Með illu skal illt út reka 28. júní 2004 00:01 Framtíðarhrollurinn Pitch Black frá árinu 2000 sló óvænt í gegn og gerði aðalleikarann Vin Diesel að efnilegustu hasarmyndastjörnu sem komið hafði fram á sjónarsviðið frá því Bruce Willis drullaði út hvíta hlýrabolinn sinn í Die Hard 1988. Diesel lék morðingjann Richard B. Riddick sem lenti í þeirri óvæntu aðstöðu að verða skyndilega eina von nokkurra strandaglópa á framandi plánetu. Hann keyrði töffið í botn og tókst að eigna sér Pitch Black og gera þessa frekar ódýru mynd að stökkpalli upp á stjörnuhimininn í Hollywood. Það er ekki hægt annað en að dást að honum fyrir þetta þar sem hann sagði ekki orð í fyrri helmingi myndarinnar og þegar hann þurfti að tjá sig með orðum gerði hann það með stuttum og meitluðum setningum sem voru nákvæmlega í þeirri lengd sem Sylvester Stallone og Arnold Schwarzenegger ráða við að koma út úr sér skammlaust. Morðingi um borð Pitch Black sagði frá 40 manna hópi sem var að flytja búferlum frá jörðinni til framandi heima. Allt var þetta upp til hópa ágætis fólk ef frá er talinn spilltur geimlögreglumaður sem var með fangann Riddick í eftirdragi. Löggan var á leið með Riddick í ævilangt fangelsi á einhverri fanganýlendu þannig að heldur betur hljóp á snærið hjá morðingjanum þegar skipið hrapaði á óþekktri eyðimerkurplánetu. Þrjár sólir skinu yfir stjörnunni þannig að þar ríkti eilífur, sjóðandi heitur dagur. Þeir ferðalangar sem lifðu hrapið af voru þó svo óheppnir að á 22 ára fresti verður allsherjar sólmyrkvi og þá fara íbúar plánetunnar á kreik, risastórar fljúgandi blóðsugueðlur sem tæta allt kvikt í sig. Þegar skipbrotsfólkið fer að týna tölunni rennur upp fyrir því að morðinginn Riddick er sá eini sem getur mögulega hjálpað þeim að komast lífs af frá þessari fordæmdu stjörnu. Riddick er ekki bara hugrakkur, úrræðagóður og nautsterkur heldur hefur hann látið breyta augum sínum með skurðaðgerð þannig að hann sér eins og köttur í myrkri. Þarna lendir þessi dæmigerða andhetja í kunnuglegum aðstæðum þegar hún hættir skyndilega að hugsa um sjálfa sig og axlar ábyrgð á meðbræðrum sínum. Allt kemur þó fyrir ekki og í lok Pitch Black er Riddick sá eini sem kemst brott á lífi. Flóttamaður og frelsari The Chronicles of Riddick, sem Sambíóin frumsýna um helgina, tekur upp þráðinn fimm árum eftir að Riddick flaug út í frelsið í Pitch Black. Hann hefur lítið breyst, hugsar enn fyrst og fremst um að halda frelsinu og lífinu og lætur sig örlög annarra engu skipta svo lengi sem þeir hafa vit á því að halda sig í hæfilegri fjarlægð frá honum. Þegar hér er komið sögu er ástandið í alheiminum frekar dapurt þar sem herskár þjóðflokkur sem kallast Necromongers leggur undir sig hvert sólkerfið á fætur öðru að hætti Keisaraveldisins í Stjörnustríði; annað hvort gefast stjörnukerfin upp og lúta stjórn þeirra eða þeim verður eytt. Þeir fáu sem þora að standa uppi í hárinu á Nekrómöngurunum endast yfirleitt ekki lengi og von þeirra um að geta nokkurn tíma losnað undan oki vondu kallanna er nánast engin. Uppreisnarfólkið áttar sig á því að kannski stenst gamla ævintýrið um sigur hins góða á hinu illa ekki og því er ákveðið að láta reyna á hið fornkveðna að með illu skuli illt út reka og Riddick er kallaður úr útlegð. Honum er auðvitað nokk sama hverjir drottna yfir alheiminum ef hann er látinn í friði. Hann áttar sig þó smám saman á því að hann kemst ekki lengur upp með þetta viðhorf þar sem hann hefur mikilvægu hlutverki að gegna í alheimssögunni. Riddick er nefnilega svolítið eins og Harry Potter, alveg sérstakur. Sagan ekki öll "Við leggjum áherslu á þróun persónunnar í Chronicles," segir Diesel. "Myndin fylgist með því, skref fyrir skref, hvernig hann öðlast skilning á mikilvægi sínu og tilgangi lífs síns. Þetta er þróunarsaga andhetju sem gengur aftur til liðs við mannkynið." Hugmyndin að framhaldinu kviknaði hjá Diesel og leikstjóranum David Twohy þegar þeir voru að leggja lokahönd á Pitch