Von der Leyen svaraði erindi Katrínar en svörin fást ekki afhent Hólmfríður Gísladóttir skrifar 23. febrúar 2023 09:30 Katrín óskaði í erindi sínu eftir stuðningi von der Leyen við málflutning Íslands. Katrínu Jakobsdóttur barst svarbréf frá Ursulu von der Leyen, forseta framkvæmdastjórnar Evrópusambandsins, við erindi forsætisráðherra frá því í júní í fyrra er varðaði kostnað við losun frá millilandaflugi. Forsætisráðuneytið hefur hins vegar synjað beiðni fréttastofu um að fá svarbréf von der Leyen afhent og vísar í ákvæði upplýsingalaga um að stjórnvöldum sé heimilt að takmarka aðgengi almennings að gögnum er varða samskipti við önnur ríki eða fjölþjóðastofnanir vegna almannahagsmuna. „Umbeðið bréf geymir upplýsingar um yfirstandandi samskipti íslenska ríkisins við önnur ríki eða fjölþjóðastofnanir og er það mat ráðuneytisins að verði það afhent sé hætta á að traust erlendra stjórnvalda eða alþjóðastofnana til íslenskra stjórnvalda skaðist og að afhending bréfsins muni því torvelda téð samskipti,“ segir í svörum ráðuneytisins. Afar íþyngjandi breytingar Í erindi forsætisráðherra til von der Leyen segir meðal annars að á sama tíma og Ísland sé aðili að Parísarsáttmálanum í loftslagsmálum og styðji markmið Fit for 55 áætlunar Evrópusambandsins, hafi stjórnvöld þungar áhyggjur af fyrirhuguðum takmörkunum á fríum losunarheimildum og tillögum sem miða að því að draga úr notkun jarðefnaeldsneyta og auka hlut umhverfisvænna orkugjafa. Fit for 55 miðar að því að takmarka losun gróðurhúsaloftegunda innan sambandsins um að minnsta kosti 55 prósent fyrir árið 2030 en tillögurnar sem lagðar hafa verið fram fela meðal annars í sér kröfur til flugfélaga um notkun vistvænni orkugjafa og flugvalla um uppbyggingu innviða til að styðja við markmiðin. Katrín segir í erindi sínu að um sé að ræða afar íþyngjandi breytingar fyrir Ísland, sem muni draga úr samkeppnishæfni flugfélaga á Íslandi og Keflavíkurflugvallar. Málið sé sérstaklega alvarlegt í ljósi þess að tillögurnar muni leiða til verðhækkana í flugsamgöngum, sem séu eini samskiptamátin sem Íslendingum stendur til boða þegar kemur að ferðalögum út fyrir landsteinana. Þá segist forsætisráðherra hafa áhyggjur af „kolefnisleka“ vegna aukinna viðskipta við ódýrari flugfélög sem falla utan reglanna. Leggur hún meðal annars til að sá kostnaðarauki sem tillögurnar fela í sér falli niður eftir 50 kílómetra flugferð til eða frá „fjarlægu eyríki“. Óskaði hún eftir stuðningi von der Leyen við málflutning Íslands hvað þetta varðar. Tengipunkturinn Ísland Lítið hefur verið greint frá málinu frá því að bréfaskipti forsætisráðherra og forseta framkvæmdastjórnar Evrópusambandsins áttu sér stað síðasta sumar en í desember var komist að bráðabirða samkomulagi á vettvangi ESB um endurskoðun losunarheimilda (EU ETS) fyrir flugiðnaðinn. Samkomulagið er sagt tryggja að flugiðnaðurinn leggi sitt af mörkum til þess að stuðla að því að markmiðum Parísarsáttmálans verði náð. Það felur í sér ákveðnar undanþágur fyrir flugrekstur á jaðarsvæðum en engin ríki eða svæði eru nefnd sérstaklega í því samhengi. Bogi Nils Bogason, forstjóri Icelandair, sagði í samtali við Reykjavík síðdegis í gær að fyrirhugaðar aðgerðir ESB til að sporna við mengun frá flugsamgöngum stofnuðu stöðu Íslands sem tengipunkts milli Evrópu og Ameríku í hættu. Það væri afar mikilvægt að Ísland fengi undanþágur frá reglunum. „Þetta er miklu meira mál fyrir íslenskt hagkerfi, íslenska ferðaþjónustu, íslenskt viðskiptalíf og bara lífskjör á Íslandi. Það sem verra er, er að ef þetta verður að veruleika þá hjálpar það umhverfinu ekki neitt, því að flugið fer bara eitthvað annað,“ sagði Bogi. Hér má finna upplýsingar um Fit for 55 og fyrrnefndar tillögur og samkomulag. Bréf_forsætisráðherraPDF1.5MBSækja skjal Evrópusambandið Umhverfismál Fréttir af flugi Icelandair Loftslagsmál Ríkisstjórn Katrínar Jakobsdóttur Reykjavík síðdegis Mest lesið Gámur