Hinn grunaði hafi verið svakalega duglegur og greindur Kolbeinn Tumi Daðason skrifar 10. febrúar 2025 11:42 Upptökur úr eftirlitsmyndavélum sýndu Alfreð Erling á vappi við bensínstöð Olís í Neskaupstað skömmu áður en hann er talinn hafa farið á heimili hjónanna. Vísir/Vilhelm Verslunareigandi í Neskaupstað segir Alfreð Erling Þórðarson sem ákærður er fyrir að ráða hjónum í bænum bana hafa verið svakalega duglegan, greindan og færan í höndunum. Undanfarin ár hafi greinilega farið að halla á ógæfuhliðina sem sjá mátti á arki hans um bæinn. Alfreð Erling, 46 ára Norðfirðingur, er ákærður fyrir að verða hjónum á áttræðisaldri sem hann þekkti til að bana á heimili þeirra í Neskaupstað. Talið er að hann hafi verið í geðrofi, notað hamar og slegið fólkið endurtekið í höfuðið með verkfærinu með fyrrnefndum afleiðingum. Verslunareigandi í bænum gaf skýrslu fyrir dómi í dag. Hann sagði Alfreð hafa vanið komur sínar um tíma í verslun hans, þeir spjallað mikið og Alfreð keypt mikið af vörum. Sérstaklega striga og fleira til að mála. Eigandinn sagði að ásökun um nauðgun hefði legið þungt á Alfreði árið 2021. Alfreð teldi son hjónanna sekan um brotið. Alfreð hefði verið mjög reiður út í soninn, þeir hefðu verið miklir vinir og hann notið aðstoðar hans varðandi hús sem Alfreð átti í bænum. Þá væri hann reiður út í hina látnu sem hefði veitt syni sínum fjarvistarsönnun, að því er vitnið hafði eftir úr samtali sínu við Alfreð Erling. Þetta hafi þó verið fyrir nokkrum árum, í kringum 2020 eða 2021. Hann viti það vegna þess að um það leyti hafi Alfreð byrjað að skulda honum í versluninni og fyrir vikið hætt að venja komur sínar í búðina. Þrátt fyrir fyrrnefnda reiði í garð hjónanna og sonarins hafi Alfreð verið rólegur. Þó hafi verið erfitt að segja hvort hann væri á einhverjum efnum á þessum tíma. Yfirleitt hafi hann verið nokkuð stabíll en áréttaði að þetta væri fyrir næstum því fimm árum. „Upp úr 2021 fór þetta allt að versna hægt og rólega,“ sagði verslunareigandinn. Hann hefði heyrt talað um að einhverjar af þeim myndum sem hann hefði málað hefði hann farið með upp í sveit og kveikt í þeim. Verslunareigandinn rifjaði upp að Alfreð hefði sýnt honum myndir sem hann hefði málað í símanum sínum og rætt að hann sæi alls konar hluti í myndunum. „Sem að greinilega varð til þess að hann fór og kveikti í öllu saman.“ Verslunareigandinn sagði þá aldrei hafa verið vini, enda heilmikill aldursmunur, en Alfreð hefði verið svakalega duglegur og greindur drengur sem gat gert allt í höndunum. Myndirnar sem hann hefði málið í seinni tíð hefðu verið abstrakt, mikið til af drottni guði og slíku. Hann hefði rétt heilsað upp á hann á götunum síðustu ár, boðið góðan daginn. „Maður sá hann á götunum og hvernig hann arkaði,“ sagði verslunareigandinn til marks um að Alfreð hafi verið farinn að glíma við veikindi. „Ég hitti hann kannski á götu og heilsaði upp á hann. Hvað segirðu í dag? Ekkert öðruvísi.“ Saksóknari sýndu nokkur myndskeið fyrir dómi af Alfreð Erlingi á bensínstöð Olís í Neskaupstað um kvöldmatarleytið 21. ágúst, daginn áður en hann var handtekinn. Þar sést Alfreð á vappi fyrir utan bensínstöðina og sömuleiðis kaupa sér eitthvað þar inni og tylla sér. Taldi saksóknari sjást á myndskeiðunum að hann væri með eitthvað með skafti í jakka sínum. Hann er grunaður um að hafa banað hjónunum með hamri. Hann sést á einu myndskeiðinu drepa í sígarettu sinni við bensínstöðina og ganga ákveðið af stað þaðan. Alltaf er höndin í vasa hægra megin á úlpu sinni eins og hann sá að gæta að einhverju. Þá er klukkan að verða hálf sjö að kvöldi. Þremur mínútum síðar sést Alfreð á eftirlitsmyndavél ganga fram hjá næsta húsi við hús hjónanna. Rannsókn á andláti hjóna í Neskaupstað Dómsmál Fjarðabyggð Mest lesið „Þeir liggja hérna