Spáin fyrir Olís-deild kvenna 2020-21: Frostavetur í Firðinum

Ingvi Þór Sæmundsson og Óskar Ófeigur Jónsson skrifa 9. september 2020 11:00

onnur — mynd/facebook-síða handknattleiksdeildar fh/vilhelm

Íþróttadeild Vísis og Stöðvar 2 Sports spáir fyrir um gengi liðanna í Olís-deild kvenna en keppni í deildinni hefst með tveimur leikjum föstudaginn 11. september.

Fyrst skoðum við liðin sem við teljum að muni reka lestina í Olís-deildinni í vetur og berjist um að halda sér uppi.

Að okkar mati stefnir allt í erfiðan vetur hjá Hafnarfjarðarliðunum, FH og Haukum. FH-ingar eru nýliðar í Olís-deildinni á meðan Haukar hafa orðið fyrir mikilli blóðtöku og eru með veikara lið en á síðasta tímabili.

Hildur Guðjónsdóttir kom til FH frá Stjörnunni.mynd/facebook-síða handknattleiksdeildar fh

FH í 8. sæti: Brött brekka hjá nýliðunum

Eftir fjögurra ára fjarveru snýr FH aftur í Olís-deildina. FH-ingar voru í 2. sæti Grill 66-deildarinnar þegar tímabilið var blásið af vegna kórónuveirufaraldursins en var úthlutað sæti í Olís-deildinni.

Ljóst er að tímabilið sem framundan er verður krefjandi fyrir FH. En liðið ætlar að gefa allt í þetta og hefur m.a. sótt sænskan leikstjórnanda og tvo leikmenn frá Stjörnunni í sumar.

FH verður hins vegar án síns markahæsta leikmanns á síðasta tímabili, hornamannsins Ragnheiðar Tómasdóttur sem er farin til Slóvakíu í læknanám.

Þjálfari FH er Jakob Lárusson en hann er á sínu öðru tímabili með liðið. Í það vantar sárlega örvhenta leikmenn. Þá er reynslan ekki mikil og hætt við að stoðirnar séu ekki nógu styrkar. Gaman verður að fylgjast með Emilíu Ósk Steinarsdóttur sem er afar lofandi leikmaður.

Hversu langt síðan að FH ...

... varð Íslandsmeistari: 38 ár (1982)
... varð deildarmeistari: Aldrei
... varð meðal þriggja efstu í deildinni: 20 ár (2000)
... varð bikarmeistari: 39 ár (1981)
... komst í bikarúrslit: 11 ár (2009)
... komst í úrslitakeppni: 6 ár (2014)
... komst í undanúrslit: 16 ár (2004)
... komst í lokaúrslit: 21 ár (1999)
... féll úr deildinni: 4 ár (2016)
... kom upp í deildina: 0 ár (2020)

Gengi FH í deildarkeppninni undanfarin níu tímabil

2019-20 B-deild (2. sæti)
2018-19 B-deild (6. sæti)
2017-18 B-deild (4. sæti)
2016-17 B-deild (3. sæti)
2015-16 14. sæti í deildinni
2014-15 10. sæti í deildinni
2013-14 6. sæti í deildinni
2012-13 6. sæti í deildinni
2011-12 9. sæti í deildinni

Gengi FH í úrslitakeppninni undanfarin níu tímabil

2019-20 Úrslitakeppnin fór ekki fram
2018-19 B-deild
2017-18 B-deild
2016-17 B-deild
2015-16 Ekki í úrslitakeppni
2014-15 Ekki í úrslitakeppni
2013-14 Átta liða úrslit
2012-13 Átta liða úrslit
2011-12 Ekki í úrslitakeppni

View this post on Instagram

FH í Olísdeild kvenna 2020! Eftir ákvörðun HSÍ í kvöld um að aflýsa mótahaldi er ljóst að FH mun leika í Olísdeild kvenna á næsta tímabili! Stelpurnar spiluðu heilt yfir frábærlega á tímabilinu og eru verðskuldað komnar í deild þeirra bestu! Innilega til hamingju stelpur og allir FH-ingar! #ViðerumFH #olisdeildin #handbolti

A post shared by FH Handbolti (@fh_handbolti) on Apr 6, 2020 at 3:12pm PDT

HBStatz tölurnar frá síðasta tímabili

FH-liðið spilaði í Grill 66 deild kvenna og ekki til tölur.

