Erlendar

Fréttamynd

Ljóst hvaða lið mætast í 16-liða úrslitum

Nú áðan varð endanlega ljóst hvaða lið mætast í 16-liða úrslitunum á HM, en þau hefjast strax á morgun með leik Þjóðverja og Svía klukkan 15:00. Allir leikirnir verða sýndir í beinni útsendingu á Sýn.

Sport
Fréttamynd

Vieira brýtur ísinn

Patrick Vieira var að koma Frökkum yfir í leiknum mikilvæga gegn Tógó. Vieira skoraði markið með góðu skoti úr vítateignum eftir snarpa sókn en þeir bláklæddu höfðu áður misst marks í fjölda dauðafæra. Frakkar verða að vinna leikinn til að komast áfram úr riðlinum, og allt stefnir í það miðað við stöðu mála.

Sport
Fréttamynd

Frakkar í miklum vandræðum

Nú er kominn hálfleikur í viðureign Frakka og Tógómanna í H-riðlinum á HM og enn hefur ekkert mark verið skorað. Það þýðir að franska liðið er á leið heim eftir riðlakeppnina ef staðan breytist ekki. Í hinum leiknum hafa Svisslendingar 1-0 forystu gegn Suður-Kóreu, þar sem varnarmaðurinn knái Philippe Senderos hjá Arsenal skoraði með skalla og er svissneska liðið því í fínum málum fyrir síðari hálfleikinn.

Sport
Fréttamynd

Claudio Reyna hættur

Claudio Reyna, leikmaður Manchester City og bandaríska landsliðsins í knattspyrnu, tilkynnti í dag að hann væri hættur að leika með landsliðinu. Reyna er almennt álitinn einn besti leikmaður bandaríska liðsins frá upphafi og hefur verið lykilmaður í landsliðinu frá því um miðjan síðasta áratug.

Sport
Fréttamynd

West Brom neitar tilboði Wigan í þrjá leikmenn

Sky-sjónvarpsstöðin greinir frá því í dag að enska 1. deildarliðið West Brom hafi í dag neitað um 10 milljón punda tilboði Wigan í þá Zoltan Gera, Curtis Davies og Nathan Ellington. Forráðamenn West Brom eiga að hafa sagt þvert nei og þvertaka fyrir að leikmenn félagsins séu til sölu þrátt fyrir fallið í fyrstu deild í vor.

Sport
Fréttamynd

Áhorf jókst verulega frá í fyrra

ABC-sjónvarpsstöðin í Bandaríkjunum hefur gefið það út að áhorf á úrslitaeinvígið í NBA sem lauk á dögunum, hafi verið umtalsvert meira en það var í fyrra. Áhorf á úrslitakeppnina sjálfa jókst um 12% frá árinu í fyrra og 13% meira áhorf var að jafnaði á leikina í úrslitunum. Þrettán milljónir áhorfenda sáu að jafnaði hvern leik í rimmu Miami Heat og Dallas Mavericks.

Sport
Fréttamynd

Leikur Frakka og Tógó að hefjast á Sýn

Frakkar þurfa á sigri að halda í dag ef þeir ætla sér áfram í keppninni. Zinedine Zidane tekur út leikbann í dag og hefur Domenech þjálfari ákveðið að stilla upp leikkerfinu 4-4-2 með David Trezeguet og Thierry Henry í fremstu víglínu. Patrick Vieira er fyrirliði franska liðsins á 30. afmælisdegi sínum.

Sport
Fréttamynd

Varamennirnir nýttu tækifæri sitt vel

Spænski varnarmaðurinn Juanito var ánægður með frammistöðu félaga sinna í sigrinum á Sádum í lokaleiknum í riðlakeppninni í dag. Hann segir að þeir varamenn sem fengu tækifæri í leiknum hafi nýtt það vel og staðið fyllilega undir væntingum.

Sport
Fréttamynd

Thuram setur met í kvöld

Varnarmaðurinn sterki Lilian Thuram hjá franska landsliðinu, setur franskt met í kvöld þegar liðið mætir Tógó í lokaleik sínum í G-riðli. Thuram spilar þá sinn 117. landsleik og slær met fyrrum félaga síns Marcel Desailly í landsliðinu.

Sport
Fréttamynd

Ástralar eru vanmetnir

Markvörðurinn Gianluigi Buffon hjá ítalska landsliðinu segir að ástralska landsliðið sé vanmetið á HM og eigi eftir að reynast mjög erfiður andstæðingur í þegar liðin mætast í 16-liða úrslitunum á mánudag. Þjálfari Ástrala er sem kunnugt er Hollendingurinn Guus Hiddink, en undir hans stjórn náði lið Suður-Kóreu að slá það ítalska út í keppninni fyrir fjórum árum.

