Hefðu átt að velja annan varaflugvöll áður en lagt var í „martraðarflugið“ Kristín Ólafsdóttir skrifar 26. mars 2021 20:19 Skjáskot úr myndbandi sem sýnir aðflug vélarinnar yfir flugvöllinn í Manchester. Fjallað hefur verið um málið í breskum fjölmiðlum og aðstæðum lýst. Skjáskot Illa var staðið að vali á varaflugvelli miðað við veðurskilyrði þegar flugvél Icelandair var flogið til Manchester 23. febrúar 2017. Þá var óveðursboðum ekki gerð nægilega góð skil í flugáætlun umræddan morgun. Þetta kemur fram í lokaskýrslu rannsóknarnefndar samgönguslysa sem birt var í dag. Flugi TF-FIP hefur verið lýst sem sannkölluðu „martraðarflugi“ í fjölmiðlum. Þotan lenti í miklum vandræðum vegna veðurs þegar hún átti að lenda í Manchester. Flugi hafði víða verið frestað í Bretlandi þennan dag vega stormsins Dorisar og náðu vindhviður allt að 44 metrum á sekúndu. Vegna slæmra lendingaskilyrða sökum vinds varð flugvélin að hætta við lendingu á Manchesterflugvelli. Engu betri aðstæður í Liverpool Því var tekin ákvörðun um að fljúga til varaflugvallar flugsins, flugvallarins í Liverpool. Í Liverpool reyndust lendingaraðstæður engu betri en í Manchester og ekki tókst að lenda flugvélinni þar sökum mikils vinds. Var tekin ákvörðun um að snúa aftur til Manchester-flugvallar. Þegar flugmenn þotunnar nálguðust Manchesterflugvöll sáu þeir að eldsneytisstaða flugvélarinnar var orðin lág. Lýsti flugstjóri TF-FIP því yfir neyðarástandi og óskaði eftir forgangi inn til lendingar á Manchesterflugvelli. Forgangurinn var veittur og tókst flugmönnum TF-FIP að lenda flugvélinni á Manchesterflugvelli við erfiðar lendingaraðstæður sökum vinds. Hefðu átt að sækjast eftir uppfærslum Greint var frá því árið 2018 að rannsóknarnefnd samgönguslysa hefði tekið flugið til rannsóknar. Skýrslan, sem er rúmar fimmtíu blaðsíður og rituð á ensku, var samþykkt 15. mars síðastliðinn og birt á vef nefndarinnar í dag. Fram kemur í skýrslunni að Veðurstofa Bretlands hafi gefið út veðurviðvaranir strax tveimur dögum fyrir flugið. Í kjölfarið hafi verið gefin út svokölluð SIGMET-skeyti, eða óveðursboð. Slík skeyti eru höfð með í flugáætlun þegar við á og slíkt var viðhaft áður en vélin tókst á loft umræddan febrúarmorgun. Þrenn óveðursboð voru í flugáætluninni, sem rannsóknarnefndin segir að hafi verið tilefni til ítarlegrar skoðunar með tilliti til eldsneytisstöðu og vals á varaflugvelli til lendingar. Þá hefði áhöfnin eða flugrekstraraðili með réttu átt að sækjast eftir uppfærslu á óveðursboðum meðan á fluginu stóð. Hvorki flugstjórinn né aðstoðarflugstjórinn hafi hins vegar verið meðvitaðir um óveðursboðin þrjú í gögnum flugsins. Notfærði sér ekki vald sitt Þá telur nefndin að í ljósi veðurskilyrða hafi það verið óráðlegt af flugumsjónarmanni að velja flugvöllinn í Liverpool sem varalendingarstað. Liverpool-völlurinn hafi verið innan þess svæðis sem óveðursboðin náðu til og hann hefði því átt að velja annan flugvöll þar sem veðurskilyrði voru betri. Þá bendir nefndin á að flugstjórinn hafi vald til að