Hef lært margt á stuttum tíma og á eftir að læra heilan helling Kristinn Páll Teitsson. skrifar 11. maí 2018 10:45 Guðrún Brá Björgvinsdóttir. vísir/gva Golf Atvinnukylfingurinn Guðrún Brá Björgvinsdóttir úr Golfklúbbnum Keili keppir þessa dagana á LETA-mótaröðinni, þeirri næststerkustu í Evrópu en hún mun ásamt Valdísi Þóru Jónsdóttur, GL, reyna við úrtökumótið fyrir Opna bandaríska meistaramótið á mánudaginn. Guðrún sem lék með Fresno State háskólanum í bandaríska háskólagolfinu gerðist atvinnukylfingur í vetur og er þriðji íslenski kvenkylfingurinn sem gerist atvinnukylfingur á síðustu fimm árum. Var hún valin í Evrópuúrval áhugakylfinga stuttu áður en hún gerðist atvinnukylfingur og endaði í 4. sæti á Evrópumóti áhugakylfinga í fyrra. Á hún ekki langt að sækja golfhæfileikana en pabbi hennar, Björgvin Sigurbergsson, er fjórfaldur Íslandsmeistari í golfi. Guðrún, sem er ríkjandi Íslandsmeistari í holukeppni, komst í gegnum niðurskurðinn í fyrsta sinn um síðustu helgi í Sviss en henni fannst gott að ná að brjóta ísinn þar á öðru móti sínu á mótaröðinni. „Þetta hefur gengið bara nokkuð vel hingað til, þetta er skemmtilegt og öðruvísi verkefni en ég hef lært heilmargt á þessum fáu vikum og ég á enn eftir að læra heilan helling,“ segir Guðrún um fyrstu vikurnar sem atvinnukylfingur. „Markmiðið er auðvitað alltaf að ná í gegnum niðurskurðinn og ég spilaði heilt yfir bara nokkuð vel þótt að það sé margt sem ég hefði geta gert betur. Nú er ísinn brotinn og vonandi heldur þetta áfram. Ég er búin að vera að slá vel undanfarnar vikur en það munar um hvert högg í lok móts.“ Guðrún ræddi við Valdísi í aðdraganda þess að tímabilið byrjaði en þær léku saman á móti á dögunum og eru báðar að fara í úrtökumót fyrir eitt af fimm risamótum ársins eftir helgina. „Við vorum báðar að spila á fyrsta mótinu mínu í Frakklandi og það hjálpaði heilmikið að vera með henni, hún vissi nákvæmlega hvernig allt saman gekk og það var gott að hafa hana,“ segir Guðrún sem segir hugarfarið breytt sem atvinnukylfingur. „Ég er að spila golf eins og ég hef verið að gera síðustu ár en ég er að spila fyrir sjálfa mig og með því kemur meiri pressa. Þetta eru hlutir sem maður þarf að læra og það sem fylgir því að vera atvinnukylfingur.“ Hún var afar spennt fyrir því að keppa í úrtökumóti með möguleika á að komast á fyrsta risamótið á ferlinum en það gæti farið svo að Ísland ætti þrjá kylfinga á mótinu, Valdís og Guðrún gera atlögu á úrtökumótinu en Ólafía Þórunn Kristinsdóttir verður meðal kylfinga. „Fyrst og fremst er ég spennt að eiga þennan möguleika. Þetta verða tveir hringir á einum degi og maður verður bara að gefa í og sjá hvað gerist. Ég lék oft tvo hringi samdægurs í skólanum svo það ætti ekki að trufla mig en þetta verður vissulega langur dagur og maður má ekki gleyma sér við að fylgjast með því hvað aðrir eru að gera,“ sagði Guðrún og bætti við: „Það yrði frábært að komast strax á stórmót, þetta er búið að vera draumur manns í langan tíma.“ Golf Mest lesið Óttast að Alisson sé frá næstu vikurnar Enski boltinn Völdu ekki Bronny af virðingu við LeBron Körfubolti Man Utd hafði samband við Inzaghi Fótbolti Fyrirliði Real Madrid sleit krossband Fótbolti „Hann gerir einhvern veginn alla í kringum sig betri“ Körfubolti Uppgjörið: Valur - Breiðablik 0-0 | Breiðablik Íslandsmeistari eftir spennutrylli Íslenski boltinn Dagskráin í dag: Stórleikir í Bestu deild karla og NFL Sport Markaskorarinn Kovačić: „Engir auðveldir leikir í þessari deild“ Enski boltinn Einkunnir stórleiksins á Hlíðarenda: Telma og vörn Blika bar af Íslenski boltinn Hrafnhildur Ása efnilegust og Telma hlaut gullhanskann Íslenski boltinn Fleiri fréttir Sigurður sótti silfur fyrstur Íslendinga til Makaó: „Rosalega stoltur“ Íslendingur efstur í Arkansas: „Hann er nýnemi!“ Íslenskt hugvit á að umbylta golfheiminum LIV-kylfingar mega áfram taka þátt í Ryder-bikarnum og PGA-meistaramótinu Guðrún Brá í góðri stöðu eftir sinn besta árangur Berbrjósta kylfusveinar fagna sigri á kvennagolfmóti Tiger í enn eina bakaðgerðina Perla keppti með þeim bestu í Solheim-bikar ungmenna Íslenskum kylfingum fjölgaði um tvö þúsund Setti soninn sinn ofan í bikarinn Gagnrýndi mótafyrirkomulagið en vann síðan 3,5 milljarða Náði lengsta pútti sögunnar Sjá meira
