Afmælishátíð íslenska hestsins í Danmörku Gunnþóra Gunnarsdóttir skrifar 22. október 2018 08:45 Hestamenn á reiðvellinum fyrir utan Kristjánsborgarhöll áður en lagt var af stað til Norðurbryggju. Mynd/Gunnar Freyr Gunnarsson Dagskráin hófst með skrúðreið frá konunglegu hesthúsunum við Kristjánsborgarhöll klukkan 11, gegnum miðborg Kaupmannahafnar að Norðurbryggju. Meðal annars var riðið um Strikið að hluta til,“ segir Stefanía Kristín Bjarnadóttir, viðskipta- og menningarfulltrúi íslenska sendiráðsins í Kaupmannahöfn, þegar hún lýsir hátíð Íslandshestasamtakanna í Danmörku sem fögnuðu fimmtíu ára afmæli sínu í gær í blíðskaparveðri. Um 2.500 manns mættu. „Í skrúðreiðinni voru fjörutíu hestar. Þá sat meðal annars fólk sem er útskrifað úr hestafræðum frá Hólum og úr sambærilegum dönskum skóla. Það klæddist mismunandi jökkum eftir því hvorum hópnum það tilheyrði, Hólafólk var í bláum jökkum og hinir í rauðum,“ lýsir Stefanía. „Reiðin tók um klukkutíma og það voru samstarfsráðherrar Danmerkur og Íslands sem leiddu hana, þau Eva Kjer Hansen og Sigurður Ingi Jóhannsson.“Stefanía Kristín segir veðrið hafa leikið við hestafólk og aðra hátíðargesti.En hvað tók svo við þegar á Norðurbryggju var komið? „Sendiráð Íslands er til húsa á Norðurbryggju og hér var fjölbreytt dagskrá um alla bryggju sem tengist íslenska hestinum og íslenskri menningu. Hafnarbræður og Dóttir, tveir af fimm kórum Íslendinga hér í Kaupmannahöfn, tóku á móti hópreiðinni með söng. Þar hljómuðu lög eins og Ríðum, ríðum, rekum yfir sandinn. Gestir fengu að klappa hestunum, ráðherrarnir fluttu ræður og Kristinn Hugason frá Sögusetri íslenska hestsins var með sýningu sem nefnist Uppruni kostanna og fjallar um sögu hrossaræktarinnar. Svo voru íslenskar veitingar bæði í sendiráðinu og á Norðurbryggju, kórarnir seldu íslenska kjötsúpu sem sló í gegn, nýsteiktar kleinur voru á borðum og Matthías Finns Karlsson bakaði 600 pönnukökur á tveimur tímum, geri aðrir betur!“Hafrún Hekla Sverrisdóttir, 13 ára dóttir Stefaníu, er ein þeirra sem stundar hestamennsku í Danmörku. Hún fer til Dragör, sem er í um 10 kílómetra fjarlægð frá Kaupmannahöfn, til að sinna því sporti.Auk þessa segir Stefanía sýningar hönnuða hafa verið á svæðinu og fjölbreyttan varning til sölu, einnig getraun með góðum vinningum, meðal annars gjafabréfum frá Icelandair. „Við vorum tilbúin að fara með hátíðahöldin inn en þau voru öll utan dyra af því veðrið var svo gott.“ Danir hafa gert fullveldisafmæli Íslands hátt undir höfði, að sögn Stefaníu. „Það er búið að vera mikið um hátíðahöld og viðburði sem tengjast Íslandi í skólum, bókasöfnum, listasöfnum og hvar sem er. Ég held að sendiráðið sé búið að taka þátt í og standa fyrir 54 menningarhátíðum á árinu. Hestamenn leituðu fyrir ári til sendiráðsins í fyrrahaust og spurðu hvort við værum til í að halda hátíð með þeim. Nú er hún afstaðin og tókst afar vel,“ segir hún ánægjuleg og bætir við: „Það er nú svo að hér í Danmörku fæðast fleiri folöld undan íslenska hestastofninum en þeim danska, íslenski hesturinn er svo vinsæll hér.“ Birtist í Fréttablaðinu Mest lesið Sigmundur og hvolpurinn gleðjast yfir fylgi Miðflokksins Lífið „Það braut ísinn að við hefðum deitað sama gaurinn“ Lífið Krakkatían: Ber, forsetar og prinsessur Lífið „Ég var heppinn. En ekki hann“ Lífið „Það er önnur hver gella með í vörunum“ Lífið Ólafur Ragnar skellti sér á sæþotu eftir langan dag Lífið Karlmennskuhlaðvarpið heyrir sögunni til Lífið Fréttatía vikunnar: Körfubolti, laxaastmi og stýrivextir Lífið Skrúfaði titrarann í sundur til að forða nágrönnum frá ónæði Lífið Gómsætar haustkökur að hætti Elenoru Lífið Fleiri fréttir „Hrátt háþróað krass, langt leitt krot“ Bjóða landsmönnum nauðbeygð til messu Allt í banönum á Brút Bríet lét sig ekki vanta á sýningaropnun Ynju Blævar Út um allar koppagrundir Alþingis: „Froðan flæðir endalaust, það er bara froða froða“ Skálda opnar: „Kannski ekki margir nógu vitlausir til að framkvæma þessa hugmynd“ Össur Geirsson er heiðurslistamaður Kópavogs 2024 Margmenni í sköpunargleði og stuði á safninu Ólafur Elíasson tekur yfir Piccadilly Circus og Times Square Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Sjá meira