Félagaskiptamarkaðurinn

Komnar:

Zandra Jarvin frá Sparvagen (Svíþjóð)
Emilie Vagnes Jacobsen frá Ålesund (Noregi)
Hildur Guðjónsdóttir frá Stjörnunni
Írena Björk Ómarsdóttir frá Stjörnunni
Emma Havin Sardardóttir frá Gróttu

Farnar:

Dröfn Haraldsdóttir
Embla Jónsdóttir til Þýskalands
Diljá Sigurðardóttir
Ragnheiður Tómasdóttir í nám erlendis

Líklegt byrjunarlið

Markvörður: Hrafnhildur Anna Þorsteinsdóttir
Vinstra horn: Aþena Arna Ágústsdóttir
Vinstri skytta: Britney Cots
Miðja: Zandra Jarvin
Hægri skytta: Emilía Ósk Steinarsdóttir
Hægra horn: Andrea Valdimarsdóttir
Lína: Fanney Þóra Þórsdóttir

Britney Cots kom til FH 2018.mynd/heimasíða fh

Verður að eiga gott tímabil

Franska skyttan Britney Cots er að hefja sitt þriðja tímabil með FH. Hún er algjör lykilmaður í liðinu og gengi þess stendur og fellur að stórum hluta með frammistöðu hennar. Cots er mikilvæg á báðum endum vallarins. Á síðasta tímabili skoraði hún 65 mörk í nítján leikjum í Grill 66-deildinni.

Sænska skyttan Sara Odden er á sínu öðru tímabili með Haukum.vísir/bára

Haukar í 7. sæti: Búið að plokka skrautfjaðrirnar af Haukum

Eftir að hafa verið á bestu liða landsins í nokkur ár tóku Haukar smá dýfu á síðasta tímabili. Þegar keppni var hætt var liðið í 5. sæti Olís-deildarinnar, fjórum stigum frá sæti í úrslitakeppninni.

Haukar misstu sterka leikmenn fyrir síðasta tímabil og það sama gerðist fyrir þetta tímabil. Haukar eru búnir að missa aðalmarkvörðinn sinn, leikstjórnandann og besta varnarmanninn. Í staðinn fengu Haukar tvo leikmenn frá Grill 66-deildarliði Fjölnis og færeyskan landsliðsmarkvörð.

Haukar skiptu líka um þjálfara eftir síðasta tímabil. Árni Stefán Guðjónsson hætti og hóað var í gömlu kempuna Gunnar Gunnarsson. Hans bíður krefjandi verkefni í vetur og ljóst að brekkan gæti orðið brött fyrir Hauka.

Byrjunarlið Hauka er nokkuð frambærilegt og ef meiðsladraugurinn tekur ekki hús á Ásvöllum gæti liðið komist í úrslitakeppnina. En þá þarf nánast allt að ganga upp.

Hversu langt síðan að Haukaliðið ... .

.. varð Íslandsmeistari: 15 ár (2005)
... varð deildarmeistari: 4 ár (2016)
... varð meðal þriggja efstu í deildinni: 3 ár (2017)
... varð bikarmeistari: 13 ár (2007)
... komst í bikarúrslit: 2 ár (2018)
... komst í úrslitakeppni: 1 ár (2019)
... komst í undanúrslit: 1 ár (2019)
... komst í lokaúrslit: 15 ár (2005)
... féll úr deildinni: 30 ár (1990)
... kom upp í deildina: 28 ár (1992)

