Syngjandi tannlæknir heiðrar Burt Bacharach Stefán Þór Hjartarson skrifar 19. október 2018 11:30 Tannlæknirinn syngjandi, Kristín, tekur Bacharach í Salnum. Mynd/Svart design „Ég hef gengið með þann draum í maganum í nokkur ár að halda tónleika með lögum Burts Bacharach. Þegar hann svo varð níræður á árinu fannst mér upplagt að heiðra hann og láta þann draum rætast í leiðinni,“ segir Kristín. ,,Píanóleikarinn minn, Hlynur Þór Agnarsson, tók vel í hugmyndina og samþykkti að taka að sér útsetningar og hljómsveitarstjórn. Það kom í ljós að hann hafði einnig gælt við sömu hugmynd í nokkur ár. Hlynur er fulltrúi ungu kynslóðarinnar í bandinu og það að hann hafi hiklaust samþykkt að taka þetta að sér sýnir að kynslóðabil þurrkast út þegar góð tónlist er annars vegar,“ segir Kristín enn fremur. Sama var uppi á teningnum með aðra meðlimi hljómsveitarinnar. ,,Það er valinn maður í hverju rúmi. Við sáum fljótlega að til að gefa þessum lögum þá reisn sem þau eiga skilið þyrftum við að setja saman stórhljómsveit. Auk grunnbands og bakradda er strengjasveit og blásarasveit. Alls erum við 19 manns sem flytjum tónlistina og það var alveg ólýsanlega gefandi ferli að sjá þetta fæðast." Hreimur Örn Heimisson er gestasöngvari og samþykkti einnig hiklaust að taka verkið að sér þótt að eigin sögn sé þetta ekki sú tegund tónlistar sem hann hefur helst verið að syngja. ,,Hann fer algjörlega á kostum og tekur lög eins og Raindrops keep falling on my head og Arthurs Theme auk dúetts og fleira sem við tökum saman. Einnig munu hljóma lög eins og Look of love, Close to you og I say a little prayer svo einhver séu nefnd. Það eiga allir allavega eitt uppáhaldslag eftir Burt; það er bara þannig,“ segir Kristín. ,,Stundum hefur tónlist Burts verið lýst sem ‘easy listening’. Sjálfur hefur hann lýst efasemdum um þann stimpil. Þessi tónlist er allt annað en auðveld hvorki fyrir söngvara né annað tónlistarfólk sem flytur hana. Hin nákvæma tilhögun laganna, taktbreytingar, setningaskipan, djassskotinn hljómagangur ásamt munnfylli af texta gera þessa tónlist töluverða áskorun fyrir flytjendur. Ég vil meina að þegar allt gengur upp þá hljómar það auðvelt. Í þessum lagasmíðum og textagerð gengur allt upp og í lögum hans er skýr boðskapur, fegurð og gleði en líka tregi,“ segir Kristín með áherslu. Jafnframt því að syngja og halda tónleika rekur Kristín einnig sína eigin tannlæknastofu í Kópavogi. ,,Ég er oft spurð að því hvernig það fari saman. Það fer reyndar alveg ágætlega saman þó á margan hátt séu þetta ólíkir heimar. Ég vil meina að við eigum ekki að skilgreina okkur of þröngt. Ég er söngkona og tannlæknir og ýmislegt fleira. Það að ég sinni einu starfi útilokar ekki annað. Svo framarlega sem maður fylgir hjartanu og ræktar hæfileika sína er maður á réttri leið. Góður maður sagði einu sinni; ‘Don’t die with your music still in you’. Það hugtak má skilja á ýmsan hátt en eitt er víst að það ætla ég svo sannarlega ekki að gera.“ Tónleikarnir eru sem fyrr segir í Salnum í Kópavogi föstudaginn 19. október og hefjast kl. 19.30. Miða má nálgast á Tix.is, Salurinn.is og í miðasölu Salarins. Birtist í Fréttablaðinu Mest lesið Sigmundur og hvolpurinn gleðjast yfir fylgi Miðflokksins Lífið „Það braut ísinn að við hefðum deitað sama gaurinn“ Lífið Krakkatían: Ber, forsetar og prinsessur Lífið „Ég var heppinn. En ekki hann“ Lífið „Það er önnur hver gella með í vörunum“ Lífið Ólafur Ragnar skellti sér á sæþotu eftir langan dag Lífið Karlmennskuhlaðvarpið heyrir sögunni til Lífið Gómsætar haustkökur að hætti Elenoru Lífið Skrúfaði titrarann í sundur til að forða nágrönnum frá ónæði Lífið Fréttatía vikunnar: Körfubolti, laxaastmi og stýrivextir Lífið Fleiri fréttir „Hrátt háþróað krass, langt leitt krot“ Bjóða landsmönnum nauðbeygð til messu Allt í banönum á Brút Bríet lét sig ekki vanta á sýningaropnun Ynju Blævar Út um allar koppagrundir Alþingis: „Froðan flæðir endalaust, það er bara froða froða“ Skálda opnar: „Kannski ekki margir nógu vitlausir til að framkvæma þessa hugmynd“ Össur Geirsson er heiðurslistamaður Kópavogs 2024 Margmenni í sköpunargleði og stuði á safninu Ólafur Elíasson tekur yfir Piccadilly Circus og Times Square Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Sjá meira
