Fortíðin er núna 29. nóvember 2006 16:00 Stjörnur: 3 Svavar Pétur og 20. öldin er fyrsta skáldsaga Hauks Más Helgasonar sem áður hefur sent frá sér ljóðabækur og fengist við þýðingar og kvikmyndagerð. Titilpersóna sögunnar er bankastarfsmaðurinn Svavar, litlítil luðra sem fær það óvenjulega verkefni að flytja lík Johns Lennons til Íslands, nánar tiltekið til Kópavogs sem er ólíkleg staðfræðileg miðja sögunnar. Þar á að reisa einhvers konar minningarreit eða lifandi safn um 20. öldina þar sem Lennon heilsar gestum í innsiglingunni líkt og Frelsisstyttan í Bandaríkjunum og þeir fá síðan að njóta næðis í „friðsemdarfaðmi" síðustu aldar. Sagan greinir síðan frá raunum Svavars Péturs og basli við þetta verkefni en þó kemur á daginn að hann þarf ósköp lítið að gera þar sem atburðastýran Ástríður tekur af honum öll völd. Nýfengið hlutskipti hans er því fyrst og síðast að rifja upp fortíð sína og reyna að ná tökum á nútímanum. Sögusviðið er um margt áhugavert og vekur upp forvitnileg hugrenningatengsl þar sem andrúmsloftið minnir á köflum á vísindaskáldskap en stundum hrottalega mikið á eitthvað sem gæti alveg eins gerst eða hefur gert það nú þegar. Meginstef bókarinnar eru kunnugleg ímyndarvæðingu tíðarandans, endursköpun fortíðarinnar, tengslaleysi og yfirdrifin framkvæmdagleði sem peðið, Svavar Pétur, týnist í. Honum er úthlutað yfir-pródúseruðu hlutverki í gangverki markaðarins sem hann leysir af hendi með sama sóma og hefur einkennt allt hans líf sem hefur einfaldega „liðið" þar sem Svavar Pétur er mjög seinþreyttur til vandræða. Textinn rennur vel en er á köflum flaumósa og lýjandi aflestrar þar sem söguhöfundinum liggur mikið á hjarta, hann flakkar stöðugt um í tíma og milli misígrundaðra hugmynda. Svavar Pétur sjálfur er undarlega óspennandi en heillandi persóna en hann er í raun erkitýpan af íslenskri karlhetju. Ímyndasköpun nútímans bendir til þess að frumgerð íslensku karlhetjunnar ætti að vera einhvers konar bankamaður, framtakssamt og aðsópsmikið ofurmenni á viðskiptasviðinu en ekki aumur miðaldra skrifstofuþræll sem eins og sjálfsprottinn úr íslensku malbiki. Í samhengi við íslenska bókmennta- og kvikmyndasögu er þó hinn linkulegi Svavar Pétur nærri lagi sem hinn ósvikni Íslendingur. Svavar er sögumaður verksins en það gætir misræmis í litlausri persónu Svavars og fyrirferðarmiklum spekingslegum þankagangi auk þess sem talandi hans rennur saman við aðrar persónur. Aðrar persónur sögunnar virka eins og hológröm í samanburði, ekki síst atburðastýran Ástríður og vísindamaðurinn Magnús sem ber víst ábyrgð á herlegheitunum og nútímanum í sögunni. Bókina mætti raunar lesa sem uppgjör við 20. öldina, við stórar hugmyndir hennar um friðinn, einkalífið og ástina sem Svavar Pétur er sífellt að hnjóta um. Þetta er hins vegar máttlaust uppgjör og kannski meira uppgjöf ef póllinn er tekinn í hæð Svavars sem rennur á endanum saman við atburðaævintýrið. Bókin sjálf er síðan skrifuð sem nokkuð fyrirsjáanlegur hluti af þeim samruna. Kristrún Heiða Hauksdóttir Menning Mest lesið Tíu ár af ást: „Sennilega ekki auðvelt með mér“ Lífið Skilnaður handan við hornið hjá Kanye og Biöncu Lífið Hafi enn verið hreinn sveinn Lífið Ragnhildur og Hanna Katrín kveðja Búseta Lífið Kemur frá Sýrlandi og syngur á íslensku Tónlist Harry og Meghan séu ekki að skilja Lífið Henti listaverkinu í ruslið Menning Galið að fræðsla um snípinn sé af skornum skammti Lífið Stofnar eigin útgáfu og byrjar í ruslinu Lífið Logi Geirs og Ólafur Ragnar léttir í London Lífið Fleiri fréttir Henti listaverkinu í ruslið Kúltúrkettir landsins létu sig ekki vanta í Portið „Hrátt háþróað krass, langt leitt krot“ Bjóða landsmönnum nauðbeygð til messu Allt í banönum á Brút Bríet lét sig ekki vanta á sýningaropnun Ynju Blævar Út um allar koppagrundir Alþingis: „Froðan flæðir endalaust, það er bara froða froða“ Skálda opnar: „Kannski ekki margir nógu vitlausir til að framkvæma þessa hugmynd“ Össur Geirsson er heiðurslistamaður Kópavogs 2024 Margmenni í sköpunargleði og stuði á safninu Ólafur Elíasson tekur yfir Piccadilly Circus og Times Square Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Sjá meira
