"Þjóðnýtingin" gladdi bandaríska fjárfesta 8. september 2008 20:44 Gengi hlutabréfa hækkaði almennt á bandarískum fjármálamarkaði í dag í kjölfar yfirtöku ríkisins á fasteignalánasjóðunum Fannie Mae og Freddie Mac. Þetta er jafnframt umfangsmesta björgunaraðgerð í sögu fjármálageirans. Ekki liggur enn fyrir hversu kostnaðarsöm aðgerðin verður en ríkið mun gera allt sem í valdi þess stendur til að koma sjóðunum á réttan kjöl. Henry Paulson, fjármálaráðherra Bandaríkjanna, sagði þegar aðgerðir stjórnvalda voru útlistaðar í Washington-borg í gær, að fasteignalánasjóðirnir, sem hefðu um helmingshlutdeild á bandarískum fasteignalánamarkaði, væru svo samofnir þarlendu efnahagslífi að yfirvofandi gjaldþrot þeirra gæti boðið hættunni heim - jafnvel langt út fyrir landssteina. Fréttaskýrendur segja í dag, að hækkun á helstu fjármálamörkuðum heimsins liggi í því að björgunaraðgerðirnar geti leitt til þess að senn sjái fyrir endann á lausafjárþurrðinni - í það minnsta komið jafnvægi á markaðinn - sem plagað hefur fjármálalífið í rúmt ár, líkt og fréttastofa Bloomberg tók til orða nú undir kvöld. Gengi bréfa í fasteignasjóðunum féll um tuttugu prósent þegar fréttist að stjórnvöld ættu í viðræðum um yfirtöku á þeim eftir lokun markaða á föstudag og um tæp níutíu prósent yfir daginn í dag. Fjármálasérfræðingar reikna með að gengi þeirra geti fallið enn meira en bandaríski bankinn Citigroup spáði því að gengi bréfa í Fannie Mae geti farið allt niður í 30 sent á hlut. Fyrir nákvæmlega ári síðan stóð gengi Fannie Mae í 62,5 dölum á hlut. Við lokun markaða í dag stóð það í 73 sentum. Þá stóð gengi Freddie Mac í 59,3 dölum á hlut fyrir ári. Það endaði í 88 sentum í lok dags. Gengi Fannie hækkaði lítillega í utanþingsviðskiptum eftir lokun markaða á meðan Freddie seig um rúm fjögur prósent. Á sama tíma stóð gengi bréfa í DeCode í stað, eða í 1,13 dölum á hlut. Dow Jones-hlutabréfavísitalan rauk upp um 2,59 prósent og Nasdaq-vísitalan um 0,62 prósent. Erlent Fréttir Viðskipti Mest lesið „Frekar kvöldsvæfur heldur en morgunfúll“ Atvinnulíf Landsbankinn rekur lestina og lækkar vexti Viðskipti innlent Bogi og Linda kaupa af Heimum fyrir milljarða Viðskipti innlent Þótti baðherbergið ógeðslegt og fór frá Íslandi Neytendur Loks opnað fyrir umsóknir um hlutdeildarlán Viðskipti innlent Atvinnumissir: „Það var rosa skrýtið að lenda í þessu“ Atvinnulíf Misbauð meðferð á hundunum og mátti hætta á námskeiði Neytendur Samþykktu allt að 45 prósent toll á kínverska rafbíla Viðskipti erlent Bankarnir verði að lækka vexti jafnhratt og þeir hækkuðu Viðskipti innlent „En það hefur líka margt fallegt komið út úr þessu“ Atvinnulíf Fleiri fréttir Samþykktu allt að 45 prósent toll á kínverska rafbíla Samið um lok umfangsmikils verkfalls hafnarverkamanna Kærasta rafmyntamógúls í fangelsi vegna FTX-svikanna Stýrivextir lækkaðir í Bandaríkjunum í fyrsta sinn í fjögur ár Tupperware lýsir yfir gjaldþroti Snúa við dómnum og dæma Bonnesen í fangelsi Gera Apple að greiða tvær billjónir í skatta Skaut samstundis niður tillögur um efnahagslega björgun Evrópu Bein útsending: Apple kynnir nýjustu græjurnar Hætta steðjar að lífsgæðum Evrópubúa Volvo heykist á algjörri rafvæðingu árið 2030 Sjá meira