eins og hráviði út um allt“ Innlent Náðist á upptöku þegar skipulagðir þjófar tóku sjóðsvél Innlent Tveir handteknir vegna líkamsárásar Innlent „Þetta er orðið pínu þreytt, tveir bílar á sex dögum“ Innlent Við Íslendingar fórum bara á vertíð og drifum þetta af Innlent Mannskæðasta árásin á Húta hingað til Erlent Uggandi vegna atlögu að háskólum: „Við ætlum ekki að lifa í ótta“ Erlent Gamall ráðherra vildi nýtt hús, en nýr ráðherra gæti fengið gamalt hús Innlent Bað fyrir friðsamlegum kosningum meðan hann hékk á krossinum Erlent Lést í snjóflóði í Ölpunum Erlent Fleiri fréttir Fólskuleg líkamsárás og strandaglópar í suðri „Þeir liggja hérna eins og hráviði út um allt“ Tveir handteknir vegna líkamsárásar Við Íslendingar fórum bara á vertíð og drifum þetta af Náðist á upptöku þegar skipulagðir þjófar tóku sjóðsvél „Rosalega erfitt“ að keppa við innflutt grænmeti Stígvél og tækniframfarir Hótanir gegn háskólum og krossfestingar Gamall ráðherra vildi nýtt hús, en nýr ráðherra gæti fengið gamalt hús „Þetta er orðið pínu þreytt, tveir bílar á sex dögum“ „Ágæt ábending“ um bótaþega en tekur ekki undir allar athugasemdir fjármálaráðs Háholt sett aftur á sölu Skjólstæðingur heilbrigðisstofnunar veittist að starfsfólki Ráðherra bregst við athugasemdum, leikur ársins og ódýrt grænmeti „Stórtækir íbúðareigendur“ eiga 20 prósent íbúða í borginni Handtekinn grunaður um vasaþjófnað í miðborginni Engar reglur á Íslandi um hve mörg börn sæðisgjafar megi eignast Morðhótunum í garð kvenna fari fjölgandi Rafmennt í samstarf og kaupir eignir þrotabúsins Kartöflugeymsla orðin að menningarhúsi Selfyssinga Hafa áhyggjur af því að sýn Veitna á Heiðmörk sé of þröng Skortur á reglum um sæðisgjafir og menningarmiðstöð í kartöflugeymslu Háværar framkvæmdir stöðvaðar Hafþór keppir í Rússlandi: „Auðvitað veldur þessi ákvörðun ákveðnum vonbrigðum“ Rannsaka ólöglegt fiskeldi Áformin dragi verulega úr möguleikum til útivistar Geti haft í för með sér „ónæði, mengun og álag á fráveitu“ Ofbeldi í nánum samböndum og mótmæli á Tenerife Einhleypir karlmenn standa verst Misskilnings gætt um breytingar á lögum um innritun í framhaldsskóla Sjá meira
Alfreð Erling, 46 ára Norðfirðingur, er ákærður fyrir að verða hjónum á áttræðisaldri sem hann þekkti til að bana á heimili þeirra í Neskaupstað. Talið er að hann hafi verið í geðrofi, notað hamar og slegið fólkið endurtekið í höfuðið með verkfærinu með fyrrnefndum afleiðingum. Verslunareigandi í bænum gaf skýrslu fyrir dómi í dag. Hann sagði Alfreð hafa vanið komur sínar um tíma í verslun hans, þeir spjallað mikið og Alfreð keypt mikið af vörum. Sérstaklega striga og fleira til að mála. Eigandinn sagði að ásökun um nauðgun hefði legið þungt á Alfreði árið 2021. Alfreð teldi son hjónanna sekan um brotið. Alfreð hefði verið mjög reiður út í soninn, þeir hefðu verið miklir vinir og hann notið aðstoðar hans varðandi hús sem Alfreð átti í bænum. Þá væri hann reiður út í hina látnu sem hefði veitt syni sínum fjarvistarsönnun, að því er vitnið hafði eftir úr samtali sínu við Alfreð Erling. Þetta hafi þó verið fyrir nokkrum árum, í kringum 2020 eða 2021. Hann viti það vegna þess að um það leyti hafi Alfreð byrjað að skulda honum í versluninni og fyrir vikið hætt að venja komur sínar í búðina. Þrátt fyrir fyrrnefnda reiði í garð hjónanna og sonarins hafi Alfreð verið rólegur. Þó hafi verið erfitt að segja hvort hann væri á einhverjum efnum á þessum tíma. Yfirleitt hafi hann verið nokkuð stabíll en áréttaði að þetta væri fyrir næstum því fimm árum. „Upp úr 2021 fór þetta allt að versna hægt og rólega,“ sagði verslunareigandinn. Hann hefði heyrt talað um að einhverjar af þeim myndum sem hann hefði málað hefði hann farið með upp í sveit og kveikt í þeim. Verslunareigandinn rifjaði upp að Alfreð hefði sýnt honum myndir sem hann hefði málað í símanum sínum og rætt að hann sæi alls konar hluti í myndunum. „Sem að greinilega varð til þess að hann fór og kveikti í öllu saman.