Forseti Úkraínu neitar því að Trump hafi reynt að kúga sig Kjartan Kjartansson skrifar 10. október 2019 12:24 Zelenskíj svaraði spurningum fréttamanna í mathöll í Kænugarði í dag, þar á meðal um samskipti hans og Trump Bandaríkjaforseta. Vísir/EPA Volodímír Zelenskíj, forseti Úkraínu, fullyrðir að Donald Trump Bandaríkjaforseti hafi ekki reynt að beita hann kúgunum í umtöluðu símtali þeirra í júlí. Trump þrýsti ítrekað á Zelenskíj að rannsaka pólitískan andstæðing sinn í símtalinu og Bandaríkjaþing hóf rannsókn á mögulegum embættisbrotum forsetans vegna þess. „Það var engin kúgun. Það var ekki umræðuefni samtals okkar,“ sagði Zelenskíj við fréttamenn í dag. Tilgangur símtalsins hafi verið að koma á fundi þeirra og að hann hafi beðið Hvíta húsið um að breyta orðræðu sinni í garð Úkraínu, að því er Reuters-fréttastofan hefur eftir honum. Þrýstingur Trump á Zelenskíj í símtalinu hefur verið settur í samhengi við að bandaríski forsetinn stöðvaði án skýringa hundruð milljón dollara hernaðaraðstoð við Úkraínu sem Bandaríkjaþing hafði samþykkt skömmu áður. Úkraína reiðir sig meðal annars á stuðning Bandaríkjanna í átökum við uppreisnarmenn sem eru hliðhollir Rússum í austanverðu landinu. Zelenskíj segir að hann hafi ekki vitað af því að hernaðaraðstoðin hefði verið stöðvuð þegar þeir Trump ræddu saman 25. júlí. Eftir að varnarmálaráðherra hans tjáði honum það síðar hafi hann tekið málið upp við Mike Pence, varaforseta Bandaríkjanna, þegar þeir hittust í Varsjá í september. Bandaríkjaþing hefur krafið Pence um gögn varðandi þann fund í tengslum við rannsókn þeirra á Trump. Ríkisstjórn Trump afgreiddi aðstoðina við Úkraínu ekki fyrr en í september þegar þingmenn voru byrjaðir að grennslast um hvers vegna hún hefði verið stöðvuð.Segir engin skilyrði hafa verið sett fyrir fundi Staðhæfði Zelenskíj enn fremur að engin skilyrði hefðu verið sett fyrir því að hann fengi fund með Trump, þar á meðal um að úkraínsk yfirvöld rannsökuðu Joe Biden, fyrrverandi varaforseta og líklegan mótframbjóðanda Trump í forsetakosningum næsta árs, sem Trump og bandamenn hans hafa sakað um spillingu án sannana. Textaskilaboð sem fóru á milli erindreka Bandaríkjastjórnar í sumar og byrjun hausta benda engu að síður til þess að Trump og bandamenn hans hafi reynt að setja einmitt það sem skilyrði fyrir því að Trump fundaði með Zelenskíj. Skilaboðin urðu opinber eftir að Kurt Volker, fyrrverandi sendifulltrúi Bandaríkjastjórnar vegna átakanna í Úkraínu, afhenti þau þingnefnd á dögunum. Aðalerindreki Bandaríkjanna í Úkraínu lýsti í þeim áhyggjum af því að Bandaríkjastjórn setti rannsókn á Biden sem skilyrði fyrir hernaðaraðstoð og fundi með Trump. Hvíta húsið birti sjálft samantekt á símtali Trump og Zelenskíj eftir að fréttir bárust af því að uppljóstrari innan leyniþjónustunnar hefði kvartað formlega undan því að forsetinn hefði mögulega misbeitt valdi sínu í samskiptum sínum við úkraínska