Braut ítrekað gegn nálgunarbanni grunaður um nauðgun og heimilisofbeldi Kjartan Kjartansson skrifar 12. maí 2020 18:46 Landsréttur staðfesti gæsluvarðhaldsúrskurð Héraðsdóms Suðurlands yfir manninum. Vísir/Egill Gæsluvarðhaldsúrskurður yfir karlmanni sem er sakaður um að hafa beitt eiginkonu sína endurteknu og margvíslegu ofbeldi var staðfestur í Landsrétti í gær. Dómurinn taldi nauðsynlegt að maðurinn sætti varðhaldi til að verja konuna og þá sem standa henni næst fyrir árásum hans. Maðurinn, sem er erlendur ríkisborgari, er grunaður um nauðgun og heimilisofbeldi en ennfremur um ítrekuð brot gegn nálgunarbanni og húsbrot. Í úrskurði Héraðsdóms Suðurlands sem úrskurðaði manninn í gæsluvarðhald í síðustu viku kemur fram að konan leitaði fyrst til lögreglu vegna ofbeldis mannsins í október árið 2019. Þá var hún í uppnámi og með sýnilega áverka. Lýsti hún ofbeldi sem hefði átt sér stað allt frá því september það ár. Maðurinn neitaði sök en viðurkenndi að hafa slegið konuna í eitt skipti. Hún fór fram á að honum yrði vísað af heimili þeirra og úrskurðaður í nálgunarbann gagnvart henni og veitti lögreglustjóri það í október. Skömmu síðar dró konan kröfuna til baka og var nálgunarbannið þá fellt úr gildi. Aðeins mánuði síðar leitaði konan aftur til lögreglu og tilkynnti um alvarlegt ofbeldis mannsins gegn henni á heimili þeirra, jafnt andlegu, líkamlegu og kynferðislegu. Ofbeldið hafi staðið yfir frá hádegi til kvölds eftir að hún kom heim úr vinnu í hádeginu. Lýsti konan því að maðurinn hefði þá veist að henni með miklu ofbeldi, hótað henni lífláti, afklætt hana með ofbeldi og tekið símann hennar af henni. Því næst hafi hann brotið gróflega gegn henni kynferðislega og síðan meinað henni útgöngu. Þá skipaði maðurinn konunni að þrífa gólf á eldhúsi og baðherbergi nakinni. Á meðan á þessu stóð hótaði hann henni ítrekað lífláti og limlestingum. Maðurinn sló konuna einnig þannig að hún hlaut glóðarauga af. Læknisskoðun leiddi í ljós að konan var með áverka víða um líkamann sem studdu frásögn hennar um ofbeldið. Framburður mannsins þótti aftur á móti afar ótrúverðugur frá upphafi. Hann reyndi meðal annars að halda því fram að myndir af áverkunum sem voru teknir á lögreglustöð hafi verið af annarri konu eða falsaðar. Eins hélt hann því ýmist fram að konan hefði hlotið áverkana við líkamsrækt, að hún væri haldin sjúkdómi sé léti hana fá marbletti af minnsta tilefni og að hún vildi vera beitt ofbeldi. Herjar á þá sem standa henni næst Manninum var í kjölfarið gert að sæta brottvísun af heimilinu og nálgunarbanni gagnvart konunni öðru sinni. Eftir að hann losnaði úr gæsluvarðhaldi í desember óskaði konan eftir því að sú ákvörðun yrði felld úr gildi. Að þessu sinni synjaði lögreglustjóri beiðni konunnar. Síðan það gerðist er konan sögð hafa hrökklast undan manninum aftur og að hún fari nú huldu höfði í öðru sveitarfélagi af ótta við hann. Maðurinn hefur ítrekað brotið gegn nálgunarbanninu. Hann réðst inn á heimili þeirra í bræðiskasti og krafðist þess að konan kæmi með sér þegar konan ætlaði að fara með skilnaðarmál fyrir dómstóla í mars. Daginn eftir kom hann aftur í bræði, lamdi húsnæði að utan og krafðist þess að konan talaði við hann. Húsráðendur og lögregla hafi rekið hann burt í fjórgang áður en hann yfirgaf loks sveitarfélagið. Þar að auki hefur maðurinn herjað stöðugt á fjölskyldu, vini, vinnuveitanda og aðra sem tengjast konunni til þess að