Tekur tonn af fitu af landsmönnum 18. janúar 2005 00:01 "Systur mínar, Sara og Halldóra Ögmundsdætur, reka stöðina með mér og svo sýnir náttúrlega restin af fjölskyldunni mikinn stuðning. Það er bæði gott og slæmt að vinna með systrum sínum. Þá er stundum óþarfa hreinskilni en það verða að minnsta kosti ekki varanleg vinaslit. Við höfum líka orðið samrýmdari eftir að við byrjuðum að vinna saman sem er gott mál," segir Georg Ögmundsson, einn af rekendum Orkuversins. Orkuverið er á tveimur hæðum og er tækjasalurinn þrískiptur. "Á neðri hæð er íþróttasalur og herbergi fyrir mestu öskrin. Þar er pláss fyrir kraftakarlana og nauðsynleg aðstaða í alvöru líkamsræktarstöð. Þar eru bekkpressur og lóð og allt sem þarf til að iðka ólympískar lyftingar. Efri hæðin er síðan ætluð almenningi þar sem er frekar róleg og góð líkamsrækt. Það finna sem sagt allir eitthvað við sitt hæfi og fólk fer á hvora hæðina sem það vill. Síðan er tengingin við Egilshöllina mjög sterk en þar er margt hægt að gera. Þar er innanhússfótbolti, skautasvell og keilusalur á leiðinni. Maður getur beinlínis eytt deginum í Egilshöllinni," segir Georg en bæði hann og systur hans hafa brennandi áhuga á líkamsrækt. "Ég hef verið að keppa í aflraunum en Sara systir mín er meira í jógalínunni. Þetta er sem sagt sitthvor póllinn og þegar tækifæri bauðst að reka líkamsræktarstöð þá ákváðum við að kýla á það." Orkuverið er að fara af stað með leik í samstarfi við útvarpsstöðvarnar FM 957 og Létt 96,7. "Við ætlum að verðlauna fólk fyrir að missa kíló og ætlum að taka tonn af fitu af landsmönnum. Fólk bara kaupir kort og skráir sig og vigtar sig reglulega. Síðan fær það verðlaun á þriggja kílóa fresti. En sá sem missir grammið sem kemur okkur yfir tonnið fær vegleg verðlaun. Það eru góð verðlaun í boði eins og til dæmis GSM-símar, rúm, ferðavinningar, DVD-spilarar og margt fleira. Við erum búin að fá svakalega, löggilta vigt sem mælir hvert einasta gramm," segir Georg og er bjartsýnn með framtíð Orkuversins sem hefur fengið góðar móttökur. Heilsa Mest lesið Kvikmyndastjarna slær í gegn á Landsmóti hestamanna Lífið Ólafía Hrönn reyndist vera á bak við „stóra pokamálið“ Lífið Sauð upp úr í stjörnufansi á golfmóti Coolbet Lífið Setti sér markmið og hóf veitingarekstur átján ára Lífið Helvítis kokkurinn: Gómsætar grillaðar lambakótelettur Lífið Fannst eins og hann væri eini fulli í brekkunni fyrir hádegi Lífið „Þetta er enginn helvítis félagskvíði, það bara þolir mig enginn“ Áskorun Júlía Margrét gengin út Lífið Götutíska fyrir íslenskar aðstæður Lífið Leysir frá brandaraskjóðunni Lífið Fleiri fréttir Fjöldamet á stærstu listasýningu í sögu Hornafjarðar „Hluti af heild sem við skiljum ekki“ Magnús Geir endurráðinn þjóðleikhússtjóri „Ef ég væri einmana myndi ég ganga í Sjálfstæðisflokkinn“ Myndaveisla: Níu líf of stórkostleg fyrir eftirsjá Þau eru tilnefnd til Ísnálarinnar í ár Hvað eigum við að kalla eiginmann forseta? Sjá meira
"Systur mínar, Sara og Halldóra Ögmundsdætur, reka stöðina með mér og svo sýnir náttúrlega restin af fjölskyldunni mikinn stuðning. Það er bæði gott og slæmt að vinna með systrum sínum. Þá er stundum óþarfa hreinskilni en það verða að minnsta kosti ekki varanleg vinaslit. Við höfum líka orðið samrýmdari eftir að við byrjuðum að vinna saman sem er gott mál," segir Georg Ögmundsson, einn af rekendum Orkuversins. Orkuverið er á tveimur hæðum og er tækjasalurinn þrískiptur. "Á neðri hæð er íþróttasalur og herbergi fyrir mestu öskrin. Þar er pláss fyrir kraftakarlana og nauðsynleg aðstaða í alvöru líkamsræktarstöð. Þar eru bekkpressur og lóð og allt sem þarf til að iðka ólympískar lyftingar. Efri hæðin er síðan ætluð almenningi þar sem er frekar róleg og góð líkamsrækt. Það finna sem sagt allir eitthvað við sitt hæfi og fólk fer á hvora hæðina sem það vill. Síðan er tengingin við Egilshöllina mjög sterk en þar er margt hægt að gera. Þar er innanhússfótbolti, skautasvell og keilusalur á leiðinni. Maður getur beinlínis eytt deginum í Egilshöllinni," segir Georg en bæði hann og systur hans hafa brennandi áhuga á líkamsrækt. "Ég hef verið að keppa í aflraunum en Sara systir mín er meira í jógalínunni. Þetta er sem sagt sitthvor póllinn og þegar tækifæri bauðst að reka líkamsræktarstöð þá ákváðum við að kýla á það." Orkuverið er að fara af stað með leik í samstarfi við útvarpsstöðvarnar FM 957 og Létt 96,7. "Við ætlum að verðlauna fólk fyrir að missa kíló og ætlum að taka tonn af fitu af landsmönnum. Fólk bara kaupir kort og skráir sig og vigtar sig reglulega. Síðan fær það verðlaun á þriggja kílóa fresti. En sá sem missir grammið sem kemur okkur yfir tonnið fær vegleg verðlaun. Það eru góð verðlaun í boði eins og til dæmis GSM-símar, rúm, ferðavinningar, DVD-spilarar og margt fleira. Við erum búin að fá svakalega, löggilta vigt sem mælir hvert einasta gramm," segir Georg og er bjartsýnn með framtíð Orkuversins sem hefur fengið góðar móttökur.
Heilsa Mest lesið Kvikmyndastjarna slær í gegn á Landsmóti hestamanna Lífið Ólafía Hrönn reyndist vera á bak við „stóra pokamálið“ Lífið Sauð upp úr í stjörnufansi á golfmóti Coolbet Lífið Setti sér markmið og hóf veitingarekstur átján ára Lífið Helvítis kokkurinn: Gómsætar grillaðar lambakótelettur Lífið Fannst eins og hann væri eini fulli í brekkunni fyrir hádegi Lífið „Þetta er enginn helvítis félagskvíði, það bara þolir mig enginn“ Áskorun Júlía Margrét gengin út Lífið Götutíska fyrir íslenskar aðstæður Lífið Leysir frá brandaraskjóðunni Lífið Fleiri fréttir Fjöldamet á stærstu listasýningu í sögu Hornafjarðar „Hluti af heild sem við skiljum ekki“ Magnús Geir endurráðinn þjóðleikhússtjóri „Ef ég væri einmana myndi ég ganga í Sjálfstæðisflokkinn“ Myndaveisla: Níu líf of stórkostleg fyrir eftirsjá Þau eru tilnefnd til Ísnálarinnar í ár Hvað eigum við að kalla eiginmann forseta? Sjá meira