Þakklátur Guði fyrir hnefaleikana 21. apríl 2006 00:01 Matthías og Sigurjón eru flottir saman í fullum skrúða. Matthías ber hanska, ekki ósvipuðum þeim sem hann notaði á sínum fyrstu árum í boxíþróttinni. Sigurjón er með öllu nýtískulegri útbúnað.fréttablaðið/heiða Íslandsmótið í hnefaleikum fer fram um helgina. Meðal keppenda er hinn 18 ára gamli Sigurjón Arnórsson sem lærði box af afa sínum, Matthíasi Matthíassyni, sem 81 árs að aldri er enn að æfa hnefaleika. Matthías Matthíasson er meðal goðsagna Íslands í boxheiminum. Matthías byrjaði ungur að árum að stunda box og æfir enn þann dag í dag þrisvar i viku þrátt fyrir að vera kominn á níræðisaldurinn. Hann kom dóttursyni sínum, Sigurjóni Arnórssyni, upp á lagið með að boxa en Sigurjón er átján ára gamall. Hann er í hnefaleikafélagi Reykjavíkur og mun keppa í þungavigtarflokki um helgina í Íslandsmótinu í hnefaleikum sem fer fram í Kaplakrika. Matthías stundar ennþá box þrátt fyrir að vera 81 árs gamall. Hann æfir þrisvar sinnum í viku en Sigurjón alla daga vikunnar.fréttablaðið/heiða „Ég vildi verða meistari í einhverju," sagði Matthías, aðspurður um ástæðuna fyrir því að velja hnefaleika. „Ég byrjaði að æfa rétt fyrir seinni heimsstyrjöldina í leikfimissal Menntaskólans í Reykjavík með Ármanni þar sem Guðmundur Arason tók mig upp á arma sína. Guðmundur ber höfuð og herðar yfir allt sem kallast hnefaleikar á Íslandi og næstur honum er Þorsteinn Gíslason sem rak fyrsta hnefaleikaskólann," sagði Matthías. „Ég er þakklátur Guði fyrir að hafa komist í hnefaleikana. Þetta styrkti mig gríðarlega mikið enda ein erfiðasta íþrótt sem hægt er að stunda. Hnefaleikadansinn er ekki fyrir hvern sem er, ég vona að aðeins reglumenn stundi hnefaleika. Ég hef aldrei drukkið brennivín og ekki reykt heldur, það má ekki skyggja á andann og íþróttahugsjón hnefaleikanna með því. Ég get því farið í hringinn ennþá þrátt fyrir háan aldur. Á meðan heilsan og Guð lofar þá æfi ég box," sagði Matthías sem æfir þrisvar sinnum í viku og aðstoðar við kennsluna eftir bestu getu enda margreyndur í íþróttinni. „Ég geri mitt besta til að hafa góð áhrif. Þessi íþrótt er frábær fyrir ungt fólk að byrja á og ég skora á menn að vakna betur og styðja við þessa íþrótt eins og mögulegt er," sagði Matthías sem kenndi Sigurjóni dóttursyni sínum box fyrir fimm árum síðan og þá var ekki aftur snúið fyrir þennan snjalla boxara. „Ég byrjaði að kenna honum heima í garði fyrir nokkrum árum. Lögreglan kom eitt sinn heim og ætluðu að gera box útbúnaðinn minn upptækan, þar á meðal spíttbolta og fleira, þá sagði ég þeim að þetta væri karatebolti. Þeir urðu að taka það gott og gilt og ég komst því upp með þetta," sagði Matthías. „Sigurjón er samviskusamur og ég er mjög hreykinn af þeim árangri sem hann hefur náð. Hann nýtir tímann sinn mjög vel auk þess sem hann veit nánast allt um heimshnefaleikana í dag," sagði Matthías en Sigurjón segist eiga í mikilli þakkarskuld við afa sinn. „Ég var eitthvað að leika mér með dótið hans afa úti í skúr áður en hann sýndi mér hvernig átti að gera þetta. Síðan byrjaði ég að mæta á hverjum degi til að æfa hjá honum þar sem hann sýndi mér taktana. Ég æfði vel hjá afa en einnig hjá Guðmundi Arasyni og því hafði ég góða lærimeistara. Afi