Markadrottning af fótboltaaðalsættum: „Fékk loksins traustið“ Ingvi Þór Sæmundsson skrifar 11. september 2021 09:30 Guðrún Elísabet Björgvinsdóttir með afa sínum, Eiði Guðjohnsen, eftir að Afturelding tryggði sér sæti í Pepsi Max-deildinni. hafliði breiðfjörð Ein óvæntasta stjarna íslenska fótboltasumarsins er hin 21 árs Guðrún Elísabet Björgvinsdóttir sem var langmarkahæst í Lengjudeild kvenna sem lauk í fyrradag. Guðrún skoraði 23 mörk í Lengjudeildinni, níu mörkum meira en næsti leikmaður, Christabel Oduro í Grindavík. Eitt marka Guðrúnar kom í 4-0 sigri Aftureldingar á FH í hreinum úrslitaleik um það hvort liðið myndi fylgja KR upp í Pepsi Max-deildina. „Við mættum brjálaðar í leikinn og ætluðum okkur að vinna hann. Þetta hefur verið markmiðið okkar frá því á undirbúningstímabilinu. Við vorum bara einu stigi frá þessu og það kom ekkert annað til greina,“ sagði Guðrún við Vísi í gær. Staðan í hálfleik var markalaus og allt fram á 69. mínútu þegar Sigrún Gunndís Harðardóttir kom Mosfellingum yfir. Ragna Guðrún Guðmundsdóttir skoraði svo tvö mörk og Guðrún setti svo punktinn yfir i-ið þegar hún skoraði á 84. mínútu. Sumsé fjögur mörk á aðeins fimmtán mínútna kafla. „Markið hjá Sigrúnu braut ísinn. Í fyrri hálfleik héldum við meira og vörðumst á meðan þær voru meira með boltann. Svo komum við út í seinni hálfleikinn og markmiðið var að halda hreinu og koma einu marki á þær,“ sagði Guðrún en Aftureldingu dugði jafntefli í leiknum í fyrradag til að komast upp. „Það var alveg gott að vita af því en við fórum samt inn í leikinn til að vinna hann. Það er aldrei gott að spila upp á jafntefli.“ Skýrt markmið Afturelding hefur verið í sókn eftir að liðið komst upp í Lengjudeildina fyrir fjórum árum. Tímabilið 2018 endaði Afturelding í 7. sæti, 2019 í 6. sæti og í fyrra varð 4. sætið niðurstaðan. Mosfellingar enduðu það tímabil vel og fengu tíu stig af tólf mögulegum í síðustu fjórum leikjum sínum. Í vetur var svo markið sett á Pepsi Max-deildina. „Eftir síðasta tímabil byrjuðum við strax að tala um að við ætluðum að vera í toppbaráttunni í sumar. Markmiðið var að komast upp og það var mjög skýrt.“ Fyrsta tapið hjálpaði Afturelding tapaði aðeins tveimur leikjum í Lengjudeildinni í sumar og ekki annað hægt að segja en að frammistaða liðsins hafi verið sannfærandi. Mosfellingar skoruðu næstflest mörk allra liða (49) og ekkert lið fékk á sig færri mörk (18). „Fyrsta tapið okkar, fyrir Grindavík, var skellur en það hjálpaði okkar. Við unnum fimm leiki í röð eftir það og urðum miklu sterkari,“ sagði Guðrún. Afturelding tapaði fyrir KR, 0-3, í 16. umferð en Mosfellingar létu það ekki slá sig út af laginu. „Það kveikti miklu meira í okkur. Við mættum ÍA upp á Skaga í næstu umferð þar sem við þurftum og ætluðum að vinna og gerðum það í brjáluðu veðri,“ sagði Guðrún. Fannst við vera með tólfta manninn inni á vellinum Mikil og góð stemmning var á Fagverksvellinum í Mosfellsbæ í gær. Og eftir leik var flugeldum skotið á loft til heiðurs nýjasta Pepsi Max-deildarliðinu. Guðrún og stöllur hennar fagna eftir að Pepsi Max-deildar sætið var í höfn.hafliði breiðfjörð „Stemmningin var mjög mögnuð og það var geggjað að spila