breyta varalendingarstaðnum en hafi ekki notfært sér það í umrætt skipti. Nefndin leggur til að SIGMET-óveðursboðum verði framvegis gert hærra undir höfði í flugáætlunum, auk þess sem óveðursboðin skuli sett fram á myndrænan hátt. Þannig geti áhöfn betur séð fyrir sér svæðið sem er undir. UPDATE EMERGENCY Icelandair #FI440 just landed on second attempt at Manchester. Watch live on https://t.co/pvXE9CRKq6 pic.twitter.com/4CGeQALWk8— AIRLIVE (@airlivenet) February 23, 2017 Tilraunir flugmannanna til þess að lenda náðust á myndband og vakti það töluverða athygli í breskum fjölmiðlum. Þá báru farþegar flugferðinni heldur illa söguna. „Það voru sumir sem þurftu að fara út úr vélinni í hjólastól því þeir gátu ekki gengið. Einhverjum farþegum var boðið upp á áfallahjálp. Það var einn sem sat nálægt mér sem var búinn að æla yfir sig allan og ein kona stutt frá mér sem var búin að missa meðvitund,“ sagði Guðrún Gísladóttir í samtali við Fréttablaðið vegna málsins. Samgönguslys Icelandair Fréttir af flugi Bretland Keflavíkurflugvöllur Mest lesið Tveir reyndust í skotti bíls Innlent Fannst hann þvingaður til að afsala sér hundinum Innlent „Ef hann hefði verið einn þá hefði þetta getað farið miklu verr“ Innlent Harður þriggja bíla árekstur á Suðurlandsvegi Innlent „Þegar hægrið fær að ráða ferðinni óheft og án alls taumhalds fer illa“ Innlent Málningu kastað og ryskingar við sendiráðið Innlent Mótmælendur hindruðu för lögreglubíls í forgangsakstri Innlent Af hverju er barnið mitt alltaf að segja Skibidi toilet? Innlent Svandís og Guðmundur Ingi nýir leiðtogar Vinstri grænna Innlent Erfitt að setja tölu á hve margir vilji stjórnarslit Innlent Fleiri fréttir Vilhjálmur Hjálmarsson kjörinn varaformaður ÖBÍ „Ef hann hefði verið einn þá hefði þetta getað farið miklu verr“ Bátarnir frá eldgosinu í Vestmannaeyjum málaðir á vita Af hverju er barnið mitt alltaf að segja Skibidi toilet? „Þegar hægrið fær að ráða ferðinni óheft og án alls taumhalds fer illa“ Fagna löngu tímabærri breytingu Átök í miðausturlöndum, ný forysta VG og mállýska unga fólksins Mótmælendur hindruðu för lögreglubíls í forgangsakstri Svandís og Guðmundur Ingi nýir leiðtogar Vinstri grænna Málningu kastað og ryskingar við sendiráðið Fannst hann þvingaður til að afsala sér hundinum Biskup Íslands predikar í Vík á 90 ára afmæli kirkjunnar Erfitt að setja tölu á hve margir vilji stjórnarslit Harður þriggja bíla árekstur á Suðurlandsvegi Landsfundur ræðir stjórnarslit og nýjum reglum um blóðgjöf fagnað Tveir stórir skjálftar í Bárðarbunguöskjunni Ríkisstjórnarflokkarnir mælast með tuttugu prósenta fylgi Þorgerður Katrín: Enginn ráðskonurass undir fólki í Viðreisn Tveir reyndust í skotti bíls Mannekla bindur hendur héraðssaksóknara í samráðsmáli Kertavaka til minningar um konur sem hafa dáið vegna kynbundins ofbeldis Munu hlýða kröfu landsfundar verði tillaga um stjórnarslit samþykkt Munu ekki láta af herferð vegna launaþjófnaðarins Orlof húsmæðra: Barn síns tíma eða liður í jafnrétti? Ákveðinn hópur hafi unnið að niðurstöðunni undir yfirborðinu „Öllum ljóst að Ölfusárbrú verði að rísa“ Loksins mega hommar gefa blóð Blóðgjöf samkynhneigðra karla leyfð og ósáttar húsmæður Fimm bíla árekstur á Vesturlandsvegi Nefndin deili ekki við þá sem gagnrýna hana á „mis málefnalegan hátt“ Sjá meira