Gengi Hauka í deildarkeppninni undanfarin níu tímabil

2019-20 5. sæti í deildinni
2018-19 4. sæti í deildinni
2017-18 4. sæti í deildinni
2016-17 3. sæti í deildinni
2015-16 Deildarmeistari
2014-15 5. sæti í deildinni
2013-14 7. sæti í deildinni
2012-13 8. sæti í deildinni
2011-12 8. sæti í deildinni

Gengi Hauka í úrslitakeppninni undanfarin níu tímabil

2019-20 Úrslitakeppnin fór ekki fram
2018-19 Undanúrslit
2017-18 Undanúrslit
2016-17 Undanúrslit
2015-16 Undanúrslit
2014-15 Átta liða úrslit
2013-14 Átta liða úrslit
2012-13 Átta liða úrslit
2011-12 Ekki í úrslitakeppni

View this post on Instagram

Síðustu daga hafa ungar Haukastelpur skrifað undir sinn fyrsta samning við Handknattleiksdeild Hauka. Þetta eru þær Agnes Ósk Viðarsdóttir, Emilía Katrín Matthíasdóttir, Rakel Oddný Guðmundsdóttir og Thelma Melsteð. Allar þessar stelpur eru hluti af sterkum 2004 árgangi Hauka sem tryggði sér deildarmeistaratilitllinn í 4. fl kvenna á liðnu tímabili en þær eru einnig allar hluti af U-16 ára landsliði Íslands. Nokkar af stelpunum hafa nú þegar spilað sínar fyrstu mínútur í meistaraflokki á liðnu tímabili og er framtíðin sannarlega björt á Ásvöllum. Til hamingju stelpur! ÁFRAM HAUKAR #haukarfélagiðmitt #handbolti #olisdeildin #seinnibylgjan

A post shared by Haukar Topphandbolti (@haukar_handbolti) on Jun 24, 2020 at 10:54am PDT

HBStatz tölurnar frá síðasta tímabili

Sóknarleikur Hauka 2019/20 í tölum HBStatz

Mörk skoruð í leik - 7. sæti (22,1)

Skotnýting - 6. sæti (49,2%)
Vítanýting - 8. sæti (72,1%)
Hraðaupphlaupsmörk - 6. sæti (41)
Stoðsendingar í leik - 7. sæti (6,5)
Tapaðir boltar í leik - 5. sæti (12,9)

Vörn og markvarsla Hauka 2019/20 í tölum HBStatz

Mörk fengin á sig í leik - 5. sæti (24,9)
Hlutfallsmarkvarsla - 4. sæti (32,3%)
Varin víti - 2. sæti (14)
Stolnir boltar - 4. sæti (78)
Varin skot í vörn - 5. sæti (35)
Lögleg stopp í leik - 5. sæti (22,7)

Félagaskiptamarkaðurinn

Komnar:

Annika Fríðheim Petersen frá Færeyjum
Guðrún Jenný Sigurðardóttir frá Fjölni
Karen Birna Aradóttir frá Fjölni

Farnar:

Alexandra Líf Arnarsdóttir til HK
Saga Sif Gísladóttir til Vals
Guðrún Erla Bjarnadóttir til Fram

Líklegt byrjunarlið

Markvörður: Annika Fríðheim Petersen
Vinstra horn: Birta Lind Jóhannsdóttir
Vinstri skytta: Sara Odden
Miðja: Karen Helga Díönudóttir
Hægri skytta: Berta Rut Harðardóttir
Hægra horn: Hekla Rún Ámundadóttir
Lína: Rakel Sigurðardóttir

Berta Rut Harðardóttir skoraði 88 mörk í átján leikjum í Olís-deild kvenna á síðasta tímabili.vísir/bára

Verður að eiga gott tímabil

Berta Rut Harðardóttir var markahæsti leikmaður Hauka á síðasta tímabili. Hún er gríðarlega efnileg skytta með góða skothönd en mætti bæta fleiri stoðsendingum við leik sinn. Haukar treysta á framlag frá Bertu og hún þarf að eiga A+ vetur, sérstaklega í ljósi þess hversu mikið liðið hefur misst.

Olís-deild kvenna FH Haukar

Mest lesið

Fleiri fréttir