Brettadramað um Óþelló 4. desember 2008 06:00 Óvenjuleg sýning á Óþelló sem dregur saman bmx-glæfra, bretti og framtíðarútgáfu af klassísku leikverki. Farandsýning sem hefur ferðast á milli menntaskólanna í Reykjavík og verður á ferðinni út fyrir borgarmörkin eftir jól er nú sest að í Íslensku óperunni. Almennum leikhúsgestum gefst nú eitt tækifæri til að sjá sýninguna Óþelló Parkour. Sýningin er fyrsta leikstjórnarverkefni Ívars Arnars Sverrissonar og er jafnframt tilraun til að brjóta hefðir kringum hina sígildu sögu Shakespeare um márann frá Feneyjum, örlög hans og ástir. Sýninguna setti Ívar saman með því að sækja sér sérfræðiþekkingu í nýstárlega íþrótt sem hefur vaxið hratt að vinsældum á liðnum árum víða um heim: Parkour. Þetta jaðarsport dró saman krafta úr tveimur aðskildum frístundaiðkunum sem urðu til á götum borga heimsins: bmx og hjólabretti. Parkour snýst um að gera sitt nánasta umhverfi að leikvelli sínum. Nota hjól og bretti til frelsiskenndrar tjáningar með stökkum og fífldirfsku á hörðum flötum asfaltsins og steypunnar. Að gera það sem maður vill, fara þangað sem maður vill, vera sá sem maður er. Í sviðsetningu Ívars koma fram tólf leikarar og íþróttamenn: Óþelló er leikinn af Sveini Ólafi Gunnarssyni, Desdemóna er Álfrún Helga Örnólfsdóttir, Jagó Ólafur S.K. Þorvaldz, en Emilía kona hans er Alexía Björg Jóhannesdóttir. Róderígó er Magnús Guðmundsson, Kassíó er Antoine Hrannar Fons, og Bjanka Inga Huld Hákonardóttir. Hópurinn Radioactive Pants fer með ýmis hlutverk en hann skipa: Tómas Þórhallur Guðmundsson, Andri Már Birgisson, Davíð Már Sigurðsson, Stefán Birnir Stefánsson og Tómas Orri Birgisson. Ívar hefur kosið að setja þessa óvenjulegu leiksýningu upp í náinni framtíð: Oþelló Parkour gerist á Vestfjörðum 2056. Grænlendingar er óvinir okkar og Vestfirðir eru sjálfstætt land. Óþelló er herforingi á Íslandi og hefur miðlað af reynslu sinni þegar Íslendingar hófu að byggja upp her til að verja olíu- og vatnsauðlindir landsins. Grænlendingar gera árás á Vestfirði vegna deilna um olíulindir á Grænlandshafi. Inní þetta fléttast svo ástarsaga Óþellós og Desdemónu. Aðeins ein kvöldsýning er fyrirhuguð á verkinu hér í Reykjavík að þessu sinni og verður hún föstudaginn 5. desember. Miðar verða seldir í Óperunni og ættu unnendur Shakespeare að hressa upp á minningarnar, en hér hefur Óþelló ekki verið fluttur síðan Baltasar, Ingvar og þau voru á síðasta ári í Leiklistarskólanum – og það er langt síðan. pbb@frettabladid.is Mest lesið Tíu ár af ást: „Sennilega ekki auðvelt með mér“ Lífið Skilnaður handan við hornið hjá Kanye og Biöncu Lífið Hafi enn verið hreinn sveinn Lífið Ragnhildur og Hanna Katrín kveðja Búseta Lífið Kemur frá Sýrlandi og syngur á íslensku Tónlist Harry og Meghan séu ekki að skilja Lífið Stofnar eigin útgáfu og byrjar í ruslinu Lífið Galið að fræðsla um snípinn sé af skornum skammti Lífið Henti listaverkinu í ruslið Menning Logi Geirs og Ólafur Ragnar léttir í London Lífið Fleiri fréttir Henti listaverkinu í ruslið Kúltúrkettir landsins létu sig ekki vanta í Portið „Hrátt háþróað krass, langt leitt krot“ Bjóða landsmönnum nauðbeygð til messu Allt í banönum á Brút Bríet lét sig ekki vanta á sýningaropnun Ynju Blævar Út um allar koppagrundir Alþingis: „Froðan flæðir endalaust, það er bara froða froða“ Skálda opnar: „Kannski ekki margir nógu vitlausir til að framkvæma þessa hugmynd“ Össur Geirsson er heiðurslistamaður Kópavogs 2024 Margmenni í sköpunargleði og stuði á safninu Ólafur Elíasson tekur yfir Piccadilly Circus og Times Square Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Sjá meira