fyrir framan svona stuðningsmenn og vera nánast með tólfta manninn inni á vellinum. Svo þegar dómarinn flautaði leikinn af var flugeldum skotið á loft sem við höfðum ekki hugmynd um. Þetta var frábært,“ sagði Guðrún. Hún segir að Mosfellingar séu klárir í Pepsi Max-deildina og hefur trú á að þeir geti staðist bestu liðum landsins snúning. „Mér finnst við löngu tilbúnar í það. Ég held að við séum allar mjög gráðugar eftir að hafa loksins komist þangað,“ sagði Guðrún. Vissi alltaf að ég gæti þetta Sem fyrr sagði skoraði Guðrún 23 mörk í Lengjudeildinni í sumar, þar af þrjár þrennur. Á síðasta tímabili skoraði hún fimm deildarmörk og hafði aðeins skorað samtals sjö mörk á ferlinum í deild og bikar fyrir tímabilið í ár. Guðrún segir að í sumar hafi hún loksins fengið traustið sem hún hefur beðið eftir og það hafi gert henni kleift að nýta sína hæfileika. Guðrún hin kátasta eftir leikinn gegn FH.hafliði breiðfjörð „Ég fékk loksins traustið og þetta er fyrsta tímabilið sem ég fæ að spila. Ég hef alltaf bara fengið nokkrar mínútur. Í sumar gáfu þjálfararnir mér allt traustið. Ég missti bara af einum leik, þegar ég var meidd, og gerði mitt besta. Ég vissi alltaf að ég gæti þetta og var alltaf að bíða eftir tækifærinu. En ég bjóst kannski ekki við 23 mörkum,“ sagði Guðrún og hló. En hafa lið í Pepsi Max-deildinni sýnt Guðrúnu áhuga eftir frammistöðuna í sumar? „Ekki svo ég viti. Það var einhver áhugi í félagaskiptaglugganum en annars veit ég ekki mikið meira,“ sagði Guðrún sem gerir ráð fyrir því að spila með Aftureldingu í Pepsi Max-deildinni á næsta ári. Afinn og pabbinn ekki sammála Guðrún er af sannkölluðum fótboltaaðalsættum en móðurbróðir hennar er Arnór Guðjohnsen og afi hennar Eiður Guðjohnsen eldri sem var mættur á leikinn gegn FH í fyrradag. Einhver myndi því segja að fótboltahæfileikarnir og markagenið væri í blóðinu. „Afi vill allavega meina það en ég veit ekki hvort pabbi sé sammála því. Hann vill meina að þetta sé komið frá honum,“ sagði Guðrún hlæjandi að lokum. Lengjudeild kvenna Pepsi Max-deild kvenna Afturelding Mest lesið Moldrík og virðist ætla að umturna kvennafótbolta Fótbolti KA sló út Val og komst í bikarúrslitin annað árið í röð Íslenski boltinn Umtalað samband við eldri konu talið hafa spillt fyrir Körfubolti Ronaldo staðfestir að Evrópumótið í ár verði hans síðasta Fótbolti Holland í átta liða úrslit EM í fyrsta sinn í sextán ár Fótbolti Tyrkir í átta liða úrslit: Draumabyrjun og draumakvöld hjá Demiral Fótbolti „Takk fyrir að berjast alltaf fyrir okkur stelpunum“ Íslenski boltinn Paul Pogba ekki hættur: „Ég mun berjast, fyrir sjálfan mig, gegn þessu óréttlæti“ Fótbolti „Geri mér alveg grein fyrir því að þetta sé á einhvern hátt umdeilt“ Handbolti „Líklega besti leikur lífs míns“ Fótbolti Fleiri fréttir Leik lokið: Fylkir-Víkingur R. 0-0 | Ekkert mark í baráttuleik nýliðanna Hallgrímur: Við hefðum getað skorað sjö mörk KA sló út Val og komst í bikarúrslitin annað árið í röð Uppgjör og viðtöl: Andrea Rut hetja Blika á Króknum Uppgjör: Stjarnan-Keflavík 1-0 | Sigur í fyrsta leik nýja þjálfarans „Við Olla erum enn vinkonur, er það ekki?