Golf Atvinnukylfingurinn Guðrún Brá Björgvinsdóttir úr Golfklúbbnum Keili keppir þessa dagana á LETA-mótaröðinni, þeirri næststerkustu í Evrópu en hún mun ásamt Valdísi Þóru Jónsdóttur, GL, reyna við úrtökumótið fyrir Opna bandaríska meistaramótið á mánudaginn. Guðrún sem lék með Fresno State háskólanum í bandaríska háskólagolfinu gerðist atvinnukylfingur í vetur og er þriðji íslenski kvenkylfingurinn sem gerist atvinnukylfingur á síðustu fimm árum. Var hún valin í Evrópuúrval áhugakylfinga stuttu áður en hún gerðist atvinnukylfingur og endaði í 4. sæti á Evrópumóti áhugakylfinga í fyrra. Á hún ekki langt að sækja golfhæfileikana en pabbi hennar, Björgvin Sigurbergsson, er fjórfaldur Íslandsmeistari í golfi. Guðrún, sem er ríkjandi Íslandsmeistari í holukeppni, komst í gegnum niðurskurðinn í fyrsta sinn um síðustu helgi í Sviss en henni fannst gott að ná að brjóta ísinn þar á öðru móti sínu á mótaröðinni. „Þetta hefur gengið bara nokkuð vel hingað til, þetta er skemmtilegt og öðruvísi verkefni en ég hef lært heilmargt á þessum fáu vikum og ég á enn eftir að læra heilan helling,“ segir Guðrún um fyrstu vikurnar sem atvinnukylfingur. „Markmiðið er auðvitað alltaf að ná í gegnum niðurskurðinn og ég spilaði heilt yfir bara nokkuð vel þótt að það sé margt sem ég hefði geta gert betur. Nú er ísinn brotinn og vonandi heldur þetta áfram. Ég er búin að vera að slá vel undanfarnar vikur en það munar um hvert högg í lok móts.“ Guðrún ræddi við Valdísi í aðdraganda þess að tímabilið byrjaði en þær léku saman á móti á dögunum og eru báðar að fara í úrtökumót fyrir eitt af fimm risamótum ársins eftir helgina. „Við vorum báðar að spila á fyrsta mótinu mínu í Frakklandi og það hjálpaði heilmikið að vera með henni, hún vissi nákvæmlega hvernig allt saman gekk og það var gott að hafa hana,“ segir Guðrún sem segir hugarfarið breytt sem atvinnukylfingur. „Ég er að spila golf eins og ég hef verið að gera síðustu ár en ég er að spila fyrir sjálfa mig og með því kemur meiri pressa. Þetta eru hlutir sem maður þarf að læra og það sem fylgir því að vera atvinnukylfingur.“ Hún var afar spennt fyrir því að keppa í úrtökumóti með möguleika á að komast á fyrsta risamótið á ferlinum en það gæti farið svo að Ísland ætti þrjá kylfinga á mótinu, Valdís og Guðrún gera atlögu á úrtökumótinu en Ólafía Þórunn Kristinsdóttir verður meðal kylfinga. „Fyrst og fremst er ég spennt að eiga þennan möguleika. Þetta verða tveir hringir á einum degi og maður verður bara að gefa í og sjá hvað gerist. Ég lék oft tvo hringi samdægurs í skólanum svo það ætti ekki að trufla mig en þetta verður vissulega langur dagur og maður má ekki gleyma sér við að fylgjast með því hvað aðrir eru að gera,“ sagði Guðrún og bætti við: „Það yrði frábært að komast strax á stórmót, þetta er búið að vera draumur manns í langan tíma.“
Golf Mest lesið Óttast að Alisson sé frá næstu vikurnar Enski boltinn Völdu ekki Bronny af virðingu við LeBron Körfubolti Man Utd hafði samband við Inzaghi Fótbolti Fyrirliði Real Madrid sleit krossband Fótbolti „Hann gerir einhvern veginn alla í kringum sig betri“ Körfubolti Uppgjörið: Valur - Breiðablik 0-0 | Breiðablik Íslandsmeistari eftir spennutrylli Íslenski boltinn Dagskráin í dag: Stórleikir í Bestu deild karla og NFL Sport Markaskorarinn Kovačić: „Engir auðveldir leikir í þessari deild“ Enski boltinn Einkunnir stórleiksins á Hlíðarenda: Telma og vörn Blika bar af Íslenski boltinn Hrafnhildur Ása efnilegust og Telma hlaut gullhanskann Íslenski boltinn Fleiri fréttir Sigurður sótti silfur fyrstur Íslendinga til Makaó: „Rosalega stoltur“ Íslendingur efstur í Arkansas: „Hann er nýnemi!“ Íslenskt hugvit á að umbylta golfheiminum LIV-kylfingar mega áfram taka þátt í Ryder-bikarnum og PGA-meistaramótinu Guðrún Brá í góðri stöðu eftir sinn besta árangur Berbrjósta kylfusveinar fagna sigri á kvennagolfmóti Tiger í enn eina bakaðgerðina Perla keppti með þeim bestu í Solheim-bikar ungmenna Íslenskum kylfingum fjölgaði um tvö þúsund Setti soninn sinn ofan í bikarinn Gagnrýndi mótafyrirkomulagið en vann síðan 3,5 milljarða Náði lengsta pútti sögunnar Sjá meira
Uppgjörið: Valur - Breiðablik 0-0 | Breiðablik Íslandsmeistari eftir spennutrylli Íslenski boltinn
Uppgjörið: Valur - Breiðablik 0-0 | Breiðablik Íslandsmeistari eftir spennutrylli Íslenski boltinn