Leiða gesti inn í heim vændis 22. ágúst 2012 20:00 Vilborg, Eva Björk, Aðalbjörg og Eva Rán lögðust í heilmikla rannsóknarvinnu á vændi í Reykjavík við gerð verksins Downtown 24/7. fréttablaðið/valli Á föstudag og laugardag verða nokkrar sýningar á nýju og áleitnu verki Kviss Búmm Bang, Downtown 24/7. Þar fá þátttakendur að kynnast heimi sem fáir vilja kannast við - heimi vændis á götum Reykjavíkur. Framandverkaflokkurinn Kviss Búmm Bang frumsýnir á föstudaginn verkið Downtown 24/7. Það eru þær Eva Rún Snorradóttir, Vilborg Ólafsdóttir og Eva Björk Kaaber sem tilheyra hópnum en í þetta sinn hafa þær fengið til liðs við sig leikkonuna Aðalbjörgu Árnadóttur. "Við erum orðnar eins og þríhöfða þurs, löngu farnar að hugsa eins og tala eins, þannig að það var mjög gott að fá ferskan andblæ inn í samstarfið," segir Vilborg um ástæðu þess að þær hleyptu utanaðkomandi konu að þríeykinu. Downtown 24/7 tekur á vændi á Íslandi á vafalaust ögrandi og krefjandi hátt fyrir áhorfendureða þátttakendur öllu heldur, þar sem sýningar Kviss Búmm Bang eru ekki með hefðbundnu sambandi leikara og áhorfenda. Verk Kviss Búmm Bang fjalla alla jafna um málefni sem brenna á liðskonum hópsins, þær hafa rannsakað þau og skapað út frá þeim rannsóknum einhvers konar félagslegan strúktúr sem þátttakendur verða partur af. "Við vildum skoða ástæður þess að fólk fer út í vændi og afleiðingar þess. Við vorum svo heppnar að fá til liðs við okkur þrjár konur sem tilheyra svokölluðum Svanahópi í Kristínarhúsi, en það er stuðningshópur fyrir konur sem vilja komast út úr vændi. Við komumst að því að nær allar konurnar sem leitað hafa í Kristínarhús höfðu orðið fyrir kynferðisofbeldi. Það er því oft slíkt ofbeldi og fátækt sem leiðir konur út í vændi. Þær glíma oft við áfallastreituröskun og mikla félagsfælni, enda er það augljóslega erfitt hér á Íslandi að vera stöðugt að mæta viðskiptavinum sínum, til dæmis þegar þeir eru úti á gangi með konum sínum og börnum," segir Vilborg. Hún segir margt hafa komið óþægilega á óvart við vinnslu verksins. "Við komumst að því að almennt hafa menn sem kaupa vændi þörf fyrir að gera konuna ómennska á einhvern hátt. Þeir vilja helst ekki vita að þær séu dætur einhvers eða systur. Það er markmið okkar með þessu verki að raddir þessara kvenna fái að heyrast og gera þær mennskar aftur," segir Vilborg. Hún vill ekki fara nánar út í efnistök Downtown 24/7, enda megi ekki spilla upplifun þátttakenda, og ekki fæst einu sinni uppgefið hvar viðburðurinn verður, en það fá eingöngu þátttakendur að vita. Þess má geta að á sunnudaginn klukkan 13 verður blásið til málþings í Tjarnarbíói, þar sem fjallað verður um kynferðisofbeldi. Þar munu liðskonur Kviss Búmm Bang taka til máls, auk fulltrúa frá Stígamótum og írska hópnum Brokentalkers, sem einnig kemur fram á LÓKAL. Eftir nokkrar vikur er svo væntanleg bók sem sýnir ferlið í heild, frá því undirbúningur að verkinu hófst og þar til það var tekið til sýninga. Menning Mest lesið Skilnaður handan við hornið hjá Kanye og Biöncu Lífið Kemur frá Sýrlandi og syngur á íslensku Tónlist Stofnar eigin útgáfu og byrjar í ruslinu Lífið Galið að fræðsla um snípinn sé af skornum skammti Lífið Harry og Meghan séu ekki að skilja Lífið „Fólk í kringum þessa einstaklinga er á nálum“ Lífið Kim vandræðaleg á tónleikum með nýrri eiginkonu Kanye Lífið Bergrún Íris og Kolbrún keyptu í Hafnarfirði Lífið Móðir Whitney Houston látin Lífið Eins og þruma úr heiðskíru lofti Lífið Fleiri fréttir Kúltúrkettir landsins létu sig ekki vanta í Portið „Hrátt háþróað krass, langt leitt krot“ Bjóða landsmönnum nauðbeygð til messu Allt í banönum á Brút Bríet lét sig ekki vanta á sýningaropnun Ynju Blævar Út um allar koppagrundir Alþingis: „Froðan flæðir endalaust, það er bara froða froða“ Skálda opnar: „Kannski ekki margir nógu vitlausir til að framkvæma þessa hugmynd“ Össur Geirsson er heiðurslistamaður Kópavogs 2024 Margmenni í sköpunargleði og stuði á safninu Ólafur Elíasson tekur yfir Piccadilly Circus og Times Square Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Sjá meira