„Ég hef gengið með þann draum í maganum í nokkur ár að halda tónleika með lögum Burts Bacharach. Þegar hann svo varð níræður á árinu fannst mér upplagt að heiðra hann og láta þann draum rætast í leiðinni,“ segir Kristín. ,,Píanóleikarinn minn, Hlynur Þór Agnarsson, tók vel í hugmyndina og samþykkti að taka að sér útsetningar og hljómsveitarstjórn. Það kom í ljós að hann hafði einnig gælt við sömu hugmynd í nokkur ár. Hlynur er fulltrúi ungu kynslóðarinnar í bandinu og það að hann hafi hiklaust samþykkt að taka þetta að sér sýnir að kynslóðabil þurrkast út þegar góð tónlist er annars vegar,“ segir Kristín enn fremur. Sama var uppi á teningnum með aðra meðlimi hljómsveitarinnar. ,,Það er valinn maður í hverju rúmi. Við sáum fljótlega að til að gefa þessum lögum þá reisn sem þau eiga skilið þyrftum við að setja saman stórhljómsveit. Auk grunnbands og bakradda er strengjasveit og blásarasveit. Alls erum við 19 manns sem flytjum tónlistina og það var alveg ólýsanlega gefandi ferli að sjá þetta fæðast." Hreimur Örn Heimisson er gestasöngvari og samþykkti einnig hiklaust að taka verkið að sér þótt að eigin sögn sé þetta ekki sú tegund tónlistar sem hann hefur helst verið að syngja. ,,Hann fer algjörlega á kostum og tekur lög eins og Raindrops keep falling on my head og Arthurs Theme auk dúetts og fleira sem við tökum saman. Einnig munu hljóma lög eins og Look of love, Close to you og I say a little prayer svo einhver séu nefnd. Það eiga allir allavega eitt uppáhaldslag eftir Burt; það er bara þannig,“ segir Kristín. ,,Stundum hefur tónlist Burts verið lýst sem ‘easy listening’. Sjálfur hefur hann lýst efasemdum um þann stimpil. Þessi tónlist er allt annað en auðveld hvorki fyrir söngvara né annað tónlistarfólk sem flytur hana. Hin nákvæma tilhögun laganna, taktbreytingar, setningaskipan, djassskotinn hljómagangur ásamt munnfylli af texta gera þessa tónlist töluverða áskorun fyrir flytjendur. Ég vil meina að þegar allt gengur upp þá hljómar það auðvelt. Í þessum lagasmíðum og textagerð gengur allt upp og í lögum hans er skýr boðskapur, fegurð og gleði en líka tregi,“ segir Kristín með áherslu. Jafnframt því að syngja og halda tónleika rekur Kristín einnig sína eigin tannlæknastofu í Kópavogi. ,,Ég er oft spurð að því hvernig það fari saman. Það fer reyndar alveg ágætlega saman þó á margan hátt séu þetta ólíkir heimar. Ég vil meina að við eigum ekki að skilgreina okkur of þröngt. Ég er söngkona og tannlæknir og ýmislegt fleira. Það að ég sinni einu starfi útilokar ekki annað. Svo framarlega sem maður fylgir hjartanu og ræktar hæfileika sína er maður á réttri leið. Góður maður sagði einu sinni; ‘Don’t die with your music still in you’. Það hugtak má skilja á ýmsan hátt en eitt er víst að það ætla ég svo sannarlega ekki að gera.“ Tónleikarnir eru sem fyrr segir í Salnum í Kópavogi föstudaginn 19. október og hefjast kl. 19.30. Miða má nálgast á Tix.is, Salurinn.is og í miðasölu Salarins.
Birtist í Fréttablaðinu Mest lesið Sigmundur og hvolpurinn gleðjast yfir fylgi Miðflokksins Lífið „Það braut ísinn að við hefðum deitað sama gaurinn“ Lífið Krakkatían: Ber, forsetar og prinsessur Lífið „Ég var heppinn. En ekki hann“ Lífið „Það er önnur hver gella með í vörunum“ Lífið Ólafur Ragnar skellti sér á sæþotu eftir langan dag Lífið Karlmennskuhlaðvarpið heyrir sögunni til Lífið Gómsætar haustkökur að hætti Elenoru Lífið Skrúfaði titrarann í sundur til að forða nágrönnum frá ónæði Lífið Fréttatía vikunnar: Körfubolti, laxaastmi og stýrivextir Lífið Fleiri fréttir „Hrátt háþróað krass, langt leitt krot“ Bjóða landsmönnum nauðbeygð til messu Allt í banönum á Brút Bríet lét sig ekki vanta á sýningaropnun Ynju Blævar Út um allar koppagrundir Alþingis: „Froðan flæðir endalaust, það er bara froða froða“ Skálda opnar: „Kannski ekki margir nógu vitlausir til að framkvæma þessa hugmynd“ Össur Geirsson er heiðurslistamaður Kópavogs 2024 Margmenni í sköpunargleði og stuði á safninu Ólafur Elíasson tekur yfir Piccadilly Circus og Times Square Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Sjá meira