Erlent

Peron í nýtt grafhýsi

Til átaka kom milli lögreglu og mótmælenda í Argentínu þegar jarðneskar leifar Juans Domingos Peron, sem réð lögum og lofum í Argentínu stóran hluta síðustu aldar, voru í liðinni viku færðar í nýtt grafhýsi þar sem lík hans mun hvíla í marmarakistu. Þetta er í þriðja sinn sem Peron er jarðsettur frá því hann lést árið 1974.

Skátaforingi beitti kynferðislegu ofbeldi

Danskur skátaforingi hefur verið dæmdur í eins og hálfs árs fangelsi fyrir að beita tvær telpur kynferðislegu ofbeldi þegar hann starfaði sem leiðtogi KFUM í Hinnerup norðan við Árhús í Danmörku. Frá þessu segir á fréttavef danska blaðsins Politiken.

Óttast að óeirðir brjótist út

Deilurnar í Bretlandi um andlitsblæjur múslimskra kvenna hafa harðnað og gætu brotist út í óeirðum. Þetta er álit Trevors Philips, sem er formaður bresku kynþáttajafnréttisnefndarinnar, sem er óháð en ríkisrekin nefnd í Bretlandi.

Nýjar deilur setja svip á hátíðarhöldin

Hálf öld er í dag liðin frá því uppreisnin gegn kommúnistastjórninni í Ungverjalandi hófst. Ungverjar minnast þessara viðburða, og í gær var meðal annars hátíðarsamkoma í ríkisóperunni í Búdapest sem þjóðarleiðtogar frá fjölmörgum ríkjum tóku þátt í. Meðal þeirra var Ólafur Ragnar Grímsson frá Íslandi.

Kennarar í löngu verkfalli

Svo gæti farið að palestínsk ungmenni missi heilt ár úr skóla vegna kennara-verkfalls. Ekki eru til fjármunir í ríkiskassanum til að greiða laun og kennarar neita að vinna kauplaust.

Fosfórsprengjur í loftárásum

Ísraelski ráðherrann Jacob Edery hefur viðurkennt að ísraelski herinn hafi notað fosfórsprengjur í loftárásunum á Líbanon í sumar. Sprengjur af þessu tagi valda alvarlegum efnabruna.

100 indverskir nemar horfnir

Eitt hundrað indverskir nemendur hafa horfið sporlaust í Svíþjóð. Þetta kom fram á fréttavef sænska blaðsins Dagens Nyheter í gær. Ungmennin sóttu um leyfi til náms í Svíþjóð, en eftir að þau komu til landsins á síðustu vikum og mánuðum, hefur ekkert til þeirra spurst og fæst mættu á tilskyldum tíma í skólann.

Önnur umferð nauðsynleg í Búlgaríu

Georgi Parvanov, forseti Búlgaríu og frambjóðandi sósíalista, vann fyrri umferð forsetakosninga í Búlgaríu með miklum yfirburðum. Hins vegar var þátttaka í kosningunum svo lítil að nauðsynlegt er að kjósa að nýju í annarri umferð milli þeirra tveggja sem flest atkvæði fengu.

Paul stefnir á ferðamannastaði í Mexíkó

Hitabeltisstormurinn Paul stefnir nú að Baja California skaganum við Kyrrahafsströnd Mexíkós. Búist er við að veðurhamurinn fari yfir skagann nálægt Los Cabos, sem er vinsæll ferðamannastaður. Veðurfræðingar í Bandaríkjunum segja að vart hafi verið við storminn yfir Kyrrahafi á laugardag og að hann muni ná miklum styrk á þriðjudag.

Segjast komnir á spor morðingjanna

Vararíkissaksóknari Rússlands segir að þeir séu komnir á sporið af morðingjum blaðakonunnar Önnu Politkovskaju.

Spánarkonungur sagður hafa skotið drukkið bjarndýr

Juan Carlos, konungur Spánar, hefur verið sakaður um að hafa skotið mannelskt drukkið bjarndýr til bana, þegar hann var í veiðiferð í Rússlandi, í sumar.

Hersveitum Fatah skipað í viðbragsstöðu vegna morðs

Norðmenn selja Bandaríkjunum orrustuþotur

Nýrnasjúkdómur herjar á norskan lax

Norðmenn eru að hefja umfangsmiklar rannsóknir á laxveiðiám sínum eftir að sýktir laxar fundust í þrem ám þar í landi.

Fjármál Carls Bildt til rannsóknar

Carld Bildt, utanríkisráðherra Svíþjóðar, þarf nú væntanlega að sæta rannsókn vegna hlutabréfa sem hann á í fyrirtæki sem heitir Vostok Nafta.

Bush tapar í þingkosningunum -samkvæmt skoðanakönnun

Kemur ekki til greina að fara

George Bush, forseti Bandaríkjanna, sagði í vikulegu útvarpsávarpi sínu í gær að ekki kæmi til greina að kalla bandaríska herliðið heim frá Írak. Með því að hörfa á brott væri hryðjuverkamönnum veitt öruggt athvarf þar sem þeir gætu skipulagt árásir á Bandaríkin. Einnig væri minning þeirra sem látist hafa í stríðinu vanvirt ef herliðið væri kallað til baka, með því væri fórn þeirra höfð að engu.

