Stúdentar þurfa að flytja með mánaðarfyrirvara og gætu þurft að greiða hærri leigu Hallgerður Kolbrún E. Jónsdóttir skrifar 28. janúar 2021 23:16 Íbúar á Vetrargörðum sem þurfa að flytja vegna framkvæmdanna fá mánaðarfyrirvara og gætu þurft að greiða hærri leigu í nýju húsnæði. Vísir Félagsstofnun Stúdenta tilkynnti íbúum Vetrargarða, við Eggertsgötu 6-8, með tölvupósti í dag að hafist yrði handa við framkvæmdir á húsnæðinu í byrjun mars. Hluti íbúa mun þurfa að yfirgefa íbúðir sínar í febrúar og mun fá íbúðir á vegum FS við Skógarveg í Fossvogi á meðan á framkvæmdunum stendur. Sumir munu þurfa að flytja í stærri og dýrari íbúðir og munu þeir þurfa að greiða fulla leigu af þeim sem íbúar gagnrýna. „Einhverjir munu fá boð í dýrari einingar og munu íbúar greiða uppsetta leigu í þeim íbúðum sem þau fá úthlutað. Ekki verður veittur leiguafsláttur vegna flutninga eða framkvæmda,“ segir í pósti sem FS sendi á íbúa Vetrargarða um klukkan fimm í dag. Gunndís Eva Baldursdóttir, sagnfræðinemi og meðlimur í stjórn Vöku – Hagsmunafélags stúdenta, segir það skjóta skökku við að stúdentar þurfi að greiða hærri leigu vegna tilflutnings á vegum Félagsstofnunar. Það fari á mis við leigusamning FS, þar sem fram kemur að leigusamningur sé bindandi fyrir báða aðila út þann tíma sem hann gildir. Gunndís birti afrit af tölvupóstinum sem FS sendi á þá íbúa sem munu þurfa að flytja vegna framkvæmdanna og bendir einnig á greinar úr leigusamningi FS sem hún segir ekki stemma við þær aðgerðir sem nú hefur verið gripið til. Stúdentum þykir illa úr garði gert! Félagsstofnun stúdenta, rekur nemendur á gaddinn með eins mánaðar fyrirvara //...Posted by Gunndís Eva Baldursdóttir on Thursday, January 28, 2021 Íbúar leita til lögfræðinga Gunndís er sjálf búsett á Vetrargörðum en hún mun ekki þurfa að færa sig um set vegna framkvæmdanna. Íbúar Vetrargarða eru lang flestir foreldrar með börn og þykir henni mánuður allt of stuttur fyrirvari fyrir nokkurn sem þurfi að flytja af heimili sínu. „Íbúar eru mjög ósáttir og hafa einhverjir leitað til lögfræðinga. Það stendur líka til að hafa samband við Samtök leigjenda á Íslandi á morgun og ég veit að það hefur verið haft samband við leigjendalínu Orators og sjálfstæða lögfræðinga,“ segir Gunndís í samtali við fréttastofu. „Þetta er alveg gífurlegt sjokk, þetta eru stúdentar með lítil börn og eru bíllausir og það að FS ekki nóg með það veiti jafn lítinn fyrirvara og raun ber vitni þá eru þeir einnig að þvinga stúdenta í aðstæður sem henta þeim engan vegin,“ segir Gunndís. Hún segir þetta gífurlegt álag fyrir stúdenta, sem iðulega eru fjárhagslega verr staddir en hinn almenni borgari, og þá sérstaklega stúdenta sem eiga fjölskyldur. Margir þeirra þurfi að flytja annað hvort í enn stærra húsnæði vegna framkvæmdanna og þá borga hærri leigu eða í minna húsnæði sem henti þeirra fjölskyldu ekki. Greinar í leigusamningi FS sem snúa að riftun leigusamnings virðast ekki í samræmi við aðgerðir FS að sögn Gunndís.Facebook/Gunndís Framkvæmdirnar löngu tímabærar en aðferðin gölluð Stúdentarnir sem þurfa að færa sig um set vegna framkvæmdanna fá þann valmöguleika samkvæmt tölvupósti FS að flytja aftur í sitt fyrra húsnæði eftir að framkvæmdum lýkur. Gunndís segir það óvíst hvenær framkvæmdum ljúki og það sé gífurlegt álag fyrir fjölskyldufólk. „Þetta er fólk sem er með börn á leikskóla FS á stúdentagörðum, með krakka í Melaskóla