starfsbróður hans og að Hvíta húsið hefði reynt að takmarka aðgang að eftirriti símtalsins á óeðlilegan hátt. Sakaði uppljóstrarinn forsetann um að reyna að fá erlenda ríkisstjórn til að skipta sér af bandarískum kosningum. Zelenskíj segist telja að samantekt Hvíta hússins á símtalinu sé í samræmi við eftirrit Úkraínustjórnar. „Ég kannaði það ekki einu sinni en ég held að það passi fullkomlega,“ sagði hann.Trump og Zelenskíj hittust loks á allsherjarþingi Sameinuðu þjóðanna í New York í september. Úkraínumenn höfðu þá lengi sóst eftir fundi með forsetanum.Vísir/EPASímtalið „sturlað“ Uppljóstrarinn sem kvartaði undan símtali Trump og Zelenskíj byggði kvörtunina á samtölum sem hann hefði átt við embættismenn sem höfðu verið slegnir yfir því sem þar átti sér stað. Síðan þá hefur lögmaður uppljóstrarans sagt að fleiri hafi stigið fram. Embættismaður Hvíta hússins sem uppljóstrarinn segist hafa rætt við á að hafa lýst símtali Trump og Zelenskíj sem „sturluðu“ og að það hafi „algerlega skort innihald sem tengdist þjóðaröryggi“. Uppljóstrarinn segir að embættismaðurinn hafi verið „sjáanlega sleginn“ yfir símtalinu.New York Times segir að í minnisblaði uppljóstrarans komi fram að embættismaður hafi sagt honum að lögfræðingar Hvíta hússins ræddu þegar um hvernig þeir ættu að taka á símtali Trump og Zelenskíj því þeim væri ljóst að forsetinn hefði klárlega framið glæp með því að krefja erlenda ríkisstjórn um að rannsaka bandarískan borgara í því skyni að auka hans eigin líkur á að ná endurkjöri í forsetakosningum á næsta ári. Bandaríkin Donald Trump Ákæruferli þingsins gegn Trump Úkraína Tengdar fréttir Otuðu sínum tota á meðan Trump sakaði Biden um spillingu Bandarískir athafnamenn notfærðu sér tengsl við Trump forseta og lögmann hans til að reyna að koma ár sinni fyrir borð hjá stóru úkraínsku orkufyrirtæki. 8. október 2019 11:58 Banna lykilvitni að koma fyrir þingnefnd Sendiherra Bandaríkjanna gagnvart ESB sem sá um samskipti Trump-stjórnarinnar við Úkraínu ber ekki vitni í dag eins og til stóð samkvæmt ákvörðun utanríkisráðuneytisins. 8. október 2019 13:12 Úkraínumenn ætla að rannsaka son Biden Í ljós hefur komið að starfsmenn Utanríkisráðuneytis Bandaríkjanna þrýstu á Úkraínu til að hefja slíka rannsókn gegn því að Volodymir Zelensky, nýr forseti Úkraínu, fengi fund með Donald Trump, forseta Bandaríkjanna. 4. október 2019 10:30 Mest lesið Tveir reyndust í skotti bíls Innlent Fannst hann þvingaður til að afsala sér hundinum Innlent Harður þriggja bíla árekstur á Suðurlandsvegi Innlent Málningu kastað og ryskingar við sendiráðið Innlent Mótmælendur hindruðu för lögreglubíls í forgangsakstri Innlent Erfitt að setja tölu á hve margir vilji stjórnarslit Innlent Svandís og Guðmundur Ingi nýir leiðtogar Vinstri grænna Innlent „Þegar hægrið fær að ráða ferðinni óheft og án alls taumhalds fer illa“ Innlent Mannekla bindur hendur héraðssaksóknara í samráðsmáli