Veist að þingmanni: „Hann langaði bara að hræða mig“ Vésteinn Örn Pétursson skrifar 12. febrúar 2024 19:52 Diljá Mist Einarsdóttir er formaður utanríkismálanefndar. Vísir/Vilhelm Formaður utanríkismálanefndar varð fyrir aðkasti mótmælanda fyrir utan Alþingi í dag. Maður sem kom askvaðandi að henni þegar hún kom út úr þinghúsinu kastaði hlut í bíl hennar og hellti úr skálum reiði sinnar. „Ég bara keyri löturhægt út úr bílakjallaranum okkar, eins og maður þarf að gera, því það er oft fólk að labba þar. Þegar ég kem upp þá er einhverju kastað af alefli í bílinn minn, og mér bregður svakalega. Í áttina að mér kemur askvaðandi fullorðinn maður.“ Þetta segir Diljá Mist Einarsdóttir, þingmaður Sjálfstæðsiflokksins og formaður utanríksimálanefndar, í samtali við Vísi. „Ég skrúfa ósjálfrátt rúðuna niður og spyr hvort hann hafi verið að kasta einhverju í mig. Það voru ósjálfráð viðbrögð og eftir á er búið að vara mig við því af öryggisástæðum. En ég gerði þetta bara ef hann skyldi hafa verið í vandræðum eða eitthvað slíkt. Ég sé þá að hann kemur úr hópi mótmælenda, hann kemur og er að öskra að mér einhverjum ókvæðisorðum,“ segir Diljá. Hún hafi ekki heyrt vel hverju maðurinn hafi ætlað að koma til skila, svo mikið hafi honum verið niðri fyrir. Hún hafi þó heyrt hann segja „fokkaðu þér“ nokkrum sinnum. Lögreglan var með viðbúnað á Austurvelli vegna mótmælanna í dag og hafði hendur í hári mannsins rétt eftir að hann hafði kastað því sem Diljá telur að hafi verið klaki í bíl hennar. Dóttirin nýbúin að vera í bílnum Diljá segir sér brugðið og að atvikið hafi verið óþægilegt. „Ég var að taka þátt í umræðum í þinginu, og hafði þurft að skjótast heim út af dóttur minni, þannig að hún var nýbúin að vera í bílnum með mér,“ segir Diljá og bætir við að stundum taki hún dóttur sína með sér í vinnuna. Þannig að ég var bara að hugsa á leiðinni heim hvað það hefði verið hræðilegt ef hún hefði verið með mér þarna. Diljá segir einsýnt að maðurinn hafi ekki haft sérstakan áhuga á að ræða við hana á hefðbundinn hátt. „Ef hann vildi tala við mig, þá hefði honum verið það í lófa lagið. Hann langaði ekkert að eiga samræður við mig, hann langaði bara að hræða mig. Til þess er leikurinn gerður. Að fullorðinn maður staldri ekki við, heldur labbi í áttina að konu og kasti einhverju í hana. Mér finnst þetta ótrúlegt,“ segir Diljá. Stundum gangi hún þessa sömu leið fótgangandi, sem hefði verið enn óþægilegra en að sitja inni í bíl. Milliliðalaust samtal undir Diljá segir lögregluna hafa haft samband síðar í dag til að athuga með líðan hennar og mögulegar skemmdir á bílnum, sem Diljá kveðst ekki hafa tekið eftir í fljótu bragði. Hún segir þennan hluta starfs lögreglunnar ekki öfundsverðan. Með uppákomum sem þessari sé verið að skemma milliliðalaust samtal almennings við ráðafólk, sem hingað til hafi verið hægt að ganga að sem nokkuð vísu. „Við erum nýbúin að sjá atburði í Bandaríkjunum sem vöktu upp spurningar hjá fólki, þegar það verður múgæsingur og veist er að ráðamönnum og stofnunum. Að endingu myndi þetta þýða að við þyrftum að breyta fyrirkomulaginu hér á Íslandi,“ segir Diljá og vísar þar til árásar stuðningsmanna Donalds Trump á þinghús Bandaríkjanna 6. janúar 2021. Lögregla var með mikinn viðbúnað á Austurvelli í