Framhaldsskólakennarar skrifuðu undir

Félagsmenn í Félagi framhaldsskólakennara og Félagi stjórnenda í framhaldsskólum hafa samþykkt nýgerðan kjarasamning með yfirgnæfandi meirihluta. 

Skrifað var undir kjarasamninginn í húsakynnum ríkissáttasemjara 17. apríl síðastliðinn. Gildistími samningsins er til 31. desember 2020.

Allsherjaratkvæðagreiðsla um samninginn hófst klukkan 12:00 þriðjudaginn 21. apríl og lauk klukkan tólf á hádegi í dag.

Úrslit atkvæðagreiðslunnar eru eftirfarandi:

Á kjörskrá voru: 1.492

Alls greiddu 897 atkvæði eða 60,12%

Já sögðu 822 eða 91,64%

Nei sögðu 54 eða 6,02%

Auðir seðlar 12 eða 2,34%