Innlent Ríkisstjórnarflokkarnir mælast með tuttugu prósenta fylgi Innlent Fleiri fréttir Engum verði vísað út við myndbirtingu Minnst sextán látnir í aurskriðum í Bosníu og Hersegóvínu Einn af leiðtogum Hamas lést í loftárás á Líbanon Minnst sjötíu í valnum eftir árás glæpamanna Versnandi ástand í Pokrovsk Trump sagði Pence að hann yrði fyrirlitinn og talinn heimskur Gerðu árás á landamærastöð þar sem tugir þúsunda hafa flúið Obama leggur land undir fót fyrir Harris í næstu viku Sýknaðir af alvarlegustu ákærunum vegna dauða Nichols Hvaldímír drapst af völdum bakteríusýkingar 21 árs konu bjargað á Gasa tíu árum eftir að henni var rænt Arftaki Nasrallah sagður drepinn í árás Ísraela Vita um tvo Íslendinga í Líbanon Segja íbúum tuttugu og fimm þorpa að flýja Hringmyrkvi sýnilegur yfir syðsta oddi Suður-Ameríku Fyrsta heimsókn Rutte til Úkraínu Íhuga árásir á olíuvinnslur og kjarnorkustöðvar í Íran Nýnasisti sagðist ekki hafa stungið börn vegna rasisma Rússar reyndu að skjóta niður ísraelskar stýriflaugar Slökkva á tækjum næstvíðförlasta geimfarsins til að lengja líf þess Lét sér fátt um finnast að Pence væri í hættu Forsetinn neitar að undirrita lög gegn hinsegin fólki Tekur einarða afstöðu með þungunarrofi og sjálfræði kvenna Læknir játar sök í tengslum við dauða Matthew Perry Starfsfólk farið að þjást af „laxaastma“ Fimm látnir í Beirút eftir loftárás á heilsugæslu Maðurinn á bak við Tripp Trapp-stólinn látinn Verulegar líkur á að stórt stríð brjótist út í Miðausturlöndum Þrír ungir Svíar handteknir vegna sprenginganna í Kaupmannahöfn Watson skal áfram sæta gæsluvarðhaldi Sjá meira
Volodímír Zelenskíj, forseti Úkraínu, fullyrðir að Donald Trump Bandaríkjaforseti hafi ekki reynt að beita hann kúgunum í umtöluðu símtali þeirra í júlí. Trump þrýsti ítrekað á Zelenskíj að rannsaka pólitískan andstæðing sinn í símtalinu og Bandaríkjaþing hóf rannsókn á mögulegum embættisbrotum forsetans vegna þess. „Það var engin kúgun. Það var ekki umræðuefni samtals okkar,“ sagði Zelenskíj við fréttamenn í dag. Tilgangur símtalsins hafi verið að koma á fundi þeirra og að hann hafi beðið Hvíta húsið um að breyta orðræðu sinni í garð Úkraínu, að því er Reuters-fréttastofan hefur eftir honum. Þrýstingur Trump á Zelenskíj í símtalinu hefur verið settur í samhengi við að bandaríski forsetinn stöðvaði án skýringa hundruð milljón dollara hernaðaraðstoð við Úkraínu sem Bandaríkjaþing hafði samþykkt skömmu áður. Úkraína reiðir sig meðal annars á stuðning Bandaríkjanna í átökum við uppreisnarmenn sem eru hliðhollir Rússum í austanverðu landinu. Zelenskíj segir að hann hafi ekki vitað af því að hernaðaraðstoðin hefði verið stöðvuð þegar þeir Trump ræddu saman 25. júlí. Eftir að varnarmálaráðherra hans tjáði honum það síðar hafi hann tekið málið upp við Mike Pence, varaforseta Bandaríkjanna, þegar þeir hittust í Varsjá í september. Bandaríkjaþing hefur krafið Pence um gögn varðandi