Farandsýning sem hefur ferðast á milli menntaskólanna í Reykjavík og verður á ferðinni út fyrir borgarmörkin eftir jól er nú sest að í Íslensku óperunni. Almennum leikhúsgestum gefst nú eitt tækifæri til að sjá sýninguna Óþelló Parkour. Sýningin er fyrsta leikstjórnarverkefni Ívars Arnars Sverrissonar og er jafnframt tilraun til að brjóta hefðir kringum hina sígildu sögu Shakespeare um márann frá Feneyjum, örlög hans og ástir. Sýninguna setti Ívar saman með því að sækja sér sérfræðiþekkingu í nýstárlega íþrótt sem hefur vaxið hratt að vinsældum á liðnum árum víða um heim: Parkour. Þetta jaðarsport dró saman krafta úr tveimur aðskildum frístundaiðkunum sem urðu til á götum borga heimsins: bmx og hjólabretti. Parkour snýst um að gera sitt nánasta umhverfi að leikvelli sínum. Nota hjól og bretti til frelsiskenndrar tjáningar með stökkum og fífldirfsku á hörðum flötum asfaltsins og steypunnar. Að gera það sem maður vill, fara þangað sem maður vill, vera sá sem maður er. Í sviðsetningu Ívars koma fram tólf leikarar og íþróttamenn: Óþelló er leikinn af Sveini Ólafi Gunnarssyni, Desdemóna er Álfrún Helga Örnólfsdóttir, Jagó Ólafur S.K. Þorvaldz, en Emilía kona hans er Alexía Björg Jóhannesdóttir. Róderígó er Magnús Guðmundsson, Kassíó er Antoine Hrannar Fons, og Bjanka Inga Huld Hákonardóttir. Hópurinn Radioactive Pants fer með ýmis hlutverk en hann skipa: Tómas Þórhallur Guðmundsson, Andri Már Birgisson, Davíð Már Sigurðsson, Stefán Birnir Stefánsson og Tómas Orri Birgisson. Ívar hefur kosið að setja þessa óvenjulegu leiksýningu upp í náinni framtíð: Oþelló Parkour gerist á Vestfjörðum 2056. Grænlendingar er óvinir okkar og Vestfirðir eru sjálfstætt land. Óþelló er herforingi á Íslandi og hefur miðlað af reynslu sinni þegar Íslendingar hófu að byggja upp her til að verja olíu- og vatnsauðlindir landsins. Grænlendingar gera árás á Vestfirði vegna deilna um olíulindir á Grænlandshafi. Inní þetta fléttast svo ástarsaga Óþellós og Desdemónu. Aðeins ein kvöldsýning er fyrirhuguð á verkinu hér í Reykjavík að þessu sinni og verður hún föstudaginn 5. desember. Miðar verða seldir í Óperunni og ættu unnendur Shakespeare að hressa upp á minningarnar, en hér hefur Óþelló ekki verið fluttur síðan Baltasar, Ingvar og þau voru á síðasta ári í Leiklistarskólanum – og það er langt síðan. pbb@frettabladid.is
Mest lesið Tíu ár af ást: „Sennilega ekki auðvelt með mér“ Lífið Skilnaður handan við hornið hjá Kanye og Biöncu Lífið Hafi enn verið hreinn sveinn Lífið Ragnhildur og Hanna Katrín kveðja Búseta Lífið Kemur frá Sýrlandi og syngur á íslensku Tónlist Harry og Meghan séu ekki að skilja Lífið Stofnar eigin útgáfu og byrjar í ruslinu Lífið Galið að fræðsla um snípinn sé af skornum skammti Lífið Henti listaverkinu í ruslið Menning Logi Geirs og Ólafur Ragnar léttir í London Lífið Fleiri fréttir Henti listaverkinu í ruslið Kúltúrkettir landsins létu sig ekki vanta í Portið „Hrátt háþróað krass, langt leitt krot“ Bjóða landsmönnum nauðbeygð til messu Allt í banönum á Brút Bríet lét sig ekki vanta á sýningaropnun Ynju Blævar Út um allar koppagrundir Alþingis: „Froðan flæðir endalaust, það er bara froða froða“ Skálda opnar: „Kannski ekki margir nógu vitlausir til að framkvæma þessa hugmynd“ Össur Geirsson er heiðurslistamaður Kópavogs 2024 Margmenni í sköpunargleði og stuði á safninu Ólafur Elíasson tekur yfir Piccadilly Circus og Times Square Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Sjá meira