“ Telma ekki efst þrátt fyrir að fá varla á sig mark „Takk fyrir að berjast alltaf fyrir okkur stelpunum“ Fagnaði markinu með því að þykjast kasta vatnsbrúsa Uppgjör: Víkingur R. - Fram 2-1 | Meistararnir héldu út Evrópubikarmeistarinn skoraði tvö mörk í fjórðu deildinni „Það væri gaman að fylla Laugardalsvöllinn og ég held að það sé alveg möguleiki“ Uppgjör og viðtöl: Valur - Þróttur 3-0 | Valskonur í bikarúrslit Pálmi klárar tímabilið með KR Sjáðu dramatíkina á Akranesi og hvernig FH og KA unnu sína leiki Uppgjör: Þór/KA 1-2 Breiðablik | Írena kom Blikum í bikarúrslitin með marki beint úr horni „Fannst við vera betri allan leikinn“ Uppgjör og viðtöl: HK - KA 1-2 | KA sloppið úr fallsæti eftir tvo sigra í röð „Við börðumst eins og ljón“ Uppgjör og viðtöl: ÍA - Valur 3-2 | Steinar tryggði Skagamönnum sigur á síðustu stundu Uppgjör og viðtöl: FH- Breiðablik 1-0 | Ástbjörn reyndist hetja FH-liðsins þegar liðið vann Breiðablik „Hann mun sjá það sjálfur þegar hann horfir á þetta aftur“ Sjáðu Norðurálsmótið: HK-ingar hörkuðu af sér þegar hinir voru að tudda Niðurstöður veðmálakönnunar áhyggjuefni: „Brýnt málefni fyrir fótboltasamfélagið í heild sinni að skoða“ Sjáðu Víking rúlla yfir Stjörnuna, Fylki jafna tvisvar í Vesturbænum og góða ferð Fram á Ísafjörð „Það leggst ekkert á mig að þurfa að byrja á bekknum“ „Þetta var allt of lélegt hjá okkur og ég er drullu pirraður“ „Gaf okkur svar í dag og vonandi fæ ég svar áfram“ Uppgjör, viðtöl og myndir: KR - Fylkir 2-2 | Áfram heldur Pálmi Rafn að gera jafntefli Uppgjör: Stjarnan - Víkingur 0-4 | Algjörir yfirburðir gestanna í Garðabæ Sjá meira
Guðrún skoraði 23 mörk í Lengjudeildinni, níu mörkum meira en næsti leikmaður, Christabel Oduro í Grindavík. Eitt marka Guðrúnar kom í 4-0 sigri Aftureldingar á FH í hreinum úrslitaleik um það hvort liðið myndi fylgja KR upp í Pepsi Max-deildina. „Við mættum brjálaðar í leikinn og ætluðum okkur að vinna hann. Þetta hefur verið markmiðið okkar frá því á undirbúningstímabilinu. Við vorum bara einu stigi frá þessu og það kom ekkert annað til greina,“ sagði Guðrún við Vísi í gær. Staðan í hálfleik var markalaus og allt fram á 69. mínútu þegar Sigrún Gunndís Harðardóttir kom Mosfellingum yfir. Ragna Guðrún Guðmundsdóttir skoraði svo tvö mörk og Guðrún setti svo punktinn yfir i-ið þegar hún skoraði á 84. mínútu. Sumsé fjögur mörk á aðeins fimmtán mínútna kafla. „Markið hjá Sigrúnu braut ísinn. Í fyrri hálfleik héldum við meira og vörðumst á meðan þær voru meira með boltann. Svo komum við út í seinni hálfleikinn og markmiðið var að halda hreinu og koma einu marki á þær,“ sagði Guðrún en Aftureldingu dugði jafntefli í leiknum í fyrradag til að komast upp. „Það var alveg gott að vita af því en við fórum samt inn í leikinn til að vinna hann. Það er aldrei gott að spila upp á jafntefli.“ Skýrt markmið Afturelding hefur verið í sókn eftir að liðið komst upp í Lengjudeildina fyrir fjórum árum. Tímabilið 2018 endaði Afturelding í 7. sæti, 2019 í 6. sæti og í fyrra varð 4. sætið niðurstaðan. Mosfellingar enduðu það tímabil vel og fengu tíu stig af tólf mögulegum í síðustu fjórum leikjum sínum. Í vetur var svo markið sett á Pepsi Max-deildina. „Eftir síðasta tímabil byrjuðum við strax að tala um að við ætluðum að vera í toppbaráttunni í sumar. Markmiðið var að komast upp og það var mjög skýrt.