og eru kannski búnir að flytja börnin sín til í skóla þegar þeir fluttu á Stúdentagarða og munu mögulega þurfa að gera það núna aftur. Þetta er gífurlegur tilflutningur. Þetta er óboðlegt fólki,“ segir Gunndís. Hún segir framkvæmdirnar þó löngu tímabærar. Húsið sé ekki boðlegt, hún viti til þess að rakaskemmdir séu í einhverjum íbúðum, og íbúar fagni því að loks sé verið að laga húsnæðið. Það hefði þó mátt standa mun betur að málum. „Það hefði mátt láta vita af þessu þegar allir endurnýjuðu samningana sína í ágúst í fyrra. Þá hefði verið hægt að veita þessa tilkynningu því að það er ekki eins og þetta hafi verið einhver ákvörðun sem var tekin nýlega,“ segir Gunndís. „Ég veit að það hefðu margir ekki endurnýjað samningana sína hefðu þeir vitað af þessu eða hefðu allavega óskað fyrr eftir flutning,“ segir Gunndís. Þeir sem ekki þurfa að flytja fengu ekki allar upplýsingar Framkvæmdir á byggingunni hafa staðið yfir í nokkurn tíma og hefur orðið töluvert rask þar á. Fram kemur í pósti FS að reikna megi með að framkvæmdunum fylgi talsvert rask, hávaði, truflun á neysluvatni og hita. Nú verður ráðist í framkvæmdir á íbúðum virðist vera og þær gerðar upp og verður það gert í áföngum. Gunndís segir að allir íbúar Vetrargarða hafi í dag fengið tölvupóst með tilkynningu um framkvæmdirnar en aðeins þeir sem þurfi að flytja hafi fengið allar upplýsingar. „Tölvupósturinn til þeirra sem þurfa að flytja segir mjög skýrt að það verði töluvert ónæði af þessu, fólk geti misst hitann og vatnið og annað slíkt en þetta kemur ekki fram í tölvupósti sem ég fæ. Það finnst mér mjög skrítið,“ segir Gunndís. Hagsmunir stúdenta Húsnæðismál Reykjavík Mest lesið „Við vitum ekki neitt og höldum bara áfram að bíða“ Innlent Segir Harris veika á geði Erlent Ótrúlegt myndband af gæsaflokki á flugi Innlent Uppgjör á hægri vængnum: „Ægishjálmur Sjálfstæðisflokksins“ ekki lengur veruleikinn Innlent Drakk beint úr könnunni og svelgdist á Erlent Mennirnir tveir fundnir Innlent „Óþekku börnin frá Grindavík“ vakti úlfúð Innlent Segir Ísrael í fullum rétti á að verja sig frá Hezbollah Erlent Ávaxtakarfan frumsýnd í Hveragerði Innlent Sagður hafa nauðgað konu fyrir níu árum Innlent Fleiri fréttir „Við vitum ekki neitt og höldum bara áfram að bíða“ Ótrúlegt myndband af gæsaflokki á flugi Ávaxtakarfan frumsýnd í Hveragerði Lítið jökulhlaup hafið í Skálm Uppgjör á hægri vængnum: „Ægishjálmur Sjálfstæðisflokksins“ ekki lengur veruleikinn Sundrun á hægri vængnum og örvænting meðal fyrstu kaupenda Verslaði fyrir háar upphæðir með stolnu kreditkorti „Ég hitti ungt fjölskyldufólk sem er gjörsamlega að kikna“ Þyrlan kölluð út vegna fjórhjólaslyss Ullarvika til heiðurs íslensku sauðkindinni „Óþekku börnin frá Grindavík“ vakti úlfúð Verkfall á hjúkrunarheimilum ef lausn næst ekki á mánudag „Verðmæti fólgin í því að halda Reykjanesbraut opinni“ Úrbætur á gæsluvarðhaldsúrræði fyrir unglinga og upphaf körfuboltatímabilsins Skoða betri úrræði fyrir unglinga í gæsluvarðhaldi Brotthvarf Katrínar hafði mikil áhrif Hafði „útdraganlega kylfu“ meðferðis Nýliðar hlakka til að láta að sér kveða: „Finnst vanta fólk eins og mig“ Draumurinn að fríbúðir skjóti upp kollinum um alla borg Ekki hægt að aldursskipta börnum á Stuðlum í miðjum stormi „Skítastaða“ á Stuðlum, vongóðir nýliðar og búð þar sem allt er ókeypis „Það verður að láta reyna á þessar kærur“ Listamaðurinn Jón Gnarr hættir og pólitíkusinn tekur við Líf segir söguna um stóladans Mörtu og Hildar dagsanna Hlaut varanlegan skaða vegna myglu en fær ekki krónu Marta hafnar því alfarið að hafa ítrekað sest í stól Hildar Unglingar á ofsahraða reyndu að stinga lögregluna af Mennirnir tveir fundnir Hólmfríður ætlar í ritara VG Til skoðunar að beita refsisköttum á nikótínpúða Sjá meira
