Veðmálafyrirtæki hverfi framan af treyjunum Valur Páll Eiríksson skrifar 22. febrúar 2023 10:30 West Ham United (Betway) og Bournemouth (Dafabet) eru á meðal átta liða í ensku úrvalsdeildinni með veðmálafyrirtæki sem aðalstyrktaraðila. Chloe Knott - Danehouse/Getty Images Bresk stjórnvöld eru langt komin með frumvarp sem mun banna veðmálafyrirtækjum að auglýsa framan á treyjum liða í ensku úrvalsdeildinni. Viðræður eru sagðar eiga sér stað milli stjórnvalda og forráðamanna félaga í deildinni. Breska ríkisútvarpið, BBC, greinir frá. Samkvæmt heimildum miðilsins eru félög í deildinni opin fyrir því að banna auglýsingar veðmálafyrirtækja framan á treyjum liða. Veðmálaauglýsingar eru víða bannaðar og borið hefur á hertu regluverki um auglýsingar á starfseminni innan íþrótta síðustu misseri. Í síðasta mánuði var slíkt bann gegn veðmálaauglýsingum íþróttafélaga samþykkt í Belgíu. Þar verða fyrirtækin bönnuð sem aðalstyrktaraðili fyrst um sinn, en í skrefum verði auglýsingar veðmálafyrirtækja bönnuð með öllu fyrir lok árs 2025. Frumvarpið í Bretlandi, sem var langt komið í forsætisráðherratíð Boris Johnson, mun hins vegar aðeins snerta á auglýsingum framan á treyjum, samkvæmt frétt BBC. Veðmálafyrirtæki geti áfram auglýst á öðrum vettvöngum félaga, sem og á ermi treyjunnar. Átta lið af tuttugu með veðmálafyrirtæki framan á treyjunni Meginrökin fyrir slíkum bönnum er skaðsemi sem veðmál geta haft í för með sér, það er að segja veðmálafíkn. Stuðningsmenn frumvarpsins segja veðmálastarfsemi vera normalíseraðan þátt íþrótta. Aðgerða og stífara regluverks sé þörf til að verja viðkvæma hópa. Everton (Stake.com) og Leeds (SBO Top) eru bæði með veðmálafyrirtæki sem aðalstyrktaraðila.Tony McArdle/Everton FC via Getty Images Átta félög af 20 í ensku úrvalsdeildinni (Bournemouth, Brentford, Everton, Fulham, Leeds, Newcastle, Southampton og West Ham) eru með veðmálafyrirtæki sem aðalstyrktaraðila framan á treyjum sínum. Sú tala hefur verið hærri á síðustu árum en slík fyrirtæki sáust ekki framan á treyjum liða fyrir aldamót og hafa þau á skömmum tíma raunar tekið yfir sem lang algengasti styrktaraðili enskra úrvalsdeildarliða. Mörg liðanna sem ekki eru með veðmálafyrirtæki sem aðalstyrktaraðila á yfirstandandi leiktíð, hafa gert það áður. „Raunveruleikinn er sá að fyrir lið utan þeirra sex stóru, bjóða þessi fyrirtæki tvöfalt meira fjárhagslega en fyrirtæki utan veðmálageirans,“ sagði Christian Purslow, framkvæmdastjóri Aston Villa, í síðasta mánuði eftir að félagið samdi við veðmálafyrirtækið BK8. Flestir veðji á ábyrgan hátt Neðri deildir á Englandi eru með Sky Bet sem sinn aðalstyrktaraðila. EFL, sem rekur B, C og D-deild landsins (sem bera heiti Sky Bet) segir að félög í þeim deildum muni verða af 40 milljónum punda árlega ef veðmálaauglýsingar verða bannaðar alfarið. Veðmálaráð Bretlands, sem er málsvari veðmálageirans í ríkinu, er andstætt hertu regluverki og segir meirihluta þeirra 22 milljóna Breta sem veðji að staðaldri „geri það á öruggan og ábyrgan hátt.“ „Hlutfall veðmálavanda er enn lágt miðað við alþjóðlegan mælikvarða, 0,3% fullorðinna í Bretlandi - og fór niður úr 0,4% árið áður,“ segir í tilkynningu ráðsins. Almenningur verði að gangandi auglýsingaskiltum Iain Duncan Smith Iain Duncan Smith, fyrrum formaður Íhaldsflokksins, sem í dag fer fyrir hreyfingu þingmanna sem berst fyrir hertara regluverki, segir bresk lög vera á meðal þeirra frjálslegustu í heiminum þegar kemur að veðmálastarfsemi. „Í augnablikinu erum við líklega landið með frjálsustu fjárhættuspilalög í heimi,“ segir Duncan Smith. Veðmálaauglýsingar þurfi að fjarlægja af treyjum til að „stöðva þúsundir manna sem ráfa um sem gangandi auglýsingaskilti.