“ Fyrsta tapið hjálpaði Afturelding tapaði aðeins tveimur leikjum í Lengjudeildinni í sumar og ekki annað hægt að segja en að frammistaða liðsins hafi verið sannfærandi. Mosfellingar skoruðu næstflest mörk allra liða (49) og ekkert lið fékk á sig færri mörk (18). „Fyrsta tapið okkar, fyrir Grindavík, var skellur en það hjálpaði okkar. Við unnum fimm leiki í röð eftir það og urðum miklu sterkari,“ sagði Guðrún. Afturelding tapaði fyrir KR, 0-3, í 16. umferð en Mosfellingar létu það ekki slá sig út af laginu. „Það kveikti miklu meira í okkur. Við mættum ÍA upp á Skaga í næstu umferð þar sem við þurftum og ætluðum að vinna og gerðum það í brjáluðu veðri,“ sagði Guðrún. Fannst við vera með tólfta manninn inni á vellinum Mikil og góð stemmning var á Fagverksvellinum í Mosfellsbæ í gær. Og eftir leik var flugeldum skotið á loft til heiðurs nýjasta Pepsi Max-deildarliðinu. Guðrún og stöllur hennar fagna eftir að Pepsi Max-deildar sætið var í höfn.hafliði breiðfjörð „Stemmningin var mjög mögnuð og það var geggjað að spila fyrir framan svona stuðningsmenn og vera nánast með tólfta manninn inni á vellinum. Svo þegar dómarinn flautaði leikinn af var flugeldum skotið á loft sem við höfðum ekki hugmynd um. Þetta var frábært,“ sagði Guðrún. Hún segir að Mosfellingar séu klárir í Pepsi Max-deildina og hefur trú á að þeir geti staðist bestu liðum landsins snúning. „Mér finnst við löngu tilbúnar í það. Ég held að við séum allar mjög gráðugar eftir að hafa loksins komist þangað,“ sagði Guðrún. Vissi alltaf að ég gæti þetta Sem fyrr sagði skoraði Guðrún 23 mörk í Lengjudeildinni í sumar, þar af þrjár þrennur. Á síðasta tímabili skoraði hún fimm deildarmörk og hafði aðeins skorað samtals sjö mörk á ferlinum í deild og bikar fyrir tímabilið í ár. Guðrún segir að í sumar hafi hún loksins fengið traustið sem hún hefur beðið eftir og það hafi gert henni kleift að nýta sína hæfileika. Guðrún hin kátasta eftir leikinn gegn FH.hafliði breiðfjörð „Ég fékk loksins traustið og þetta er fyrsta tímabilið sem ég fæ að spila. Ég hef alltaf bara fengið nokkrar mínútur. Í sumar gáfu þjálfararnir mér allt traustið. Ég missti bara af einum leik, þegar ég var meidd, og gerði mitt besta. Ég vissi alltaf að ég gæti þetta og var alltaf að bíða eftir tækifærinu. En ég bjóst kannski ekki við 23 mörkum,“ sagði Guðrún og hló. En hafa lið í Pepsi Max-deildinni sýnt Guðrúnu áhuga eftir frammistöðuna í sumar? „Ekki svo ég viti. Það var einhver áhugi í félagaskiptaglugganum en annars veit ég ekki mikið meira,“ sagði Guðrún sem gerir ráð fyrir því að spila með Aftureldingu í Pepsi Max-deildinni á næsta ári. Afinn og pabbinn ekki sammála Guðrún er af sannkölluðum fótboltaaðalsættum en móðurbróðir hennar er Arnór Guðjohnsen og afi hennar Eiður Guðjohnsen eldri sem var mættur á leikinn gegn FH í fyrradag. Einhver myndi því segja að fótboltahæfileikarnir og markagenið væri í blóðinu. „Afi vill allavega meina það en ég veit ekki hvort pabbi sé sammála því. Hann vill meina að þetta sé komið frá honum,“ sagði Guðrún hlæjandi að lokum.
