Umfjöllun og viðtöl: Valur - FH 28-27 | Umdeilt sigurmark Eiríkur Stefán Ásgeirsson í Vodafonehöllinni skrifar 8. mars 2012 11:33 Sveinn Aron Sveinsson. Mynd/Stefán Sveinn Aron Sveinsson tryggði Val afar nauman og umdeildan sigur á FH í kvöld. Markið skoraði hann úr hraðaupphlaupi á lokasekúndunum og er deilt um hvort að leiktíminn hafi verið útrunninn þegar boltinn hafnaði í netinu. Danskur dómari leiksins, Troels Kure, dæmdi markið gilt og ætlaði allt um koll að keyra. FH-ingar voru trítilóðir, hópuðust að dómurunum og öskruðu á þá. Kure dæmdi leikinn ásamt Helga Rafni Helgasyni en þeir hafa dæmt saman í Danmörku með góðum árangri undanfarin ár. FH fór í sókn þegar nítján sekúndur voru eftir af leiknum. Ólafur Gústafsson fór upp í skot þegar 4-5 sekúndur voru eftir en varnarmenn Vals vörðu boltann. Hann reyndi að ná frákastinu en Valsmenn komu boltanum fram á Svein Aron sem skoraði. FH-ingar voru einnig afar óánægðir með að ekkert hafi verið dæmt því þeim fannst að brotið hefði verið á Ólafi. En dómurinn stóð sem og niðurstaða leiksins. Halda þurfti þjálfurum og leikmönnum frá dómurum leiksins eftir leikinn og héldu þeir svo áfram að rífast við starfsmenn ritaraborðsins löngu eftir að leiknum lauk. Guðjón L. Sigurðsson, eftirlitsdómari á leiknum, stóð í ströngu og ræddi þetta vel og lengi við FH-ingana. Leikurinn sjálflur var kaflaskiptur. FH byrjaði betur en bæði lið voru þó að spila illa í fyrri hálfleik, sérstaklega í vörn. Markvarsla var lengi vel lítil sem engin í leiknum en átti eftir að stórbatna eftir því sem leið á leiktímann. Staðan var jöfn í hálfleik, 15-15, en Valsmenn komu mun sterkari til leiks í þeim síðari. Sóknarleikurinn var góður og 5-1 vörnin með Sturla Ásgeirsson fremstan virkaði vel. En FH-ingar bættu í á lokakaflanum og við það datt botninn úr sóknarleik Vals. Þeir náðu þó að halda FH-ingum frá sér með áðurnefndum afleiðingum en það hefði varla geta staðið tæpar. FH og Haukar, sem töpuðu óvænt fyrir Gróttu í kvöld, eru enn efst í deildinni með 23 stig hvort en dregið hefur saman með efstu sex liðum deildarinnar. Valur er í sjötta sætinu með átján stig, einu stigi á eftir Fram. Þessi tvö lið mætast einmitt í næstu umferð í afar mikilvægum leik fyrir bæði lið. Kristján: Við erum afar ósáttirMynd/Vilhelm„Eins og flestir í húsinu sáu var búið að flauta leikinn af áður en þeir skora þetta mark," sagði Kristján. „Auðvitað erum við hundsvekktir með það. Þar að auki var brotið illa á Ólafi áður en þeir fara í sókn. Þetta voru hrikaleg mistök hjá dómurunum og erum við afar ósáttir við það." Hann var afar ósáttur við frammistöðu dómaranna, þeirra Helga Rafns Helgasonar og Danans Troels Kure. „Já, það hallaði á okkur. Það var eins og Daninn hefði séð danska landsliðið inn á vellinum," sagði Kristján og vísaði þar til rauða búnings Valsmanna. „En þetta var jafn leikur og jafntefli hefði verið sanngjörn niðurstaða. Vörnin var svo léleg hjá báðum liðum í fyrri hálfleik. Dómgæslan er bara einn þáttur af leiknum og við fengum tækifæri til að klára leikinn. En við lentum undir og náðum að koma okkur aftur inn í leikinn. Það