Fréttir

Fréttamynd

Kaupþing hækkar verðmat á Bakkavör

Greiningardeild Kaupþings hefur uppfært verðmat sitt á Bakkvör í kjölfar birtingar á ársuppgjöri fyrirtækisins og mælir með því að fjárfestar kaupi bréf í félaginu. Kaupþing segir sjóðstreymi Bakkaverar í fyrra hafa verið mjög sterkt og hafi það verið notað til að vinna á langtímaskuldum. Við það hafi lánastofnanir lækkað lánaálag félagsins.

Viðskipti innlent
Fréttamynd

Stúlka á 136 km hraða

Sautján ára stúlka var tekin á 136 km hraða í Ártúnsbrekku um níuleytið í gærkvöldi. Hún má búast við ökuleyfissviptingu í einn mánuð og sekt upp á 75 þúsund krónur, en bílprófið fékk hún síðastliðið haust. Það telst til undantekninga að stúlkur séu teknar fyrir ofsaakstur en í síðustu viku var önnur 17 ára stúlka tekin á 130 km hraða á sama stað.

Innlent
Fréttamynd

Þriggja bíla árekstur á Akureyri

Harður árekstur varð á Akureyri í dag þegar tveir fólksbílar lentu saman með þeim afleiðingum að annar kastaðist á þriðja bílinn. Áreksturinn varð á mótum Glerárgötu og Þórunnarstrætis. Klippa þurfti hurð af einum bílnum til að ná slösuðum manni út. Hann var fluttur á slysadeild með minniháttar áverka. Þetta var sjötti áreksturinn á Akureyri í dag, en mikil hálka er í bænum, ísing og fimm til sex stiga frost.

Innlent
Fréttamynd

Markaðir enn á niðurleið

Gengi hlutabréfa á helstu fjármálamörkuðum í Asíu og Evrópu hélt áfram að lækka í dag, þriðja daginn í röð eftir að SCI-vísitalan féll snarlega í Kína á þriðjudag eftir nokkrar hækkanir dagana á undan. Greinendur eru ekki á einu máli um það hvenær vísitölurnar rétta úr kútnum og telja að markaðurinn nái sinni fyrri stöðu ekki fyrr en um miðjan mánuðinn.

Viðskipti erlent
Fréttamynd

Svifryk beislað með magnesíumklórlausn

Reykjavíkurborg dreyfir nú magnesíumklórlausn um götur borgarinnar í þeim tilgangi að binda svifryk. Rykbindingin hefur gefið góða raun og mælingar sýna að minna er um svifryk eftir notkun efnisins, en áður við svipaðar aðstæður. Um er að ræða 20 prósent magnesíumklórlausn sem er hættulaus.

Innlent
Fréttamynd

100 kall í strætó gegn svifryksmengun

Borgarfulltrúar Samfylkingarinnar lögðu til við borgarráð í morgun að það samþykkti að óska eftir við Strætó bs. að fargjald verði lækkað í 100 krónur í marsmánuði. Lækkunin væri tilraun til að sporna gegn svifryksmengun í borginni auk þess að kanna hvort það hefði áhrif á notkun almenningssamgangna.

Innlent
Fréttamynd

Krefur Kópavogsbæ um 38 milljónir

Stjórn Skógræktarfélags Reykjavíkur krefur Kópavogsbæ um bætur fyrir tífalt fleiri tré en bærinn telur sig hafa hróflað við í Heiðmörk. Ekkert bólar enn á framkvæmdaleyfi frá borginni. Skógræktarfélagið krefur bæinn 38 milljónir króna í skaðabætur vegna spjalla á trjágróðri. Tilkvaddir matsemenn skógræktarinnar telja að um þúsund tré, af mismunandi stærðum, geti verið að ræða.

Innlent
Fréttamynd

Ofurlaun stjórnarmanna fyrirtækja

Algengt er að laun stjórnarformanna og stjórnarmanna í þeim fyrirtækjum, sem skráð eru í Kauphöllinni, hafi verið tvö- til þrefölduð á nýafstöðnum aðalfundum félaganna. Viðskiptablaðið geinir frá því að laun stjórnarformanns Glitnis hafi til dæmis tvöfaldast frá því í fyrra og þrefaldast frá árinu áður, og losi nú eina miljón á mánuði.