Sport
Fréttamynd

Úkraína fylgir Spánverjum í 16-liða úrslitin

Spánverjar og Úkraínumenn eru komnir í 16-liða úrslitin á HM eftir að hafa unnið lokaleiki sína í riðlakeppninni í dag. Spánverjar lögðu Sáda 1-0 með marki Juanito í fyrri hálfleik og vafasöm vítaspyrna Andriy Shevchenko tryggði Úkraínumönnum sigur á Túnis og sendi Afríkumennina heim úr keppninni.

Sport
Fréttamynd

Zlatan líklega með gegn Þjóðverjum

Zlatan Ibrahimovic verður í byrjunarliði Svía þegar liðið mætir Þjóðverjum í 16-liða úrslitum HM á morgun. Þetta segir Lars Lagerback, þjálfari Svía, sem undirbýr lið sitt nú fyrir mjög erfiðan leik á Allianz-Arena í Munchen.

Sport
Fréttamynd

Ecclestone hraunar yfir Bandaríkjamenn

Formúlumógúllinn Bernie Ecclestone hefur nú kastað olíu á eldinn þegar kemur að keppnishaldi í Bandaríkjunum á heimsmeistaramótinu í Formúlu 1. Hin árlega keppni þar í landi fer fram 2. júlí, en það er síðasta keppnin þar í landi á gildandi samningi og miklar umræður hafa verið um að hún gæti orðið sú síðasta.

Sport
Fréttamynd

Spánverjar yfir gegn Sádum

Aðeins eitt mark er komið í leikjunum tveimur sem nú standa yfir í H-riðlinum á HM. Spánverjar hafa yfir 1-0 gegn Sádum, þar sem Juanito skoraði með laglegum skalla eftir aukaspyrnu frá Jose Antonio Reyes á 36. mínútu. Staðan í leik Túnisa og Úkraínumanna er enn 0-0, en bæði þessi lið eiga möguleika á að fylgja Spánverjum upp úr riðlinum. Túnisar verða manni færri allan síðari hálfleikinn eftir að Jaziri var vikið af leikvelli fyrir ljótt brot skömmu fyrir leikhlé.

Sport
Fréttamynd

Arsenal hreinsað af ásökunum

Alþjóða knattspyrnusambandið hefur gefið út tilkynningu þar sem fram kemur að rannsókn á meintum peningaþvætti úrvalsdeildarfélagsins Arsenal sé lokið. Ekkert óeðlilegt kom í ljós í rannsókninni, sem leitaðist við að koma upp um meint ólögmætt samstarf enska félagsins við belgíska félagið Beveren.

Sport
Fréttamynd

Poll á heimleið?

Enski dómarinn Graham Poll gæti verið á heimleið frá HM eftir fremur dapra frammistöðu hans með flautuna í leik Króata og Ástrala í gær. Poll gaf til að mynda Josip Simunic þrjú gul spjöld í leiknum áður en hann rak hann loks af velli og þótti neita Áströlum um tvær vítaspyrnur í leiknum. Málið er í skoðun og mun Poll væntanlega fá að vita niðurstöðurnar um helgina.

Sport
Fréttamynd

Ronaldo hleður inn metunum

Brasilíski framherjinn Ronaldo er ekki aðeins orðinn markahæsti leikmaður í sögu HM ásamt Þjóðverjanum Gerd Muller, heldur hefur hann spilað fleiri leiki í röð á HM en nokkur annar leikmaður sem tekur þátt í keppninni nú. Ronaldo var í byrjunarliði Brassa í 17. skipti í röð í leiknum við Japan í kvöld.

Sport
Fréttamynd

Orðaður við starf hjá enska landsliðinu

Sky-sjónvarpsstöðin telur sig hafa heimildir fyrir því að Steve McClaren hafi leitað til Alan Shearer um að taka við stöðu aðstoðarmanns þegar hann tekur við enska landsliðinu eftir að heimsmeistarakeppninni lýkur.

Sport
Fréttamynd

Þolinmæðin er lykillinn

Brasilíski framherjinn Ronaldo varð í kvöld markahæsti leikmaður í sögu HM ásamt Þjóðverjanum Gerd Muller, þegar hann skoraði sitt 14. mark í keppninni á ferlinum. Ronaldo hafði verið gagnrýndur harðlega fyrir leikinn, en sýndi enn og aftur hvers hann er megnugur í kvöld þegar hann skoraði tvívegis í 4-1 sigri Brassa á Japan.

Sport
Fréttamynd

Auðvelt hjá Brössum - Ronaldo í sögubækurnar

Brasilíumenn náðu að yfirvinna dapra byrjun og vinna auðveldan 4-1 sigur á liði Japana í lokaleik sínum í F-riðli á HM. Japanar komust yfir með marki frá Tamada, en Ronaldo jafnaði í uppbótartíma í fyrri hálfleik. Þeir Juninho og Gilberto bættu svo við tveimur mörkum þegar nokkuð var liðið á síðari hálfleik og kóngurinn Ronaldo toppaði frábæra frammistöðu sína með öðru marki sínu í lokin. Hann er þar með orðinn markahæsti leikmaður í sögu HM með 14 mörk.

