Bein út­sending: Ís­lenska ofurfólkið keppir við þau bestu í heimi

Rúmlega sextíu lönd keppa að þessu sinni. Hvert lið hleypur í sínu landi og keppnin hefst alls staðar á sama tíma. 

Hlaupið verður í Elliðaárdalnum og keppendur hafa aðstöðu í Rafstöðvarhúsinu sem er gamla varaaflsstöðin í Elliðaárdalnum. Brautin inniheldur litla hækkun og er að mestu á náttúrustígum.

Hlaupararnir fá eina klukkustund til að hlaupa 6,7 kílómetra langan hring og er hlaupið þar til einungis einn var eftir. Sá sem vinnur íslenska hlutann öðlast þátttökurétt á HM einstaklinga í bakgarðshlaupum.

Íslenska liðið er skipað fimmtán keppendum sem tryggðu sér sæti í því með árangri sínum í bakgarðskeppnum frá ágúst 2022 og ágúst 2024.

Fylgst er líka með gangi mála í Vaktinni hér fyrir neðan þar sem Garpur I. Elísabetarson er að vanda á vaktinni.

Ef Vaktin birtist ekki er ráð að endurhlaða (e.refresh) síðuna.