Sálumessa á miðnætti 4. desember 2008 06:00 Garðar Cortes leiðir Óperukórinn og Sinfóníuhljómsveit í Sálumessu Mozarts í nótt. Óperukórinn í Reykjavík mun verða með sérstaka og eftirminnilega tónleika í Langholtskirkju í nótt. Þar verður flutt Requiem eftir Wolfgang Amadeus Mozart og hefst flutningurinn kl. 00.30, það er upp úr miðnætti. Það er orðin árleg hefð fyrir því að Óperukórinn flytji Mozart-Requiem á þessum tíma. Sú hefð hefur einnig orðið að tónleikarnir eru helgaðir minningu tónlistarmanna sem látist hafa á undanförnu ári, en þeir eru Árni Scheving, Gunnar Reynir Sveinsson, Úlrik Ólason, Nora Kornblueh, Kristján Kristjánsson og Ásgeir Sverrisson. Þannig er flutningurinn ekki aðeins lofgjörð og harmur helgaður tónskáldinu heldur ekki síður þeim ágætu samferðamönnum úr tónlistarmannastétt sem horfnir eru á liðnum misserum. Flytjendur eru Óperukórinn í Reykjavík ásamt sinfóníuhljómsveit undir stjórn Garðars Cortes, en meðal einsöngvara í flutningi þessa höfuðverks Mozart að þessu sinni eru tvö börn hans: Nanna María Cortes sópran og Garðar Thór Cortes tenór. Aðrir einsöngvarar eru þau Sesselja Kristjánsdóttir mezzó-sópran og Davíð Ólafsson bassi. Ástæða þessa sérstæða tónleikatíma, kl. 00.30 aðfaranótt 5.desember, er sú að verkið er flutt á dánarstundu tónskáldsins, Mozarts, sem lést laust eftir miðnætti aðfaranótt 5. des. 1791, aðeins 35 ára að aldri. Vitandi að hverju stefndi, lagði hann síðustu krafta sína í að reyna að ljúka tónsmíðinni, en það tókst ekki, og eru því lokakaflar verksins samdir af nemanda hans Süßmayr. Tónleikum Óperukórsins mun ljúka á síðustu tónunum sem Mozart samdi og skráði, þannig mun þetta einstaka verk deyja út á þeim tónum sem hann síðast setti á blað. pbb@frettabladid.is Mest lesið Tíu ár af ást: „Sennilega ekki auðvelt með mér“ Lífið Skilnaður handan við hornið hjá Kanye og Biöncu Lífið Hafi enn verið hreinn sveinn Lífið Ragnhildur og Hanna Katrín kveðja Búseta Lífið Kemur frá Sýrlandi og syngur á íslensku Tónlist Harry og Meghan séu ekki að skilja Lífið Stofnar eigin útgáfu og byrjar í ruslinu Lífið Galið að fræðsla um snípinn sé af skornum skammti Lífið Henti listaverkinu í ruslið Menning Logi Geirs og Ólafur Ragnar léttir í London Lífið Fleiri fréttir Henti listaverkinu í ruslið Kúltúrkettir landsins létu sig ekki vanta í Portið „Hrátt háþróað krass, langt leitt krot“ Bjóða landsmönnum nauðbeygð til messu Allt í banönum á Brút Bríet lét sig ekki vanta á sýningaropnun Ynju Blævar Út um allar koppagrundir Alþingis: „Froðan flæðir endalaust, það er bara froða froða“ Skálda opnar: „Kannski ekki margir nógu vitlausir til að framkvæma þessa hugmynd“ Össur Geirsson er heiðurslistamaður Kópavogs 2024 Margmenni í sköpunargleði og stuði á safninu Ólafur Elíasson tekur yfir Piccadilly Circus og Times Square Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Sjá meira
Óperukórinn í Reykjavík mun verða með sérstaka og eftirminnilega tónleika í Langholtskirkju í nótt. Þar verður flutt Requiem eftir Wolfgang Amadeus Mozart og hefst flutningurinn kl. 00.30, það er upp úr miðnætti. Það er orðin árleg hefð fyrir því að Óperukórinn flytji Mozart-Requiem á þessum tíma. Sú hefð hefur einnig orðið að tónleikarnir eru helgaðir minningu tónlistarmanna sem látist hafa á undanförnu ári, en þeir eru Árni Scheving, Gunnar Reynir Sveinsson, Úlrik Ólason, Nora Kornblueh, Kristján Kristjánsson og Ásgeir Sverrisson. Þannig er flutningurinn ekki aðeins lofgjörð og harmur helgaður tónskáldinu heldur ekki síður þeim ágætu samferðamönnum úr tónlistarmannastétt sem horfnir eru á liðnum misserum. Flytjendur eru Óperukórinn í Reykjavík ásamt sinfóníuhljómsveit undir stjórn Garðars Cortes, en meðal einsöngvara í flutningi þessa höfuðverks Mozart að þessu sinni eru tvö börn hans: Nanna María Cortes sópran og Garðar Thór Cortes tenór. Aðrir einsöngvarar eru þau Sesselja Kristjánsdóttir mezzó-sópran og Davíð Ólafsson bassi. Ástæða þessa sérstæða tónleikatíma, kl. 00.30 aðfaranótt 5.desember, er sú að verkið er flutt á dánarstundu tónskáldsins, Mozarts, sem lést laust eftir miðnætti aðfaranótt 5. des. 1791, aðeins 35 ára að aldri. Vitandi að hverju stefndi, lagði hann síðustu krafta sína í að reyna að ljúka tónsmíðinni, en það tókst ekki, og eru því lokakaflar verksins samdir af nemanda hans Süßmayr. Tónleikum Óperukórsins mun ljúka á síðustu tónunum sem Mozart samdi og skráði, þannig mun þetta einstaka verk deyja út á þeim tónum sem hann síðast setti á blað. pbb@frettabladid.is
Mest lesið Tíu ár af ást: „Sennilega ekki auðvelt með mér“ Lífið Skilnaður handan við hornið hjá Kanye og Biöncu Lífið Hafi enn verið hreinn sveinn Lífið Ragnhildur og Hanna Katrín kveðja Búseta Lífið Kemur frá Sýrlandi og syngur á íslensku Tónlist Harry og Meghan séu ekki að skilja Lífið Stofnar eigin útgáfu og byrjar í ruslinu Lífið Galið að fræðsla um snípinn sé af skornum skammti Lífið Henti listaverkinu í ruslið Menning Logi Geirs og Ólafur Ragnar léttir í London Lífið Fleiri fréttir Henti listaverkinu í ruslið Kúltúrkettir landsins létu sig ekki vanta í Portið „Hrátt háþróað krass, langt leitt krot“ Bjóða landsmönnum nauðbeygð til messu Allt í banönum á Brút Bríet lét sig ekki vanta á sýningaropnun Ynju Blævar Út um allar koppagrundir Alþingis: „Froðan flæðir endalaust, það er bara froða froða“ Skálda opnar: „Kannski ekki margir nógu vitlausir til að framkvæma þessa hugmynd“ Össur Geirsson er heiðurslistamaður Kópavogs 2024 Margmenni í sköpunargleði og stuði á safninu Ólafur Elíasson tekur yfir Piccadilly Circus og Times Square Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Sjá meira