„Einhverjir munu fá boð í dýrari einingar og munu íbúar greiða uppsetta leigu í þeim íbúðum sem þau fá úthlutað. Ekki verður veittur leiguafsláttur vegna flutninga eða framkvæmda,“ segir í pósti sem FS sendi á íbúa Vetrargarða um klukkan fimm í dag. Gunndís Eva Baldursdóttir, sagnfræðinemi og meðlimur í stjórn Vöku – Hagsmunafélags stúdenta, segir það skjóta skökku við að stúdentar þurfi að greiða hærri leigu vegna tilflutnings á vegum Félagsstofnunar. Það fari á mis við leigusamning FS, þar sem fram kemur að leigusamningur sé bindandi fyrir báða aðila út þann tíma sem hann gildir. Gunndís birti afrit af tölvupóstinum sem FS sendi á þá íbúa sem munu þurfa að flytja vegna framkvæmdanna og bendir einnig á greinar úr leigusamningi FS sem hún segir ekki stemma við þær aðgerðir sem nú hefur verið gripið til. Stúdentum þykir illa úr garði gert! Félagsstofnun stúdenta, rekur nemendur á gaddinn með eins mánaðar fyrirvara //...Posted by Gunndís Eva Baldursdóttir on Thursday, January 28, 2021 Íbúar leita til lögfræðinga Gunndís er sjálf búsett á Vetrargörðum en hún mun ekki þurfa að færa sig um set vegna framkvæmdanna. Íbúar Vetrargarða eru lang flestir foreldrar með börn og þykir henni mánuður allt of stuttur fyrirvari fyrir nokkurn sem þurfi að flytja af heimili sínu. „Íbúar eru mjög ósáttir og hafa einhverjir leitað til lögfræðinga. Það stendur líka til að hafa samband við Samtök leigjenda á Íslandi á morgun og ég veit að það hefur verið haft samband við leigjendalínu Orators og sjálfstæða lögfræðinga,“ segir Gunndís í samtali við fréttastofu. „Þetta er alveg gífurlegt sjokk, þetta eru stúdentar með lítil börn og eru bíllausir og það að FS ekki nóg með það veiti jafn lítinn fyrirvara og raun ber vitni þá eru þeir einnig að þvinga stúdenta í aðstæður sem henta þeim engan vegin,“ segir Gunndís. Hún segir þetta gífurlegt álag fyrir stúdenta, sem iðulega eru fjárhagslega verr staddir en hinn almenni borgari, og þá sérstaklega stúdenta sem eiga fjölskyldur. Margir þeirra þurfi að flytja annað hvort í enn stærra húsnæði vegna framkvæmdanna og þá borga hærri leigu eða í minna húsnæði sem henti þeirra fjölskyldu ekki. Greinar í leigusamningi FS sem snúa að riftun leigusamnings virðast ekki í samræmi við aðgerðir FS að sögn Gunndís.Facebook/Gunndís Framkvæmdirnar löngu tímabærar en aðferðin gölluð Stúdentarnir sem þurfa að færa sig um set vegna framkvæmdanna fá þann valmöguleika samkvæmt tölvupósti FS að flytja aftur í sitt fyrra húsnæði eftir að framkvæmdum lýkur. Gunndís segir það óvíst hvenær framkvæmdum ljúki og það sé gífurlegt álag fyrir fjölskyldufólk. „Þetta er fólk sem er með börn á leikskóla FS á stúdentagörðum, með krakka í Melaskóla og eru kannski búnir að flytja börnin sín til í skóla þegar þeir fluttu á Stúdentagarða og munu mögulega þurfa að gera það núna aftur. Þetta er gífurlegur tilflutningur. Þetta er óboðlegt fólki,“ segir Gunndís. Hún segir framkvæmdirnar þó löngu tímabærar. Húsið sé ekki boðlegt, hún viti til þess að rakaskemmdir séu í einhverjum íbúðum, og íbúar fagni