þann fund í tengslum við rannsókn þeirra á Trump. Ríkisstjórn Trump afgreiddi aðstoðina við Úkraínu ekki fyrr en í september þegar þingmenn voru byrjaðir að grennslast um hvers vegna hún hefði verið stöðvuð.Segir engin skilyrði hafa verið sett fyrir fundi Staðhæfði Zelenskíj enn fremur að engin skilyrði hefðu verið sett fyrir því að hann fengi fund með Trump, þar á meðal um að úkraínsk yfirvöld rannsökuðu Joe Biden, fyrrverandi varaforseta og líklegan mótframbjóðanda Trump í forsetakosningum næsta árs, sem Trump og bandamenn hans hafa sakað um spillingu án sannana. Textaskilaboð sem fóru á milli erindreka Bandaríkjastjórnar í sumar og byrjun hausta benda engu að síður til þess að Trump og bandamenn hans hafi reynt að setja einmitt það sem skilyrði fyrir því að Trump fundaði með Zelenskíj. Skilaboðin urðu opinber eftir að Kurt Volker, fyrrverandi sendifulltrúi Bandaríkjastjórnar vegna átakanna í Úkraínu, afhenti þau þingnefnd á dögunum. Aðalerindreki Bandaríkjanna í Úkraínu lýsti í þeim áhyggjum af því að Bandaríkjastjórn setti rannsókn á Biden sem skilyrði fyrir hernaðaraðstoð og fundi með Trump. Hvíta húsið birti sjálft samantekt á símtali Trump og Zelenskíj eftir að fréttir bárust af því að uppljóstrari innan leyniþjónustunnar hefði kvartað formlega undan því að forsetinn hefði mögulega misbeitt valdi sínu í samskiptum sínum við úkraínska starfsbróður hans og að Hvíta húsið hefði reynt að takmarka aðgang að eftirriti símtalsins á óeðlilegan hátt. Sakaði uppljóstrarinn forsetann um að reyna að fá erlenda ríkisstjórn til að skipta sér af bandarískum kosningum. Zelenskíj segist telja að samantekt Hvíta hússins á símtalinu sé í samræmi við eftirrit Úkraínustjórnar. „Ég kannaði það ekki einu sinni en ég held að það passi fullkomlega,“ sagði hann.Trump og Zelenskíj hittust loks á allsherjarþingi Sameinuðu þjóðanna í New York í september. Úkraínumenn höfðu þá lengi sóst eftir fundi með forsetanum.Vísir/EPASímtalið „sturlað“ Uppljóstrarinn sem kvartaði undan símtali Trump og Zelenskíj byggði kvörtunina á samtölum sem hann hefði átt við embættismenn sem höfðu verið slegnir yfir því sem þar átti sér stað. Síðan þá hefur lögmaður uppljóstrarans sagt að fleiri hafi stigið fram. Embættismaður Hvíta hússins sem uppljóstrarinn segist hafa rætt við á að hafa lýst símtali Trump og Zelenskíj sem „sturluðu“ og að það hafi „algerlega skort innihald sem tengdist þjóðaröryggi“. Uppljóstrarinn segir að embættismaðurinn hafi verið „sjáanlega sleginn“ yfir símtalinu.New York Times segir að í minnisblaði uppljóstrarans komi fram að embættismaður hafi sagt honum að lögfræðingar Hvíta hússins ræddu þegar um hvernig þeir ættu að taka á símtali Trump og Zelenskíj því þeim væri ljóst að forsetinn hefði klárlega framið glæp með því að krefja erlenda ríkisstjórn um að rannsaka bandarískan borgara í því skyni að auka hans eigin líkur á að ná endurkjöri í forsetakosningum á næsta ári.
