Sjónvarpið lækkaði um hundrað þúsund eftir verðsamanburð Vésteinn Örn Pétursson skrifar 8. janúar 2023 18:01 Ellý gerði verðsamanburð og rak í rogastans þegar hún sá að rúmlega 170 þúsund króna munur var á verði milli verslana. ELKO hefur síðan lækkað verðið um hundrað þúsund krónur, niður í sambærilegt verð og Ormsson er með þegar tækið er ekki á tilboði. Vísir/Sara Það getur margborgað sig að gera verðsamanburð þegar leggja á í dýr tækjakaup, líkt og sannaði sig þegar Ellý Hauksdóttir Hauth keypti sér nýtt sjónvarp á dögunum. Við verðsamanburð tók hún eftir rúmlega 170 þúsund króna verðmun á sjónvarpi af sömu gerð og stærð milli Ormsson og ELKO. Síðan hefur sjónvarpið lækkað um hundrað þúsund krónur hjá ELKO. Ellý vakti fyrst máls á þessum mikla mun í Facebook hópnum Vertu á verði - eftirlit með verðlagi. Þar vakti hún athygli meðlima á því að 65 tommu sjónvarp af gerðinni Samsung QD-OLED S95B kostaði 299.990 krónur í Ormsson, en 469.995 krónur í ELKO. Verðmunur upp á 170.005 krónur. Af upplýsingum á vef Ormsson að dæma er um tilboðsverð að ræða. Þrátt fyrir það væri sjónvarpið hundrað þúsund krónum ódýrara þar en hjá ELKO, þegar ekkert tilboð er í gildi. Í samtali við Vísi segist Ellý einfaldlega hafa viljað láta fólk vita af þessum mun, og hvetja alla til að gera verðsamanburð þegar ráðist væri í dýr tækjakaup. Súrt að sitja uppi með muninn eftir á „Ég var að leita að sjónvarpi af þessari stærð. Við vorum með fleiri merki í huga, til dæmis var eitt Sony-sjónvarp sem var 30 þúsund krónum ódýrara í ELKO,“ segir Ellý. Þannig er ljóst að verðmunurinn getur gengið í báðar áttir milli verslana. Það var hins vegar þessi mikli munur á tækjunum sem vakti sérstaka athygli Ellýjar. Ellý hvetur alla til að gera verðsamanburð áður en ráðist er í kaup á dýrum tækjum.Aðsend „Maður hefur bara aldrei séð svona,“ segir Ellý, sem endaði á að skella sér á umrætt Samsung-sjónvarp frá Ormsson. Hún er búin að setja það upp og er hæstánægð með nýja gripinn. „Ég var bara fegin því að hafa ekki verið búin að kaupa í ELKO og sjá þetta síðan eftir á, það hefði verið ansi súrt.“ Ekki sýningargripur Í Facebook-hópnum þar sem Ellý vakti athygli á málinu spunnust umræður um hvað kynni að skýra þennan mikla verðmun. Einhverjir teldu að hjá Ormsson gæti verið um að ræða sýningartæki, sem hefði verið notað í versluninni, en Ellý segist hafa fengið það afhent nýtt úr kassanum. Eins hafi hún gengið úr skugga um að ekki væri um mismunandi gerðir að ræða. „Ég skoðaði örgjörvann og allt sem skiptir máli og þetta er allt það sama,“ segir hún. Samanburður geti skilað andvirði utanlandsferðar Ellý segir að málið sýni fram á mikilvægi þess að fólk geri verðsamanburð þegar það á þess kost. „Ég vil bara benda fólki á að það borgar sig. Það var nú það sem vakti fyrir mér með því að birta þetta, því maður gæti alveg eins skellt sér til útlanda fyrir mismuninn,“ segir hún að lokum. Hér má sjá verslun ELKO í Lindum. Framkvæmdastjórinn segir að málið verði kannað eftir helgi.Vísir/Vilhelm Kanna málið eftir helgi Fréttastofa náði tali af Óttari Erni Sigurbergssyni, framkvæmdastjóra ELKO, fyrr í dag. Þar sagðist hann vita af málinu en vildi að öðru leyti ekki tjá sig þegar eftir því var leitað. Fólk væri í helgarfríi og erfitt hefði reynst að ná í starfsfólk til að skoða málið betur, en það yrði gert á morgun. Við eftirgrennslan fréttastofu kemur í ljós að svo virðist sem sjónvarpið hafi lækkað töluvert í verði síðan Ellý vakti máls á muninum milli verslana. Sjónvarpið, sem áður kostaði 469.995 krónur er nú verðlagt hundrað þúsund krónum ódýrara á