“ Enski boltinn Fótbolti Bretland Fjárhættuspil Mest lesið Moldrík og virðist ætla að umturna kvennafótbolta Fótbolti Umtalað samband við eldri konu talið hafa spillt fyrir Körfubolti Ronaldo staðfestir að Evrópumótið í ár verði hans síðasta Fótbolti „Takk fyrir að berjast alltaf fyrir okkur stelpunum“ Íslenski boltinn Paul Pogba ekki hættur: „Ég mun berjast, fyrir sjálfan mig, gegn þessu óréttlæti“ Fótbolti „Líklega besti leikur lífs míns“ Fótbolti „Geri mér alveg grein fyrir því að þetta sé á einhvern hátt umdeilt“ Handbolti Fyrstur í sögunni til að verja þrjár vítaspyrnur í sama EM-leiknum Fótbolti Gerir nýjan 44 milljarða risasamning við Boston Körfubolti Bandaríkin úr leik á Copa América og á leið í „djúpa naflaskoðun“ Fótbolti Fleiri fréttir Undrabarnið Gray til Tottenham Caldentey fer frá Evrópumeisturum Barcelona til Arsenal Man Utd horfir enn á ný til fyrrum lærisveins Ten Hag Borga yfir þrjátíu milljarða fyrir þrjú ár framan á búningum Rauðu djöflanna Manchester United hefur gengið frá kaupum á yfirmanni knattspyrnumála Liverpool afþakkaði boð Newcastle um Gordon fyrir Quansah Elísabet ekki ráðin til Villa Keane bað Maguire afsökunar: „Ég fór yfir strikið“ Nistelrooy snýr aftur til Manchester United Þjálfari Willums á leið til United Shaq vill kaupa hlut í West Ham Manchester United missir fleiri stjörnur Kvennalið Man Utd fært svo pláss sé fyrir karlaliðið Íhuga að selja nafnaréttinn á Old Trafford Mun ekki leyfa kaup og sölur á uppsprengdu verði Vilja spila leik í ensku C-deildinni á bandarískri grundu Alan Hansen útskrifaður af spítalanum Nýr leikmaður Chelsea sagður vera besti Brassinn síðan Neymar kom fram Bæjarar halda áfram að taka stjörnur úr ensku úrvalsdeildinni Eigandi Roma tryggir sér kauprétt á Everton Enski boltinn snýr aftur heim Beta sterklega orðuð við Aston Villa Man United má ekki kaupa leikmenn af Nice Nýliðarnir ráða manninn sem Forest lét fara Arne Slot fær auðveldustu byrjunina í deildinni Slot fékk góð ráð hjá Klopp og tekur teymið með sér Man United íhugar kaup á Zirkzee Chelsea-Man City í fyrstu umferð Jón Dagur orðaður við lið í ensku úrvalsdeildinni Man City sagt ekki ætla að styrkja sig með nýjum leikmönnum Sjá meira
Breska ríkisútvarpið, BBC, greinir frá. Samkvæmt heimildum miðilsins eru félög í deildinni opin fyrir því að banna auglýsingar veðmálafyrirtækja framan á treyjum liða. Veðmálaauglýsingar eru víða bannaðar og borið hefur á hertu regluverki um auglýsingar á starfseminni innan íþrótta síðustu misseri. Í síðasta mánuði var slíkt bann gegn veðmálaauglýsingum íþróttafélaga samþykkt í Belgíu. Þar verða fyrirtækin bönnuð sem aðalstyrktaraðili fyrst um sinn, en í skrefum verði auglýsingar veðmálafyrirtækja bönnuð með öllu fyrir lok árs 2025. Frumvarpið í Bretlandi, sem var langt komið í forsætisráðherratíð Boris Johnson, mun hins vegar aðeins snerta á auglýsingum framan á treyjum, samkvæmt frétt BBC. Veðmálafyrirtæki geti áfram auglýst á öðrum vettvöngum félaga, sem og á ermi treyjunnar. Átta lið af tuttugu með veðmálafyrirtæki framan á treyjunni Meginrökin fyrir slíkum bönnum er skaðsemi sem veðmál geta haft í för með sér, það er að segja veðmálafíkn. Stuðningsmenn frumvarpsins segja veðmálastarfsemi vera normalíseraðan þátt íþrótta. Aðgerða og stífara regluverks sé þörf til að verja viðkvæma hópa. Everton (Stake.com) og Leeds (SBO Top) eru bæði með veðmálafyrirtæki sem aðalstyrktaraðila.Tony McArdle/Everton FC via Getty Images Átta félög af 20 í ensku úrvalsdeildinni (Bournemouth, Brentford, Everton, Fulham, Leeds, Newcastle, Southampton og West Ham) eru með veðmálafyrirtæki sem aðalstyrktaraðila framan á treyjum sínum. Sú tala hefur verið hærri á síðustu árum en slík fyrirtæki sáust ekki framan á treyjum liða fyrir aldamót og hafa þau á skömmum tíma raunar tekið yfir sem lang algengasti styrktaraðili