Bandaríkin Donald Trump Ákæruferli þingsins gegn Trump Úkraína Tengdar fréttir Otuðu sínum tota á meðan Trump sakaði Biden um spillingu Bandarískir athafnamenn notfærðu sér tengsl við Trump forseta og lögmann hans til að reyna að koma ár sinni fyrir borð hjá stóru úkraínsku orkufyrirtæki. 8. október 2019 11:58 Banna lykilvitni að koma fyrir þingnefnd Sendiherra Bandaríkjanna gagnvart ESB sem sá um samskipti Trump-stjórnarinnar við Úkraínu ber ekki vitni í dag eins og til stóð samkvæmt ákvörðun utanríkisráðuneytisins. 8. október 2019 13:12 Úkraínumenn ætla að rannsaka son Biden Í ljós hefur komið að starfsmenn Utanríkisráðuneytis Bandaríkjanna þrýstu á Úkraínu til að hefja slíka rannsókn gegn því að Volodymir Zelensky, nýr forseti Úkraínu, fengi fund með Donald Trump, forseta Bandaríkjanna. 4. október 2019 10:30 Mest lesið Tveir reyndust í skotti bíls Innlent Fannst hann þvingaður til að afsala sér hundinum Innlent Harður þriggja bíla árekstur á Suðurlandsvegi Innlent Málningu kastað og ryskingar við sendiráðið Innlent Mótmælendur hindruðu för lögreglubíls í forgangsakstri Innlent Erfitt að setja tölu á hve margir vilji stjórnarslit Innlent Svandís og Guðmundur Ingi nýir leiðtogar Vinstri grænna Innlent „Þegar hægrið fær að ráða ferðinni óheft og án alls taumhalds fer illa“ Innlent Mannekla bindur hendur héraðssaksóknara í samráðsmáli Innlent Ríkisstjórnarflokkarnir mælast með tuttugu prósenta fylgi Innlent Fleiri fréttir Engum verði vísað út við myndbirtingu Minnst sextán látnir í aurskriðum í Bosníu og Hersegóvínu Einn af leiðtogum Hamas lést í loftárás á Líbanon Minnst sjötíu í valnum eftir árás glæpamanna Versnandi ástand í Pokrovsk Trump sagði Pence að hann yrði fyrirlitinn og talinn heimskur Gerðu árás á landamærastöð þar sem tugir þúsunda hafa flúið Obama leggur land undir fót fyrir Harris í næstu viku Sýknaðir af alvarlegustu ákærunum vegna dauða Nichols Hvaldímír drapst af völdum bakteríusýkingar 21 árs konu bjargað á Gasa tíu árum eftir að henni var rænt Arftaki Nasrallah sagður drepinn í árás Ísraela Vita um tvo Íslendinga í Líbanon Segja íbúum tuttugu og fimm þorpa að flýja Hringmyrkvi sýnilegur yfir syðsta oddi Suður-Ameríku Fyrsta heimsókn Rutte til Úkraínu Íhuga árásir á olíuvinnslur og kjarnorkustöðvar í Íran Nýnasisti sagðist ekki hafa stungið börn vegna rasisma Rússar reyndu að skjóta niður ísraelskar stýriflaugar Slökkva á tækjum næstvíðförlasta geimfarsins til að lengja líf þess Lét sér fátt um finnast að Pence væri í hættu Forsetinn neitar að undirrita lög gegn hinsegin fólki Tekur einarða afstöðu með þungunarrofi og sjálfræði kvenna Læknir játar sök í tengslum við dauða Matthew Perry Starfsfólk farið að þjást af „laxaastma“ Fimm látnir í Beirút eftir loftárás á heilsugæslu Maðurinn á bak við Tripp Trapp-stólinn látinn Verulegar líkur á að stórt stríð brjótist út í Miðausturlöndum Þrír ungir Svíar handteknir vegna sprenginganna í Kaupmannahöfn Watson skal áfram sæta gæsluvarðhaldi Sjá meira
Otuðu sínum tota á meðan Trump sakaði Biden um spillingu Bandarískir athafnamenn notfærðu sér tengsl við Trump forseta og lögmann hans til að reyna að koma ár sinni fyrir borð hjá stóru úkraínsku orkufyrirtæki. 8. október 2019 11:58
Banna lykilvitni að koma fyrir þingnefnd Sendiherra Bandaríkjanna gagnvart ESB sem sá um samskipti Trump-stjórnarinnar við Úkraínu ber ekki vitni í dag eins og til stóð samkvæmt ákvörðun utanríkisráðuneytisins. 8. október 2019 13:12
Úkraínumenn ætla að rannsaka son Biden Í ljós hefur komið að starfsmenn Utanríkisráðuneytis Bandaríkjanna þrýstu á Úkraínu til að hefja slíka rannsókn gegn því að Volodymir Zelensky, nýr forseti Úkraínu, fengi fund með Donald Trump, forseta Bandaríkjanna. 4. október 2019 10:30