hefur alltaf verið við hliðina á mér og öll fjölskyldan styður vel við bakið á mér og okkur," sagði Sigurjón sem æfir box á hverjum degi. „Box er langskemmtilegasta íþrótt sem ég hef stundað. Þetta er frábær íþrótt og þegar maður hefur æft svona lengi og fylgst jafn vel með og ég hef gert þá er ekki hægt að hætta í þessu," sagði Sigurjón sem hefur einnig æft fótbolta, körfubolta og frjálsar íþróttir en hann dreymir um að keppa á Ólympíuleikum í framtíðinni. „Það væri draumur að komast á stórmót á borð við ólympíuleika en það er alls ekki hlaupið að því. Það er gríðarlega erfitt en maður veit aldrei hvað gerist," sagði Sigurjón sem segir að til að keppa í boxi þurfi menn að vera í mjög góðu líkamlegu ástandi. „Þetta er mjög krefjandi og líkamlega erfitt. Þú þarft að vera í góðu formi og þetta er erfiðasta íþrótt sem ég hef stundað, en þetta er alltaf jafn gaman." Box Innlendar Íþróttir Mest lesið Var með skýrar reglur um eiginkonur bræðranna Sport Leik lokið: Njarðvík - Álftanes 89-95 | Fyrsti dans í Stapaskóla Körfubolti Fyrsti svarti dómarinn í ensku úrvalsdeildinni lærir að ganga á ný Enski boltinn Ellefu Íslendingar hluti af hinu eftirsótta eina prósenti í CrossFit heiminum Sport Ærandi þögn þegar Elías Ingi lenti í lyftu með Skagamönnum Íslenski boltinn Faðir Arnars og Bjarka fékk nóg og hótaði að berja George Kirby Íslenski boltinn Tiger hringdi í Trump til að segja honum frá sambandinu Golf Uppgjörið: Stjarnan - ÍR 101-83 | Stjarnan steig á bensíngjöfina í síðari hálfleik Körfubolti Hefur áhyggjur af Glódísi fyrir EM: „Búinn að vita lengi hvað væri rétt að gera“ Fótbolti Stuðningsmenn Chelsea og Man. City þurfa að afhenda lögreglu vegabréf sín Enski boltinn Fleiri fréttir Uppgjörið: Stjarnan - ÍR 101-83 | Stjarnan steig á bensíngjöfina í síðari hálfleik Úrslitakeppnin klár í Olís deild kvenna Chelsea upp fyrir Man. City og Newcastle Leik lokið: ÍR-Grótta 31-26 | ÍR sendi Gróttuna niður í Grillið Janus Daði og félagar slógu PSG út úr Meistaradeildinni FH-ingar sækja sér miðvörð til sænska liðsins AIK Kristján Örn og félagar töpuðu stigi í Íslendingaslag Tryggvi og félagar sendu Ólaf í sumarfrí Leik lokið: Njarðvík - Álftanes 89-95 | Fyrsti dans í Stapaskóla Stórkostlegur fyrri hálfleikur breyttist í algjöra martröð í þeim seinni Málinu vísað frá og SA og SR spila um Íslandsmeistaratitilinn Afmæli barnanna og Liverpool-leikir það eina í dagatalinu „Það er algjört kjaftæði“ Fyrsti svarti dómarinn í ensku úrvalsdeildinni lærir að ganga á ný „Þrífst í hlutverki þar sem ég þarf að taka ábyrgð“ Tímabilinu lokið hjá Gabriel Stelpurnar okkar gætu komist á HM í Ameríku og Bretlandi Hefur áhyggjur af Glódísi fyrir EM: „Búinn að vita lengi hvað væri rétt að gera“ Þorsteinn og Ingibjörg sátu fyrir svörum „Þarf ekki einu sinni að taka takkaskóna sjálf í leiki“ Vilja að líkamlegi þátturinn dansi í takt við þann taktíska og tæknilega Ærandi þögn þegar Elías Ingi lenti í lyftu með Skagamönnum Lífsferill íþróttamannsins: Eldur kviknar „Allir í Vesturbænum eru spenntir en maður hefur séð meiri gæði í einum hópi“ Átti að fá rautt spjald en á í staðinn metið yfir að forðast það Besta-spáin 2025: Máttur fjöldans Lífið gott en ítalskan strembin Versta staða Íslands síðan Lars og Heimir hófu ævintýrið Faðir Arnars og Bjarka fékk nóg og hótaði að berja George Kirby „Hefur aldrei verið vandamál fyrir mig“ Sjá meira
