Erlendar

Raikkönnen klár í slaginn

Finnski ökuþórinn Kimi Raikkönen hjá McLaren hefur nú gefið það út að hann sé við hestaheilsu og búinn að jafna sig af bakmeiðslum sem höfðu verið að angra hann síðan hann lenti í óhappi í Tyrklandskappakstrinum á dögunum. Raikkönen segist í toppstandi og tilbúinn í Ítalíukappaksturinn á Monza um næstu helgi.

Formúla 1 5.9.2006 21:04

Brassar lögðu Wales

Brasilíumenn lögðu Wales 2-0 í æfingaleik þjóðanna á White Hart Lane í Lundúnum í kvöld, en leikurinn var sýndur beint á Sýn. Junior Marcelo skoraði fyrra mark Brassa á 60. mínútu með þrumuskoti og framherjinn Wagner Love gerði út um leikinn um stundarfjórðungi síðar með laglegu skallamarki.

Sport 5.9.2006 20:56

Jafnt á White Hart Lane í hálfleik

Nú hefur verið flautað til leikhlés í vináttuleik Brasilíumanna og Walesverja sem fram fer á White Hart Lane í Lundúnum. Hvorugu liðinu hefur enn tekist að skora, en mark hefur verið dæmt af Brössum vegna rangstöðu og þá átti Robert Earnshaw dauðafæri fyrir Wales en náði ekki að nýta það. Leikurinn er sýndur beint á Sýn.

Sport 5.9.2006 19:35

Við hlæjum að Chelsea

Raymond Domenech hefur nú komið landsliðsmanninum William Gallas til varnar og segir leikmenn franska landsliðsins hlæja að yfirlýsingu sem enska úrvalsdeildarliðið Chelsea gaf út í gær, þar sem því var haldið fram að Gallas hefði hótað að skora sjálfsmark ef hann yrði látinn spila með liði Chelsea.

Sport 5.9.2006 19:02

Brasilía - Wales að hefjast

Vináttuleikur Brasilíumanna og Walesverja er nú að hefjast í beinni útsendingu á sjónvarpsstöðinni Sýn. Leikurinn átti að hefjast klukkan 18:30 en hefur verið seinkað til klukkan 18:45. Leikurinn fer fram á White Hart Lane í Lundúnum, heimavelli Tottenham Hotspur. Byrjunarliðin má sjá hér fyrir neðan.

Sport 5.9.2006 18:28

Ræður sálfræðing til að stappa stálinu í liðið

Steve McClaren hefur ráðið sálfræðing til að stappa stálinu í leikmenn enska landsliðsins. Sálfræðingurinn er fyrrum körfuboltaþjálfari og fyrirlesari og starfaði áður með McClaren hjá Manchester United og Middlesbrough. Honum er ætlað að efla sálrænan styrk enska liðsins, sem frægt er orðið fyrir að missa niður um sig buxurnar á mikilvægum augnablikum - enda hefur liðið til að mynda tapað fimm af sex síðustu vítakeppnum sínum á stórmótum frá árinu 1990.

Sport 5.9.2006 17:05

Stíg aldrei fæti inn í Helsinki framar

Framherjinn Alexei Eremenko segist sjá eftir því að hafa gefið kost á sér í finnska landsliðið, því hann hafi komist að því að undanförnu að hann sé miklu meiri Rússi en hann gerði sér grein fyrir. Eremenko fæddist í Moskvu, en flutti til Finnlands þegar hann var sex ára og gerðist finnskur ríkisborgari. Hann segist aldrei ætla að stíga fæti til Helsinki aftur.

Sport 5.9.2006 16:19

Eyjólfur ætlar að fara varlega

Nú rétt í þessu var að ljúka blaðamannafundi íslenska landsliðsins fyrir leikinn gegn Dönum í undankeppni EM sem fram fer annað kvöld. Fátt var um stórtíðindi á fundinum þar sem þeir Eyjólfur Sverrisson, Eiður Smári Guðjohnsen og Hermann Hreiðarsson sátu fyrir svörum í beinni útsendingu á NFS.

Sport 5.9.2006 17:18

Útskrifaður af spítala

Fyrrum landsliðsmaðurinn Gianluca Pessotto hefur verið útskrifaður af sjúkrahúsi í Tórínó eftir meinta sjálfsvígstilraun hans í júní. Pessotto starfaði sem framkvæmdastjóri Juventus og slasaðist lífshættulega þegar hann stökk út um glugga í höfuðstöðvum liðsins. Ítalska blaðið Gazzetta dello Sport segir að Pessotto hafi brosað út að eyrum og gert að gamni sínu þegar hann var fluttur heim á leið með sjúkrabifreið í dag.

Fótbolti 5.9.2006 15:47

Breytingar á hóp Svía

Lars Lagerback hefur kallað þrjá nýja leikmenn inn í landsliðshóp sinn sem mætir Liechtenstein í Gautaborg annað kvöld, en þeir Zlatan Ibrahimovic, Christian Wilhelmsson og Olof Mellberg voru settir út úr hópnum fyrir að brjóta reglur um útivistartíma.