Á föstudag og laugardag verða nokkrar sýningar á nýju og áleitnu verki Kviss Búmm Bang, Downtown 24/7. Þar fá þátttakendur að kynnast heimi sem fáir vilja kannast við - heimi vændis á götum Reykjavíkur. Framandverkaflokkurinn Kviss Búmm Bang frumsýnir á föstudaginn verkið Downtown 24/7. Það eru þær Eva Rún Snorradóttir, Vilborg Ólafsdóttir og Eva Björk Kaaber sem tilheyra hópnum en í þetta sinn hafa þær fengið til liðs við sig leikkonuna Aðalbjörgu Árnadóttur. "Við erum orðnar eins og þríhöfða þurs, löngu farnar að hugsa eins og tala eins, þannig að það var mjög gott að fá ferskan andblæ inn í samstarfið," segir Vilborg um ástæðu þess að þær hleyptu utanaðkomandi konu að þríeykinu. Downtown 24/7 tekur á vændi á Íslandi á vafalaust ögrandi og krefjandi hátt fyrir áhorfendureða þátttakendur öllu heldur, þar sem sýningar Kviss Búmm Bang eru ekki með hefðbundnu sambandi leikara og áhorfenda. Verk Kviss Búmm Bang fjalla alla jafna um málefni sem brenna á liðskonum hópsins, þær hafa rannsakað þau og skapað út frá þeim rannsóknum einhvers konar félagslegan strúktúr sem þátttakendur verða partur af. "Við vildum skoða ástæður þess að fólk fer út í vændi og afleiðingar þess. Við vorum svo heppnar að fá til liðs við okkur þrjár konur sem tilheyra svokölluðum Svanahópi í Kristínarhúsi, en það er stuðningshópur fyrir konur sem vilja komast út úr vændi. Við komumst að því að nær allar konurnar sem leitað hafa í Kristínarhús höfðu orðið fyrir kynferðisofbeldi. Það er því oft slíkt ofbeldi og fátækt sem leiðir konur út í vændi. Þær glíma oft við áfallastreituröskun og mikla félagsfælni, enda er það augljóslega erfitt hér á Íslandi að vera stöðugt að mæta viðskiptavinum sínum, til dæmis þegar þeir eru úti á gangi með konum sínum og börnum," segir Vilborg. Hún segir margt hafa komið óþægilega á óvart við vinnslu verksins. "Við komumst að því að almennt hafa menn sem kaupa vændi þörf fyrir að gera konuna ómennska á einhvern hátt. Þeir vilja helst ekki vita að þær séu dætur einhvers eða systur. Það er markmið okkar með þessu verki að raddir þessara kvenna fái að heyrast og gera þær mennskar aftur," segir Vilborg. Hún vill ekki fara nánar út í efnistök Downtown 24/7, enda megi ekki spilla upplifun þátttakenda, og ekki fæst einu sinni uppgefið hvar viðburðurinn verður, en það fá eingöngu þátttakendur að vita. Þess má geta að á sunnudaginn klukkan 13 verður blásið til málþings í Tjarnarbíói, þar sem fjallað verður um kynferðisofbeldi. Þar munu liðskonur Kviss Búmm Bang taka til máls, auk fulltrúa frá Stígamótum og írska hópnum Brokentalkers, sem einnig kemur fram á LÓKAL. Eftir nokkrar vikur er svo væntanleg bók sem sýnir ferlið í heild, frá því undirbúningur að verkinu hófst og þar til það var tekið til sýninga.
Menning Mest lesið Skilnaður handan við hornið hjá Kanye og Biöncu Lífið Kemur frá Sýrlandi og syngur á íslensku Tónlist Stofnar eigin útgáfu og byrjar í ruslinu Lífið Galið að fræðsla um snípinn sé af skornum skammti Lífið Harry og Meghan séu ekki að skilja Lífið „Fólk í kringum þessa einstaklinga er á nálum“ Lífið Kim vandræðaleg á tónleikum með nýrri eiginkonu Kanye Lífið Bergrún Íris og Kolbrún keyptu í Hafnarfirði Lífið Móðir Whitney Houston látin Lífið Eins og þruma úr heiðskíru lofti Lífið Fleiri fréttir Kúltúrkettir landsins létu sig ekki vanta í Portið „Hrátt háþróað krass, langt leitt krot“ Bjóða landsmönnum nauðbeygð til messu Allt í banönum á Brút Bríet lét sig ekki vanta á sýningaropnun Ynju Blævar Út um allar koppagrundir Alþingis: „Froðan flæðir endalaust, það er bara froða froða“ Skálda opnar: „Kannski ekki margir nógu vitlausir til að framkvæma þessa hugmynd“ Össur Geirsson er heiðurslistamaður Kópavogs 2024 Margmenni í sköpunargleði og stuði á safninu Ólafur Elíasson tekur yfir Piccadilly Circus og Times Square Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Sjá meira