Innkalla kjúklingabaunir vegna skordýra

Það er Heilsa ehf., sem flytur inn vöruna, sem innkallar hana í samráði við Heilbrigðiseftirlit Reykjavíkur.

Lotan sem um ræðir er með best fyrir dagsetninguna 31.07.2021 og strikamerkisnúmerið 5024425282945. Varan hefur fengist í Heilsuhúsinu, Fjarðarkaup, Melabúðinni, Nettó, verslunum Samkaupa og Kaupfélagi Vestur-Húnvetninga.

„Viðskiptavinir sem keypt hafa ofangreinda vöru eru beðnir um að neyta hennar ekki og farga/skila. Nánari upplýsingar veitir Heilsa ehf. í síma 533 3232 en einnig er hægt að senda tölvupóst á netfangið heilsa@heilsa.is,“ segir í tilkynningu á vef MAST.