var gott." Óskar Bjarni: Viðurkenni að þetta var vafasamtMynd/Vilhelm„Ég þori ekki að segja til um þetta. En þetta var mjög vafasamt - ég skal viðurkenna það. Ég veit ekki hvað ég hefði dæmt. Ég verð að sjá þetta á myndbandi aftur," sagði Óskar Bjarni eftir sigur sinna manna. „Þetta féll með okkur og við vorum heppnir undir lokin. Ég segi það hér og nú." „En við unnum og ég fagna tveimur stigum. Ég fagna því í þessari baráttu. Allir leikir hjá okkur eru úrslitaleikir og næst eigum við leik gegn Fram þar sem það verður allt undir enn á ný." Sveinn Aron: Þetta var löglegt markMynd/Stefán„Þetta var klárlega löglegt mark. Lokaflautið kom þegar boltinn var í netinu. Hann var farinn úr höndunum áður en það kom," staðhæfði markaskorarinn Sveinn Aron Sveinsson en hann tryggði Val sigurinn í kvöld. Sveinn Aron og fleiri ungir leikmenn í liði Vals komu sterkir inn í leikinn í kvöld og rifu sína menn upp þegar mest þurfti á að halda. „Þegar menn eru ekki að finna sig þurfa aðrir að stíga upp og við gerðum okkar í kvöld. Ég er ánægður með þetta enda klassasigur hjá okkur, sérstaklega eftir erfiða byrjun. Við náðum að koma til baka og klára þetta." Olís-deild karla Mest lesið „Viðbjóðsleg“ frammistaða sem lætur stjóra missa starfið Enski boltinn „Væri gaman að spila við þá í hverri einustu viku” Íslenski boltinn Fær Njarðvík frekar stimpilinn? Íslenski boltinn Stillti upp fartölvu til að mótmæla Fótbolti Uppgjörið: Valur - Víkingur 2-3 | Draumamark Tariks kom Víkingi á toppinn Íslenski boltinn Ólæti vörpuðu skugga á dramatískan borgarslag Fótbolti Tap hjá Sverri í Aþenuslagnum Fótbolti „Gleymist að við tókum líka Kjarnafæðisbikarinn og getum unnið þrefalt“ Sport Uppgjörið: KR - Fram 7-1 | Benóný Breki og KR með sýningu Íslenski boltinn Guðmundur og Arnór fögnuðu góðum sigri Handbolti Fleiri fréttir Guðmundur og Arnór fögnuðu góðum sigri Greið leið fyrir Bjarka, Ómar og Gísla í undanúrslit HM Elliði Snær frábær í sigri Gummersbach Bjarki með átta gegn Brössum Tap gegn Tékkum í lokaleiknum Þorsteinn Leó fór hamförum „Varnarleikurinn var skelfilegur” FH á toppinn eftir sigur í Garðabæ „Komnir með miklu fleiri stig en ég átti von á“ Uppgjörið: Fram - Haukar 37-34 | Framarar gengu á lagið í síðari hálfleik Tíu marka sigur Íslands Viktor Gísli öflugur gegn PSG ÍBV og Grótta með sigra Andri Már spilaði stóran þátt í sigri Leipzig Töpuðu með ellefu í Tékklandi Haukur frábær í öruggum sigri Búkarest Sporting rúllaði yfir Veszprém Loks vann Valur leik Sigvaldi Björn magnaður í fyrsta sigri Kolstad HR og HSÍ taka höndum saman: „Engin meðalmennska hér, það er tekið á því“ Serbarnir fá aldrei aftur að dæma Háspenna er FH vann Hafnarfjarðarslaginn Hörmulegur seinni hálfleikur varð þýsku meisturunum að falli Orri skoraði þrjú er Sporting valtaði yfir Íslendingaslaginn Fínn leikur Íslendinganna í Þýskalandi dugði ekki til Þjálfarinn í byrjunarliðinu: „Mér fannst þörf á smá aga í leikinn“ Sjö mörk Jóhönnu hjálpuðu til við að landa fyrsta sigrinum Uppgjörið: Fjölnir - HK 28-27 | Flautumarkið fékk ekki að standa og Fjölnir slapp með sigur Ihor fór mikinn í stórsigri Aftureldingar Fullkomin byrjun lærisveina Arnórs heldur áfram Sjá meira
