Thelma Dís keppir í þriggja stiga keppninni á Final Four í Dallas Óskar Ófeigur Jónsson skrifar 23. mars 2023 08:31 Thelma Dís Ágústsdóttir hefur spilað með körfuboltaliði Ball State skólans undanfarin fimm ár. @ballstatewbb Ísland mun eiga flottan fulltrúa á stærstu hátíð bandaríska háskólakörfuboltans en Final Four fer fram í loka þessa mánaðar í Dallas í Texas fylki. Íslenska körfuboltakonan Thelma Dís Ágústsdóttir átti viðburðaríka viku sem jafnframt var hennar síðasta sem leikmaður körfuboltaliðs Ball State. Thelma Dís bætti þriggja stiga met skólans, lék sinn síðasta leik með liðinu og fékk síðan boð um að taka þátt í þriggja stiga skotkeppnini á úrslitakeppni háskólaboltans. Skoraði 107 þriggja stiga körfur í vetur Thelma Dís verður ein af átta leikmönnum úr háskólaboltanum en þar fá aðeins bestu skytturnar að keppa. Thelma skoraði 107 þriggja stiga körfur í aðeins 35 leikjum með Ball State liðinu á tímabilnu og hitti úr 42 prósent skotanna sem er flott nýting. Hún skoraði einu sinni níu þriggja stiga körfur í einum og sama leiknum. En hvernig er fyrir hana að fara að keppa í þriggja stiga keppni á Final Four? „Ég er bara mjög spennt! Þetta er náttúrulega mjög mikil viðurkenning og alls ekki margir sem fá að taka þátt. Ég sjálf vissi ekki og veit í rauninni ennþá ekkert alltof mikið um þetta þannig að ég geri mér ekki alveg grein fyrir hversu stórt þetta er,“ segir Thelma Dís Ágústsdóttir. Thelma Dís Ágústsdóttir er frábær skotmaður og er alltaf að verða betri og betri þriggja stiga skytta.Getty/Joseph Weiser Þjálfarinn tilkynnti þetta í flugvélinni Það kom henni á óvart að fá þetta boð en þjálfarinn hennar fékk tölvupóst um að henni væri boðið. „Við vorum inni í flugvél, alveg að fara í loftið, á leiðinni heim þegar hann tilkynnti mér og öllu liðinu sem var mjög skemmtilegt augnablik. Keppnin er á fimmtudaginn í næstu viku [30. mars] þannig að planið er bara að skjóta mikið þangað til. Maður hefur séð svona keppnir í sjónvarpinu áður, í NBA deildinni til dæmi en ég hafði ekki hugmynd um hvað það er mikið varðandi tækni og annað sem maður þarf að hugsa út í,“ segir Thelma Dís. Genalottóið svokallaða kemur mjög oft upp Móðir Thelmu Dísar er Björg Hafsteinsdóttir sem átti lengi bæði metið yfir flestar þriggja stiga körfur í íslenska landsliðinu sem og í efstu deild á Íslandi. Gretty/Scott W. Grau „Genalottóið svokallaða kemur mjög oft upp þegar ég tala við mömmu um körfuna þannig að já ég mundi segja að hún eigi eitthvað í þessu líka,“ segir Thelma Dís. Það eru náttúrulega stór tímamót hjá henni því hún var að klára háskólaferil sinn. Hvernig var að klára síðasta leikinn með Ball State? „Það var mjög skrýtin tilfinning. Eftir að hafa verið hérna í fimm ár finnst manni eins og þetta eigi ekkert að enda. Það var erfitt að fara úr búningnum í síðasta skipti og við Anna vinkona mín, sem var líka að spila síðasta leikinn sinn, sátum einmitt lengi inni í klefa áður en við gátum loksins farið úr honum,“ segir Thelma Dís. Besta og skemmtilegasta lið sem hún hefur verið hluti af