Erlendar

Malbranque settur á sölulista

Franski miðjumaðurinn Steed Malbranque hefur verið settur á sölulista hjá enska úrvaldeildarliðinu Fulham eftir að hann hafnaði tilboði félagsins um nýjan samning. Forráðamenn Fulham segjast hafa boðið hinum hæfileikaríka Frakka besta samning í sögu félagsins, en hafa afráðið að skella honum á sölulista eftir að hann hafnaði tilboðinu.

Sport 13.5.2006 14:14

West Ham yfir í hálfleik

West Ham hefur yfir 2-1 þegar flautað hefur verið til hálfleiks í úrslitaleiknum í enska bikarnum á Þúsaldarvellinum í Cardiff. Jamie Carragher kom West Ham yfir með sjálfsmarki og Dean Ashton bætti við öðru marki skömmu síðar. Djibril Cisse minnkaði muninn fyrir Liverpool.

Sport 13.5.2006 14:51

Cisse minnkar muninn

Franski sóknarmaðurinn Djibril Cisse er búinn að minnka muninn fyrir Liverpool gegn West Ham í úrslitaleik enska bikarsins og staðan því orðin 2-1 fyrir West Ham. Cisse skoraði með þrumuskoti eftir góðan undirbúning frá Steven Gerrard. Leikurinn hefur verið einstaklega fjörugur fram til þessa og er í beinni útsendingu á Sýn.

Sport 13.5.2006 14:41

Crespo fer frá Chelsea

Jose Mourinho hefur gefið það út að hann sé á höttunum eftir nýjum framherja, því hann ætli að leyfa Argentínumanninum Hernan Crespo að yfirgefa herbúðir liðsins í sumar. "Hernan er frábær leikmaður, en hefur ekki farið leynt með ósk sína að snúa aftur til Ítalíu og ég hef ákveðið að leyfa honum það," sagði Mourinho.

Sport 13.5.2006 14:07

West Ham komið í 2-0

West Ham hefur náð tveggja marka forystu gegn Liverpool í úrslitaleik enska bikarsins. Lundúnaliðið komst yfir á 21. mínútu með sjálfsmarki Jamie Carragher og Dean Ashton bætti við öðru marki á 28. mínútu eftir mistök Jose Reina í marki Liverpool.

Sport 13.5.2006 14:27

Alonso á ráspól

Heimamaðurinn Fernando Alonso verður á ráspól í Spánarkappakstrinum í Formúlu 1 á morgun eftir að hann náði besta tímanum í tímatökum í dag. Félagi hans hjá Renault, Giancarlo Fisichella náði öðrum besta tímanum og Michael Schumacher varð að gera sér þriðja sætið að góðu.

Sport 13.5.2006 13:56

Byrjunarliðin klár

Nú er búið að tilkynna byrjunarliðin fyrir bikarúrslitaleik West Ham og Liverpool sem hefst klukkan 14 og er sýndur í beinni útsendingu á sjónvarpsstöðinni Sýn.

Sport 13.5.2006 13:40

Shawn Marion frábær gegn Clippers

Shawn Marion fór á kostum í nótt þegar Phoenix Suns lagði LA Clippers á útivelli í þriðja leik liðanna í undanúrslitum Vesturdeildarinnar 94-91. Marion skoraði 32 stig, hirti 19 fráköst og stóð sig frábærlega í vörninni þar sem honum var fengið að taka Sam Cassell úr umferð.

Sport 13.5.2006 13:24

Miami lagði New Jersey

Dwayne Wade lét ekki olnbogaskot og blóðugt andlit stöðva sig á lokasprettinum í nótt þegar hann tryggði Miami góðan útisigur á New Jersey Nets í undanúrslitum Austurdeildarinnar 103-92. Þetta var fyrsti leikurinn í einvíginu sem talist gat spennandi, en það var Wade sem gerði gæfumuninn fyrir Miami þegar hann skoraði helming 30 stiga sinna í leiknum á síðustu fjórum og hálfri mínútunni.

Sport 13.5.2006 13:12

Chris Sutton farinn frá Birmingham

Forráðamenn Birmingham hafa ákveðið að endurnýja ekki samning framherjans Chris Sutton og verður hann því laus allra mála í sumar og er frjálst að yfirgefa félagið. Birmingham er sem kunnugt er fallið í 1. deildina, en þó miklar vonir hafi verið bundnar við komu Sutton á sínum tíma, náði hann sér aldrei á strik með liðinu og skoraði aðeins eitt mark í ellefu leikjum.