dag.Vísir/Arnar Mikill viðbúnaður lögreglu Fjöldi mótmælafunda hefur verið haldinn á Austurvelli undanfarna mánuði, til stuðnings Palestínumönnum. Mótmæli dagsins voru á vegum No Borders-samtakanna, þar sem þess var krafist að íslenska ríkið greiddi götu Palestínumanna á Gasa sem fengið hafa samþykktar fjölskyldusameiningar hér á landi. Lögregla var með mikinn viðbúnað á svæðinu. Þá var þess einnig krafist að brottvísunum á palestínsku fólki verði hætt. Hér að neðan má sjá myndefni frá mótmælunum. Alþingi Reykjavík Sjálfstæðisflokkurinn Tengdar fréttir Eggjum grýtt og unglingar handteknir á Austurvelli Tveir voru handteknir á fjölmennum mótmælum skólabarna á Austurvelli í dag. Krakkarnir kröfðust vopnahlés á Gasa og að íslensk stjórnvöld kæmu fjölskyldusameiningum til framkvæmda. Forsætisráðherra viðurkennir að málið þyrfti skjóta afgreiðslu en flókin framkvæmd tefji fyrir. 6. febrúar 2024 20:09 Mest lesið Tveir reyndust í skotti bíls Innlent „Ef hann hefði verið einn þá hefði þetta getað farið miklu verr“ Innlent Býst við þremur áminningum til og hjólar í lögmannanefnd Innlent Segir valsað um sjúkraskrána eins og á rölti um Kringluna Innlent Fannst hann þvingaður til að afsala sér hundinum Innlent Starfsfólk Ítalíu vill bíl Eflingar burt Innlent Vill hætta við nýja brú yfir Ölfusá og spara milljarða króna Innlent 21 árs konu bjargað á Gasa tíu árum eftir að henni var rænt Erlent Lögmaður eiginkonunnar fyrrverandi segir lögreglu ljúga Innlent Harður þriggja bíla árekstur á Suðurlandsvegi Innlent Fleiri fréttir Vilhjálmur Hjálmarsson kjörinn varaformaður ÖBÍ „Ef hann hefði verið einn þá hefði þetta getað farið miklu verr“ Bátarnir frá eldgosinu í Vestmannaeyjum málaðir á vita Af hverju er barnið mitt alltaf að segja Skibidi toilet? „Þegar hægrið fær að ráða ferðinni óheft og án alls taumhalds fer illa“ Fagna löngu tímabærri breytingu Átök í miðausturlöndum, ný forysta VG og mállýska unga fólksins Mótmælendur hindruðu för lögreglubíls í forgangsakstri Svandís og Guðmundur Ingi nýir leiðtogar Vinstri grænna Málningu kastað og ryskingar við sendiráðið Fannst hann þvingaður til að afsala sér hundinum Biskup Íslands predikar í Vík á 90 ára afmæli kirkjunnar Erfitt að setja tölu á hve margir vilji stjórnarslit Harður þriggja bíla árekstur á Suðurlandsvegi Landsfundur ræðir stjórnarslit og nýjum reglum um blóðgjöf fagnað Tveir stórir skjálftar í Bárðarbunguöskjunni Ríkisstjórnarflokkarnir mælast með tuttugu prósenta fylgi Þorgerður Katrín: Enginn ráðskonurass undir fólki í Viðreisn Tveir reyndust í skotti bíls Mannekla bindur hendur héraðssaksóknara í samráðsmáli Kertavaka til minningar um konur sem hafa dáið vegna kynbundins ofbeldis Munu hlýða kröfu landsfundar verði tillaga um stjórnarslit samþykkt Munu ekki láta af herferð vegna launaþjófnaðarins Orlof húsmæðra: Barn síns tíma eða liður í jafnrétti? Ákveðinn hópur hafi unnið að niðurstöðunni undir yfirborðinu „Öllum ljóst að Ölfusárbrú verði að rísa“ Loksins mega hommar gefa blóð Blóðgjöf samkynhneigðra karla leyfð og ósáttar húsmæður Fimm bíla árekstur á Vesturlandsvegi Nefndin deili ekki við þá sem gagnrýna hana á „mis málefnalegan hátt“ Sjá meira