En er hún ánægð með lokatímabilið? „Já og nei. Markmiðið okkar alveg frá því í mars í fyrra var að vinna MAC titilinn og það var mjög svekkjandi að ná því ekki. Á sama tíma er þetta örugglega besta og skemmtilegasta lið sem ég hef nokkurn tímann verið hluti af. Við jöfnuðum skólametið yfir flesta sigurleiki á einu tímabili (26), ég persónulega komst á toppinn á nokkrum tölfræðilistum skólans og við spiluðum ótrúlega skemmtilegan körfubolta,“ segir Thelma Dís. Thelma var með 12,6 stig að meðaltali í leik, tók 3,7 fráköst og gaf 2,1 stoðsendingu að meðaltali í leik. Stærsta afrekið var þó eflaust að slá metið yfir flestar þriggja stiga körfur í sögu skólans. Hún bætti þar met eins þjálfara síns. Fór upp fyrir tvo af þjálfurum sínum „Það er mjög skemmtilegt og mikill heiður. Ég vissi ekki að ég ætti möguleika á að ná því fyrr en um svona mitt tímabilið og þá átti ég ennþá alveg þó nokkuð í land. En það var mjög skemmtilegt þegar ég loksins skoraði síðustu sem ég þurfti til að komast á toppinn á listanum, sérstaklega þar sem ég fór upp fyrir tvo aðstoðarþjálfarana mína sem eru einmitt á fullu að hjálpa mér að undirbúa mig fyrir þriggja stiga keppnina,“ segir Thelma Dís. Thelma Dís varð Íslands- og bikarmeistari með Keflavík áður en hún fór út í nám. Hún hefur verið í Ball State frá haustinu 2018 og hefur spilað 155 leiki með skólanum. Áður en hún fór út spilaði hún 133 leiki með Keflavík í efstu deild og 24 leiki í úrslitakeppni. Það er ekki af ástæðulausu að Thelma Dís Ágústsdóttir er kölluð þriggja stiga drottningin í Ball State skólanum.@ballstatewbb Skrýtið að hugsa til þess að þetta sé að verða búið Hvernig var þessi tími í Ball State? „Alveg ótrúlegur. Það er erfitt að lýsa því hvað ég er búin að þroskast mikið síðan ég kom hingað út og margir sem ég þekki heima sem segja að ég sé eins og ný manneskja. Ég er búin að kynnast svo mikið af nýju fólki, fá að ferðast á staði sem ég hélt að ég mundi aldrei sjá og búin að bæta mig helling í körfunni. Það er ótrúlega skrýtið að hugsa til þess að þetta sé að verða búið og að ég sé ekki að koma aftur hingað í ágúst en ég finn líka að það er kominn tími á að prófa eitthvað nýtt,“ segir Thelma Dís. Hún veit ekki enn hvað tekur við á körfuboltaferlinum. „Það er í rauninni alveg óljóst ennþá. Ég er með opið á allt, hvort sem það verður að koma heim og spila í Subway deildinni eða fara eitthvað út í heim að spila. Það kemur held ég bara í ljós seinna í sumar,“ segir Thelma Dís. Fyrst á dagskrá er að standa sig í þriggja stiga keppninni og halda nafni Íslands á lofti á Final Four. Bandaríski háskólakörfuboltinn Mest lesið Keppinautur Antons í stóru lyfjahneyksli sem komið er á borð FBI Sport Ældi tvisvar þegar kærastan mætti í fyrsta sinn á leik Sport Pabbinn telur að bænirnar hafi komið til bjargar Fótbolti ÍR og Grindavík sendu skýr skilaboð Íslenski boltinn Hetja Tyrkja í bann fyrir úlfafagnið Fótbolti Óskar Hrafn ráðinn yfirmaður knattspyrnumála hjá KR Fótbolti Stelpurnar hans Þóris völtuðu yfir ólympíumeistarana Handbolti Andrea og Arnar