Sveinn Aron Sveinsson tryggði Val afar nauman og umdeildan sigur á FH í kvöld. Markið skoraði hann úr hraðaupphlaupi á lokasekúndunum og er deilt um hvort að leiktíminn hafi verið útrunninn þegar boltinn hafnaði í netinu. Danskur dómari leiksins, Troels Kure, dæmdi markið gilt og ætlaði allt um koll að keyra. FH-ingar voru trítilóðir, hópuðust að dómurunum og öskruðu á þá. Kure dæmdi leikinn ásamt Helga Rafni Helgasyni en þeir hafa dæmt saman í Danmörku með góðum árangri undanfarin ár. FH fór í sókn þegar nítján sekúndur voru eftir af leiknum. Ólafur Gústafsson fór upp í skot þegar 4-5 sekúndur voru eftir en varnarmenn Vals vörðu boltann. Hann reyndi að ná frákastinu en Valsmenn komu boltanum fram á Svein Aron sem skoraði. FH-ingar voru einnig afar óánægðir með að ekkert hafi verið dæmt því þeim fannst að brotið hefði verið á Ólafi. En dómurinn stóð sem og niðurstaða leiksins. Halda þurfti þjálfurum og leikmönnum frá dómurum leiksins eftir leikinn og héldu þeir svo áfram að rífast við starfsmenn ritaraborðsins löngu eftir að leiknum lauk. Guðjón L. Sigurðsson, eftirlitsdómari á leiknum, stóð í ströngu og ræddi þetta vel og lengi við FH-ingana. Leikurinn sjálflur var kaflaskiptur. FH byrjaði betur en bæði lið voru þó að spila illa í fyrri hálfleik, sérstaklega í vörn. Markvarsla var lengi vel lítil sem engin í leiknum en átti eftir að stórbatna eftir því sem leið á leiktímann. Staðan var jöfn í hálfleik, 15-15, en Valsmenn komu mun sterkari til leiks í þeim síðari. Sóknarleikurinn var góður og 5-1 vörnin með Sturla Ásgeirsson fremstan virkaði vel. En FH-ingar bættu í á lokakaflanum og við það datt botninn úr sóknarleik Vals. Þeir náðu þó að halda FH-ingum frá sér með áðurnefndum afleiðingum en það hefði varla geta staðið tæpar. FH og Haukar, sem töpuðu óvænt fyrir Gróttu í kvöld, eru enn efst í deildinni með 23 stig hvort en dregið hefur saman með efstu sex liðum deildarinnar. Valur er í sjötta sætinu með átján stig, einu stigi á eftir Fram. Þessi tvö lið mætast einmitt í næstu umferð í afar mikilvægum leik fyrir bæði lið. Kristján: Við erum afar ósáttirMynd/Vilhelm„Eins og flestir í húsinu sáu var búið að flauta leikinn af áður en þeir skora þetta mark," sagði Kristján. „Auðvitað erum við hundsvekktir með það. Þar að auki var brotið illa á Ólafi áður en þeir fara í sókn. Þetta voru hrikaleg mistök hjá dómurunum og erum við afar ósáttir við það." Hann var afar ósáttur við frammistöðu dómaranna, þeirra Helga Rafns Helgasonar og Danans Troels Kure. „Já, það hallaði á okkur. Það var eins og Daninn hefði séð danska landsliðið inn á vellinum," sagði Kristján og vísaði þar til rauða búnings Valsmanna. „En þetta var jafn leikur og jafntefli hefði verið sanngjörn niðurstaða. Vörnin var svo léleg hjá báðum liðum í fyrri hálfleik. Dómgæslan er bara einn þáttur af leiknum og við fengum tækifæri til að klára leikinn. En við lentum undir og náðum að koma okkur aftur inn í leikinn. Það var gott." Óskar Bjarni: Viðurkenni að þetta var vafasamtMynd/Vilhelm„Ég þori