Íslensk hönnun kjörin í jólapakkann

„Við eigum vörur í öll rými heimilisins og allir ættu að finna eitthvað við sitt hæfi. Það er því sérstaklega hentugt fyrir fyrirtæki að kaupa gjafabréf hjá okkur fyrir starfsfólk. Íslensk hönnun er okkar aðalsmerki og við hönnum og framleiðum stærstan hluta af okkar vörum. Við höfum einnig bætt við okkur í gjafavöru og höfum tekið inn nýtt pólskt barnafatamerki að auki,“ segir Ágústa Gísladóttir, eigandi verslunarinnar Lín Design.

Íslensk náttúra og menning einkennir hönnunina og áhersla er lögð á náttúruleg gæða efni sem endast.

„Rúmfötin okkar eru úr langþráða Pima bómull, sem þýðir að hún er unnin úr fíngerðari plöntu, og er sterkari og mýkri en hefðbundin bómull. Við leggjum mikla áherslu á gæði og nýtingu og afhendum til að mynda rúmfötin í pakkningu sem nýtist sem púðaver. Barnarúmfötin eru í sömu gæðum og þeim er pakkað í dúkkurúmföt í sama mynstri og rúmfötin."

"Birgitta Haukdal hefur verið í samstarfi við okkur og erum við með Láru og Ljónsa línu úr Láru bókum Birgittu og vorum við að taka upp nýja fatalínu í Láru og Ljónsa línunni kjóla, hettupeysur, buxur og fleira spennandi. Láru og Ljónsa rúmfötin eru pökkuð í litla sundpoka. Við hugsum hlutina alltaf þannig að hægt sé að nýta þá áfram og notum ekki plast utan um vörurnar okkar,“ segir Ágústa.

Gæðin skipta máli

„Við eyðum þriðjungi ævi okkar undir sæng og á því val á rúmfötum að snúast um gæði og náttúruleg efni sem endast, við notum engin gerviefni í okkar rúmföt. Við eigum til að mynda frábær rúmföt úr 50% silki og 50% tensel, sem er náttúrlegt efni úr trjákvoðu, og einnig silkikoddaver úr Mulberry silki . Þetta er það flottasta á markaðnum og fer vel með húðina og hárið og vinnur með hitastigi líkamans. Þá seljum við RSD vottaðar andadúnsængur og íslensku ullarsængurnar. Við seljum einnig ullarteppi eftir okkar hönnun sem framleidd eru á Hvammstanga,“ útskýrir Ágústa.

Heildstæð heimilislína

„Við notum mikið sömu liti í öll rými, til dæmis er hægt að velja rúmföt og handklæðalínu með sama munstri. Dúkar, teppi og púðar eru einnig í sömu litum og þá hægt að tengja borðstofu og stofu til að fá heildarmynd. Við erum einnig með sömu liti í rúmfötum og náttfötum, einnig púðum og rúmteppum. Við erum með marga liti og heila línu í hverjum lit.

Við vorum að fá inn náttfatalínu og sloppa fyrir öll kyn.

Þá hönnum við og framleiðum heimilisilmi, lavender, lyng og blóðberg og þess má geta að lavenderilmurinn er framleiddur hér á Íslandi.

Útsaumur vinsæll í gjafir

„Textavaran er alltaf mjög vinsæl hjá okkur enda mjög falleg gjöf að gefa útsaumuð handklæði eða rúmföt, sérstaklega útsaumuð barnarúmföt jafnvel með fallegri ósk eins og „megi draumar þínir rætast“. Þá erum við með svuntur með fölbreyttum texta, náttföt og sloppa. Hægt er að ganga alveg frá gjöfunum á staðnum með korti og í fallegum gjafapoka,“ segir Ágústa.

Nánari upplýsingar á lindesign.is