langfyrst á Akureyri Sport Bannar eiginkonurnar ef þeir vinna leikinn Fótbolti Dýrmætur sigur Þórs en toppliðið skoraði ekki Íslenski boltinn Fleiri fréttir Kemba Walker hættur og verður þjálfari hjá Hornets Jontay Porter fer fyrir dóm og mun játa veðmálasvindlið KKÍ gefst upp á GameDay kerfinu Rekinn í vetur en ráðinn á ný Lakers ræður reynslubolta með Reddick LeBron James samdi við Lakers og spilar við hlið sonarins Höttur fær annan Dana til sín: „Vona að þið séuð ekki komin með ógeð af dönskum leikmönnum“ „Við gáfum Bronny ekkert, hann vann fyrir þessu“ „Ég kæmi ekki inn í þetta lið nema með það hugarfar að vinna báða titlana“ Pabbinn svekktur eftir að Klay valdi Mavericks yfir Lakers Enginn vildi tala við hann en nú fær hann rúma þrjá milljarða Gerir nýjan 44 milljarða risasamning við Boston Þrír Íslendingar í úrvalsliðum Norðurlandamótsins LeBron vill fá DeMar DeRozan til Lakers Umtalað samband við eldri konu talið hafa spillt fyrir NBA meistarar Boston Celtics til sölu Hilmar Smári semur við Stjörnuna Klay Thompson að semja við Dallas Mavericks LeBron James slítur samningi við Lakers og Chris Paul fer til Spurs „Aðdáendur liðsins munu kynnast mínum gríska anda og orku“ Paul George gerir fjögurra ára samning við Philadelphia 76ers Reese í sögubækurnar og Clark með enn einn stórleikinn Almar skoraði fjörutíu stig þegar Ísland varð Norðurlandameistari Faðir og sonur munu stýra syni og bróður Segir að Golden State banni Wiggins að spila á ÓL LeBron stoltur af syninum: „Arfleið!“ James feðgarnir sameinast í liði Los Angeles Lakers Álftanes fær mikla hetju úr Texas háskólanum Kínverski risinn sem enginn getur stöðvað Tveir Frakkar valdir fyrstir í nýliðavali NBA Sjá meira
Íslenska körfuboltakonan Thelma Dís Ágústsdóttir átti viðburðaríka viku sem jafnframt var hennar síðasta sem leikmaður körfuboltaliðs Ball State. Thelma Dís bætti þriggja stiga met skólans, lék sinn síðasta leik með liðinu og fékk síðan boð um að taka þátt í þriggja stiga skotkeppnini á úrslitakeppni háskólaboltans. Skoraði 107 þriggja stiga körfur í vetur Thelma Dís verður ein af átta leikmönnum úr háskólaboltanum en þar fá aðeins bestu skytturnar að keppa. Thelma skoraði 107 þriggja stiga körfur í aðeins 35 leikjum með Ball State liðinu á tímabilnu og hitti úr 42 prósent skotanna sem er flott nýting. Hún skoraði einu sinni níu þriggja stiga körfur í einum og sama leiknum. En hvernig er fyrir hana að fara að keppa í þriggja stiga keppni á Final Four? „Ég er bara mjög spennt! Þetta er náttúrulega mjög mikil viðurkenning og alls ekki margir sem fá að taka þátt. Ég sjálf vissi ekki og veit í rauninni ennþá ekkert alltof mikið um þetta þannig að ég geri mér ekki alveg grein fyrir hversu stórt þetta er,“ segir Thelma Dís Ágústsdóttir. Thelma Dís Ágústsdóttir er frábær skotmaður og er alltaf að verða betri og betri þriggja stiga skytta.Getty/Joseph Weiser Þjálfarinn tilkynnti þetta í flugvélinni Það kom henni á óvart að fá þetta boð en þjálfarinn hennar fékk tölvupóst um að henni væri boðið. „Við vorum inni í