Við­búnaður á Kefla­víkur­flug­velli vegna lítils eld­neytis í vél

Viðbúnaður var á Keflavíkurflugvelli eftir að boð barst um að lítið eldsneyti væri í vél Icelandair á leið til landsins frá Bandaríkjunum. Vélinni tókst hins vegar að lenda heilu og höldnu.

Samkvæmt upplýsingum frá Brunavörnum Suðurnesja barst tilkynning til þeirra klukkan 6:25 og voru þá sjúkrabílar sendir til móts. Útkallið var hins vegar afturkallað fáum mínútum síðar.

Vegna viðbúnaðarins var einhverjum vélum, sem lenda áttu í Keflavík, beint til Akureyrar.