Húsleit á nokkrum stöðum vegna barnakláms

Lögreglan á Selfossi, á Ísafirði, í Reykjavík og í Kópavogi gerðu í morgun húsleit á nokkrum heimilum vegna ábendingar frá Interpol um að í gegnum tölvubúnað þessara heimila hefði verið hlaðið niður efni sem innihélt barnaklám. Leitirnar voru gerðar á sama tíma á öllum stöðum. Á öllum heimilunum var lagt hald á tölvubúnað sem rannsaka þarf af tæknimönnum lögreglu. Mál þessi eru nú til rannsóknar og frekari upplýsingar verða ekki gefnar að sinni að sögn lögreglu