enskra úrvalsdeildarliða. Mörg liðanna sem ekki eru með veðmálafyrirtæki sem aðalstyrktaraðila á yfirstandandi leiktíð, hafa gert það áður. „Raunveruleikinn er sá að fyrir lið utan þeirra sex stóru, bjóða þessi fyrirtæki tvöfalt meira fjárhagslega en fyrirtæki utan veðmálageirans,“ sagði Christian Purslow, framkvæmdastjóri Aston Villa, í síðasta mánuði eftir að félagið samdi við veðmálafyrirtækið BK8. Flestir veðji á ábyrgan hátt Neðri deildir á Englandi eru með Sky Bet sem sinn aðalstyrktaraðila. EFL, sem rekur B, C og D-deild landsins (sem bera heiti Sky Bet) segir að félög í þeim deildum muni verða af 40 milljónum punda árlega ef veðmálaauglýsingar verða bannaðar alfarið. Veðmálaráð Bretlands, sem er málsvari veðmálageirans í ríkinu, er andstætt hertu regluverki og segir meirihluta þeirra 22 milljóna Breta sem veðji að staðaldri „geri það á öruggan og ábyrgan hátt.“ „Hlutfall veðmálavanda er enn lágt miðað við alþjóðlegan mælikvarða, 0,3% fullorðinna í Bretlandi - og fór niður úr 0,4% árið áður,“ segir í tilkynningu ráðsins. Almenningur verði að gangandi auglýsingaskiltum Iain Duncan Smith Iain Duncan Smith, fyrrum formaður Íhaldsflokksins, sem í dag fer fyrir hreyfingu þingmanna sem berst fyrir hertara regluverki, segir bresk lög vera á meðal þeirra frjálslegustu í heiminum þegar kemur að veðmálastarfsemi. „Í augnablikinu erum við líklega landið með frjálsustu fjárhættuspilalög í heimi,“ segir Duncan Smith. Veðmálaauglýsingar þurfi að fjarlægja af treyjum til að „stöðva þúsundir manna sem ráfa um sem gangandi auglýsingaskilti.“
Enski boltinn Fótbolti Bretland Fjárhættuspil Mest lesið Moldrík og virðist ætla að umturna kvennafótbolta Fótbolti Umtalað samband við eldri konu talið hafa spillt fyrir Körfubolti Ronaldo staðfestir að Evrópumótið í ár verði hans síðasta Fótbolti „Takk fyrir að berjast alltaf fyrir okkur stelpunum“ Íslenski boltinn Paul Pogba ekki hættur: „Ég mun berjast, fyrir sjálfan mig, gegn þessu óréttlæti“ Fótbolti „Líklega besti leikur lífs míns“ Fótbolti „Geri mér alveg grein fyrir því að þetta sé á einhvern hátt umdeilt“ Handbolti Fyrstur í sögunni til að verja þrjár vítaspyrnur í sama EM-leiknum Fótbolti Gerir nýjan 44 milljarða risasamning við Boston Körfubolti Bandaríkin úr leik á Copa América og á leið í „djúpa naflaskoðun“ Fótbolti Fleiri fréttir Undrabarnið Gray til Tottenham Caldentey fer frá Evrópumeisturum Barcelona til Arsenal Man Utd horfir enn á ný til fyrrum lærisveins Ten Hag Borga yfir þrjátíu milljarða fyrir þrjú ár framan á búningum Rauðu djöflanna Manchester United hefur gengið frá kaupum á yfirmanni knattspyrnumála Liverpool afþakkaði boð Newcastle um Gordon fyrir Quansah Elísabet ekki ráðin til Villa Keane bað Maguire afsökunar: „Ég fór yfir strikið“ Nistelrooy snýr aftur til Manchester United Þjálfari Willums á leið til United Shaq vill kaupa hlut í West Ham Manchester United missir fleiri stjörnur Kvennalið Man Utd fært svo pláss sé fyrir karlaliðið Íhuga að selja nafnaréttinn á Old Trafford Mun ekki leyfa kaup og sölur á uppsprengdu verði Vilja spila leik í ensku C-deildinni á bandarískri grundu Alan Hansen útskrifaður af spítalanum Nýr leikmaður Chelsea sagður vera besti Brassinn síðan Neymar kom fram Bæjarar halda áfram að taka stjörnur úr ensku úrvalsdeildinni Eigandi Roma tryggir sér kauprétt á Everton Enski boltinn snýr aftur heim Beta sterklega orðuð við Aston Villa Man United má ekki kaupa leikmenn af Nice Nýliðarnir ráða manninn sem Forest lét fara Arne Slot fær auðveldustu byrjunina í deildinni Slot fékk góð ráð hjá Klopp og tekur teymið með sér Man United íhugar kaup á Zirkzee Chelsea-Man City í fyrstu umferð Jón Dagur orðaður við lið í ensku úrvalsdeildinni Man City sagt ekki ætla að styrkja sig með nýjum leikmönnum Sjá meira