Leiðir til að draga úr snjallsímanotkun á meðan fólk er í vinnunni Rakel Sveinsdóttir skrifar 7. maí 2020 09:00 Það er auðvelt að truflast af snjallsímanum. Vísir/Getty Samkvæmt könnun sem CareerBuilder gerði í Bandaríkjunum segist 55% starfsmanna verða fyrir truflunum í vinnunni af símanum. Til viðbótar við símann eru háværir samstarfsmenn nefndir, hávaði í vinnuumhverfinu og áreiti tölvupósta og skilaboða. Þá sýna nýlegar niðurstöður rannsóknar sem fyrirtækið Zenith stóð að í Bandaríkjunum að fullorðnir verja um þremur klukkustundum og 30 mínútum á dag í netnotkun snjallsíma. Zenith áætlar að þessi notkun muni aukast og verða yfir fjórir klukkutímar á dag árið 2021. Reyndar kemur fram í þessum niðurstöðum að þeir sem nota símann hvað mest eru nú þegar að verja um fjórum klukkustundum og 30 mínútum á dag í símanotkun. Hvað geta stjórnendur gert? Business News Daily er vefsíða fyrir smærri rekstraraðila og fyrirtæki. Í umfjöllun vefsíðunnar er bent á nokkrar leiðir sem stjórnendur geta farið til að draga úr símanotkun starfsmanna á vinnutíma. Ein leiðin er að bjóða upp á sveigjanlegan vinnutíma og fjarvinnu, sem þýðir að vinnan er meira metin af verkefnaskilum en viðveru á sérstökum tíma. Önnur leið er að þjálfa starfsfólk í núvitund og nýta núvitundina til að kenna fólki að láta tilkynningar í símanum ekki trufla sig, til dæmis tilkynningar samfélagsmiðla. Enn önnur leið er að setja reglur um stuttar pásur þar sem samið er um það fyrirfram að þær séu nýttar til að kíkja á símann sinn frekar en þegar þér er ætlað að vera að vinna. Starfsfólk vill líka fá að ráða sér sjálft En starfsmenn vilja líka fá að stýra sínum tíma og símanotkun svolítið sjálfir. Enda má deila um það hver er í rauninni í ábyrgð fyrir vinnutímanum, stjórnendurnir eða starfsmennirnir sjálfir. Eitt ráð fyrir hvern og einn getur til dæmis verið að aftengja tilkynningar frá samfélagsmiðlum á vinnutíma og draga þannig úr truflunum. Í stað þess að setja reglur sem snúa að símanotkun, er stjórnendum bent á að góð leið geti falist í því að leggja almennt meiri áherslu á vellíðan starfsfólks, þar á meðal svefn. Rökin fyrir þessu eru þau að vellíðan starfsfólks eykur á alla skilvirkni, fólk á til dæmis auðveldara með að einbeita sér ef því líður vel og er úthvílt. Þjálfun gegn truflun Þjálfun er líka nefnd til sögunnar sem ráð. Þjálfunin felst þá í því að þjálfa fólk í að varast truflanir og trufla sjálft sem minnst. Einfaldar reglur geta til dæmis falist í því að þegar samstarfsfélagi er með heyrnartól á sér, má ekki trufla viðkomandi. Ekkert frekar en almenn regla er að trufla fólk ekki sem situr inni í lokuðu fundarherbergi. Þjálfunin er þannig samspil þjálfunar fyrir vinnustaðinn og meðvitundar um einbeitingu á vinnutengdum verkefnum. Loks er á það bent að næðisrými geti líka hentað vel þar sem starfsfólki gefst kostur á að bregða sér aðeins afsíðis þegar fólk hefur þörf á að hvíla sig örstutt frá vinnu, meðal annars með því að kíkja aðeins á samfélagsmiðla eða annað í símanum. Stjórnun Góðu ráðin Mest lesið Einn stærsti vinnustaður Akraness gjaldþrota Viðskipti innlent Ósáttur