Sport 12.5.2006 19:53

Clippers - Phoenix í beinni á NBA TV

Þriðji leikur LA Clippers og Phoenix Suns verður sýndur í beinni útsendingu á NBA TV klukkan 2:30 í nótt, en leikurinn fer fram á heimavelli Clippers í Staples Center í Los Angeles. Liðin hafa unnið sitt hvorn leikinn í einvíginu, sem hefur verið eitt það fjörugasta í annari umferðinni.

Sport 12.5.2006 19:16

Staðfestir hugsanlega brottför

Úkraínumaðurinn Andriy Shevchenko hefur nú staðfest að þær fréttir sem af honum bárust í morgun séu réttar - hann sé að íhuga að yfirgefa herbúðir AC Milan. Shevchenko segir að hann íhugi að fara af fjölskylduástæðum.

Sport 12.5.2006 19:21

Robinson féll á lyfjaprófi og fær fimm leikja bann

Hinn gamalreyndi framherji New Jersey Nets, Clifford Robinson, hefur enn og aftur komið sér í vandræði vegna eiturlyfjaneyslu og í dag var hann dæmdur í fimm leikja bann eftir að hafa fallið á lyfjaprófi. Forráðamenn deildarinnar gefa aldrei upp hvaða lyf það eru sem um ræðir þegar leikmenn falla á prófun, en í þessu tilfelli má gera ráð fyrir að um kannabisefni hafi verið að ræða.

Sport 12.5.2006 19:05

Leitin að eftirmanni Curbishley gengur vel

Stjórnarformaður Charlton Athletic segir að fresturinn til að sækja um starf knattspyrnustjóra hjá liðinu í kjölfar afsagnar Alan Curbishley sé runninn út og segir hann að næstu dagar og vikur fari í að ræða við þá stjóra sem stjórninni líst hvað best á.

Sport 12.5.2006 18:39

Alonso í stuði

Heimsmeistarinn Fernando Alonso náði bestum tíma aðalökumanna á æfingum fyrir tímatökur í Spánarkappakstrinum sem fram fer á sunnudaginn. Alonso var reyndar sektaður fyrir að aka of hratt á viðgerðarsvæðinu í fyrri umferð sinni, en hann náði þriðja besta tíma allra á æfingunni. Besta tímanum náði Anthony Davidson, æfingaökumaður hjá Honda-liðinu.

Sport 12.5.2006 18:25

Gatling með nýtt heimsmet í 100m hlaupi

Bandaríski spretthlauparinn Justin Gatling setti nýtt heimsmet í 100 metra hlaupi í dag þegar hann kom í mark á tímanum 9,76 sekúndum á móti í Katar. Eldra metið átti Jamaíkumaðurinn Asafa Powell, en það var 9,77 sekúndur.

Sport 12.5.2006 18:15

Ólöf lék vel í dag

Ólöf María Jónsdóttir lauk keppni á öðrum deginum á Spánarmótinu í golfi á höggi undir pari í dag og á því mjög góða möguleika á að komast í gegn um niðurskurðinn á mótinu. Ólöf lék á pari í gær og er í hópi efstu manna á mótinu enn sem komið er.

Sport 12.5.2006 17:11

Boothroyd sleppur við refsingu

Adrian Boothroyd, knattspyrnustjóri Watford í ensku 1. deildinni, sleppur við leikbann eftir að hafa misst stjórn á sér í síðari leik Watford og Crystal Palace í úrslitakeppni 1. deildar á dögunum. Boothroyd lenti í riskingum á hliðarlínunni og litlu munaði að allt logaði í slagsmálum milli leikmanna.

Sport 12.5.2006 16:28

Alonso tæpur hjá Liverpool

Leikur ársins á Englandi fer fram á morgun, sjálfur úrslitaleikurinn í enska bikarnum milli Liverpool og West Ham. Leikurinn verður sýndur beint á Sýn og hefst útsending klukkan 13. Miðjumaðurinn Xabi Alonso hjá Liverpool er tæpur vegna ökklameiðsla og hjá West Ham hafa þeir Dean Ashton og Matthew Etherington ekki geta æft í dag vegna meiðsla en hafa þó ekki verið afskrifaðir fyrir morgundaginn.

Sport 12.5.2006 16:15

Fleiri hneykslismál í uppsiglingu?

Fréttir á Ítalíu herma að þar í landi sé að hefjast ítarlega rannsókn í knattspyrnuheiminum eftir að grunur vaknaði um að úrslitum leikja í A-deildinni þar í landi hafi verið hagrætt með mútum. Forráðamenn Lazio, Juventus og Fiorentina liggja undir grun, auk þess sem HM dómarinn Massimo De Santis er sagður liggja undir grun.