Svavar Pétur og 20. öldin er fyrsta skáldsaga Hauks Más Helgasonar sem áður hefur sent frá sér ljóðabækur og fengist við þýðingar og kvikmyndagerð. Titilpersóna sögunnar er bankastarfsmaðurinn Svavar, litlítil luðra sem fær það óvenjulega verkefni að flytja lík Johns Lennons til Íslands, nánar tiltekið til Kópavogs sem er ólíkleg staðfræðileg miðja sögunnar. Þar á að reisa einhvers konar minningarreit eða lifandi safn um 20. öldina þar sem Lennon heilsar gestum í innsiglingunni líkt og Frelsisstyttan í Bandaríkjunum og þeir fá síðan að njóta næðis í „friðsemdarfaðmi" síðustu aldar. Sagan greinir síðan frá raunum Svavars Péturs og basli við þetta verkefni en þó kemur á daginn að hann þarf ósköp lítið að gera þar sem atburðastýran Ástríður tekur af honum öll völd. Nýfengið hlutskipti hans er því fyrst og síðast að rifja upp fortíð sína og reyna að ná tökum á nútímanum. Sögusviðið er um margt áhugavert og vekur upp forvitnileg hugrenningatengsl þar sem andrúmsloftið minnir á köflum á vísindaskáldskap en stundum hrottalega mikið á eitthvað sem gæti alveg eins gerst eða hefur gert það nú þegar. Meginstef bókarinnar eru kunnugleg ímyndarvæðingu tíðarandans, endursköpun fortíðarinnar, tengslaleysi og yfirdrifin framkvæmdagleði sem peðið, Svavar Pétur, týnist í. Honum er úthlutað yfir-pródúseruðu hlutverki í gangverki markaðarins sem hann leysir af hendi með sama sóma og hefur einkennt allt hans líf sem hefur einfaldega „liðið" þar sem Svavar Pétur er mjög seinþreyttur til vandræða. Textinn rennur vel en er á köflum flaumósa og lýjandi aflestrar þar sem söguhöfundinum liggur mikið á hjarta, hann flakkar stöðugt um í tíma og milli misígrundaðra hugmynda. Svavar Pétur sjálfur er undarlega óspennandi en heillandi persóna en hann er í raun erkitýpan af íslenskri karlhetju. Ímyndasköpun nútímans bendir til þess að frumgerð íslensku karlhetjunnar ætti að vera einhvers konar bankamaður, framtakssamt og aðsópsmikið ofurmenni á viðskiptasviðinu en ekki aumur miðaldra skrifstofuþræll sem eins og sjálfsprottinn úr íslensku malbiki. Í samhengi við íslenska bókmennta- og kvikmyndasögu er þó hinn linkulegi Svavar Pétur nærri lagi sem hinn ósvikni Íslendingur. Svavar er sögumaður verksins en það gætir misræmis í litlausri persónu Svavars og fyrirferðarmiklum spekingslegum þankagangi auk þess sem talandi hans rennur saman við aðrar persónur. Aðrar persónur sögunnar virka eins og hológröm í samanburði, ekki síst atburðastýran Ástríður og vísindamaðurinn Magnús sem ber víst ábyrgð á herlegheitunum og nútímanum í sögunni. Bókina mætti raunar lesa sem uppgjör við 20. öldina, við stórar hugmyndir hennar um friðinn, einkalífið og ástina sem Svavar Pétur er sífellt að hnjóta um. Þetta er hins vegar máttlaust uppgjör og kannski meira uppgjöf ef póllinn er tekinn í hæð Svavars sem rennur á endanum saman við atburðaævintýrið. Bókin sjálf er síðan skrifuð sem nokkuð fyrirsjáanlegur hluti af þeim samruna. Kristrún Heiða Hauksdóttir
Menning Mest lesið Tíu ár af ást: „Sennilega ekki auðvelt með mér“ Lífið Skilnaður handan við hornið hjá Kanye og Biöncu Lífið Hafi enn verið hreinn sveinn Lífið Ragnhildur og Hanna Katrín kveðja Búseta Lífið Kemur frá Sýrlandi og syngur á íslensku Tónlist Harry og Meghan séu ekki að skilja Lífið Henti listaverkinu í ruslið Menning Galið að fræðsla um snípinn sé af skornum skammti Lífið Stofnar eigin útgáfu og byrjar í ruslinu Lífið Logi Geirs og Ólafur Ragnar léttir í London Lífið Fleiri fréttir Henti listaverkinu í ruslið Kúltúrkettir landsins létu sig ekki vanta í Portið „Hrátt háþróað krass, langt leitt krot“ Bjóða landsmönnum nauðbeygð til messu Allt í banönum á Brút Bríet lét sig ekki vanta á sýningaropnun Ynju Blævar Út um allar koppagrundir Alþingis: „Froðan flæðir endalaust, það er bara froða froða“ Skálda opnar: „Kannski ekki margir nógu vitlausir til að framkvæma þessa hugmynd“ Össur Geirsson er heiðurslistamaður Kópavogs 2024 Margmenni í sköpunargleði og stuði á safninu Ólafur Elíasson tekur yfir Piccadilly Circus og Times Square Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Sjá meira