reyna að ná til hennar og komast að því hvar hún dvelji eftir að hún lokað á rafræn samskipti við hann. Maðurinn er jafnvel sagður hafa villt á sér heimildir til að komast í samskipti við konuna. Hefur hlotið refsidóma erlendis Landsréttur staðfesti gæsluvarðaldsúrskurðinn og þarf maðurinn að sæta varðhaldi til 1. júní. Í úrskurðinum var vísað til þess að maðurinn væri undir rökstuddum grun um brot sem varðað geti allt að sextán ára fangelsi. Maðurinn hafi ekki látið af háttsemi sinni gegn konunni þrátt fyrir nálgunarbann og hann hafi haft í frammi tilburði gagnvart fjölskyldumeðlimum hennar sem veki hjá þeim ótta. Vissi maðurinn af verustað konunnar stæði henni einnig ógn af honum. „…ætla má að kærði muni halda áfram brotum meðan máli hans er ekki lokið auk þess að augljóst er að mati dómsins að gæsluvarðhald megi teljast nauðsynlegt til að verja aðra fyrir árásum sakbornings, einkum þá brotaþola sjálfa, en jafnframt þá sem næst henni standa. Ekki verður talið að vægari úrræði geti komið að haldi í þessu efni,“ sagði í úrskurði Héraðsdóms Suðurlands sem Landréttur staðfesti. Í úrskurðinum kemur fram að maðurinn hefur áður hlotið refsidóma erlendis og sé enn á skilorði vegna þeirra. Árið 2017 hafi hann fengið fjögurra mánaða fangelsisrefsingu fyrir hótanir og ári síðar sjö mánaða dóm fyrir líkamsmeiðingar, tilraun til líkamsmeiðinga og eignaspjöll. Dómsmál Heimilisofbeldi Mest lesið Vanþekking ráðherra sé áhyggjuefni Innlent Ásthildur Lóa setur húsið umdeilda á sölu Innlent Deildi hernaðarupplýsingum í öðru spjalli með konu sinni og bróður Erlent Segja samfélagsmiðla valda auknu kvenhatri og rasisma í skólum Erlent Margar fjölskyldur fastar í fátækt svo árum skiptir Innlent Ræddi við foreldra og hætta við miklar hækkanir Innlent Trump-stjórnin virðist ekki hafa neitt plan Innlent Samsetning lyfja gæti komið í veg fyrir þúsundir hjartaáfalla Erlent „Þeir liggja hérna eins og hráviði út um allt“ Innlent Skrítið ef ríkið hefur ekki áhuga á Háholti Innlent Fleiri fréttir Vanþekking ráðherra sé áhyggjuefni Margar fjölskyldur fastar í fátækt svo árum skiptir Ásthildur Lóa setur húsið umdeilda á sölu Gagnrýnir dómsmálaráðherra fyrir að fara með rangt mál um dvalarleyfi Trump-stjórnin virðist ekki hafa neitt plan Skrítið ef ríkið hefur ekki áhuga á Háholti Maðurinn er laus úr haldi „Við megum mótmæla því að verið sé að drepa saklaust fólk“ Ræddi við foreldra og hætta við miklar hækkanir Einn í haldi lögreglu vegna konu með skerta meðvitund Falla frá gjaldskrárhækkunum og árásir á tímum vopnahlés Bjóst ekki við að ríkisstjórnin héldi meirihluta Viðbragð lögreglu og sjúkraflutningamanna í nágrenni Selfoss Vestfjarðaleiðin verði Hringvegur númer tvö Ferill fyrrum forsætisráðherra og verðlaunaður sagnfræðingur í Sprengisandi Rólegheitaveður á páskadag Ökumaður undir aldri í bílaeltingarleik við lögreglu Mótmæla brottvísun Oscars Gagnrýnir brattar hækkanir: „Þetta er bara dapurlegt“ Eitthvað búi að baki „meira en þrá hans eftir friði“ Engin tengsl milli þolenda og gerenda Tortryggni í garð Rússa og ungmennaráð sem fékk ekkert að segja Móðirin hafi þurft að sárbæna hann til að hitta barnið á spítala Handtekinn á Húsavík með tölvert magn fíkniefna Bora tilraunaholu til að framleiða heitt vatn á höfuðborgarsvæðinu „Það er eitthvað við það að vera hérna“ Koma strandaglópunum heim í kvöld Áhyggjuefni að brotaþolar treysti ekki dómstólum Unglingur stakk óboðinn gest í bakið til að verja fjölskyldumeðlim Fólskuleg líkamsárás og strandaglópar í suðri Sjá meira