Black og þá ákváðu þeir strax að dýpka persónu Riddicks í framhaldinu en hugmyndin er að gera eina mynd til viðbótar þannig að þegar upp verður staðið á saga Riddicks að vera þríleikur. thorarinn@frettabladid.is Mest lesið Auðveldara að vera aðeins væmnari saman Lífið Einstakt hönnunarhús í Hlíðunum með gufu, heitum potti og útisturtu Lífið Fimmtán ómissandi hlutir í útileguna Lífið Damon Younger og Ásdís hætt saman: „Það þarf enginn að efast um hvort ég elski hana“ Lífið Dóttir Alfreðs og Fríðu komin með nafn Lífið Helvítis kokkurinn: Eldbökuð pizzasamloka Lífið Enn að ná sér niður eftir að hafa hitt Miuccia Prada Tíska og hönnun Sumarglaðningur Vigdísar og Ara Freys sparkaði sér í heiminn Lífið Íslendingur áberandi í bandarískri raunveruleikaseríu Lífið Hægðirnar segja til um heilsufarið – rétt fóður mikilvægt Lífið samstarf Fleiri fréttir Donald Sutherland er látinn Heimaleikurinn vann til verðlauna í Ástralíu „Gaman hvað verið er að tala fallega um samstarfsfólkið mitt“ Tengdasonur Íslands trúðaði Simon Cowell upp úr skónum Gerard Butler á klakanum í enn eitt skiptið Íslenskur hryllingstryllir á Vestfjörðum vekur athygli í Tribeca Eltihrellirinn höfðar mál gegn Netflix Þýskur risi í samstarf við ACT4 um gerð Stóra Bróður Balti var í hesthúsinu þegar Jason Statham hringdi Gleði og tilhlökkun fyrir fyrstu Filmu hátíðinni Anora hlaut Gullpálmann í ár Syngja með Grease á fyrstu skynsegin sýningu Íslandssögunnar Balti hélt að Pálmi myndi aldrei mæta Opinbera Hemsworth í hlutverki Geralt Egill mætti með barnabörnin á forsýningu Snertingar Stóðu upp og klöppuðu í fimm mínútur fyrir Ljósbroti Stjörnurnar vilja Spacey úr sjö ára útlegð Fundu föt við hæfi á síðustu stundu fyrir Cannes Fyrsta kitlan úr annarri seríu Rings of Power Sorgin allsráðandi í fyrstu stiklunni úr Ljósbrot Statham og Baltasar sameina krafta sína í væntanlegri hasarmynd Gefi raunsanna mynd af stefnumótahremmingum trans kvenna Potter-stjarna harmar hvernig fór með Rowling Sjá meira
Framtíðarhrollurinn Pitch Black frá árinu 2000 sló óvænt í gegn og gerði aðalleikarann Vin Diesel að efnilegustu hasarmyndastjörnu sem komið hafði fram á sjónarsviðið frá því Bruce Willis drullaði út hvíta hlýrabolinn sinn í Die Hard 1988. Diesel lék morðingjann Richard B. Riddick sem lenti í þeirri óvæntu aðstöðu að verða skyndilega eina von nokkurra strandaglópa á framandi plánetu. Hann keyrði töffið í botn og tókst að eigna sér Pitch Black og gera þessa frekar ódýru mynd að stökkpalli upp á stjörnuhimininn í Hollywood. Það er ekki hægt annað en að dást að honum fyrir þetta þar sem hann sagði ekki orð í fyrri helmingi myndarinnar og þegar hann þurfti að tjá sig með orðum gerði hann það með stuttum og meitluðum setningum sem voru nákvæmlega í þeirri lengd sem Sylvester Stallone og Arnold Schwarzenegger ráða við að koma út úr sér skammlaust. Morðingi um borð Pitch Black sagði frá 40 manna hópi sem var að flytja búferlum frá jörðinni til framandi heima. Allt var þetta upp til hópa ágætis fólk ef frá er talinn spilltur geimlögreglumaður sem var með fangann Riddick í eftirdragi. Löggan var á leið með Riddick í ævilangt fangelsi á einhverri fanganýlendu þannig að heldur betur hljóp á snærið hjá morðingjanum þegar skipið hrapaði á óþekktri eyðimerkurplánetu. Þrjár sólir skinu yfir stjörnunni þannig að þar ríkti eilífur, sjóðandi heitur dagur. Þeir ferðalangar sem lifðu hrapið af voru þó svo óheppnir að á 22 ára fresti verður allsherjar sólmyrkvi og þá fara íbúar plánetunnar á kreik, risastórar fljúgandi blóðsugueðlur sem tæta allt kvikt í sig. Þegar skipbrotsfólkið fer að týna tölunni rennur upp fyrir því að morðinginn Riddick er sá eini sem getur mögulega hjálpað þeim að komast lífs af frá þessari fordæmdu stjörnu. Riddick er ekki bara hugrakkur, úrræðagóður og nautsterkur heldur hefur hann látið breyta augum sínum með skurðaðgerð þannig að hann sér eins og köttur í myrkri. Þarna lendir þessi dæmigerða