með sætin og fær milljón endurgreidda Neytendur Mikið áfall fyrir íslenskan sjávarútveg Viðskipti innlent Gjaldþrot Jötunn véla upp á 1,7 milljarða Viðskipti innlent Helmingaði kostnaðinn við matarinnkaup Neytendur Nýr 40/40 listi: „Spenntur að sjá hvað þetta fólk gerir í framtíðinni“ Atvinnulíf Í áfalli yfir dýrari dekkjum og Hlöllabát Neytendur Syndis ræður reyndan tölvuþrjót Viðskipti innlent Reitir hrista upp í skipuritinu Viðskipti innlent Einn glæsilegasti golfvöllur landsins í Kiðjabergi Samstarf Fleiri fréttir Nýr 40/40 listi: „Spenntur að sjá hvað þetta fólk gerir í framtíðinni“ Betra en ekki að viðurkenna mistökin Sjálfbærniskólinn: Mörg fyrirtæki að gera geggjað góða hluti án þess að átta sig á því Sjálfbærniskólinn opnar: Reglugerðin mun líka hafa áhrif á lítil og meðalstór fyrirtæki Hafa þróað kerfi til að auka á gagnsæi viðskipta með kolefniseiningar „Hef ítrekað verið ásakaður af eiginkonunni að vera morgunfúll“ Óöryggi, feimni og jafnvel einmanaleiki í nýju sumarvinnunni Hámarkstími fullorðinna í símanum og góð ráð „Krakkar sem gistu hjá okkur vissu ekki hvað var að gerast!“ Níu manns sagt upp hjá Veitum Leiðtogakulnun: Þegar yfirmaðurinn er alveg búinn á því Að sækja um starf eftir uppsögn Hefur óeðlilega þörf fyrir að strauja allt frá skyrtum í barnasamfellur Að standa upp til að gera eitthvað og muna síðan ekkert hvað það var „Orðið var við aukna umræðu um að vinnan eigi ekki að valda álagi“ Ekkert einkamál: Áhrif vinnustaða á geðheilsu jafn stór og makans „Þú varst aumingi ef þú fórst á hausinn en glæpamaður ef þú græddir“ „Katrín Olga, þetta er eingöngu hálftími af þínu lífi“ Sjá meira
Samkvæmt könnun sem CareerBuilder gerði í Bandaríkjunum segist 55% starfsmanna verða fyrir truflunum í vinnunni af símanum. Til viðbótar við símann eru háværir samstarfsmenn nefndir, hávaði í vinnuumhverfinu og áreiti tölvupósta og skilaboða. Þá sýna nýlegar niðurstöður rannsóknar sem fyrirtækið Zenith stóð að í Bandaríkjunum að fullorðnir verja um þremur klukkustundum og 30 mínútum á dag í netnotkun snjallsíma. Zenith áætlar að þessi notkun muni aukast og verða yfir fjórir klukkutímar á dag árið 2021. Reyndar kemur fram í þessum niðurstöðum að þeir sem nota símann hvað mest eru nú þegar að verja um fjórum klukkustundum og 30 mínútum á dag í símanotkun. Hvað geta stjórnendur gert? Business News Daily er vefsíða fyrir smærri rekstraraðila og fyrirtæki. Í umfjöllun vefsíðunnar er bent á nokkrar leiðir sem stjórnendur geta farið til að draga úr símanotkun starfsmanna á vinnutíma. Ein leiðin er að bjóða upp á sveigjanlegan vinnutíma og fjarvinnu, sem þýðir að vinnan er meira metin af verkefnaskilum en viðveru á sérstökum tíma. Önnur leið er að þjálfa starfsfólk í núvitund og nýta núvitundina til að kenna fólki að láta tilkynningar í símanum ekki trufla sig, til dæmis tilkynningar samfélagsmiðla. Enn önnur leið er að setja reglur um stuttar pásur þar sem samið er um það fyrirfram að þær séu nýttar til að kíkja á símann sinn frekar en þegar þér er ætlað að vera að vinna. Starfsfólk vill líka fá að ráða sér sjálft En starfsmenn vilja líka fá að