Enn vinna Fjölnismenn

Fjórir leikir fóru fram í Intersportdeild karla í körfubolta í kvöld. Fjölnir og Snæfell söxuðu á forskot toppliðs Njarðvíkur niður í 2 stig með sigri í leikjum sínum í kvöld. Fjölnir lagði Tindastól naumlega, 106-104 og Snæfell vann einnig nauman sigur á KR, 98-96. Njarðvíkingar sem eru á toppnum með 16 stig eiga leik til góða á móti Íslandsmeisturum Keflavíkur nk. þriðjudag. Hamar/Selfoss komst í 10 stig með sigri á KFÍ, 110-94 og eru Ísfirðingar enn án stiga í deildinni. Skallagrímur vann svo Hauka 86-73 og Borgnesingar því komnir í 12 stig eins og Keflavík.