Innlent
Fréttamynd

Flestir vilja Geir

Langflestir landsmenn vilja að Geir Haarde verði áfram forsætisráðherra eftir kosningarnar, þótt stjórnarflokkarnir njóti ekki meirihlutafylgis almennings samkvæmt skoðanakönnunum. Tæp 48 prósent þeirra, sem tóku afstöðu í nýjustu skoðanakönnun Fréttablaðsins vilja að Geir, formaður Sjálfstæðisflokksins, verði næsti forsætisráðherra.

Innlent
Fréttamynd

Raunveruleikaþáttur um Davíð og Viktoríu

Vel verður fylgst með vistaskiptum Beckham-hjónanna sem flytja innan tíðar frá Spáni til Bandaríkjanna þegar knattspyrnukappinn David Beckham gengur til liðs við lið Los Angeles Galaxy frá Real Madríd. Spáð er fjölmiðlafári og hefur bandaríska sjónvarpsstöðin NBC samið um að fá að mynda flutninginn og sýna í raunveruleikaþáttaröð.

Erlent
Fréttamynd

Hækkar og lækkar

Verð á hlutabréfum í Evrópu hefur hækkað nokkuð þrátt fyrir verðlækkanir á mörkuðum í Asíu í morgun, þriðja daginn í röð. Verð á hlutabréfum lækkuðu í Asíu og Evrópu í gær og fyrradag og mátti merkja áhrif lækkananna hér á Íslandi. Í morgun hækkaði þó úrvalsvísitalan íslenska um tæp 2% og hækkanir hafa einnig orðið víðar í Evrópu, þar á meðal í Frankfurt, Lundúnum og París.

Innlent
Fréttamynd

Umsátur á Norðurbrú

Lögreglan í Kaupmannahöfn gerði áhlaup á Ungdomshuset á Norðurbrú í morgun og rýmdi það á svipstundu. Til harðra átaka hefur komið. Óeirðir eru einnig að brjótast út í Kristjaníu þar sem ungmenni hafa reist vegatálma og fleygt bensínsprengjum.

Erlent
Fréttamynd

Hagnaður Mörthu Stewart sexfaldast

Fyrirtæki bandarísku sjónvarps- og lífsstílskonunnar Mörthu Stewart skilaði 16,2 milljóna dala hagnaði á síðasta ársfjórðungi í fyrra. Þetta jafngildir tæplega 1,1 milljarði íslenskra króna sem er tæplega sex sinnum meira en fyrirtækið skilaði á sama fjórðungi árið 2005.

Viðskipti erlent
Fréttamynd

Fjórtándi dagur aðalmeðferðar í Baugsmálinu

Fjórtándi dagur aðalmeðferðar í Baugsmálinu er í dag. Fyrsta vitni dagsins var Auðbjörg Friðgeirsdóttir, innri endurskoðandi Baugs, hún var spurð út í færslur í bókahaldi og fleiri atriði sem lúta að málinu.

Innlent
Fréttamynd

Ísland í fjórða sæti í ferðaþjónustu

Ísland er í fjórða sæti af 124 þjóðum varðandi samkeppnishæfni í ferðaþjónustu samkvæmt könnun Alþjóða efnahagsstofnunarinnar WEF. Sviss er í efsta sæti af þeim þjóðum sem taka þátt, þá Austurríki og svo Þýskaland í því þriðja. Bandaríkin koma næst á eftir Íslandi. Iðntæknistofnun er samstarfsaðili stofnunarinnar en WEF er í farabroddi rannsókna á samkeppnishæfni landa.

Innlent
Fréttamynd

Mótmæla gjaldtöku í Hvalfjarðargöng

Samfylkingin mótmælir gjaldtöku í Hvalfjarðargöngin við norðurenda ganganna klukkan eitt í dag. Félagar fylkingarinnar í norðvestur kjördæmi ætla að bjóða ökumönnum á leið í bæinn frítt veggjald. Þannig vilja þeir leggja áherslu á þá kröfu sína að gjaldið verði fellt niður.

Innlent
Fréttamynd

Umferðin án banaslysa 2007

Ekkert banaslys hefur orðið í umferðinni það sem af er þessu ári. Á sama tíma í fyrra höfðu fjórir látist, en þá varð banaslys að meðaltali tólfta hvern dag. Árið í fyrra var næstversta ár varðandi banaslys í umferðinni á Íslandi í aldarfjórðung. Umferðarstofa segir skipulagsbreytingar hjá lögreglu og aukið eftirlit hafa haft áhrif á fækkun alvarlegra slysa. Þá sé mikilvægt að þakka ökumönnum þeirra hlut.