Gengi hlutabréfa hækkaði almennt á bandarískum fjármálamarkaði í dag í kjölfar yfirtöku ríkisins á fasteignalánasjóðunum Fannie Mae og Freddie Mac. Þetta er jafnframt umfangsmesta björgunaraðgerð í sögu fjármálageirans. Ekki liggur enn fyrir hversu kostnaðarsöm aðgerðin verður en ríkið mun gera allt sem í valdi þess stendur til að koma sjóðunum á réttan kjöl. Henry Paulson, fjármálaráðherra Bandaríkjanna, sagði þegar aðgerðir stjórnvalda voru útlistaðar í Washington-borg í gær, að fasteignalánasjóðirnir, sem hefðu um helmingshlutdeild á bandarískum fasteignalánamarkaði, væru svo samofnir þarlendu efnahagslífi að yfirvofandi gjaldþrot þeirra gæti boðið hættunni heim - jafnvel langt út fyrir landssteina. Fréttaskýrendur segja í dag, að hækkun á helstu fjármálamörkuðum heimsins liggi í því að björgunaraðgerðirnar geti leitt til þess að senn sjái fyrir endann á lausafjárþurrðinni - í það minnsta komið jafnvægi á markaðinn - sem plagað hefur fjármálalífið í rúmt ár, líkt og fréttastofa Bloomberg tók til orða nú undir kvöld. Gengi bréfa í fasteignasjóðunum féll um tuttugu prósent þegar fréttist að stjórnvöld ættu í viðræðum um yfirtöku á þeim eftir lokun markaða á föstudag og um tæp níutíu prósent yfir daginn í dag. Fjármálasérfræðingar reikna með að gengi þeirra geti fallið enn meira en bandaríski bankinn Citigroup spáði því að gengi bréfa í Fannie Mae geti farið allt niður í 30 sent á hlut. Fyrir nákvæmlega ári síðan stóð gengi Fannie Mae í 62,5 dölum á hlut. Við lokun markaða í dag stóð það í 73 sentum. Þá stóð gengi Freddie Mac í 59,3 dölum á hlut fyrir ári. Það endaði í 88 sentum í lok dags. Gengi Fannie hækkaði lítillega í utanþingsviðskiptum eftir lokun markaða á meðan Freddie seig um rúm fjögur prósent. Á sama tíma stóð gengi bréfa í DeCode í stað, eða í 1,13 dölum á hlut. Dow Jones-hlutabréfavísitalan rauk upp um 2,59 prósent og Nasdaq-vísitalan um 0,62 prósent.
Erlent Fréttir Viðskipti Mest lesið „Frekar kvöldsvæfur heldur en morgunfúll“ Atvinnulíf Landsbankinn rekur lestina og lækkar vexti Viðskipti innlent Bogi og Linda kaupa af Heimum fyrir milljarða Viðskipti innlent Þótti baðherbergið ógeðslegt og fór frá Íslandi Neytendur Loks opnað fyrir umsóknir um hlutdeildarlán Viðskipti innlent Atvinnumissir: „Það var rosa skrýtið að lenda í þessu“ Atvinnulíf Misbauð meðferð á hundunum og mátti hætta á námskeiði Neytendur Samþykktu allt að 45 prósent toll á kínverska rafbíla Viðskipti erlent Bankarnir verði að lækka vexti jafnhratt og þeir hækkuðu Viðskipti innlent „En það hefur líka margt fallegt komið út úr þessu“ Atvinnulíf Fleiri fréttir Samþykktu allt að 45 prósent toll á kínverska rafbíla Samið um lok umfangsmikils verkfalls hafnarverkamanna Kærasta rafmyntamógúls í fangelsi vegna FTX-svikanna Stýrivextir lækkaðir í Bandaríkjunum í fyrsta sinn í fjögur ár Tupperware lýsir yfir gjaldþroti Snúa við dómnum og dæma Bonnesen í fangelsi Gera Apple að greiða tvær billjónir í skatta Skaut samstundis niður tillögur um efnahagslega björgun Evrópu Bein útsending: Apple kynnir nýjustu græjurnar Hætta steðjar að lífsgæðum Evrópubúa Volvo heykist á algjörri rafvæðingu árið 2030 Sjá meira