Spennandi haust fram undan 4. september 2008 06:00 Vadim Repin fiðluleikari Kemur fram með Sinfóníuhljómsveit Íslands í kvöld. Síðasta áætlaða starfsár Sinfóníuhljómsveitar Íslands í Háskólabíói hefst með glæsibrag í kvöld þegar einn fremsti fiðluleikari heims kemur fram með hljómsveitinni og leikur fiðlukonsert Tsjajkovskís. Fiðluleikarinn sem um ræðir er enginn annar en Vadim Repim. Hann hóf ungur tónlistarnám í Síberíu og vann til gullverðlauna í sinni fyrstu alþjóðlegu keppni aðeins ellefu ára gamall. Hann var yngsti sigurvegari í sögu Queen Elizabeth-keppninnar í Brussel aðeins átján ára gamall árið 1989. Repin hefur komið fram á tónleikum með öllum helstu hljómsveitum heims, og lék meðal annars einleik með Berlínarfílharmóníunni og Sir Simon Rattle á hinum frægu Evróputónleikum hljómsveitarinnar í Sankti Pétursborg nú í ár. Repin er á samningi hjá Deutsche Grammophon og hafa hljómdiskar hans fengið frábæra dóma gagnrýnenda um allan heim. Þetta er í fyrsta sinn sem Repin leikur á Íslandi. Eins og nærri má geta er koma Repins mikill fengur fyrir íslenska tónlistarunnendur þar sem hér er á ferðinni sannkölluð stórstjarna á hátindi ferlis síns, og því í raun einstakt tækifæri fyrir alla sem unna fiðluleik í hæsta gæðaflokki. Fiðlukonsert Tsjajkovskís er eitt af dáðustu verkum þessa rússneska meistara og er þá mikið sagt. Auk konsertsins er á efnisskránni forleikurinn Rómeó og Júlía, einnig eftir Tsjajkovskí, og sinfónía nr. 2 eftir franska tónsmiðinn Vincent D'Indy, en hljómsveitin vinnur nú að upptökum verka hans fyrir Chandos-útgáfuna. Fyrsti diskurinn með verkum Frakkans kom út fyrir nokkru og hefur hlotið mikið lof gagnrýnenda. Stjórnandi á þessum spennandi tónleikum er aðalstjórnandi hljómsveitarinnar, Rumon Gamba. Auk þessara tónleika er ýmislegt áhugavert á döfinni hjá Sinfóníuhljómsveitinni á næstunni. Í október heldur hljómsveitin í tónleikaferð til Japans þar sem hún mun meðal annars leika allar sinfóníur Sibeliusar og heldur auk þess tónleika með íslenskri tónlist í tónleikasalnum Sumida Triphony í Tókýó. Íslenskir tónleikagestir munu fá að heyra allt þetta áður en haldið verður af stað. Á tónleikunum 26. september flytur hljómsveitin sérlega áhugaverða íslenska efnisskrá með verkum eftir Jón Leifs, Jórunni Viðar, Hafliða Hallgrímsson, Áskel Másson, Þorkel Sigurbjörnsson og Atla Heimi Sveinsson. Í byrjun október gefst svo færi á að heyra hljómsveitina flytja tónlist með austurlensku ívafi. Claude Debussy heillaðist af gamelan-slagverkshópnum sem kom frá Balí til Parísar árið 1889, og síðan hafa fjölmörg tónskáld nýtt sér heillandi og dulúðlegan tónaheim austursins í verkum sínum. Á efnisskrá Sinfóníhljómsveitarinnar 2. október verða flutt La Mer eftir Debussy og hinn sprellfjörugi konsert fyrir tvö píanó eftir Poulenc, auk verka eftir Colin McPhee og Nico Muhly. Það er því ljóst að unnendur sígildrar tónlistar þurfa ekki að kvíða haustinu. Tónleikar Sinfóníuhljómsveitarinnar með Vadim Repin hefjast kl. 19.30 í kvöld. vigdis@frettabladid.is Mest lesið Tíu ár af ást: „Sennilega ekki auðvelt með mér“ Lífið Skilnaður handan við hornið hjá Kanye og Biöncu Lífið Hafi enn verið hreinn sveinn Lífið Ragnhildur og Hanna Katrín kveðja Búseta Lífið Kemur frá Sýrlandi og syngur á íslensku Tónlist Harry og Meghan séu ekki að skilja Lífið Stofnar eigin útgáfu og byrjar í ruslinu Lífið Galið að fræðsla um snípinn sé af skornum skammti Lífið Henti listaverkinu í ruslið Menning Logi Geirs og Ólafur Ragnar léttir í London Lífið Fleiri fréttir Henti listaverkinu í ruslið Kúltúrkettir landsins létu sig ekki vanta í Portið „Hrátt háþróað krass, langt leitt krot“ Bjóða landsmönnum nauðbeygð til messu Allt í banönum á Brút Bríet lét sig ekki vanta á sýningaropnun Ynju Blævar Út um allar koppagrundir Alþingis: „Froðan flæðir endalaust, það er bara froða froða“ Skálda opnar: „Kannski ekki margir nógu vitlausir til að framkvæma þessa hugmynd“ Össur Geirsson er heiðurslistamaður Kópavogs 2024 Margmenni í sköpunargleði og stuði á safninu Ólafur Elíasson tekur yfir Piccadilly Circus og Times Square Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Sjá meira