því að loks sé verið að laga húsnæðið. Það hefði þó mátt standa mun betur að málum. „Það hefði mátt láta vita af þessu þegar allir endurnýjuðu samningana sína í ágúst í fyrra. Þá hefði verið hægt að veita þessa tilkynningu því að það er ekki eins og þetta hafi verið einhver ákvörðun sem var tekin nýlega,“ segir Gunndís. „Ég veit að það hefðu margir ekki endurnýjað samningana sína hefðu þeir vitað af þessu eða hefðu allavega óskað fyrr eftir flutning,“ segir Gunndís. Þeir sem ekki þurfa að flytja fengu ekki allar upplýsingar Framkvæmdir á byggingunni hafa staðið yfir í nokkurn tíma og hefur orðið töluvert rask þar á. Fram kemur í pósti FS að reikna megi með að framkvæmdunum fylgi talsvert rask, hávaði, truflun á neysluvatni og hita. Nú verður ráðist í framkvæmdir á íbúðum virðist vera og þær gerðar upp og verður það gert í áföngum. Gunndís segir að allir íbúar Vetrargarða hafi í dag fengið tölvupóst með tilkynningu um framkvæmdirnar en aðeins þeir sem þurfi að flytja hafi fengið allar upplýsingar. „Tölvupósturinn til þeirra sem þurfa að flytja segir mjög skýrt að það verði töluvert ónæði af þessu, fólk geti misst hitann og vatnið og annað slíkt en þetta kemur ekki fram í tölvupósti sem ég fæ. Það finnst mér mjög skrítið,“ segir Gunndís.
Hagsmunir stúdenta Húsnæðismál Reykjavík Mest lesið „Við vitum ekki neitt og höldum bara áfram að bíða“ Innlent Segir Harris veika á geði Erlent Ótrúlegt myndband af gæsaflokki á flugi Innlent Uppgjör á hægri vængnum: „Ægishjálmur Sjálfstæðisflokksins“ ekki lengur veruleikinn Innlent Drakk beint úr könnunni og svelgdist á Erlent Mennirnir tveir fundnir Innlent „Óþekku börnin frá Grindavík“ vakti úlfúð Innlent Segir Ísrael í fullum rétti á að verja sig frá Hezbollah Erlent Ávaxtakarfan frumsýnd í Hveragerði Innlent Sagður hafa nauðgað konu fyrir níu árum Innlent Fleiri fréttir „Við vitum ekki neitt og höldum bara áfram að bíða“ Ótrúlegt myndband af gæsaflokki á flugi Ávaxtakarfan frumsýnd í Hveragerði Lítið jökulhlaup hafið í Skálm Uppgjör á hægri vængnum: „Ægishjálmur Sjálfstæðisflokksins“ ekki lengur veruleikinn Sundrun á hægri vængnum og örvænting meðal fyrstu kaupenda Verslaði fyrir háar upphæðir með stolnu kreditkorti „Ég hitti ungt fjölskyldufólk sem er gjörsamlega að kikna“ Þyrlan kölluð út vegna fjórhjólaslyss Ullarvika til heiðurs íslensku sauðkindinni „Óþekku börnin frá Grindavík“ vakti úlfúð Verkfall á hjúkrunarheimilum ef lausn næst ekki á mánudag „Verðmæti fólgin í því að halda Reykjanesbraut opinni“ Úrbætur á gæsluvarðhaldsúrræði fyrir unglinga og upphaf körfuboltatímabilsins Skoða betri úrræði fyrir unglinga í gæsluvarðhaldi Brotthvarf Katrínar hafði mikil áhrif Hafði „útdraganlega kylfu“ meðferðis Nýliðar hlakka til að láta að sér kveða: „Finnst vanta fólk eins og mig“ Draumurinn að fríbúðir skjóti upp kollinum um alla borg Ekki hægt að aldursskipta börnum á Stuðlum í miðjum stormi „Skítastaða“ á Stuðlum, vongóðir nýliðar og búð þar sem allt er ókeypis „Það verður að láta reyna á þessar kærur“ Listamaðurinn Jón Gnarr hættir og pólitíkusinn tekur við Líf segir söguna um stóladans Mörtu og Hildar dagsanna Hlaut varanlegan skaða vegna myglu en fær ekki krónu Marta hafnar því alfarið að hafa ítrekað sest í stól Hildar Unglingar á ofsahraða reyndu að stinga lögregluna af Mennirnir tveir fundnir Hólmfríður ætlar í ritara VG Til skoðunar að beita refsisköttum á nikótínpúða Sjá meira