Íslandsmótið í hnefaleikum fer fram um helgina. Meðal keppenda er hinn 18 ára gamli Sigurjón Arnórsson sem lærði box af afa sínum, Matthíasi Matthíassyni, sem 81 árs að aldri er enn að æfa hnefaleika. Matthías Matthíasson er meðal goðsagna Íslands í boxheiminum. Matthías byrjaði ungur að árum að stunda box og æfir enn þann dag í dag þrisvar i viku þrátt fyrir að vera kominn á níræðisaldurinn. Hann kom dóttursyni sínum, Sigurjóni Arnórssyni, upp á lagið með að boxa en Sigurjón er átján ára gamall. Hann er í hnefaleikafélagi Reykjavíkur og mun keppa í þungavigtarflokki um helgina í Íslandsmótinu í hnefaleikum sem fer fram í Kaplakrika. Matthías stundar ennþá box þrátt fyrir að vera 81 árs gamall. Hann æfir þrisvar sinnum í viku en Sigurjón alla daga vikunnar.fréttablaðið/heiða „Ég vildi verða meistari í einhverju," sagði Matthías, aðspurður um ástæðuna fyrir því að velja hnefaleika. „Ég byrjaði að æfa rétt fyrir seinni heimsstyrjöldina í leikfimissal Menntaskólans í Reykjavík með Ármanni þar sem Guðmundur Arason tók mig upp á arma sína. Guðmundur ber höfuð og herðar yfir allt sem kallast hnefaleikar á Íslandi og næstur honum er Þorsteinn Gíslason sem rak fyrsta hnefaleikaskólann," sagði Matthías. „Ég er þakklátur Guði fyrir að hafa komist í hnefaleikana. Þetta styrkti mig gríðarlega mikið enda ein erfiðasta íþrótt sem hægt er að stunda. Hnefaleikadansinn er ekki fyrir hvern sem er, ég vona að aðeins reglumenn stundi hnefaleika. Ég hef aldrei drukkið brennivín og ekki reykt heldur, það má ekki skyggja á andann og íþróttahugsjón hnefaleikanna með því. Ég get því farið í hringinn ennþá þrátt fyrir háan aldur. Á meðan heilsan og Guð lofar þá æfi ég box," sagði Matthías sem æfir þrisvar sinnum í viku og aðstoðar við kennsluna eftir bestu getu enda margreyndur í íþróttinni. „Ég geri mitt besta til að hafa góð áhrif. Þessi íþrótt er frábær fyrir ungt fólk að byrja á og ég skora á menn að vakna betur og styðja við þessa íþrótt eins og mögulegt er," sagði Matthías sem kenndi Sigurjóni dóttursyni sínum box fyrir fimm árum síðan og þá var ekki aftur snúið fyrir þennan snjalla boxara. „Ég byrjaði að kenna honum heima í garði fyrir nokkrum árum. Lögreglan kom eitt sinn heim og ætluðu að gera box útbúnaðinn minn upptækan, þar á meðal spíttbolta og fleira, þá sagði ég þeim að þetta væri karatebolti. Þeir urðu að taka það gott og gilt og ég komst því upp með þetta," sagði Matthías. „Sigurjón er samviskusamur og ég er mjög hreykinn af þeim árangri sem hann hefur náð. Hann nýtir tímann sinn mjög vel auk þess sem hann veit nánast allt um heimshnefaleikana í dag," sagði Matthías en Sigurjón segist eiga í mikilli þakkarskuld við afa sinn. „Ég var eitthvað að leika mér með dótið hans afa úti í skúr áður en hann sýndi mér hvernig átti að gera þetta. Síðan byrjaði ég að mæta á hverjum degi til að æfa hjá honum þar sem hann sýndi mér taktana. Ég æfði vel hjá afa en einnig hjá Guðmundi Arasyni og því hafði ég góða lærimeistara. Afi hefur alltaf verið við hliðina á mér og öll fjölskyldan styður vel við bakið á mér og okkur," sagði Sigurjón sem æfir box á hverjum