andhetja í kunnuglegum aðstæðum þegar hún hættir skyndilega að hugsa um sjálfa sig og axlar ábyrgð á meðbræðrum sínum. Allt kemur þó fyrir ekki og í lok Pitch Black er Riddick sá eini sem kemst brott á lífi. Flóttamaður og frelsari The Chronicles of Riddick, sem Sambíóin frumsýna um helgina, tekur upp þráðinn fimm árum eftir að Riddick flaug út í frelsið í Pitch Black. Hann hefur lítið breyst, hugsar enn fyrst og fremst um að halda frelsinu og lífinu og lætur sig örlög annarra engu skipta svo lengi sem þeir hafa vit á því að halda sig í hæfilegri fjarlægð frá honum. Þegar hér er komið sögu er ástandið í alheiminum frekar dapurt þar sem herskár þjóðflokkur sem kallast Necromongers leggur undir sig hvert sólkerfið á fætur öðru að hætti Keisaraveldisins í Stjörnustríði; annað hvort gefast stjörnukerfin upp og lúta stjórn þeirra eða þeim verður eytt. Þeir fáu sem þora að standa uppi í hárinu á Nekrómöngurunum endast yfirleitt ekki lengi og von þeirra um að geta nokkurn tíma losnað undan oki vondu kallanna er nánast engin. Uppreisnarfólkið áttar sig á því að kannski stenst gamla ævintýrið um sigur hins góða á hinu illa ekki og því er ákveðið að láta reyna á hið fornkveðna að með illu skuli illt út reka og Riddick er kallaður úr útlegð. Honum er auðvitað nokk sama hverjir drottna yfir alheiminum ef hann er látinn í friði. Hann áttar sig þó smám saman á því að hann kemst ekki lengur upp með þetta viðhorf þar sem hann hefur mikilvægu hlutverki að gegna í alheimssögunni. Riddick er nefnilega svolítið eins og Harry Potter, alveg sérstakur. Sagan ekki öll "Við leggjum áherslu á þróun persónunnar í Chronicles," segir Diesel. "Myndin fylgist með því, skref fyrir skref, hvernig hann öðlast skilning á mikilvægi sínu og tilgangi lífs síns. Þetta er þróunarsaga andhetju sem gengur aftur til liðs við mannkynið." Hugmyndin að framhaldinu kviknaði hjá Diesel og leikstjóranum David Twohy þegar þeir voru að leggja lokahönd á Pitch Black og þá ákváðu þeir strax að dýpka persónu Riddicks í framhaldinu en hugmyndin er að gera eina mynd til viðbótar þannig að þegar upp verður staðið á saga Riddicks að vera þríleikur. thorarinn@frettabladid.is
Mest lesið Auðveldara að vera aðeins væmnari saman Lífið Einstakt hönnunarhús í Hlíðunum með gufu, heitum potti og útisturtu Lífið Fimmtán ómissandi hlutir í útileguna Lífið Damon Younger og Ásdís hætt saman: „Það þarf enginn að efast um hvort ég elski hana“ Lífið Dóttir Alfreðs og Fríðu komin með nafn Lífið Helvítis kokkurinn: Eldbökuð pizzasamloka Lífið Enn að ná sér niður eftir að hafa hitt Miuccia Prada Tíska og hönnun Sumarglaðningur Vigdísar og Ara Freys sparkaði sér í heiminn Lífið Íslendingur áberandi í bandarískri raunveruleikaseríu Lífið Hægðirnar segja til um heilsufarið – rétt fóður mikilvægt Lífið samstarf Fleiri fréttir Donald Sutherland er látinn Heimaleikurinn vann til verðlauna í Ástralíu „Gaman hvað verið er að tala fallega um samstarfsfólkið mitt“ Tengdasonur Íslands trúðaði Simon Cowell upp úr skónum Gerard Butler á klakanum í enn eitt skiptið Íslenskur hryllingstryllir á Vestfjörðum vekur athygli í Tribeca Eltihrellirinn höfðar mál gegn Netflix Þýskur risi í samstarf við ACT4 um gerð Stóra Bróður Balti var í hesthúsinu þegar Jason Statham hringdi Gleði og tilhlökkun fyrir fyrstu Filmu hátíðinni Anora hlaut Gullpálmann í ár Syngja með Grease á fyrstu skynsegin sýningu Íslandssögunnar Balti hélt að Pálmi myndi aldrei mæta Opinbera Hemsworth í hlutverki Geralt Egill mætti með barnabörnin á forsýningu Snertingar Stóðu upp og klöppuðu í fimm mínútur fyrir Ljósbroti Stjörnurnar vilja Spacey úr sjö ára útlegð Fundu föt við hæfi á síðustu stundu fyrir Cannes Fyrsta kitlan úr annarri seríu Rings of Power Sorgin allsráðandi í fyrstu stiklunni úr Ljósbrot Statham og Baltasar sameina krafta sína í væntanlegri hasarmynd Gefi raunsanna mynd af stefnumótahremmingum trans kvenna Potter-stjarna harmar hvernig fór með Rowling Sjá meira