„Ég bara keyri löturhægt út úr bílakjallaranum okkar, eins og maður þarf að gera, því það er oft fólk að labba þar. Þegar ég kem upp þá er einhverju kastað af alefli í bílinn minn, og mér bregður svakalega. Í áttina að mér kemur askvaðandi fullorðinn maður.“ Þetta segir Diljá Mist Einarsdóttir, þingmaður Sjálfstæðsiflokksins og formaður utanríksimálanefndar, í samtali við Vísi. „Ég skrúfa ósjálfrátt rúðuna niður og spyr hvort hann hafi verið að kasta einhverju í mig. Það voru ósjálfráð viðbrögð og eftir á er búið að vara mig við því af öryggisástæðum. En ég gerði þetta bara ef hann skyldi hafa verið í vandræðum eða eitthvað slíkt. Ég sé þá að hann kemur úr hópi mótmælenda, hann kemur og er að öskra að mér einhverjum ókvæðisorðum,“ segir Diljá. Hún hafi ekki heyrt vel hverju maðurinn hafi ætlað að koma til skila, svo mikið hafi honum verið niðri fyrir. Hún hafi þó heyrt hann segja „fokkaðu þér“ nokkrum sinnum. Lögreglan var með viðbúnað á Austurvelli vegna mótmælanna í dag og hafði hendur í hári mannsins rétt eftir að hann hafði kastað því sem Diljá telur að hafi verið klaki í bíl hennar. Dóttirin nýbúin að vera í bílnum Diljá segir sér brugðið og að atvikið hafi verið óþægilegt. „Ég var að taka þátt í umræðum í þinginu, og hafði þurft að skjótast heim út af dóttur minni, þannig að hún var nýbúin að vera í bílnum með mér,“ segir Diljá og bætir við að stundum taki hún dóttur sína með sér í vinnuna. Þannig að ég var bara að hugsa á leiðinni heim hvað það hefði verið hræðilegt ef hún hefði verið með mér þarna. Diljá segir einsýnt að maðurinn hafi ekki haft sérstakan áhuga á að ræða við hana á hefðbundinn hátt. „Ef hann vildi tala við mig, þá hefði honum verið það í lófa lagið. Hann langaði ekkert að eiga samræður við mig, hann langaði bara að hræða mig. Til þess er leikurinn gerður. Að fullorðinn maður staldri ekki við, heldur labbi í áttina að konu og kasti einhverju í hana. Mér finnst þetta ótrúlegt,“ segir Diljá. Stundum gangi hún þessa sömu leið fótgangandi, sem hefði verið enn óþægilegra en að sitja inni í bíl. Milliliðalaust samtal undir Diljá segir lögregluna hafa haft samband síðar í dag til að athuga með líðan hennar og mögulegar skemmdir á bílnum, sem Diljá kveðst ekki hafa tekið eftir í fljótu bragði. Hún segir þennan hluta starfs lögreglunnar ekki öfundsverðan. Með uppákomum sem þessari sé verið að skemma milliliðalaust samtal almennings við ráðafólk, sem hingað til hafi verið hægt að ganga að sem nokkuð vísu. „Við erum nýbúin að sjá atburði í Bandaríkjunum sem vöktu upp spurningar hjá fólki, þegar það verður múgæsingur og veist er að ráðamönnum og stofnunum. Að endingu myndi þetta þýða að við þyrftum að breyta fyrirkomulaginu hér á Íslandi,“ segir Diljá og vísar þar til árásar stuðningsmanna Donalds Trump á þinghús Bandaríkjanna 6. janúar 2021. Lögregla var með mikinn viðbúnað á Austurvelli í dag.Vísir/Arnar Mikill viðbúnaður lögreglu Fjöldi mótmælafunda hefur verið haldinn á Austurvelli undanfarna mánuði, til stuðnings Palestínumönnum. Mótmæli dagsins voru á vegum No Borders-samtakanna, þar sem þess var krafist að íslenska ríkið greiddi götu Palestínumanna á Gasa sem fengið hafa samþykktar fjölskyldusameiningar hér á landi. Lögregla var með mikinn viðbúnað á svæðinu. Þá var þess einnig krafist að brottvísunum á palestínsku fólki verði hætt. Hér að neðan má sjá myndefni frá mótmælunum.