Sport 5.9.2006 16:44

Útilokar ekki að vera lengur hjá Newcastle

Ítalski U-21 árs landsliðsmaðurinn Giuseppi Rossi hjá Manchester United, útilokar ekki að framlengja lánssamning sinn við Newcastle United, en hann verður fyrst um sinn hjá félaginu fram í janúar.

Sport 5.9.2006 16:08

Fjölskylduveisla í Dalnum á morgun

Knattspyrnusamband Íslands hefur boðað til fjölskylduveislu á gervigrasvelli Þróttar klukkan 16 á morgun, en hún verður liður í upphitun fyrir landsleik Íslands og Danmerkur í undankeppni EM annað kvöld. Segja má að morgundagurinn sé stór dagur í boltanum hér heima, því strax að loknum leik Íslands og Danmerkur, eða klukkan 20:30, hefst landsleikur Íslendinga og Finna í körfuboltanum í Laugardalshöllinni og rétt að hvetja alla til að skokka yfir í höllina þegar fótboltanum lýkur.

Sport 5.9.2006 15:29

Ferguson segir Keane verða að njóta starfsins

Sir Alex Ferguson segir fyrrum leikmann sinn og núverandi knattspyrnustjóra Sunderland, Roy Keane, verða að sýna þolinmæði ef hann ætli sér að valda starfinu. Keane er þekktur skaphundur og fáir þekkja hann líklega betur en Ferguson, en sá gamli segir að menn verði að læra að leiða ýmislegt misjafnt hjá sér þegar þeir setjist í stjórastólinn.

Sport 5.9.2006 15:00

Tek enga áhættu með meiðsli leikmanna

Landsliðsþjálfari Brasilíumanna gaf það út á blaðamannafundi í dag að hann ætli að fara varlega þegar hann stillir upp liði sínu fyrir vináttuleikinn gegn Wales í kvöld. Dunga segir lækna brasilíska liðsins meta ástand leikmanna gaumgæfilega og því þurfi stjórar félagsliða sem eiga leikmenn í landsliðinu ekki að hafa óþarfa áhyggjur af meiðslum. Leikur Brassa og Walesverja verður sýndur beint á Sýn klukkan 18:20 í kvöld.

Sport 5.9.2006 15:21

Útilokar ekki að gera yfirtökutilboð í West Ham

Þær fréttir voru að berast frá bresku kauphöllinni að íranski auðkýfingurinn Kia Joorabchian hefði gefið út þá yfirlýsingu að hann útilokaði ekki að gera yfirtökutilboð í West Ham United í framtíðinni, þó það stæði ekki til eins og er. Joorabchian er eigandi Media Sports Investment, fyrirtækisins sem seldi West Ham argentínsku landsliðsmennina tvo á dögunum og tilboði hóps undir hans stjórn í West Ham var hafnað fyrr á árinu.

Sport 5.9.2006 15:12

Frakkar ekki í hefndarhug

Leikmenn franska landsliðsins í knattspyrnu segjast ekki vera í sérstökum hefndarhug þegar þeir taka á móti Ítölum á Stade de France í París annað kvöld í undankeppni EM. Liðin mætast nú aðeins nokkrum vikum eftir að hafa háð blóðuga baráttu um HM-styttuna í Þýskalandi í júlí, en í þetta sinn verður það án leikmannanna tveggja sem voru í eldlínunni í úrslitaleiknum.

Sport 5.9.2006 14:12

Lerner eignast Aston Villa

Ameríski milljarðamæringurinn Randy Lerner hefur nú formlega eignast enska úrvalsdeildarfélagið Aston Villa eftir að hafa tryggt sér 85,5% hlut í félaginu. Lerner á einnig ameríska ruðningsliðið Cleveland Browns.

Sport 5.9.2006 13:17

Skörð höggvin í danska liðið

Allir leikmenn íslenska landsliðsins í knattspyrnu komu heilir út úr leiknum gegn Norður Írum um helgina en sömu sögu er ekki að segja af danska landsliðinu. Nokkuð er um meiðsli í herbúðum Dana þar sem fyrirliðinn sjálfur er á meðal þeirra sem meiddir eru.

Sport 5.9.2006 13:09

Ég vil heldur systur þína

Ítalski landsliðsmaðurinn Marco Materazzi hefur nú rofið þögnina og gefið upp hvað hann sagði við Zinedine Zidane í úrslitaleik HM í sumar, með þeim afleiðingum að Zidane skallaði hann í bringuna og lét reka sig af velli í sínum síðasta leik.

Sport 5.9.2006 12:57

Verður skrítið að leika gegn Chelsea

Eiður Smári Guðjohnsen sló rækilega í gegn í sínum fyrsta leik með Barcelona í spænsku deildinni, en hann skoraði sigurmarkið gegn Celta Vigo. Félag hans kynnir Eið rækilega til leiks á heimasíðu sinni þessa dagana. Eiður var í athyglisverðu spjalli á heimasíðunni í gær þar sem hann ræddi meðal annars um hvernig það yrði fyrir hann að mæta Chelsea í Meistaradeildinni með Barcelona.