Sport 12.5.2006 15:23

McClaren er í einstakri stöðu

Bryan Robson segir að Steve McClaren, sem nýverið var ráðinn næsti landsliðsþjálfari Englendinga í knattspyrnu, sé í einstakri aðstöðu til að gera kollegum sínum á Englandi stóran greiða með því að standa sig vel í starfi þegar hann tekur við eftir HM í sumar.

Sport 12.5.2006 15:14

Shevchenko vill fara til Englands

Eigandi AC Milan, Silvio Berlusconi, hefur viðurkennt að úkraínski framherjinn Andriy Shevchenko sé á leið til Englands. Forsætisráðherran fráfarandi viðurkenndi þetta við hóp nemenda sem heimsóttu skrifstofu hans í dag. Umboðsmaður framherjans segir ekki loku fyrir það skotið að hann fari frá Milan í sumar.

Sport 12.5.2006 14:58

Hughes í leyfi hjá Cleveland

Bakvörðurinn Larry Hughes hjá Cleveland Cavaliers hefur fengið stutt leyfi frá æfingum eftir að tvítugur bróðir hans lést í gær. Justin Hughes var með hjartagalla og hafði verið við slæma heilsu lengi, en hann féll nokkuð óvænt frá í gær og því hefur Hughes fengið leyfi til að vera með fjölskyldu sinni. Óvíst er hvort hann verður með Cleveland í þriðja leiknum gegn Detroit annað kvöld.

Sport 12.5.2006 14:50

Chelsea vill ekki sleppa Gallas

Englandsmeistarar Chelsea eru ekki á þeim buxunum að leyfa varnarmanninum William Gallas að yfirgefa herbúðir félagsins, en leikmaðurinn hefur gefið það út að hann vilji ólmur fara frá félaginu. Chelsea hefur boðið honum nýjan fjögurra ára samning og í yfirlýsingu frá félaginu sagði; "Við munum ekki óska eftir tilboðum í leikmenn sem við viljum halda í herbúðum liðsins."

Sport 12.5.2006 14:42

Given framlengir

Markvörðurinn Shay Given hefur skrifað undir nýjan langtímasamning við enska úrvalsdeildarfélagið Newcastle. Given var einn besti leikmaður liðsins á síðustu leiktíð og hefur hinn þrítugi írski landsliðsmaður nú bundið sig hjá liðinu til ársins 2011.

Sport 12.5.2006 14:19

Prinsinn í grjótið

Fyrrum heimsmeistarinn í hnefaleikum, Prince Naseem Hamed, var í dag dæmdur í 15 mánaða fangelski fyrir gáleysislegan akstur sem olli alvarlegu umferðarslysi í heimabæ hans Sheffield á Englandi. Hamed viðurkenndi brot sitt og er nú á leið í fangelsi, sem þýðir að ekkert verður úr endurkomu hans í hringinn í Bandaríkjunum á árinu eins og til stóð.

Sport 12.5.2006 13:58

Magath sáttur við tvo titla

Felix Magath, stjóri Þýskalandsmeistara Bayern Munchen, segist afar sáttur við að hafa landað tveimur titlum í hús á leiktíðinni og þykir gagnrýnendur liðsins of grimmir þegar þeir velta sér upp úr því að liðið hafi fallið úr leik strax í 16-liða úrslitum meistaradeildarinnar.

Sport 11.5.2006 20:49

Boltinn er hjá þeim

Miðjumaðurinn Joey Barton hjá Manchester City segir að boltinn sé í höndum forráðamanna félagsins þegar kemur að því að framlengja samning hans. Barton gerði allt vitlaust hjá félaginu í vetur þegar hann fór fram á að verða seldur eftir að erfiðlega gekk að smíða nýjan samning handa honum.

Sport 11.5.2006 20:28

Nýr forseti kosinn 2. júlí

Spænska knattspyrnufélagið Real Madrid tilkynnti í dag að nýr forseti yrði kjörinn þann 2. júlí næstkomandi, en mikil upplausn hefur verið í herbúðum liðsins á leiktíðinni. Real getur tryggt sér öruggt sæti í meistaradeildinni með sigri í lokaleik sínum í deildinni gegn Evrópumeisturum félagsliða í Sevilla. Real hefur nú ekki unnið titil í þrjú ár, sem er lengsta gúrkutíð í sögu félagsins.

Sport 11.5.2006 20:44

Spáir að England nái í úrslitaleikinn

Sven-Göran Eriksson er bjartsýnn á gengi sinna manna í enska landsliðinu á HM í sumar og spáir því að ef liðið hafi heppnina með sér muni það ná alla leið í úrslitaleikinn í Berlín þann 9. júlí.

Sport 11.5.2006 19:49