Vilja viðurkenningu Rússa á sjálfstæði

Þingmenn í Abkasíu-héraði, sem formlega tilheyrir Georgíu en hefur þó í reynd notið sjálfstæðis frá því að aðskilnaðarstríði lauk fyrir þrettán árum, hafa farið fram á það að Rússland veiti héraðinu viðurkenningu á sjálfstæðinu.

Kannast ekki við ummælin

Condoleezza Rice, utanríkisráðherra Bandaríkjanna, segist ekki kannast við að leiðtogi Norður-Kóreu, Kim Jong-il, hafi beðist afsökunar eða lofað að engar fleiri kjarnorkutilraunir yrðu gerðar. Fréttir af afsökunarbeiðni Jong-ils voru birtar í suðurkóreskum fjölmiðlum í fyrradag.

Henda borðum í árásarmenn

Í nokkrum grunnskólum í Texas verða nemendur þjálfaðir í að ráðast gegn vopnuðum árásarmönnum. Börnin eigi að notfæra sér fjölda sinn til þess að yfirbuga árásarmanninn um leið og hann stígur fæti inn í skólastofuna. Þetta kemur fram á vef fréttastofunnar ABC.

Fleiri viðurkenna svik undan skatti

Það eru ekki bara sænskir ráðherrar sem hafa svikið undan skatti með því að greiða barnapíum sínum undir borðið. Nú hafa nokkrir norskir ráðherrar viðurkennt að hafa gert slíkt hið sama, þeirra á meðal Jens Stoltenberg, forsætisráðherra Noregs, eins og segir á fréttavef norska blaðsins VG Nett.

Finnar vilja náða morðingja

Svíar eru í uppnámi þar sem Hæstiréttur Finnlands hefur mælt með því að finnski morðinginn Juha Valjakkala, sem myrti mann, konu og ungan son hennar í Svíþjóð árið 1988, verði látinn laus.

Fimmtán tonn vímuefna tekin

Lögregluyfirvöld í Afganistan hafa náð 15 tonnum af eiturlyfjum á síðastliðnum tíu dögum í skipulögðu átaki gegn eiturlyfjasmyglurum.

Leita að nýju að líkamsleifum

Leit er hafin að nýju að líkamsleifum fólks sem fórst í hryðjuverkaárásinni á Tvíburaturnanna í New York fyrir rúmlega fimm árum, eftir að mannabein fundust í holræsum við svæðið þar sem turnarnir stóðu. Verkamenn sem unnu við framkvæmdir norðan við svæðið þar sem turnarnir stóðu, fundu mannabein í holræsum á miðvikudag, meðal annars fótleggi og handleggi að því talið er.

Öldruð kynbomba giftir sig

Ítalska þokkagyðjan og leikkonan Gina Lollobrigida gekk í dag að eiga spánverjann Javier Rigau y Rafols. Brúðkaupið fór fram New York en parið kynntist fyrst í Monte Carlo fyrir 22 árum. Leikkonan sem er orðin 79 ára gömul er af mörgum talin ein fallegasta kona í heima. Eiginmaður hennar er töluvert yngri eða þrjátíu og fjórum árum.

Borgaryfirvöld í New York fyrirskipa nýja leit að líkamsleifum

Leit er hafin að nýju að líkamsleifum sumra þeirra sem fórust í hryðjuverkaárisinni á Tvíburaturnanna í New York fyrir fimm árum, að tilstuðlan borgaryfirvalda. Verkamenn sem unnu við framkvæmdir norðan við svæðið þar sem turnarnir stóðu, fundu mannabein í holræsum á miðvikudag, fótleggi og handleggi að því talið er. Holræsið varð fyrir skemmdum þegar turnarnir féllu og fyrst nú átti að hreinsa út úr því.

Rice í Moskvu til að ræða málefni Norður-Kóreu

Condolezza Rice utanríkisráðherra Bandaríkjanna segir ekkert liggja fyrir um að Norður-Kóreumenn ætli sér að hætta við tilraunir með kjarnorkuvopn. Hún kom til Moskvu í morgun, meðal annars til að ræða málefni Norður-Kóreu.

Putin segir stjórnvöld í Georgíu tefla á tvær hættur

Putin Rússlandsforseti sagði leiðtogum Evrópusambandsins í gærkvöldi að stjórnvöld í Georgíu væru að tefla á tvær hættur með því að reyna að ná aftur stjórn héraða þar sem uppreisnarmenn ráða ríkjum. Hann sagði að stjórnvöld í Tibilisi stefndu að blóðsúthellingum með uppbyggingu herafla við héruðin Abkasíu og Suður-Ossetíu.

Óttast um framgang friðarviðræðna

Átök héldu áfram milli stjórnarhersins á Sri Lanka og tamíltígra í nótt. Talsmaður sjóhersins segir að herinn hafi sökkt sjö varðskipum tamíltígra, sem berjast fyrir sjálfstæðu ríki Tamíla á eyjunni, sem er við suðurodda Indlandsskagans.

Segir Norður-Kóreumenn vilja magna deilurnar við umheiminn

Condolezza Rice utanríkisráðherra Bandaríkjanna segir að Norður-Kóreumenn ætli sér magna enn deilur sínar við umheiminn. Hún sagði í morgun að kínversk stjórnvöld hefðu ekki staðfest að Norður-Kóreumenn ætluðu sér ekki að sprengja fleiri kjarnorkusprengjur í tilraunaskyni, andstætt því sem áður hefur verið talið.