Fótbolti 4.9.2006 21:56

Galatasaray spilar heimaleikina á Ólympíuleikvangnum

Stuðningsmenn Liverpool munu eflaust fagna tíðindum sem bárust frá Tyrklandi í dag, þegar forráðamenn Galatasaray tilkynntu að liðið muni leika heimaleiki sína í meistaradeildinni á Ólympíuleikvangnum í Istanbul. Það var einmitt á þeim velli þar sem Liverpool tryggði sér sigurinn ótrúlega á AC Milan í úrslitum keppninnar í fyrra, en Liverpool er í riðli með Galatasaray, Bordeaux og PSV Eindhoven og mætir Galatasaray á útivelli í byrjun desember.

Fótbolti 4.9.2006 20:11

Tiger Woods með fimmta sigurinn í röð

Bandaríski kylfingurinn Tiger Woods heldur áfram ótrúlegri sigurgöngu sinni á golfvellinum, en í kvöld landaði hann sigri á Deutsche Bank mótinu á PGA mótaröðinni eftir ótrúlegan endasprett.

Golf 4.9.2006 21:43

Þrír Svíar í bann

Það eru ekki bara leikmenn króatíska knattspyrnulandsliðsins sem brjóta útivistarreglur þjálfara sinna, því nú hefur Lars Lagerback tilkynnt að þeir Zlatan Ibrahimovic, Olof Mellberg og Christian Wilhelmsson verði ekki í liði Svía gegn Liechtenstein á miðvikudag eftir að þeir brutu reglur landsliðsins um útivistartíma. Þremenningarnir höfðu ekki áfengi um hönd, en verða engu að síður settir í skammarkrókinn hjá Lagerback.

Sport 4.9.2006 20:44

Steven Gerrard er besti knattspyrnumaður heims

Peter Crouch, leikmaður Liverpool og enska landsliðsins, segist ekki í nokkrum vafa um að Steven Gerrard sé besti knattspyrnumaður heims og á ekki orð til að lýsa hrifningu sinni á fyrirliða sínum.

Sport 4.9.2006 20:34

Aðeins eitt takmark á Monza

Heimsmeistarinn Fernando Alonso segir að Renault-liðið sé aðeins með eitt takmark fyrir Ítalíukappaksturinn um næstu helgi og það sé að koma í mark á undan heimamönnum í Ferrari.

Formúla 1 4.9.2006 18:06

Hótaði að skora sjálfsmark

Enska úrvalsdeildarfélagið Chelsea hefur gefið út yfirlýsingu þar sem fram kemur að það hafi neyðst til að selja varnarmanninn William Gallas á dögunum, því hann hafi hótað að skora sjálfsmark með Chelsea ef hann yrði látinn spila annan leik fyrir félagið.

Sport 4.9.2006 19:22

Þrír leikmenn í bann fyrir agabrot

Þrír af leikmönnum króatíska landsliðsins, þeir Bosko Balaban, Ivica Olic og Dario Srna, hafa verið dæmdir í leikbann og gert að greiða sekt eftir að þeir brutu útivistarbann liðsins um helgina. Liðið er við æfingar í Slóveníu þar sem það undirbýr sig fyrir leik gegn Rússum á miðvikudag og hefur þremenningunum verið gert að biðjast afsökunar á hátterni sínu.

Sport 4.9.2006 17:07

Berbatov meiddur

Búlgarski framherjinn Dimitar Berbatov sem leikur með Tottenham í ensku úrvalsdeildinni, getur ekki leikið með landsliði gegn Slóvenum í undankeppni EM á miðvikudag vegna meiðsla. Berbatov meiddist í nára í deildarleik með Tottenham um daginn og var sprautaður með verkjalyfjum eftir leik Búlgara og Rúmena um helgina. Talið er öruggt að Berbatov missi einnig af leik Tottenham gegn Manchester United um næstu helgi.

Sport 4.9.2006 18:57

Senna framlengir við Villarreal

Miðjumaðurinn Marcos Senna hjá Villarreal hefur framlengt samning sinn við félagið um þrjú ár. Senna er þrítugur og fæddist í Brasilíu, en er með spænskt ríkisfang og er í landsliðshóp Spánverja. Manchester United hafði augastað á miðjumanninum knáa í sumar, en hann hefur nú ákveðið að ljúka ferlinum hjá spænska liðinu.

Fótbolti 4.9.2006 16:52

Chelsea gæti átt eftir að sjá eftir sölunni á Eiði Smára

Brasilíski knattspyrnusnillingurinn Ronaldinho hjá Barcelona, segir að Chelsea eigi eftir að sjá eftir því að hafa selt Eið Smára Guðjohnsen og spáir því að ef til vill gæti Íslendingurinn knái átt eftir að reynast fyrrum félögum sínum erfiður þegar liðin mætast í meistaradeildinni enn einu sinni í næsta mánuði.

Fótbolti 4.9.2006 17:46