Síðasta áætlaða starfsár Sinfóníuhljómsveitar Íslands í Háskólabíói hefst með glæsibrag í kvöld þegar einn fremsti fiðluleikari heims kemur fram með hljómsveitinni og leikur fiðlukonsert Tsjajkovskís. Fiðluleikarinn sem um ræðir er enginn annar en Vadim Repim. Hann hóf ungur tónlistarnám í Síberíu og vann til gullverðlauna í sinni fyrstu alþjóðlegu keppni aðeins ellefu ára gamall. Hann var yngsti sigurvegari í sögu Queen Elizabeth-keppninnar í Brussel aðeins átján ára gamall árið 1989. Repin hefur komið fram á tónleikum með öllum helstu hljómsveitum heims, og lék meðal annars einleik með Berlínarfílharmóníunni og Sir Simon Rattle á hinum frægu Evróputónleikum hljómsveitarinnar í Sankti Pétursborg nú í ár. Repin er á samningi hjá Deutsche Grammophon og hafa hljómdiskar hans fengið frábæra dóma gagnrýnenda um allan heim. Þetta er í fyrsta sinn sem Repin leikur á Íslandi. Eins og nærri má geta er koma Repins mikill fengur fyrir íslenska tónlistarunnendur þar sem hér er á ferðinni sannkölluð stórstjarna á hátindi ferlis síns, og því í raun einstakt tækifæri fyrir alla sem unna fiðluleik í hæsta gæðaflokki. Fiðlukonsert Tsjajkovskís er eitt af dáðustu verkum þessa rússneska meistara og er þá mikið sagt. Auk konsertsins er á efnisskránni forleikurinn Rómeó og Júlía, einnig eftir Tsjajkovskí, og sinfónía nr. 2 eftir franska tónsmiðinn Vincent D'Indy, en hljómsveitin vinnur nú að upptökum verka hans fyrir Chandos-útgáfuna. Fyrsti diskurinn með verkum Frakkans kom út fyrir nokkru og hefur hlotið mikið lof gagnrýnenda. Stjórnandi á þessum spennandi tónleikum er aðalstjórnandi hljómsveitarinnar, Rumon Gamba. Auk þessara tónleika er ýmislegt áhugavert á döfinni hjá Sinfóníuhljómsveitinni á næstunni. Í október heldur hljómsveitin í tónleikaferð til Japans þar sem hún mun meðal annars leika allar sinfóníur Sibeliusar og heldur auk þess tónleika með íslenskri tónlist í tónleikasalnum Sumida Triphony í Tókýó. Íslenskir tónleikagestir munu fá að heyra allt þetta áður en haldið verður af stað. Á tónleikunum 26. september flytur hljómsveitin sérlega áhugaverða íslenska efnisskrá með verkum eftir Jón Leifs, Jórunni Viðar, Hafliða Hallgrímsson, Áskel Másson, Þorkel Sigurbjörnsson og Atla Heimi Sveinsson. Í byrjun október gefst svo færi á að heyra hljómsveitina flytja tónlist með austurlensku ívafi. Claude Debussy heillaðist af gamelan-slagverkshópnum sem kom frá Balí til Parísar árið 1889, og síðan hafa fjölmörg tónskáld nýtt sér heillandi og dulúðlegan tónaheim austursins í verkum sínum. Á efnisskrá Sinfóníhljómsveitarinnar 2. október verða flutt La Mer eftir Debussy og hinn sprellfjörugi konsert fyrir tvö píanó eftir Poulenc, auk verka eftir Colin McPhee og Nico Muhly. Það er því ljóst að unnendur sígildrar tónlistar þurfa ekki að kvíða haustinu. Tónleikar Sinfóníuhljómsveitarinnar með Vadim Repin hefjast kl. 19.30 í kvöld. vigdis@frettabladid.is
Mest lesið Tíu ár af ást: „Sennilega ekki auðvelt með mér“ Lífið Skilnaður handan við hornið hjá Kanye og Biöncu Lífið Hafi enn verið hreinn sveinn Lífið Ragnhildur og Hanna Katrín kveðja Búseta Lífið Kemur frá Sýrlandi og syngur á íslensku Tónlist Harry og Meghan séu ekki að skilja Lífið Stofnar eigin útgáfu og byrjar í ruslinu Lífið Galið að fræðsla um snípinn sé af skornum skammti Lífið Henti listaverkinu í ruslið Menning Logi Geirs og Ólafur Ragnar léttir í London Lífið Fleiri fréttir Henti listaverkinu í ruslið Kúltúrkettir landsins létu sig ekki vanta í Portið „Hrátt háþróað krass, langt leitt krot“ Bjóða landsmönnum nauðbeygð til messu Allt í banönum á Brút Bríet lét sig ekki vanta á sýningaropnun Ynju Blævar Út um allar koppagrundir Alþingis: „Froðan flæðir endalaust, það er bara froða froða“ Skálda opnar: „Kannski ekki margir nógu vitlausir til að framkvæma þessa hugmynd“ Össur Geirsson er heiðurslistamaður Kópavogs 2024 Margmenni í sköpunargleði og stuði á safninu Ólafur Elíasson tekur yfir Piccadilly Circus og Times Square Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Sjá meira