Jafnt í uppgjöri toppliðanna í Grikklandi

Um var að ræða uppgjör tveggja efstu liða deildarinnar en Olympiacos er með níu stiga forystu á toppi deildarinnar.

Bæði mörk leiksins voru skoruð undir lok fyrri hálfleiks en Ousseynou Ba, varnarmaður Olympiacos, varð fyrir því óláni að skora sjálfsmark á 42.mínútu.

Nokkrum andartökum síðar jafnaði Tiquinho metin fyrir Olympiacos.

Ekkert mark var skorað í síðari hálfleiknum og lauk leiknum því með 1-1 jafntefli og Olympiacos áfram með níu stiga forskot á toppnum.