Gæsluvarðhaldsúrskurður yfir karlmanni sem er sakaður um að hafa beitt eiginkonu sína endurteknu og margvíslegu ofbeldi var staðfestur í Landsrétti í gær. Dómurinn taldi nauðsynlegt að maðurinn sætti varðhaldi til að verja konuna og þá sem standa henni næst fyrir árásum hans. Maðurinn, sem er erlendur ríkisborgari, er grunaður um nauðgun og heimilisofbeldi en ennfremur um ítrekuð brot gegn nálgunarbanni og húsbrot. Í úrskurði Héraðsdóms Suðurlands sem úrskurðaði manninn í gæsluvarðhald í síðustu viku kemur fram að konan leitaði fyrst til lögreglu vegna ofbeldis mannsins í október árið 2019. Þá var hún í uppnámi og með sýnilega áverka. Lýsti hún ofbeldi sem hefði átt sér stað allt frá því september það ár. Maðurinn neitaði sök en viðurkenndi að hafa slegið konuna í eitt skipti. Hún fór fram á að honum yrði vísað af heimili þeirra og úrskurðaður í nálgunarbann gagnvart henni og veitti lögreglustjóri það í október. Skömmu síðar dró konan kröfuna til baka og var nálgunarbannið þá fellt úr gildi. Aðeins mánuði síðar leitaði konan aftur til lögreglu og tilkynnti um alvarlegt ofbeldis mannsins gegn henni á heimili þeirra, jafnt andlegu, líkamlegu og kynferðislegu. Ofbeldið hafi staðið yfir frá hádegi til kvölds eftir að hún kom heim úr vinnu í hádeginu. Lýsti konan því að maðurinn hefði þá veist að henni með miklu ofbeldi, hótað henni lífláti, afklætt hana með ofbeldi og tekið símann hennar af henni. Því næst hafi hann brotið gróflega gegn henni kynferðislega og síðan meinað henni útgöngu. Þá skipaði maðurinn konunni að þrífa gólf á eldhúsi og baðherbergi nakinni. Á meðan á þessu stóð hótaði hann henni ítrekað lífláti og limlestingum. Maðurinn sló konuna einnig þannig að hún hlaut glóðarauga af. Læknisskoðun leiddi í ljós að konan var með áverka víða um líkamann sem studdu frásögn hennar um ofbeldið. Framburður mannsins þótti aftur á móti afar ótrúverðugur frá upphafi. Hann reyndi meðal annars að halda því fram að myndir af áverkunum sem voru teknir á lögreglustöð hafi verið af annarri konu eða falsaðar. Eins hélt hann því ýmist fram að konan hefði hlotið áverkana við líkamsrækt, að hún væri haldin sjúkdómi sé léti hana fá marbletti af minnsta tilefni og að hún vildi vera beitt ofbeldi. Herjar á þá sem standa henni næst Manninum var í kjölfarið gert að sæta brottvísun af heimilinu og nálgunarbanni gagnvart konunni öðru sinni. Eftir að hann losnaði úr gæsluvarðhaldi í desember óskaði konan eftir því að sú ákvörðun yrði felld úr gildi. Að þessu sinni synjaði lögreglustjóri beiðni konunnar. Síðan það gerðist er konan sögð hafa hrökklast undan manninum aftur og að hún fari nú huldu höfði í öðru sveitarfélagi af ótta við hann. Maðurinn hefur ítrekað brotið gegn nálgunarbanninu. Hann réðst inn á heimili þeirra í bræðiskasti og krafðist þess að konan kæmi með sér þegar konan ætlaði að fara með skilnaðarmál fyrir dómstóla í mars. Daginn eftir kom hann aftur í bræði, lamdi húsnæði að utan og krafðist þess að konan talaði við hann. Húsráðendur og lögregla hafi rekið hann burt í fjórgang áður en hann yfirgaf loks sveitarfélagið. Þar að auki hefur maðurinn herjað stöðugt á fjölskyldu, vini, vinnuveitanda og aðra sem tengjast konunni til þess að reyna að ná til hennar og komast að því hvar hún dvelji eftir að hún lokað á rafræn samskipti við hann. Maðurinn