Flugi TF-FIP hefur verið lýst sem sannkölluðu „martraðarflugi“ í fjölmiðlum. Þotan lenti í miklum vandræðum vegna veðurs þegar hún átti að lenda í Manchester. Flugi hafði víða verið frestað í Bretlandi þennan dag vega stormsins Dorisar og náðu vindhviður allt að 44 metrum á sekúndu. Vegna slæmra lendingaskilyrða sökum vinds varð flugvélin að hætta við lendingu á Manchesterflugvelli. Engu betri aðstæður í Liverpool Því var tekin ákvörðun um að fljúga til varaflugvallar flugsins, flugvallarins í Liverpool. Í Liverpool reyndust lendingaraðstæður engu betri en í Manchester og ekki tókst að lenda flugvélinni þar sökum mikils vinds. Var tekin ákvörðun um að snúa aftur til Manchester-flugvallar. Þegar flugmenn þotunnar nálguðust Manchesterflugvöll sáu þeir að eldsneytisstaða flugvélarinnar var orðin lág. Lýsti flugstjóri TF-FIP því yfir neyðarástandi og óskaði eftir forgangi inn til lendingar á Manchesterflugvelli. Forgangurinn var veittur og tókst flugmönnum TF-FIP að lenda flugvélinni á Manchesterflugvelli við erfiðar lendingaraðstæður sökum vinds. Hefðu átt að sækjast eftir uppfærslum Greint var frá því árið 2018 að rannsóknarnefnd samgönguslysa hefði tekið flugið til rannsóknar. Skýrslan, sem er rúmar fimmtíu blaðsíður og rituð á ensku, var samþykkt 15. mars síðastliðinn og birt á vef nefndarinnar í dag. Fram kemur í skýrslunni að Veðurstofa Bretlands hafi gefið út veðurviðvaranir strax tveimur dögum fyrir flugið. Í kjölfarið hafi verið gefin út svokölluð SIGMET-skeyti, eða óveðursboð. Slík skeyti eru höfð með í flugáætlun þegar við á og slíkt var viðhaft áður en vélin tókst á loft umræddan febrúarmorgun. Þrenn óveðursboð voru í flugáætluninni, sem rannsóknarnefndin segir að hafi verið tilefni til ítarlegrar skoðunar með tilliti til eldsneytisstöðu og vals á varaflugvelli til lendingar. Þá hefði áhöfnin eða flugrekstraraðili með réttu átt að sækjast eftir uppfærslu á óveðursboðum meðan á fluginu stóð. Hvorki flugstjórinn né aðstoðarflugstjórinn hafi hins vegar verið meðvitaðir um óveðursboðin þrjú í gögnum flugsins. Notfærði sér ekki vald sitt Þá telur nefndin að í ljósi veðurskilyrða hafi það verið óráðlegt af flugumsjónarmanni að velja flugvöllinn í Liverpool sem varalendingarstað. Liverpool-völlurinn hafi verið innan þess svæðis sem óveðursboðin náðu til og hann hefði því átt að velja annan flugvöll þar sem veðurskilyrði voru betri. Þá bendir nefndin á að flugstjórinn hafi vald til að breyta varalendingarstaðnum en hafi ekki notfært sér það í umrætt skipti. Nefndin leggur til að SIGMET-óveðursboðum verði framvegis gert hærra undir höfði í flugáætlunum, auk þess sem óveðursboðin skuli sett fram á myndrænan hátt. Þannig geti áhöfn betur séð fyrir sér svæðið sem er