þátt og kostnaðarþök sem eiga að taka gildi í nánustu framtíð. Þá er stjórnunarhlutverk F1 nefndarinnar mikið ágreiningsatriði. Í síðustu viku tjáði Monisha Kaltenborn, framkvæmdastjóri Sauber-liðsins, sig um fundinn. Hún sagði hann mjög mikilvægan fyrir framtíð Formúlunnar. „Það er margt sem á eftir að segja og skrifa um hvar Formúla 1 stendur nú gagnvart framtíðinni." Aðrir liðstjórar segja fundinn og samningaviðræðurnar vera til þess að ákvarða hver ræður yfir Formúlu 1 í framtíðinni. Hefur þar hár aldur Bernie Ecclestone borið á góma en kallinn er 81 árs og mætir enn á hvert mót í hlutverki framkvæmdastjóra. Concorde-samningurinn bjargaði mótaröðinniEfni Concorde-samningsins hefur alla tíð verði leynilegt. Undir samninginn skrifa öll keppnislið sem keppa í Formúlu 1, FOM og FIA. Samningurinn bindur saman reglur Formúlunnar, hvert tekjur af mótshaldinu og sjónvarpsútsendingum fara og tryggir FIA ákveðið stefnumótunarvald. Gegn völdum FIA viðurkennir alþjóðastofnunin mótaröðina sem heimsmeistarakeppni. Fyrsti Concorde-samningurinn var undirritaður í fyrsta sinn árið 1981. Síðan þá hafa fimm slíkir samningar verið undirritaðir. Nú er deilt um þann sjötta. Ástæða þess að sérstakan samning þurfti um mótaröðina var deila milli FISA (sem gengdi sama hlutverki og FIA nú) og FOCA (samtök bílasmiða í Formúlu 1). Í forsvari fyrir FISA var Jean Marie Balestre, fúll Frakki sem naut þess að deila og drottna. Í forsvari fyrir FOCA var Bernie Ecclestone, þá eigandi Brabham-liðsins og lögfræðingur hans Max Mosley. Vegna deilna þessara samtaka var nokkrum mótum aflýst og Goodyear dekkjaframleiðandinn hótaði að hætta endanlega í Formúlu 1. Ecclestone kallaði alla aðila til fundar í höfuðstöðvum FIA á Place de la Concorde í París í janúar 1981. Þrettán klukkustundir tók að semja um fyrsta samninginn. Ecclestone náði með þessum samningi alræðisvaldi í Formúlu 1. Í samningnum var klausa þar sem liðunum var gert að bjóða út sjónvarpsréttinn frá kappakstrinum. Nýstofnað fyrirtæki Bernie Ecclestone, FOPA (Formula One Promotions and Administration) fékk sjónvarpsréttinn og hefur haldið honum síðan.
Formúla Mest lesið Versta byrjun í sögu efstu deildar Fótbolti Forsetinn Eto‘o fær ekki að mæta á leiki þjóðar sinnar Fótbolti Brasilíski miðvörðurinn gríðarlega eftirsóttur Fótbolti Fyrirliðinn segir Íslendingaliðið of gott fyrir C-deildina Enski boltinn Dagskráin í dag: Meistaradeild Evrópu og Bónus deild kvenna fer af stað Sport Kolbeinn með glæsimark í sigri Gautaborgar Fótbolti Hilmar Árni: Þurftum að vinna, gerðum það og svo bara næsti leikur Íslenski boltinn Dómarinn fyrrverandi segir Bruno hafa átt að fá gult Enski boltinn Ætla að sniðganga leikinn við Víking Fótbolti Lilja tognuð á ökkla og frá næsta mánuðinn Handbolti Fleiri fréttir Hamilton opnar sig um þunglyndi og einelti: „Hafði engan til að tala við“ Ricciardo tapar sæti sínu hjá RB Þrír ákærðir fyrir að reyna að fjárkúga fjölskyldu Schumacher Mætti tárvotur í viðtal og óviss um framhaldið Refsing fyrir að blóta gæti flýtt fyrir því að Verstappen hætti Norris nálgast Verstappen eftir sigur í Singapúr Norris á ráspól í Singapúr Eðla rölti inn á brautina á æfingu Heimsmeistaranum refsað fyrir notkun blótsyrðis FIA tók fyrir kvörtun Red Bull og hefur kveðið upp dóm sinn Piastri vann í Aserbaísjan og McLaren fór fram úr Red Bull Lando Norris enn vongóður þrátt fyrir gulu flöggin Leclerc á ráspól á morgun Vill vinna titilinn á eigin forsendum Biðja Piastri um að styðja Norris í baráttunni um titilinn Hvalreki fyrir Aston Martin í Formúlu 1 Leclerc vann Monza kappaksturinn Táningurinn sem tekur við af Hamilton klessti bílinn í frumrauninni Sjá meira