Alþingi Reykjavík Sjálfstæðisflokkurinn Tengdar fréttir Eggjum grýtt og unglingar handteknir á Austurvelli Tveir voru handteknir á fjölmennum mótmælum skólabarna á Austurvelli í dag. Krakkarnir kröfðust vopnahlés á Gasa og að íslensk stjórnvöld kæmu fjölskyldusameiningum til framkvæmda. Forsætisráðherra viðurkennir að málið þyrfti skjóta afgreiðslu en flókin framkvæmd tefji fyrir. 6. febrúar 2024 20:09 Mest lesið Tveir reyndust í skotti bíls Innlent „Ef hann hefði verið einn þá hefði þetta getað farið miklu verr“ Innlent Býst við þremur áminningum til og hjólar í lögmannanefnd Innlent Segir valsað um sjúkraskrána eins og á rölti um Kringluna Innlent Fannst hann þvingaður til að afsala sér hundinum Innlent Starfsfólk Ítalíu vill bíl Eflingar burt Innlent Vill hætta við nýja brú yfir Ölfusá og spara milljarða króna Innlent 21 árs konu bjargað á Gasa tíu árum eftir að henni var rænt Erlent Lögmaður eiginkonunnar fyrrverandi segir lögreglu ljúga Innlent Harður þriggja bíla árekstur á Suðurlandsvegi Innlent Fleiri fréttir Vilhjálmur Hjálmarsson kjörinn varaformaður ÖBÍ „Ef hann hefði verið einn þá hefði þetta getað farið miklu verr“ Bátarnir frá eldgosinu í Vestmannaeyjum málaðir á vita Af hverju er barnið mitt alltaf að segja Skibidi toilet? „Þegar hægrið fær að ráða ferðinni óheft og án alls taumhalds fer illa“ Fagna löngu tímabærri breytingu Átök í miðausturlöndum, ný forysta VG og mállýska unga fólksins Mótmælendur hindruðu för lögreglubíls í forgangsakstri Svandís og Guðmundur Ingi nýir leiðtogar Vinstri grænna Málningu kastað og ryskingar við sendiráðið Fannst hann þvingaður til að afsala sér hundinum Biskup Íslands predikar í Vík á 90 ára afmæli kirkjunnar Erfitt að setja tölu á hve margir vilji stjórnarslit Harður þriggja bíla árekstur á Suðurlandsvegi Landsfundur ræðir stjórnarslit og nýjum reglum um blóðgjöf fagnað Tveir stórir skjálftar í Bárðarbunguöskjunni Ríkisstjórnarflokkarnir mælast með tuttugu prósenta fylgi Þorgerður Katrín: Enginn ráðskonurass undir fólki í Viðreisn Tveir reyndust í skotti bíls Mannekla bindur hendur héraðssaksóknara í samráðsmáli Kertavaka til minningar um konur sem hafa dáið vegna kynbundins ofbeldis Munu hlýða kröfu landsfundar verði tillaga um stjórnarslit samþykkt Munu ekki láta af herferð vegna launaþjófnaðarins Orlof húsmæðra: Barn síns tíma eða liður í jafnrétti? Ákveðinn hópur hafi unnið að niðurstöðunni undir yfirborðinu „Öllum ljóst að Ölfusárbrú verði að rísa“ Loksins mega hommar gefa blóð Blóðgjöf samkynhneigðra karla leyfð og ósáttar húsmæður Fimm bíla árekstur á Vesturlandsvegi Nefndin deili ekki við þá sem gagnrýna hana á „mis málefnalegan hátt“ Sjá meira
Eggjum grýtt og unglingar handteknir á Austurvelli Tveir voru handteknir á fjölmennum mótmælum skólabarna á Austurvelli í dag. Krakkarnir kröfðust vopnahlés á Gasa og að íslensk stjórnvöld kæmu fjölskyldusameiningum til framkvæmda. Forsætisráðherra viðurkennir að málið þyrfti skjóta afgreiðslu en flókin framkvæmd tefji fyrir. 6. febrúar 2024 20:09