Sálfræðingur vill þingsæti

Kolbrún Baldursdóttir, sálfræðingur og varaþingmaður Sjálfstæðisflokksins býður sig fram í 4.-5. sæti í prófkjöri Sjálfstæðisflokksins í Reykjavík. Kolbrún hefur verið löggildur sálfræðingur frá 1992 og hlaut sérfræðileyfi Landlæknisembættisins í klínískri sálfræði 2008.

Þetta kemur fram í tilkynningu frá Kolbrúnu sem er menntaður sálfræðingur. Hún segist vilja nota menntun sína og reynslu sem sálfræðingur til að styrkja stoðir Sjálfstæðisflokksins og efla innviði hans með nýjum sjónarhornum. Hún vill einnig í krafti stefnu Sjálfstæðisflokksins leggja sitt af mörkum til að vinna þjóðinni gagn.