vef verslunarinnar. Ef verðsaga sjónvarpsins er skoðuð má sjá að verðið var lækkað í dag. Verðlag Verslun Neytendur Mest lesið Einn stærsti vinnustaður Akraness gjaldþrota Viðskipti innlent Gera margvíslegar athugasemdir við starfshætti Kviku Viðskipti innlent Nýr 40/40 listi: „Spenntur að sjá hvað þetta fólk gerir í framtíðinni“ Atvinnulíf Gjaldþrot Jötunn véla upp á 1,7 milljarða Viðskipti innlent Mikið áfall fyrir íslenskan sjávarútveg Viðskipti innlent Ósáttur með sætin og fær milljón endurgreidda Neytendur Gefa út afkomuspá eftir allt saman Viðskipti innlent Reitir hrista upp í skipuritinu Viðskipti innlent Matvöruverslun rís á nýjum reit við Keflavíkurflugvöll Viðskipti innlent Stærsti Hiab krani í heimi á sumarsýningu Veltis Samstarf Fleiri fréttir Ósáttur með sætin og fær milljón endurgreidda Helmingaði kostnaðinn við matarinnkaup Í áfalli yfir dýrari dekkjum og Hlöllabát Ómar fær fyrir ferðina Verðskrá Lufthansa hækkar vegna nýs umhverfisgjalds Sex fyrirtæki sektuð vegna nikotínauglýsinga Senda tækið til útlanda til skoðunar og vilja endurgreiða Steinunni Þrjú þúsund krónur fyrir ferð í parísarhjólið Selja eintómt brauð á 3.190 krónur Meðalheildarlaun 935 þúsund og hæst hjá ríkinu Tæpar 2500 krónur fyrir litla samloku á Geysi Festi fær að kaupa Lyfju Blár Opal seldist á fimmtán þúsund Hinn almenni borgari þurfi ekki að dæla í sig steinefnum MAST varar við ólöglegu innihaldsefni í fæðubótarefni „Sársaukafullt að sjá“ IKEA vasa dýrari í Góða hirðinum „Rétturinn til viðgerðar“ væntanlegur til landsins Borgar 760 þúsund fyrir flísalögn sem átti að kosta þrjár milljónir Pepsíunnandi til margra ára kveður drykkinn eftir breytinguna „Það sem þú greiðir niður, það kemur aldrei aftur“ Vísar ásökunum um „vopnaðan frið“ um verðlag á bug Aldrei verið minna af sykri í íslensku Pepsí Landsnet skuldar Landsvirkjun 2,4 milljarða Keypti gallaðan kveikjara og fær 50 þúsund krónur Landsvirkjun vann og neytendur borga brúsann Reykjavík Marketing sektað vegna fullyrðinga um vörur frá Lifewave Lét bóna bílinn, lenti illa í því og fær 1,6 milljónir í bætur Vara við hættulegum og hræódýrum vörum hjá netverslunum Sjá meira
Ellý vakti fyrst máls á þessum mikla mun í Facebook hópnum Vertu á verði - eftirlit með verðlagi. Þar vakti hún athygli meðlima á því að 65 tommu sjónvarp af gerðinni Samsung QD-OLED S95B kostaði 299.990 krónur í Ormsson, en 469.995 krónur í ELKO. Verðmunur upp á 170.005 krónur. Af upplýsingum á vef Ormsson að dæma er um tilboðsverð að ræða. Þrátt fyrir það væri sjónvarpið hundrað þúsund krónum ódýrara þar en hjá ELKO, þegar ekkert tilboð er í gildi. Í samtali við Vísi segist Ellý einfaldlega hafa viljað láta fólk vita af þessum mun, og hvetja alla til að gera verðsamanburð þegar ráðist væri í dýr tækjakaup. Súrt að sitja uppi með muninn eftir á „Ég var að leita að sjónvarpi af þessari stærð. Við vorum með fleiri merki í huga, til dæmis var eitt Sony-sjónvarp sem var 30 þúsund krónum ódýrara í ELKO,“ segir Ellý. Þannig er ljóst að verðmunurinn getur gengið í báðar áttir milli verslana. Það var hins vegar þessi mikli munur á tækjunum sem vakti sérstaka athygli Ellýjar. Ellý hvetur alla til að gera verðsamanburð áður en ráðist er í kaup á dýrum tækjum.Aðsend „Maður hefur bara aldrei séð svona,“ segir Ellý, sem endaði á að skella sér á umrætt Samsung-sjónvarp frá Ormsson. Hún er búin að setja það upp og er hæstánægð með nýja gripinn. „Ég var bara fegin því að hafa ekki verið búin að kaupa í ELKO og sjá þetta síðan eftir á, það hefði verið ansi súrt.