Innlent
Fréttamynd

Pólár Sameinuðu þjóðanna hefst á morgun

Fleiri en 60 þjóðir taka þátt í umfangsmestu vísindarannsókn á heimsskautasvæðunum en hún hefst á morgun. Hún á meðal annars að kortleggja svæðin sem að eru í hættu að bráðni vegna loftslagsbreytinga. 3.000 börn í Osló munu búa til snjókarla, virtir vísindamenn munu funda í París og hópur rannsóknarmanna leggur af stað frá Höfðaborg í Suður-Afríku áleiðis til Suður-Heimsskautsins.

Erlent
Fréttamynd

Vínið lengir lífið

Að drekka lítið magn af víni á hverjum degi - minna en eitt glas á dag - eykur lífslíkur karlmanna um nokkur ár. Þetta kom fram í rannsókn hollenskra rannsóknarmanna sem var kunngjörð í hófi bandarískra hjartalækna í Flórídaríki í Bandaríkjunum í kvöld.

Erlent
Fréttamynd

Anna Nicole verður jörðuð á Bahamas-eyjum

Áfrýjunardómstóll í Flórídaríki í Bandaríkjunum hefur hafnað því að móðir Önnu Nicole Smith fái lík hennar afhent. Því er nú ljóst að Anna Nicole verður brátt lögð til hinstu hvílu á Bahamas-eyjunum. Fylkisdómstóll hafði áður hafnað kröfu móður Önnu, Virgie Arthur, en hún var að reyna að fá að grafa dóttur sína í Texasríki þar sem hún var fædd. Sérstakur umsjónarmaður var skipaður til þess að sjá um útför Önnu Nicole og hefur hann þegar hafið undirbúning að jarðarför hennar.

Erlent
Fréttamynd

Íranar ætla að taka þátt í ráðstefnunni í Írak

Íranar hafa sagt að þeir ætli sér að taka þátt í ráðstefnu í Írak þann 10. mars næstkomandi. Ali Larijani, æðsti samningamaður Írana í kjarnorkumálum, sagði að Íranar séu tilbúnir til þess að beita hvaða ráðum sem er til þess að leysa vandamál Íraks.

Erlent
Fréttamynd

Fallegur veturhiminn yfir Reykjavík í kvöld

Falleg ský sáust yfir höfuðborginni nú í kvöld. Þau voru marglit og alla vega í laginu og glöddu margan manninn. Vísir hafði samband við Sigurð Þ. Ragnarsson, veðurfræðing á Stöð tvö og bað hann að útskýra þessa fágætu sjón.

Innlent
Fréttamynd

Prodi fær stuðning þingsins

Forsætisráðherra Ítalíu, Romano Prodi, vann stuðningsyfirlýsingu í öldungadeild ítalska þingsins í kvöld. Yfirlýsingin bindur endi á þá krísu sem hefur verið í ítölskum stjórnmálum undanfarna viku. Prodi bauðst þá til þess að segja af sér eftir að frumvarp sem hann hafði lagt fram varðandi utanríkisstefnu Ítalíu var fellt.

Erlent
Fréttamynd

Rykbinding skilar árangri

Rykbinding gatna í Reykjavík, með því að úða þær, hefur skilað árangri. Þrátt fyrir kalt og þurrt veður í gær og í dag hefur svifryk ekki farið yfir heilsuverndarmörk.

Innlent
Fréttamynd

Vill banna alla símanotkun í akstri

Doktor í sálfræði vill að ökumönnum verði bannað að tala í síma á akstri hvort sem þeir nota handfrjálsan búnað eða ekki. Síminn veldur miklu áreiti og getur skapað stórhættu í umferðinni.

Innlent
Fréttamynd

Myrti börnin sín fimm

Belgísk kona myrti fimm börn sín og reyndi svo að taka eigið líf. Lögregla í bænum Nivelles, sem er um 30 kílómetra fyrir sunnan Brussel, skýrði frá þessu í dag. Lögreglan sagði að hún hefði fundið lík barnanna fimm sem voru á aldrinum þriggja til 14 ára.

Erlent

Mest lesið