undir. UPDATE EMERGENCY Icelandair #FI440 just landed on second attempt at Manchester. Watch live on https://t.co/pvXE9CRKq6 pic.twitter.com/4CGeQALWk8— AIRLIVE (@airlivenet) February 23, 2017 Tilraunir flugmannanna til þess að lenda náðust á myndband og vakti það töluverða athygli í breskum fjölmiðlum. Þá báru farþegar flugferðinni heldur illa söguna. „Það voru sumir sem þurftu að fara út úr vélinni í hjólastól því þeir gátu ekki gengið. Einhverjum farþegum var boðið upp á áfallahjálp. Það var einn sem sat nálægt mér sem var búinn að æla yfir sig allan og ein kona stutt frá mér sem var búin að missa meðvitund,“ sagði Guðrún Gísladóttir í samtali við Fréttablaðið vegna málsins.
Samgönguslys Icelandair Fréttir af flugi Bretland Keflavíkurflugvöllur Mest lesið Tveir reyndust í skotti bíls Innlent Fannst hann þvingaður til að afsala sér hundinum Innlent „Ef hann hefði verið einn þá hefði þetta getað farið miklu verr“ Innlent Harður þriggja bíla árekstur á Suðurlandsvegi Innlent „Þegar hægrið fær að ráða ferðinni óheft og án alls taumhalds fer illa“ Innlent Málningu kastað og ryskingar við sendiráðið Innlent Mótmælendur hindruðu för lögreglubíls í forgangsakstri Innlent Af hverju er barnið mitt alltaf að segja Skibidi toilet? Innlent Svandís og Guðmundur Ingi nýir leiðtogar Vinstri grænna Innlent Erfitt að setja tölu á hve margir vilji stjórnarslit Innlent Fleiri fréttir Vilhjálmur Hjálmarsson kjörinn varaformaður ÖBÍ „Ef hann hefði verið einn þá hefði þetta getað farið miklu verr“ Bátarnir frá eldgosinu í Vestmannaeyjum málaðir á vita Af hverju er barnið mitt alltaf að segja Skibidi toilet? „Þegar hægrið fær að ráða ferðinni óheft og án alls taumhalds fer illa“ Fagna löngu tímabærri breytingu Átök í miðausturlöndum, ný forysta VG og mállýska unga fólksins Mótmælendur hindruðu för lögreglubíls í forgangsakstri Svandís og Guðmundur Ingi nýir leiðtogar Vinstri grænna Málningu kastað og ryskingar við sendiráðið Fannst hann þvingaður til að afsala sér hundinum Biskup Íslands predikar í Vík á 90 ára afmæli kirkjunnar Erfitt að setja tölu á hve margir vilji stjórnarslit Harður þriggja bíla árekstur á Suðurlandsvegi Landsfundur ræðir stjórnarslit og nýjum reglum um blóðgjöf fagnað Tveir stórir skjálftar í Bárðarbunguöskjunni Ríkisstjórnarflokkarnir mælast með tuttugu prósenta fylgi Þorgerður Katrín: Enginn ráðskonurass undir fólki í Viðreisn Tveir reyndust í skotti bíls Mannekla bindur hendur héraðssaksóknara í samráðsmáli Kertavaka til minningar um konur sem hafa dáið vegna kynbundins ofbeldis Munu hlýða kröfu landsfundar verði tillaga um stjórnarslit samþykkt Munu ekki láta af herferð vegna launaþjófnaðarins Orlof húsmæðra: Barn síns tíma eða liður í jafnrétti? Ákveðinn hópur hafi unnið að niðurstöðunni undir yfirborðinu „Öllum ljóst að Ölfusárbrú verði að rísa“ Loksins mega hommar gefa blóð Blóðgjöf samkynhneigðra karla leyfð og ósáttar húsmæður Fimm bíla árekstur á Vesturlandsvegi Nefndin deili ekki við þá sem gagnrýna hana á „mis málefnalegan hátt“ Sjá meira