Dagskráin hófst með skrúðreið frá konunglegu hesthúsunum við Kristjánsborgarhöll klukkan 11, gegnum miðborg Kaupmannahafnar að Norðurbryggju. Meðal annars var riðið um Strikið að hluta til,“ segir Stefanía Kristín Bjarnadóttir, viðskipta- og menningarfulltrúi íslenska sendiráðsins í Kaupmannahöfn, þegar hún lýsir hátíð Íslandshestasamtakanna í Danmörku sem fögnuðu fimmtíu ára afmæli sínu í gær í blíðskaparveðri. Um 2.500 manns mættu. „Í skrúðreiðinni voru fjörutíu hestar. Þá sat meðal annars fólk sem er útskrifað úr hestafræðum frá Hólum og úr sambærilegum dönskum skóla. Það klæddist mismunandi jökkum eftir því hvorum hópnum það tilheyrði, Hólafólk var í bláum jökkum og hinir í rauðum,“ lýsir Stefanía. „Reiðin tók um klukkutíma og það voru samstarfsráðherrar Danmerkur og Íslands sem leiddu hana, þau Eva Kjer Hansen og Sigurður Ingi Jóhannsson.“Stefanía Kristín segir veðrið hafa leikið við hestafólk og aðra hátíðargesti.En hvað tók svo við þegar á Norðurbryggju var komið? „Sendiráð Íslands er til húsa á Norðurbryggju og hér var fjölbreytt dagskrá um alla bryggju sem tengist íslenska hestinum og íslenskri menningu. Hafnarbræður og Dóttir, tveir af fimm kórum Íslendinga hér í Kaupmannahöfn, tóku á móti hópreiðinni með söng. Þar hljómuðu lög eins og Ríðum, ríðum, rekum yfir sandinn. Gestir fengu að klappa hestunum, ráðherrarnir fluttu ræður og Kristinn Hugason frá Sögusetri íslenska hestsins var með sýningu sem nefnist Uppruni kostanna og fjallar um sögu hrossaræktarinnar. Svo voru íslenskar veitingar bæði í sendiráðinu og á Norðurbryggju, kórarnir seldu íslenska kjötsúpu sem sló í gegn, nýsteiktar kleinur voru á borðum og Matthías Finns Karlsson bakaði 600 pönnukökur á tveimur tímum, geri aðrir betur!“Hafrún Hekla Sverrisdóttir, 13 ára dóttir Stefaníu, er ein þeirra sem stundar hestamennsku í Danmörku. Hún fer til Dragör, sem er í um 10 kílómetra fjarlægð frá Kaupmannahöfn, til að sinna því sporti.Auk þessa segir Stefanía sýningar hönnuða hafa verið á svæðinu og fjölbreyttan varning til sölu, einnig getraun með góðum vinningum, meðal annars gjafabréfum frá Icelandair. „Við vorum tilbúin að fara með hátíðahöldin inn en þau voru öll utan dyra af því veðrið var svo gott.“ Danir hafa gert fullveldisafmæli Íslands hátt undir höfði, að sögn Stefaníu. „Það er búið að vera mikið um hátíðahöld og viðburði sem tengjast Íslandi í skólum, bókasöfnum, listasöfnum og hvar sem er. Ég held að sendiráðið sé búið að taka þátt í og standa fyrir 54 menningarhátíðum á árinu. Hestamenn leituðu fyrir ári til sendiráðsins í fyrrahaust og spurðu hvort við værum til í að halda hátíð með þeim. Nú er hún afstaðin og tókst afar vel,“ segir hún ánægjuleg og bætir við: „Það er nú svo að hér í Danmörku fæðast fleiri folöld undan íslenska hestastofninum en þeim danska, íslenski hesturinn er svo vinsæll hér.“
Birtist í Fréttablaðinu Mest lesið Sigmundur og hvolpurinn gleðjast yfir fylgi Miðflokksins Lífið „Það braut ísinn að við hefðum deitað sama gaurinn“ Lífið Krakkatían: Ber, forsetar og prinsessur Lífið „Ég var heppinn. En ekki hann“ Lífið „Það er önnur hver gella með í vörunum“ Lífið Ólafur Ragnar skellti sér á sæþotu eftir langan dag Lífið Karlmennskuhlaðvarpið heyrir sögunni til Lífið Fréttatía vikunnar: Körfubolti, laxaastmi og stýrivextir Lífið Skrúfaði titrarann í sundur til að forða nágrönnum frá ónæði Lífið Gómsætar haustkökur að hætti Elenoru Lífið Fleiri fréttir „Hrátt háþróað krass, langt leitt krot“ Bjóða landsmönnum nauðbeygð til messu Allt í banönum á Brút Bríet lét sig ekki vanta á sýningaropnun Ynju Blævar Út um allar koppagrundir Alþingis: „Froðan flæðir endalaust, það er bara froða froða“ Skálda opnar: „Kannski ekki margir nógu vitlausir til að framkvæma þessa hugmynd“ Össur Geirsson er heiðurslistamaður Kópavogs 2024 Margmenni í sköpunargleði og stuði á safninu Ólafur Elíasson tekur yfir Piccadilly Circus og Times Square Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Sjá meira