Blazter bestur þegar Viðstöðu vann FH

Eins og Þór og Atlantic fyrr um kvöldið mættust liðin í Anubis, en síðast þegar FH mætti Viðstöðu var það í Ancient og hafði lið Viðstöðu betur 19–17 eftir framlengingu.

Þessi leikur var þó öllu ójafnari, Viðstöðu vann hnífalotuna og byrjaði í vörn. Strax í fyrstu lotu tókst þeim af aftengja sprengjuna eftir að Blazter opnaði lotuna á WZRD. Þreföld fella frá Pabo tryggði þeim næstu lotu líka og voru aðgerðir FH ekki nógu beittar til að ná í gegn. Um miðbik hálfleiks þegar Viðstöðu var komið í 5–1 fann FH hins vegar taktinn og hitti á góðar tímasetningar.

Lögðust allir á eitt og dreifðust fellur liðsins jafnt á leikmenn. Þreföld fella frá Zerq bjargaði 10. lotu fyrir horn og jafnaði leika í 5–5. Litlu mátti muna í þeirri 11. þegar Zerq og Skoon voru tveir gegn Pabo og Mozar7 en Skoon náði báðum andstæðingunum og kom FH yfir í fyrsta og eina skiptið í leiknum. 

Fleiri urðu sigurlotur FH ekki. Síðustu fjórar loturnar féllu með Viðstöðu og náði Blazter fjórfaldri fellu í 14. lotu til að komast efst á blað hjá sínu liði.

Staðan í hálfleik: Viðstöðu 9 – 6 FH

Leikmenn Viðstöðu voru hvergi nærri hættir og unnu allar sjö lotur síðari hálfleiks, samtals ellefu lotur í röð til að tryggja sér sigurinn.

Lokastaða: Viðstöðu 16 – 6 FH

Næstu leikir:

• FH – LAVA, þriðjudaginn 17/1 kl. 19:30
• Viðstöðu – Þór, fimmtudaginn 19/1 kl. 19:30

Sýnt verður frá leikjunum á Stöð 2 Esport og á Twitch síðu Rafíþróttasamtaka Íslands.