degi. „Box er langskemmtilegasta íþrótt sem ég hef stundað. Þetta er frábær íþrótt og þegar maður hefur æft svona lengi og fylgst jafn vel með og ég hef gert þá er ekki hægt að hætta í þessu," sagði Sigurjón sem hefur einnig æft fótbolta, körfubolta og frjálsar íþróttir en hann dreymir um að keppa á Ólympíuleikum í framtíðinni. „Það væri draumur að komast á stórmót á borð við ólympíuleika en það er alls ekki hlaupið að því. Það er gríðarlega erfitt en maður veit aldrei hvað gerist," sagði Sigurjón sem segir að til að keppa í boxi þurfi menn að vera í mjög góðu líkamlegu ástandi. „Þetta er mjög krefjandi og líkamlega erfitt. Þú þarft að vera í góðu formi og þetta er erfiðasta íþrótt sem ég hef stundað, en þetta er alltaf jafn gaman."
Box Innlendar Íþróttir Mest lesið Var með skýrar reglur um eiginkonur bræðranna Sport Leik lokið: Njarðvík - Álftanes 89-95 | Fyrsti dans í Stapaskóla Körfubolti Fyrsti svarti dómarinn í ensku úrvalsdeildinni lærir að ganga á ný Enski boltinn Ellefu Íslendingar hluti af hinu eftirsótta eina prósenti í CrossFit heiminum Sport Ærandi þögn þegar Elías Ingi lenti í lyftu með Skagamönnum Íslenski boltinn Faðir Arnars og Bjarka fékk nóg og hótaði að berja George Kirby Íslenski boltinn Tiger hringdi í Trump til að segja honum frá sambandinu Golf Uppgjörið: Stjarnan - ÍR 101-83 | Stjarnan steig á bensíngjöfina í síðari hálfleik Körfubolti Hefur áhyggjur af Glódísi fyrir EM: „Búinn að vita lengi hvað væri rétt að gera“ Fótbolti Stuðningsmenn Chelsea og Man. City þurfa að afhenda lögreglu vegabréf sín Enski boltinn Fleiri fréttir Uppgjörið: Stjarnan - ÍR 101-83 | Stjarnan steig á bensíngjöfina í síðari hálfleik Úrslitakeppnin klár í Olís deild kvenna Chelsea upp fyrir Man. City og Newcastle Leik lokið: ÍR-Grótta 31-26 | ÍR sendi Gróttuna niður í Grillið Janus Daði og félagar slógu PSG út úr Meistaradeildinni FH-ingar sækja sér miðvörð til sænska liðsins AIK Kristján Örn og félagar töpuðu stigi í Íslendingaslag Tryggvi og félagar sendu Ólaf í sumarfrí Leik lokið: Njarðvík - Álftanes 89-95 | Fyrsti dans í Stapaskóla Stórkostlegur fyrri hálfleikur breyttist í algjöra martröð í þeim seinni Málinu vísað frá og SA og SR spila um Íslandsmeistaratitilinn Afmæli barnanna og Liverpool-leikir það eina í dagatalinu „Það er algjört kjaftæði“ Fyrsti svarti dómarinn í ensku úrvalsdeildinni lærir að ganga á ný „Þrífst í hlutverki þar sem ég þarf að taka ábyrgð“ Tímabilinu lokið hjá Gabriel Stelpurnar okkar gætu komist á HM í Ameríku og Bretlandi Hefur áhyggjur af Glódísi fyrir EM: „Búinn að vita lengi hvað væri rétt að gera“ Þorsteinn og Ingibjörg sátu fyrir svörum „Þarf ekki einu sinni að taka takkaskóna sjálf í leiki“ Vilja að líkamlegi þátturinn dansi í takt við þann taktíska og tæknilega Ærandi þögn þegar Elías Ingi lenti í lyftu með Skagamönnum Lífsferill íþróttamannsins: Eldur kviknar „Allir í Vesturbænum eru spenntir en maður hefur séð meiri gæði í einum hópi“ Átti að fá rautt spjald en á í staðinn metið yfir að forðast það Besta-spáin 2025: Máttur fjöldans Lífið gott en ítalskan strembin Versta staða Íslands síðan Lars og Heimir hófu ævintýrið Faðir Arnars og Bjarka fékk nóg og hótaði að berja George Kirby „Hefur aldrei verið vandamál fyrir mig“ Sjá meira