“ Ekki sýningargripur Í Facebook-hópnum þar sem Ellý vakti athygli á málinu spunnust umræður um hvað kynni að skýra þennan mikla verðmun. Einhverjir teldu að hjá Ormsson gæti verið um að ræða sýningartæki, sem hefði verið notað í versluninni, en Ellý segist hafa fengið það afhent nýtt úr kassanum. Eins hafi hún gengið úr skugga um að ekki væri um mismunandi gerðir að ræða. „Ég skoðaði örgjörvann og allt sem skiptir máli og þetta er allt það sama,“ segir hún. Samanburður geti skilað andvirði utanlandsferðar Ellý segir að málið sýni fram á mikilvægi þess að fólk geri verðsamanburð þegar það á þess kost. „Ég vil bara benda fólki á að það borgar sig. Það var nú það sem vakti fyrir mér með því að birta þetta, því maður gæti alveg eins skellt sér til útlanda fyrir mismuninn,“ segir hún að lokum. Hér má sjá verslun ELKO í Lindum. Framkvæmdastjórinn segir að málið verði kannað eftir helgi.Vísir/Vilhelm Kanna málið eftir helgi Fréttastofa náði tali af Óttari Erni Sigurbergssyni, framkvæmdastjóra ELKO, fyrr í dag. Þar sagðist hann vita af málinu en vildi að öðru leyti ekki tjá sig þegar eftir því var leitað. Fólk væri í helgarfríi og erfitt hefði reynst að ná í starfsfólk til að skoða málið betur, en það yrði gert á morgun. Við eftirgrennslan fréttastofu kemur í ljós að svo virðist sem sjónvarpið hafi lækkað töluvert í verði síðan Ellý vakti máls á muninum milli verslana. Sjónvarpið, sem áður kostaði 469.995 krónur er nú verðlagt hundrað þúsund krónum ódýrara á vef verslunarinnar. Ef verðsaga sjónvarpsins er skoðuð má sjá að verðið var lækkað í dag.
Verðlag Verslun Neytendur Mest lesið Einn stærsti vinnustaður Akraness gjaldþrota Viðskipti innlent Gera margvíslegar athugasemdir við starfshætti Kviku Viðskipti innlent Nýr 40/40 listi: „Spenntur að sjá hvað þetta fólk gerir í framtíðinni“ Atvinnulíf Gjaldþrot Jötunn véla upp á 1,7 milljarða Viðskipti innlent Mikið áfall fyrir íslenskan sjávarútveg Viðskipti innlent Ósáttur með sætin og fær milljón endurgreidda Neytendur Gefa út afkomuspá eftir allt saman Viðskipti innlent Reitir hrista upp í skipuritinu Viðskipti innlent Matvöruverslun rís á nýjum reit við Keflavíkurflugvöll Viðskipti innlent Stærsti Hiab krani í heimi á sumarsýningu Veltis Samstarf Fleiri fréttir Ósáttur með sætin og fær milljón endurgreidda Helmingaði kostnaðinn við matarinnkaup Í áfalli yfir dýrari dekkjum og Hlöllabát Ómar fær fyrir ferðina Verðskrá Lufthansa hækkar vegna nýs umhverfisgjalds Sex fyrirtæki sektuð vegna nikotínauglýsinga Senda tækið til útlanda til skoðunar og vilja endurgreiða Steinunni Þrjú þúsund krónur fyrir ferð í parísarhjólið Selja eintómt brauð á 3.190 krónur Meðalheildarlaun 935 þúsund og hæst hjá ríkinu Tæpar 2500 krónur fyrir litla samloku á Geysi Festi fær að kaupa Lyfju Blár Opal seldist á fimmtán þúsund Hinn almenni borgari þurfi ekki að dæla í sig steinefnum MAST varar við ólöglegu innihaldsefni í fæðubótarefni „Sársaukafullt að sjá“ IKEA vasa dýrari í Góða hirðinum „Rétturinn til viðgerðar“ væntanlegur til landsins Borgar 760 þúsund fyrir flísalögn sem átti að kosta þrjár milljónir Pepsíunnandi til margra ára kveður drykkinn eftir breytinguna „Það sem þú greiðir niður, það kemur aldrei aftur“ Vísar ásökunum um „vopnaðan frið“ um verðlag á bug Aldrei verið minna af sykri í íslensku Pepsí Landsnet skuldar Landsvirkjun 2,4 milljarða Keypti gallaðan kveikjara og fær 50 þúsund krónur Landsvirkjun vann og neytendur borga brúsann Reykjavík Marketing sektað vegna fullyrðinga um vörur frá Lifewave Lét bóna bílinn, lenti illa í því og fær 1,6 milljónir í bætur Vara við hættulegum og hræódýrum vörum hjá netverslunum Sjá meira