“ Verslunareigandinn sagði þá aldrei hafa verið vini, enda heilmikill aldursmunur, en Alfreð hefði verið svakalega duglegur og greindur drengur sem gat gert allt í höndunum. Myndirnar sem hann hefði málið í seinni tíð hefðu verið abstrakt, mikið til af drottni guði og slíku. Hann hefði rétt heilsað upp á hann á götunum síðustu ár, boðið góðan daginn. „Maður sá hann á götunum og hvernig hann arkaði,“ sagði verslunareigandinn til marks um að Alfreð hafi verið farinn að glíma við veikindi. „Ég hitti hann kannski á götu og heilsaði upp á hann. Hvað segirðu í dag? Ekkert öðruvísi.“ Saksóknari sýndu nokkur myndskeið fyrir dómi af Alfreð Erlingi á bensínstöð Olís í Neskaupstað um kvöldmatarleytið 21. ágúst, daginn áður en hann var handtekinn. Þar sést Alfreð á vappi fyrir utan bensínstöðina og sömuleiðis kaupa sér eitthvað þar inni og tylla sér. Taldi saksóknari sjást á myndskeiðunum að hann væri með eitthvað með skafti í jakka sínum. Hann er grunaður um að hafa banað hjónunum með hamri. Hann sést á einu myndskeiðinu drepa í sígarettu sinni við bensínstöðina og ganga ákveðið af stað þaðan. Alltaf er höndin í vasa hægra megin á úlpu sinni eins og hann sá að gæta að einhverju. Þá er klukkan að verða hálf sjö að kvöldi. Þremur mínútum síðar sést Alfreð á eftirlitsmyndavél ganga fram hjá næsta húsi við hús hjónanna.
Rannsókn á andláti hjóna í Neskaupstað Dómsmál Fjarðabyggð Mest lesið „Þeir liggja hérna eins og hráviði út um allt“ Innlent Náðist á upptöku þegar skipulagðir þjófar tóku sjóðsvél Innlent Tveir handteknir vegna líkamsárásar Innlent „Þetta er orðið pínu þreytt, tveir bílar á sex dögum“ Innlent Við Íslendingar fórum bara á vertíð og drifum þetta af Innlent Mannskæðasta árásin á Húta hingað til Erlent Uggandi vegna atlögu að háskólum: „Við ætlum ekki að lifa í ótta“ Erlent Gamall ráðherra vildi nýtt hús, en nýr ráðherra gæti fengið gamalt hús Innlent Bað fyrir friðsamlegum kosningum meðan hann hékk á krossinum Erlent Lést í snjóflóði í Ölpunum Erlent Fleiri fréttir Fólskuleg líkamsárás og strandaglópar í suðri „Þeir liggja hérna eins og hráviði út um allt“ Tveir handteknir vegna líkamsárásar Við Íslendingar fórum bara á vertíð og drifum þetta af Náðist á upptöku þegar skipulagðir þjófar tóku sjóðsvél „Rosalega erfitt“ að keppa við innflutt grænmeti Stígvél og tækniframfarir Hótanir gegn háskólum og krossfestingar Gamall ráðherra vildi nýtt hús, en nýr ráðherra gæti fengið gamalt hús „Þetta er orðið pínu þreytt, tveir bílar á sex dögum“ „Ágæt ábending“ um bótaþega en tekur ekki undir allar athugasemdir fjármálaráðs Háholt sett aftur á sölu Skjólstæðingur heilbrigðisstofnunar veittist að starfsfólki Ráðherra bregst við athugasemdum, leikur ársins og ódýrt grænmeti „Stórtækir íbúðareigendur“ eiga 20 prósent íbúða í borginni Handtekinn grunaður um vasaþjófnað í miðborginni Engar reglur á Íslandi um hve mörg börn sæðisgjafar megi eignast Morðhótunum í garð kvenna fari fjölgandi Rafmennt í samstarf og kaupir eignir þrotabúsins Kartöflugeymsla orðin að menningarhúsi Selfyssinga Hafa áhyggjur af því að sýn Veitna á Heiðmörk sé of þröng Skortur á reglum um sæðisgjafir og menningarmiðstöð í kartöflugeymslu Háværar framkvæmdir stöðvaðar Hafþór keppir í Rússlandi: „Auðvitað veldur þessi ákvörðun ákveðnum vonbrigðum“ Rannsaka ólöglegt fiskeldi Áformin dragi verulega úr möguleikum til útivistar Geti haft í för með sér „ónæði, mengun og álag á fráveitu“ Ofbeldi í nánum samböndum og mótmæli á Tenerife Einhleypir karlmenn standa verst Misskilnings gætt um breytingar á lögum um innritun í framhaldsskóla Sjá meira