ekki að segja til um þetta. En þetta var mjög vafasamt - ég skal viðurkenna það. Ég veit ekki hvað ég hefði dæmt. Ég verð að sjá þetta á myndbandi aftur," sagði Óskar Bjarni eftir sigur sinna manna. „Þetta féll með okkur og við vorum heppnir undir lokin. Ég segi það hér og nú." „En við unnum og ég fagna tveimur stigum. Ég fagna því í þessari baráttu. Allir leikir hjá okkur eru úrslitaleikir og næst eigum við leik gegn Fram þar sem það verður allt undir enn á ný." Sveinn Aron: Þetta var löglegt markMynd/Stefán„Þetta var klárlega löglegt mark. Lokaflautið kom þegar boltinn var í netinu. Hann var farinn úr höndunum áður en það kom," staðhæfði markaskorarinn Sveinn Aron Sveinsson en hann tryggði Val sigurinn í kvöld. Sveinn Aron og fleiri ungir leikmenn í liði Vals komu sterkir inn í leikinn í kvöld og rifu sína menn upp þegar mest þurfti á að halda. „Þegar menn eru ekki að finna sig þurfa aðrir að stíga upp og við gerðum okkar í kvöld. Ég er ánægður með þetta enda klassasigur hjá okkur, sérstaklega eftir erfiða byrjun. Við náðum að koma til baka og klára þetta."
Olís-deild karla Mest lesið „Viðbjóðsleg“ frammistaða sem lætur stjóra missa starfið Enski boltinn „Væri gaman að spila við þá í hverri einustu viku” Íslenski boltinn Fær Njarðvík frekar stimpilinn? Íslenski boltinn Stillti upp fartölvu til að mótmæla Fótbolti Uppgjörið: Valur - Víkingur 2-3 | Draumamark Tariks kom Víkingi á toppinn Íslenski boltinn Ólæti vörpuðu skugga á dramatískan borgarslag Fótbolti Tap hjá Sverri í Aþenuslagnum Fótbolti „Gleymist að við tókum líka Kjarnafæðisbikarinn og getum unnið þrefalt“ Sport Uppgjörið: KR - Fram 7-1 | Benóný Breki og KR með sýningu Íslenski boltinn Guðmundur og Arnór fögnuðu góðum sigri Handbolti Fleiri fréttir Guðmundur og Arnór fögnuðu góðum sigri Greið leið fyrir Bjarka, Ómar og Gísla í undanúrslit HM Elliði Snær frábær í sigri Gummersbach Bjarki með átta gegn Brössum Tap gegn Tékkum í lokaleiknum Þorsteinn Leó fór hamförum „Varnarleikurinn var skelfilegur” FH á toppinn eftir sigur í Garðabæ „Komnir með miklu fleiri stig en ég átti von á“ Uppgjörið: Fram - Haukar 37-34 | Framarar gengu á lagið í síðari hálfleik Tíu marka sigur Íslands Viktor Gísli öflugur gegn PSG ÍBV og Grótta með sigra Andri Már spilaði stóran þátt í sigri Leipzig Töpuðu með ellefu í Tékklandi Haukur frábær í öruggum sigri Búkarest Sporting rúllaði yfir Veszprém Loks vann Valur leik Sigvaldi Björn magnaður í fyrsta sigri Kolstad HR og HSÍ taka höndum saman: „Engin meðalmennska hér, það er tekið á því“ Serbarnir fá aldrei aftur að dæma Háspenna er FH vann Hafnarfjarðarslaginn Hörmulegur seinni hálfleikur varð þýsku meisturunum að falli Orri skoraði þrjú er Sporting valtaði yfir Íslendingaslaginn Fínn leikur Íslendinganna í Þýskalandi dugði ekki til Þjálfarinn í byrjunarliðinu: „Mér fannst þörf á smá aga í leikinn“ Sjö mörk Jóhönnu hjálpuðu til við að landa fyrsta sigrinum Uppgjörið: Fjölnir - HK 28-27 | Flautumarkið fékk ekki að standa og Fjölnir slapp með sigur Ihor fór mikinn í stórsigri Aftureldingar Fullkomin byrjun lærisveina Arnórs heldur áfram Sjá meira