er jafnvel sagður hafa villt á sér heimildir til að komast í samskipti við konuna. Hefur hlotið refsidóma erlendis Landsréttur staðfesti gæsluvarðaldsúrskurðinn og þarf maðurinn að sæta varðhaldi til 1. júní. Í úrskurðinum var vísað til þess að maðurinn væri undir rökstuddum grun um brot sem varðað geti allt að sextán ára fangelsi. Maðurinn hafi ekki látið af háttsemi sinni gegn konunni þrátt fyrir nálgunarbann og hann hafi haft í frammi tilburði gagnvart fjölskyldumeðlimum hennar sem veki hjá þeim ótta. Vissi maðurinn af verustað konunnar stæði henni einnig ógn af honum. „…ætla má að kærði muni halda áfram brotum meðan máli hans er ekki lokið auk þess að augljóst er að mati dómsins að gæsluvarðhald megi teljast nauðsynlegt til að verja aðra fyrir árásum sakbornings, einkum þá brotaþola sjálfa, en jafnframt þá sem næst henni standa. Ekki verður talið að vægari úrræði geti komið að haldi í þessu efni,“ sagði í úrskurði Héraðsdóms Suðurlands sem Landréttur staðfesti. Í úrskurðinum kemur fram að maðurinn hefur áður hlotið refsidóma erlendis og sé enn á skilorði vegna þeirra. Árið 2017 hafi hann fengið fjögurra mánaða fangelsisrefsingu fyrir hótanir og ári síðar sjö mánaða dóm fyrir líkamsmeiðingar, tilraun til líkamsmeiðinga og eignaspjöll.
Dómsmál Heimilisofbeldi Mest lesið Vanþekking ráðherra sé áhyggjuefni Innlent Ásthildur Lóa setur húsið umdeilda á sölu Innlent Deildi hernaðarupplýsingum í öðru spjalli með konu sinni og bróður Erlent Segja samfélagsmiðla valda auknu kvenhatri og rasisma í skólum Erlent Margar fjölskyldur fastar í fátækt svo árum skiptir Innlent Ræddi við foreldra og hætta við miklar hækkanir Innlent Trump-stjórnin virðist ekki hafa neitt plan Innlent Samsetning lyfja gæti komið í veg fyrir þúsundir hjartaáfalla Erlent „Þeir liggja hérna eins og hráviði út um allt“ Innlent Skrítið ef ríkið hefur ekki áhuga á Háholti Innlent Fleiri fréttir Vanþekking ráðherra sé áhyggjuefni Margar fjölskyldur fastar í fátækt svo árum skiptir Ásthildur Lóa setur húsið umdeilda á sölu Gagnrýnir dómsmálaráðherra fyrir að fara með rangt mál um dvalarleyfi Trump-stjórnin virðist ekki hafa neitt plan Skrítið ef ríkið hefur ekki áhuga á Háholti Maðurinn er laus úr haldi „Við megum mótmæla því að verið sé að drepa saklaust fólk“ Ræddi við foreldra og hætta við miklar hækkanir Einn í haldi lögreglu vegna konu með skerta meðvitund Falla frá gjaldskrárhækkunum og árásir á tímum vopnahlés Bjóst ekki við að ríkisstjórnin héldi meirihluta Viðbragð lögreglu og sjúkraflutningamanna í nágrenni Selfoss Vestfjarðaleiðin verði Hringvegur númer tvö Ferill fyrrum forsætisráðherra og verðlaunaður sagnfræðingur í Sprengisandi Rólegheitaveður á páskadag Ökumaður undir aldri í bílaeltingarleik við lögreglu Mótmæla brottvísun Oscars Gagnrýnir brattar hækkanir: „Þetta er bara dapurlegt“ Eitthvað búi að baki „meira en þrá hans eftir friði“ Engin tengsl milli þolenda og gerenda Tortryggni í garð Rússa og ungmennaráð sem fékk ekkert að segja Móðirin hafi þurft að sárbæna hann til að hitta barnið á spítala Handtekinn á Húsavík með tölvert magn fíkniefna Bora tilraunaholu til að framleiða heitt vatn á höfuðborgarsvæðinu „Það er eitthvað við það að vera hérna“ Koma strandaglópunum heim í kvöld Áhyggjuefni að brotaþolar treysti ekki dómstólum Unglingur stakk óboðinn gest í bakið til að verja fjölskyldumeðlim Fólskuleg líkamsárás og strandaglópar í suðri Sjá meira