Sport
Fréttamynd

Ástralar í 16-liða úrslit

Ástralar tryggðu sér í kvöld sæti í 16-liða úrslitum HM með því að gera 2-2 jafntefli við Króata í lokaleik þjóðanna í F-riðli. Dario Srna kom Króötum yfir með góðu marki beint úr aukaspyrnu, en Craig Moore jafnaði fyrir Ástrala úr vítaspyrnu skömmu fyrir leikhlé. Nico Kovac kom Króötum aftur yfir í síðari hálfleik, en Harry Kewell jafnaði metin skömmu fyrir leikslok og tryggði Áströlum sæti í 16-liða úrslitum.

Sport
Fréttamynd

Heiðar Davíð í 18. sæti í Danmörku

Heiðar Davíð Bragason úr Kili varð í 18.-20. sæti á opna golfmótinu í Herning í Danmörku sem lauk í dag. Heiðar lék lokahringinn á þremur höggum yfir pari og lauk keppni á fjórum höggum yfir pari.

Sport
Fréttamynd

Verður Nistelrooy á bekknum gegn Portúgal?

Marco Van Basten, landsliðsþjálfari Hollendinga, hefur látið í veðri vaka að framherjinn Ruud Van Nistelrooy hjá Manchester United sé búinn að missa sæti sitt í byrjunarliðinu fyrir leikinn gegn Portúgal í 16-liða úrslitum HM.

Sport
Fréttamynd

Jafnt í hálfleik hjá Japönum og Brössum

Nú er kominn hálfleikur í lokaleikjunum tveimur í F-riðlinum á HM. Japanir ætla að selja sig dýrt og komust yfir gegn Brasilíumönnum á 34. mínútu með marki frá Keiji Tamada, en Ronaldo jafnaði metin í uppbótartíma. Staðan í leik Króata og Ástrala er sömuleiðis jöfn 1-1. Dario Srna kom Króötum yfir strax á 2. mínútu með glæsilegu marki úr aukaspyrnu, en varnarmaðurinn Craig Moore jafnaði fyrir Ástrala úr víti í uppbótartíma.

Sport
Fréttamynd

Skelfileg byrjun hjá Ólöfu Maríu

Ólöf María Jónsdóttir náði sér engan veginn á strik á fyrsta keppnisdeginum á Estorial-mótinu í golfi sem fram fer í Portúgal. Ólöf á litla möguleika á að komast í gegn um niðurskurð á mótinu á morgun eftir að hafa lokið keppni á 13 höggum yfir pari í dag.

Sport
Fréttamynd

Vildi taka við enska landsliðinu

Luiz Felipe Scolari, þjálfari portúgalska landsliðsins, hefur gefið það út að hann hafi haft mikinn áhuga á að taka við enska landsliðinu á sínum tíma, en það hafi í raun verið smáatriði sem gerðu honum ókleift að þiggja starfið.

Sport
Fréttamynd

Gana heldur uppi heiðri Afríkuþjóða

Ganamenn tryggðu sér í dag sæti í 16-liða úrslitunum á HM og því hefur ein Afríkuþjóð komist upp úr riðlakeppni HM allar götur síðan árið 1986 þegar keppnin var haldin í Mexíkó. Kamerún (1990) og Senegal (2002) hafa náð lengst Afríkuþjóða í keppninni tili þessa, en liðin komust í 8-liða úrslit á sínum tíma.

Sport
Fréttamynd

Birgir Leifur byrjar vel í Sviss

Birgir Leifur Hafþórsson byrjar ágætlega á Credid Suisse-mótinu í golfi sem fram fer í Sviss. Birgir lauk fyrsta hringnum á 72 höggum eða einu höggi undir pari. Efsti maður er á níu höggum undir pari.

Sport
Fréttamynd

Nokkrar breytingar á liði Brassa

Carlos Alberto Parreira, þjálfari brasilíska landsliðsins, hefur gert nokkrar breytingar á byrjunarliði sínu sem mætir því japanska í lokaleik F-riðilsins nú klukkan 19 og er í beinni á Sýn. Á sama tíma verður leikur Króata og Ástrala á Sýn Extra.

Sport
Fréttamynd

Fjögur stórlið fyrir rétt

Í stuttri fréttatilkynningu frá Ítalíu í dag kemur fram að risafélögin Juventus, AC Milan, Fiorentina og Lazio hafi öll verið boðuð til að mæta fyrir rétt vegna þáttar síns í stóra knattspyrnuhneykslinu sem riðið hefur yfir ítalska knattspyrnu á síðustu vikum.

Fótbolti

Mest lesið