flugvél, alveg að fara í loftið, á leiðinni heim þegar hann tilkynnti mér og öllu liðinu sem var mjög skemmtilegt augnablik. Keppnin er á fimmtudaginn í næstu viku [30. mars] þannig að planið er bara að skjóta mikið þangað til. Maður hefur séð svona keppnir í sjónvarpinu áður, í NBA deildinni til dæmi en ég hafði ekki hugmynd um hvað það er mikið varðandi tækni og annað sem maður þarf að hugsa út í,“ segir Thelma Dís. Genalottóið svokallaða kemur mjög oft upp Móðir Thelmu Dísar er Björg Hafsteinsdóttir sem átti lengi bæði metið yfir flestar þriggja stiga körfur í íslenska landsliðinu sem og í efstu deild á Íslandi. Gretty/Scott W. Grau „Genalottóið svokallaða kemur mjög oft upp þegar ég tala við mömmu um körfuna þannig að já ég mundi segja að hún eigi eitthvað í þessu líka,“ segir Thelma Dís. Það eru náttúrulega stór tímamót hjá henni því hún var að klára háskólaferil sinn. Hvernig var að klára síðasta leikinn með Ball State? „Það var mjög skrýtin tilfinning. Eftir að hafa verið hérna í fimm ár finnst manni eins og þetta eigi ekkert að enda. Það var erfitt að fara úr búningnum í síðasta skipti og við Anna vinkona mín, sem var líka að spila síðasta leikinn sinn, sátum einmitt lengi inni í klefa áður en við gátum loksins farið úr honum,“ segir Thelma Dís. Besta og skemmtilegasta lið sem hún hefur verið hluti af En er hún ánægð með lokatímabilið? „Já og nei. Markmiðið okkar alveg frá því í mars í fyrra var að vinna MAC titilinn og það var mjög svekkjandi að ná því ekki. Á sama tíma er þetta örugglega besta og skemmtilegasta lið sem ég hef nokkurn tímann verið hluti af. Við jöfnuðum skólametið yfir flesta sigurleiki á einu tímabili (26), ég persónulega komst á toppinn á nokkrum tölfræðilistum skólans og við spiluðum ótrúlega skemmtilegan körfubolta,“ segir Thelma Dís. Thelma var með 12,6 stig að meðaltali í leik, tók 3,7 fráköst og gaf 2,1 stoðsendingu að meðaltali í leik. Stærsta afrekið var þó eflaust að slá metið yfir flestar þriggja stiga körfur í sögu skólans. Hún bætti þar met eins þjálfara síns. Fór upp fyrir tvo af þjálfurum sínum „Það er mjög skemmtilegt og mikill heiður. Ég vissi ekki að ég ætti möguleika á að ná því fyrr en um svona mitt tímabilið og þá átti ég ennþá alveg þó nokkuð í land. En það var mjög skemmtilegt þegar ég loksins skoraði síðustu sem ég þurfti til að komast á toppinn á listanum, sérstaklega þar sem ég fór upp fyrir tvo aðstoðarþjálfarana mína sem eru einmitt á fullu að hjálpa mér að undirbúa mig fyrir þriggja stiga keppnina,“ segir Thelma Dís. Thelma Dís varð Íslands- og bikarmeistari með Keflavík áður en hún fór út í nám. Hún hefur verið í Ball State frá haustinu 2018 og hefur spilað 155 leiki með skólanum. Áður en hún fór út spilaði hún 133 leiki með Keflavík í efstu deild og 24 leiki í úrslitakeppni. Það er ekki af ástæðulausu að Thelma Dís Ágústsdóttir er kölluð þriggja stiga drottningin í Ball State skólanum.