fluttur án leyfis eiganda og öllu stolið úr honum Innlent Vaknaði með tíu ósvöruð símtöl og frétti svo af uppsögninni Innlent Skilur ekki hægagang dómsmálaráðuneytisins Innlent Alvarlega slasaður eftir mótorhjólaslys Innlent Tvö þúsund skora á Guðrúnu að hætta við brottvísunina Innlent Kirkjan skaðabótaskyld gagnvart Kristni Innlent „Ef þessi maður kemst út úr fangelsi mun hann drepa barnið mitt“ Innlent Kæmi mjög á óvart sigri annar flokkur en Verkamannaflokkurinn Erlent Verkamannaflokkurinn með stórsigur samkvæmt útgönguspám Erlent Kourani sjái ekki eftir neinu og eigi skilið sex til átta ár í fangelsi Innlent Fleiri fréttir Tvö þúsund skora á Guðrúnu að hætta við brottvísunina Skilur ekki hægagang dómsmálaráðuneytisins Gámur fluttur án leyfis eiganda og öllu stolið úr honum Syngjandi hundur í Mosfellsbæ Vaknaði með tíu ósvöruð símtöl og frétti svo af uppsögninni Mátti ekki pissa á starfsmann svo hann meig á glugga Alvarlega slasaður eftir mótorhjólaslys Akranesbær í sárum eftir gjaldþrot eins stærsta vinnustaðarins Fimmtán mánaða skilorð fyrir vörslu barnaníðsefnis Kirkjan skaðabótaskyld gagnvart Kristni Tuttugu stéttarfélög skrifuðu undir kjarasamninga Býður þingmönnum að „fá hrollkaldan veruleikan í andlitið“ Slæleg vinnubrögð álagi og tímapressu að kenna Fundu sautján poka af ónýtum kannabisplöntum og úrgangi Sigmundur Davíð þvær hendur sínar af Mannréttindastofnun Íslands Kolbeinn fer ekki fyrir Landsrétt Fulltrúar sérhagsmuna létu formanninn einan um orðið Fólk geti verið með fleiri en einn kynsjúkdóm Skjálfandafljót verði ekki virkjað á næstunni Mikill meirihluti þjóðarinnar styður aðildarviðræður við ESB Kourani sjái ekki eftir neinu og eigi skilið sex til átta ár í fangelsi Sjúklingur réðst á lækni sem fær ekki bætur frá ríkinu Lauginni lokað eftir að lögn fór í sundur Gremja vegna golfbíla á meistaramóti Lögreglan kölluð til er hundur lék lausum hala á Reykjanesbrautinni Yfir 190 gestir Fabrikkunnar með nóróveiru síðasta sumar Engin gögn bendi til tengsla við Hamas Mikil fjölgun í greiningum á sárasótt og lekanda Leggja til íbúakosningu vegna framkvæmda Carbfix Hlaut of þunga refsingu fyrir mistök Sjá meira
Forsætisráðuneytið hefur hins vegar synjað beiðni fréttastofu um að fá svarbréf von der Leyen afhent og vísar í ákvæði upplýsingalaga um að stjórnvöldum sé heimilt að takmarka aðgengi almennings að gögnum er varða samskipti við önnur ríki eða fjölþjóðastofnanir vegna almannahagsmuna. „Umbeðið bréf geymir upplýsingar um yfirstandandi samskipti íslenska ríkisins við önnur ríki eða fjölþjóðastofnanir og er það mat ráðuneytisins að verði það afhent sé hætta á að traust erlendra stjórnvalda eða alþjóðastofnana til íslenskra stjórnvalda skaðist og að afhending bréfsins muni því torvelda téð samskipti,“ segir í svörum ráðuneytisins. Afar íþyngjandi breytingar Í erindi forsætisráðherra til von der Leyen segir meðal annars að á sama tíma og Ísland sé aðili að Parísarsáttmálanum í loftslagsmálum og styðji markmið Fit for 55 áætlunar Evrópusambandsins, hafi stjórnvöld þungar áhyggjur af fyrirhuguðum takmörkunum á fríum losunarheimildum og tillögum sem miða að því að draga úr notkun jarðefnaeldsneyta og auka hlut umhverfisvænna orkugjafa. Fit for 55 miðar að því að takmarka losun gróðurhúsaloftegunda innan sambandsins um að minnsta kosti 55 prósent fyrir árið 2030 en tillögurnar sem lagðar hafa verið fram fela meðal annars í sér kröfur til flugfélaga um notkun vistvænni orkugjafa og flugvalla um uppbyggingu innviða til að styðja við markmiðin. Katrín segir í erindi sínu að um sé að ræða afar íþyngjandi breytingar fyrir Ísland, sem muni draga úr samkeppnishæfni flugfélaga á Íslandi og Keflavíkurflugvallar. Málið sé sérstaklega alvarlegt í ljósi þess að tillögurnar muni leiða til verðhækkana í flugsamgöngum, sem séu eini samskiptamátin sem Íslendingum stendur til boða þegar kemur að ferðalögum út fyrir landsteinana. Þá segist