stýra sínum tíma og símanotkun svolítið sjálfir. Enda má deila um það hver er í rauninni í ábyrgð fyrir vinnutímanum, stjórnendurnir eða starfsmennirnir sjálfir. Eitt ráð fyrir hvern og einn getur til dæmis verið að aftengja tilkynningar frá samfélagsmiðlum á vinnutíma og draga þannig úr truflunum. Í stað þess að setja reglur sem snúa að símanotkun, er stjórnendum bent á að góð leið geti falist í því að leggja almennt meiri áherslu á vellíðan starfsfólks, þar á meðal svefn. Rökin fyrir þessu eru þau að vellíðan starfsfólks eykur á alla skilvirkni, fólk á til dæmis auðveldara með að einbeita sér ef því líður vel og er úthvílt. Þjálfun gegn truflun Þjálfun er líka nefnd til sögunnar sem ráð. Þjálfunin felst þá í því að þjálfa fólk í að varast truflanir og trufla sjálft sem minnst. Einfaldar reglur geta til dæmis falist í því að þegar samstarfsfélagi er með heyrnartól á sér, má ekki trufla viðkomandi. Ekkert frekar en almenn regla er að trufla fólk ekki sem situr inni í lokuðu fundarherbergi. Þjálfunin er þannig samspil þjálfunar fyrir vinnustaðinn og meðvitundar um einbeitingu á vinnutengdum verkefnum. Loks er á það bent að næðisrými geti líka hentað vel þar sem starfsfólki gefst kostur á að bregða sér aðeins afsíðis þegar fólk hefur þörf á að hvíla sig örstutt frá vinnu, meðal annars með því að kíkja aðeins á samfélagsmiðla eða annað í símanum.
Stjórnun Góðu ráðin Mest lesið Einn stærsti vinnustaður Akraness gjaldþrota Viðskipti innlent Ósáttur með sætin og fær milljón endurgreidda Neytendur Mikið áfall fyrir íslenskan sjávarútveg Viðskipti innlent Gjaldþrot Jötunn véla upp á 1,7 milljarða Viðskipti innlent Helmingaði kostnaðinn við matarinnkaup Neytendur Nýr 40/40 listi: „Spenntur að sjá hvað þetta fólk gerir í framtíðinni“ Atvinnulíf Í áfalli yfir dýrari dekkjum og Hlöllabát Neytendur Syndis ræður reyndan tölvuþrjót Viðskipti innlent Reitir hrista upp í skipuritinu Viðskipti innlent Einn glæsilegasti golfvöllur landsins í Kiðjabergi Samstarf Fleiri fréttir Nýr 40/40 listi: „Spenntur að sjá hvað þetta fólk gerir í framtíðinni“ Betra en ekki að viðurkenna mistökin Sjálfbærniskólinn: Mörg fyrirtæki að gera geggjað góða hluti án þess að átta sig á því Sjálfbærniskólinn opnar: Reglugerðin mun líka hafa áhrif á lítil og meðalstór fyrirtæki Hafa þróað kerfi til að auka á gagnsæi viðskipta með kolefniseiningar „Hef ítrekað verið ásakaður af eiginkonunni að vera morgunfúll“ Óöryggi, feimni og jafnvel einmanaleiki í nýju sumarvinnunni Hámarkstími fullorðinna í símanum og góð ráð „Krakkar sem gistu hjá okkur vissu ekki hvað var að gerast!“ Níu manns sagt upp hjá Veitum Leiðtogakulnun: Þegar yfirmaðurinn er alveg búinn á því Að sækja um starf eftir uppsögn Hefur óeðlilega þörf fyrir að strauja allt frá skyrtum í barnasamfellur Að standa upp til að gera eitthvað og muna síðan ekkert hvað það var „Orðið var við aukna umræðu um að vinnan eigi ekki að valda álagi“ Ekkert einkamál: Áhrif vinnustaða á geðheilsu jafn stór og makans „Þú varst aumingi ef þú fórst á hausinn en glæpamaður ef þú græddir“ „Katrín Olga, þetta er eingöngu hálftími af þínu lífi“ Sjá meira