Menning

KÚNST: Jólasýningin í Ásmundarsal

Dóra Júlía Agnarsdóttir skrifar
Sigurður Árni, Guðlaug Mía, Elísabet Anna og Svanhildur Gréta eru meðal listamanna sem sýna á jólasýningunni í Ásmundarsal í ár.
Sigurður Árni, Guðlaug Mía, Elísabet Anna og Svanhildur Gréta eru meðal listamanna sem sýna á jólasýningunni í Ásmundarsal í ár. Vísir/Vilhelm

„Það sem skiptir svo miklu máli er að kafa aðeins dýpra og skilja hvað það er sem myndlistarmaðurinn er að fást við. Af hverju er hann að fást við það og hver er sagan? Oft er sagan miklu meira en helmingurinn af verkinu,“ segir Olga Lilja Ólafsdóttir, sýningarstjóri Jólasýningarinnar 2022 í Ásmundarsal. 

Í þessum nýjasta þætti af Kúnst var kíkt í heimsókn á Jólasýninguna og rætt við bæði sýningarstjóra og fjóra listamenn sem taka þátt.

Þáttinn má sjá í spilaranum hér að neðan:

Klippa: Kúnst - Jólasýningin í Ásmundarsal

Ungir og upprennandi með eldri kanónum

Listamennirnir umræddu eru þau Svanhildur Gréta, Sigurður Árni, Elísabet Anna og Guðlaug Mía sem öll nálgast myndlistina á sinn einstaka hátt. Þetta er í fimmta sinn sem jólasýningin er haldin en hún er nú með öðru sniði en áður. Hópnum hefur verið fækkað úr yfir 100 listamönnum í 32.

„Það sem gerist við að fækka hópnum þá fá líka einstök verk að njóta sín betur í salnum heldur en ella. Vanalega hafa verið algjörlega þaktir veggir þannig þetta er aðeins önnur ásýnd en bara mjög skemmtilegt,“ segir Olga og bætir við:

„Það sem hefur verið með einkennandi fyrir þessa sýningu er þessi ofboðslega skemmtilega breidd, þannig þú ert bæði að kynnast ungum og upprennandi listamönnum og að setja þá í samtal við þessa eldri sem hafa verið lengur í bransanum.“

Innsýn í hugarheim og vinnustofu

Í tengslum við sýninguna var ákveðið að gefa út bók með viðtölum við alla listamenn og ljósmyndara sem taka þátt í ár ásamt myndum úr vinnustofum þeirra.

„Maður veit það sjálfur þegar maður hefur fengið þau forréttindi að heimsækja ólíka myndlistarmenn í ólíkar vinnustofur hvað þetta er rosalegur heimur. 

Þetta gefur svo ofboðslega skemmtilega innsýn í hvernig myndlistarmaðurinn starfar og í hvaða samhengi hann vinnur,“ 

segir Olga.

Menning Myndlist Kúnst

Tengdar fréttir

Smíðuðu plexi kassa sem flaug óvart á vörubíl

Ljósmyndarinn, leikstjórinn og listakonan Anna Maggý hefur leikstýrt ýmsum myndböndum í gegnum tíðina og má þar nefna tónlistarmyndband fyrir tónlistarkonuna Eydísi Evensen við lagið Brotin. Anna Maggý er viðmælandi í nýjasta þætti af Kúnst en þar deildi hún meðal annars vægast sagt eftirminnilegri reynslusögu.

„Eina sem maður kemst ekki hjá er að fæðast og deyja“

„Móðir mín fór til spákonu og spákonan sagði að dóttir hennar yrði listakona. Þannig að mamma sendi mig strax í myndlist, sem er dálítið fyndið,“ segir listakonan, ljósmyndarinn og leikstjórinn Anna Maggý en hún er viðmælandi í þessum nýjasta þætti af Kúnst.

„Myndirnar væru ekki eins og þær eru ef ég væri enn inni í skápnum“

Listakonan Rakel Tómasdóttir hefur verið sjálfstætt starfandi síðastliðin ár og er í grunnin menntuð í grafískri hönnun. Viðfangsefni hennar einkennast gjarnan af konum og kvenlíkamanum en hún hefur einnig ferðast ein víða um heiminn og sótt innblástur í ævintýri ferða sinna. Rakel Tómas er viðmælandi þessa þáttar af Kúnst.

Skemmtilegt þegar fólk fær að gera eitthvað meira en bara að horfa

Þórdís Erla Zoega hefur átt viðburðaríkt ár þar sem hún var meðal annars valin bæjarlistarmaður Seltjarnarnesbæjar, setti upp sýningu í Kaupmannahöfn og opnaði einkasýninguna Spaced Out í Berg Contemporary. Þórdís Erla er viðmælandi í nýjasta þætti af Kúnst.

KÚNST: Kvennakraftur í kirkjugarði

„Ég vildi fá að hafa smá femíniska slagsíðu í þessu,“ segir listamaðurinn Þrándur Þórarinsson um verk sem hann málaði af Þorbjörgu Sveinsdóttur, ljósmóður og kvenréttindabaráttukonu, og Guðrúnu Oddsdóttur, fyrstu manneskjunni sem var jörðuð í Hólavallagarði. Þrándur er viðmælandi í nýjasta þætti af Kúnst.

KÚNST: Á­kvað að verða mynd­listar­maður þegar hann var tíu ára

Sigurður Sævar Magnúsarson er listamaður sem segir listina hafa fylgt sér nánast allt sitt líf. Hann festi nýverið kaup á gamla Argentínuhúsinu á Barónsstíg þar sem hann hyggst setja upp ýmsa menningar- og listviðburði á næstu árum. Sigurður Sævar er viðmælandi vikunnar í nýjasta þætti af KÚNST.

KÚNST: „Við erum öll í grunninn nakin“

Fjöllistakonan Júlíanna Ósk Hafberg er hugfangin af mjúkri, berskjaldaðri og kvenlægri orku en vinnustofa hennar og verk endurspegla það með sanni. Júlíanna Ósk notast við fjölbreytta miðla í listsköpun sinni, smíðar sína eigin ramma, opnaði vinnustofu í miðbænum og lætur ekkert stoppa sig en hún er viðmælandi í nýjasta þætti af Kúnst.

Listasýningar með ömmu í æsku kveiktu á sköpunargleðinni

Lágmyndir hafa heillað listamanninn Pétur Geir Magnússon frá ungum aldri og í dag hefur hann fært þær inn í nútímalegt form í listsköpun sinni. Pétur Geir, sem er búsettur og starfræktur í Stokkhólmi, er með bakgrunn í grafískri hönnun en kallar sig hagnýtan myndlistarmann og nálgast listaverk sín á einstakan hátt. Pétur Geir er viðmælandi í nýjasta þætti af KÚNST, sem er jafnframt fyrsti þáttur í seríu tvö.



Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.