@ballstatewbb Skrýtið að hugsa til þess að þetta sé að verða búið Hvernig var þessi tími í Ball State? „Alveg ótrúlegur. Það er erfitt að lýsa því hvað ég er búin að þroskast mikið síðan ég kom hingað út og margir sem ég þekki heima sem segja að ég sé eins og ný manneskja. Ég er búin að kynnast svo mikið af nýju fólki, fá að ferðast á staði sem ég hélt að ég mundi aldrei sjá og búin að bæta mig helling í körfunni. Það er ótrúlega skrýtið að hugsa til þess að þetta sé að verða búið og að ég sé ekki að koma aftur hingað í ágúst en ég finn líka að það er kominn tími á að prófa eitthvað nýtt,“ segir Thelma Dís. Hún veit ekki enn hvað tekur við á körfuboltaferlinum. „Það er í rauninni alveg óljóst ennþá. Ég er með opið á allt, hvort sem það verður að koma heim og spila í Subway deildinni eða fara eitthvað út í heim að spila. Það kemur held ég bara í ljós seinna í sumar,“ segir Thelma Dís. Fyrst á dagskrá er að standa sig í þriggja stiga keppninni og halda nafni Íslands á lofti á Final Four.
Bandaríski háskólakörfuboltinn Mest lesið Keppinautur Antons í stóru lyfjahneyksli sem komið er á borð FBI Sport Ældi tvisvar þegar kærastan mætti í fyrsta sinn á leik Sport Pabbinn telur að bænirnar hafi komið til bjargar Fótbolti ÍR og Grindavík sendu skýr skilaboð Íslenski boltinn Hetja Tyrkja í bann fyrir úlfafagnið Fótbolti Óskar Hrafn ráðinn yfirmaður knattspyrnumála hjá KR Fótbolti Stelpurnar hans Þóris völtuðu yfir ólympíumeistarana Handbolti Andrea og Arnar langfyrst á Akureyri Sport Bannar eiginkonurnar ef þeir vinna leikinn Fótbolti Dýrmætur sigur Þórs en toppliðið skoraði ekki Íslenski boltinn Fleiri fréttir Kemba Walker hættur og verður þjálfari hjá Hornets Jontay Porter fer fyrir dóm og mun játa veðmálasvindlið KKÍ gefst upp á GameDay kerfinu Rekinn í vetur en ráðinn á ný Lakers ræður reynslubolta með Reddick LeBron James samdi við Lakers og spilar við hlið sonarins Höttur fær annan Dana til sín: „Vona að þið séuð ekki komin með ógeð af dönskum leikmönnum“ „Við gáfum Bronny ekkert, hann vann fyrir þessu“ „Ég kæmi ekki inn í þetta lið nema með það hugarfar að vinna báða titlana“ Pabbinn svekktur eftir að Klay valdi Mavericks yfir Lakers Enginn vildi tala við hann en nú fær hann rúma þrjá milljarða Gerir nýjan 44 milljarða risasamning við Boston Þrír Íslendingar í úrvalsliðum Norðurlandamótsins LeBron vill fá DeMar DeRozan til Lakers Umtalað samband við eldri konu talið hafa spillt fyrir NBA meistarar Boston Celtics til sölu Hilmar Smári semur við Stjörnuna Klay Thompson að semja við Dallas Mavericks LeBron James slítur samningi við Lakers og Chris Paul fer til Spurs „Aðdáendur liðsins munu kynnast mínum gríska anda og orku“ Paul George gerir fjögurra ára samning við Philadelphia 76ers Reese í sögubækurnar og Clark með enn einn stórleikinn Almar skoraði fjörutíu stig þegar Ísland varð Norðurlandameistari Faðir og sonur munu stýra syni og bróður Segir að Golden State banni Wiggins að spila á ÓL LeBron stoltur af syninum: „Arfleið!“ James feðgarnir sameinast í liði Los Angeles Lakers Álftanes fær mikla hetju úr Texas háskólanum Kínverski risinn sem enginn getur stöðvað Tveir Frakkar valdir fyrstir í nýliðavali NBA Sjá meira