Lengjudeild kvenna Pepsi Max-deild kvenna Afturelding Mest lesið Moldrík og virðist ætla að umturna kvennafótbolta Fótbolti KA sló út Val og komst í bikarúrslitin annað árið í röð Íslenski boltinn Umtalað samband við eldri konu talið hafa spillt fyrir Körfubolti Ronaldo staðfestir að Evrópumótið í ár verði hans síðasta Fótbolti Holland í átta liða úrslit EM í fyrsta sinn í sextán ár Fótbolti Tyrkir í átta liða úrslit: Draumabyrjun og draumakvöld hjá Demiral Fótbolti „Takk fyrir að berjast alltaf fyrir okkur stelpunum“ Íslenski boltinn Paul Pogba ekki hættur: „Ég mun berjast, fyrir sjálfan mig, gegn þessu óréttlæti“ Fótbolti „Geri mér alveg grein fyrir því að þetta sé á einhvern hátt umdeilt“ Handbolti „Líklega besti leikur lífs míns“ Fótbolti Fleiri fréttir Leik lokið: Fylkir-Víkingur R. 0-0 | Ekkert mark í baráttuleik nýliðanna Hallgrímur: Við hefðum getað skorað sjö mörk KA sló út Val og komst í bikarúrslitin annað árið í röð Uppgjör og viðtöl: Andrea Rut hetja Blika á Króknum Uppgjör: Stjarnan-Keflavík 1-0 | Sigur í fyrsta leik nýja þjálfarans „Við Olla erum enn vinkonur, er það ekki?“ Telma ekki efst þrátt fyrir að fá varla á sig mark „Takk fyrir að berjast alltaf fyrir okkur stelpunum“ Fagnaði markinu með því að þykjast kasta vatnsbrúsa Uppgjör: Víkingur R. - Fram 2-1 | Meistararnir héldu út Evrópubikarmeistarinn skoraði tvö mörk í fjórðu deildinni „Það væri gaman að fylla Laugardalsvöllinn og ég held að það sé alveg möguleiki“ Uppgjör og viðtöl: Valur - Þróttur 3-0 | Valskonur í bikarúrslit Pálmi klárar tímabilið með KR Sjáðu dramatíkina á Akranesi og hvernig FH og KA unnu sína leiki Uppgjör: Þór/KA 1-2 Breiðablik | Írena kom Blikum í bikarúrslitin með marki beint úr horni „Fannst við vera betri allan leikinn“ Uppgjör og viðtöl: HK - KA 1-2 | KA sloppið úr fallsæti eftir tvo sigra í röð „Við börðumst eins og ljón“ Uppgjör og viðtöl: ÍA - Valur 3-2 | Steinar tryggði Skagamönnum sigur á síðustu stundu Uppgjör og viðtöl: FH- Breiðablik 1-0 | Ástbjörn reyndist hetja FH-liðsins þegar liðið vann Breiðablik „Hann mun sjá það sjálfur þegar hann horfir á þetta aftur“ Sjáðu Norðurálsmótið: HK-ingar hörkuðu af sér þegar hinir voru að tudda Niðurstöður veðmálakönnunar áhyggjuefni: „Brýnt málefni fyrir fótboltasamfélagið í heild sinni að skoða“ Sjáðu Víking rúlla yfir Stjörnuna, Fylki jafna tvisvar í Vesturbænum og góða ferð Fram á Ísafjörð „Það leggst ekkert á mig að þurfa að byrja á bekknum“ „Þetta var allt of lélegt hjá okkur og ég er drullu pirraður“ „Gaf okkur svar í dag og vonandi fæ ég svar áfram“ Uppgjör, viðtöl og myndir: KR - Fylkir 2-2 | Áfram heldur Pálmi Rafn að gera jafntefli Uppgjör: Stjarnan - Víkingur 0-4 | Algjörir yfirburðir gestanna í Garðabæ Sjá meira
Uppgjör og viðtöl: FH- Breiðablik 1-0 | Ástbjörn reyndist hetja FH-liðsins þegar liðið vann Breiðablik
Niðurstöður veðmálakönnunar áhyggjuefni: „Brýnt málefni fyrir fótboltasamfélagið í heild sinni að skoða“