forsætisráðherra hafa áhyggjur af „kolefnisleka“ vegna aukinna viðskipta við ódýrari flugfélög sem falla utan reglanna. Leggur hún meðal annars til að sá kostnaðarauki sem tillögurnar fela í sér falli niður eftir 50 kílómetra flugferð til eða frá „fjarlægu eyríki“. Óskaði hún eftir stuðningi von der Leyen við málflutning Íslands hvað þetta varðar. Tengipunkturinn Ísland Lítið hefur verið greint frá málinu frá því að bréfaskipti forsætisráðherra og forseta framkvæmdastjórnar Evrópusambandsins áttu sér stað síðasta sumar en í desember var komist að bráðabirða samkomulagi á vettvangi ESB um endurskoðun losunarheimilda (EU ETS) fyrir flugiðnaðinn. Samkomulagið er sagt tryggja að flugiðnaðurinn leggi sitt af mörkum til þess að stuðla að því að markmiðum Parísarsáttmálans verði náð. Það felur í sér ákveðnar undanþágur fyrir flugrekstur á jaðarsvæðum en engin ríki eða svæði eru nefnd sérstaklega í því samhengi. Bogi Nils Bogason, forstjóri Icelandair, sagði í samtali við Reykjavík síðdegis í gær að fyrirhugaðar aðgerðir ESB til að sporna við mengun frá flugsamgöngum stofnuðu stöðu Íslands sem tengipunkts milli Evrópu og Ameríku í hættu. Það væri afar mikilvægt að Ísland fengi undanþágur frá reglunum. „Þetta er miklu meira mál fyrir íslenskt hagkerfi, íslenska ferðaþjónustu, íslenskt viðskiptalíf og bara lífskjör á Íslandi. Það sem verra er, er að ef þetta verður að veruleika þá hjálpar það umhverfinu ekki neitt, því að flugið fer bara eitthvað annað,“ sagði Bogi. Hér má finna upplýsingar um Fit for 55 og fyrrnefndar tillögur og samkomulag. Bréf_forsætisráðherraPDF1.5MBSækja skjal
Evrópusambandið Umhverfismál Fréttir af flugi Icelandair Loftslagsmál Ríkisstjórn Katrínar Jakobsdóttur Reykjavík síðdegis Mest lesið Gámur fluttur án leyfis eiganda og öllu stolið úr honum Innlent Vaknaði með tíu ósvöruð símtöl og frétti svo af uppsögninni Innlent Skilur ekki hægagang dómsmálaráðuneytisins Innlent Alvarlega slasaður eftir mótorhjólaslys Innlent Tvö þúsund skora á Guðrúnu að hætta við brottvísunina Innlent Kirkjan skaðabótaskyld gagnvart Kristni Innlent „Ef þessi maður kemst út úr fangelsi mun hann drepa barnið mitt“ Innlent Kæmi mjög á óvart sigri annar flokkur en Verkamannaflokkurinn Erlent Verkamannaflokkurinn með stórsigur samkvæmt útgönguspám Erlent Kourani sjái ekki eftir neinu og eigi skilið sex til átta ár í fangelsi Innlent Fleiri fréttir Tvö þúsund skora á Guðrúnu að hætta við brottvísunina Skilur ekki hægagang dómsmálaráðuneytisins Gámur fluttur án leyfis eiganda og öllu stolið úr honum Syngjandi hundur í Mosfellsbæ Vaknaði með tíu ósvöruð símtöl og frétti svo af uppsögninni Mátti ekki pissa á starfsmann svo hann meig á glugga Alvarlega slasaður eftir mótorhjólaslys Akranesbær í sárum eftir gjaldþrot eins stærsta vinnustaðarins Fimmtán mánaða skilorð fyrir vörslu barnaníðsefnis Kirkjan skaðabótaskyld gagnvart Kristni Tuttugu stéttarfélög skrifuðu undir kjarasamninga Býður þingmönnum að „fá hrollkaldan veruleikan í andlitið“ Slæleg vinnubrögð álagi og tímapressu að kenna Fundu sautján poka af ónýtum kannabisplöntum og úrgangi Sigmundur Davíð þvær hendur sínar af Mannréttindastofnun Íslands Kolbeinn fer ekki fyrir Landsrétt Fulltrúar sérhagsmuna létu formanninn einan um orðið Fólk geti verið með fleiri en einn kynsjúkdóm Skjálfandafljót verði ekki virkjað á næstunni Mikill meirihluti þjóðarinnar styður aðildarviðræður við ESB Kourani sjái ekki eftir neinu og eigi skilið sex til átta ár í fangelsi Sjúklingur réðst á lækni sem fær ekki bætur frá ríkinu Lauginni lokað eftir að lögn fór í sundur Gremja vegna golfbíla á meistaramóti Lögreglan kölluð til er hundur lék lausum hala á Reykjanesbrautinni Yfir 190 gestir Fabrikkunnar með nóróveiru síðasta sumar Engin gögn bendi til tengsla við Hamas Mikil fjölgun í greiningum á sárasótt og lekanda Leggja til íbúakosningu vegna framkvæmda Carbfix Hlaut of þunga refsingu fyrir mistök Sjá meira