Björt í Bjartri framtíð í bobba Jakob Bjarnar skrifar 13. febrúar 2018 11:26 Þó staðan sé svört, ef litið er til skoðanakannana, er engan bilbug á Björtu að finna. visir/anton brink Björt Ólafsdóttir, formaður Bjartrar framtíðar, telur alltof snemmt að afskrifa flokkinn í borginni. Liðsmenn Bjartrar framtíðar eru nú að safna vopnum sínum meðan samstarfsflokkur þeirra í borgarstjórn, Vinstri grænir, er í lykilstöðu. Meirihlutinn heldur vegna þess að VG og Píratar bæta við sig fylgi frá í kosningum. Samfylking hins vegar dalar. „Nei, þetta er nú ekki alveg svo svart,“ segir hún þegar blaðamaður Vísis spyr hana hvort flokkurinn sé ekki hreinlega að þurrkast út í borginni. Þeir sem velta fyrir sér komandi sveitarstjórnarkosningum, en kosið verður 26. maí, horfa nú til nýjustu skoðanakönnunarinnar sem er Viðskiptablaðsins, birt fyrir síðustu helgi. Þar er útlitið svart, Björt framtíð mælist með 2,4 prósenta fylgi miðað 15,6 í kosningum.Jón Gnarr reynist pólitískum erfingjum sínum erfiðurSegjast verður eins og er að staða Bjartrar framtíðar er þröng og kemur þar ýmislegt til. Flokkurinn fór illa út úr síðustu Alþingiskosningum eftir að hafa slitið stjórnarsamstarfi, að mörgum finnst ómaklega sé litið til þess að það var á þeim forsendum að gegnsæi og traust þyrfti að ríkja í stjórnmálunum. Íslenskir kjósendur virðast samkvæmt þessu ekki gefa mikið fyrir slíkt þegar til kastanna kemur. Björt framtíð erfði fylgi Besta flokks Jóns Gnarrs fyrrverandi borgarstjóra í Reykjavíkinni. Jón veitti hins vegar Bjartri framtíð þungt högg í tengslum við alþingiskosningar. Hann sagði Bjarta framtíð sjúka. Og Björn Blöndal, borgarfulltrúi Bjartrar framtíðar og fyrrverandi aðstoðarmaður Jóns, hefur gefið það út að hann sækist ekki eftir endurkjöri.Björt segist ekki hafa þungar áhyggjur af stöðunniÞað er því í mörg horn að líta fyrir Björt og Vísir spurði Björt hvort hún hefði engar áhyggjur af þessu? „Nei, ég hef það ekki. Ef ég á að segja alveg eins og er. Við höfum góða málefnastöðu sérstaklega þar sem við höfum verið í meirihluta; í Reykjavík, Kópavogi og Hafnarfirði sem eru stærstu svæðin. Þar má sjá breytingar í grundvallaratriðum, vinnubrögðum sem við höfum lagt áherslu á og með því að opna bókahald, aukið gagnsæi, breytingar til batnaðar. Breytingar sem við erum stolt af.“Félagarnir Björn Blöndal og Jón Gnarr. Arfur Besta flokksins ætlar ekki að reynast Bjartri framtíð gott veganesti.visir/vilhelmBjört segir að þau í Bjartri framtíð hafi ekki verið að stæra sig af afrekum sínum, sem hún segir að séu margvísleg. „Ekki bara síðustu fjögur heldur síðustu átta árin. Þannig að ... þó við reynum eftir fremsta megni að vera hógvær finnst okkur við eiga talsvert í því hvernig borgin hefur breyst til batnaðar. Og við þurfum að koma því á framfæri.Catch 22 fyrir Bjarta framtíðSvo virðist sem Björt framtíð eigi í tilvistarkreppu sem má ef til vill kenna við Catch 22. Meðan þau hafa talað mjög fyrir samstarfi og annarri nálgun í hinni pólitísku orðræðu þá virðist það ekki henta í hinum flokkspólitíska landslagi þar sem þeir sem hæst hafa ná athyglinni. Kosningafyrirkomulagið er nánast þannig upp byggt að þeir ná eyrum kjósenda sem hæst hafa og bjóða uppá einfaldanir og árásargjörn slagorð? Björt segir það rétt en vill ekki vera sett í þá stöðu að vera ósamkvæm sjálfri sér. Pólitík Bjartrar framtíðar virki vel. „Hún virkar á þann hátt mjög vel að við finnum að við breytum vinnubrögðum svo um munar, ekki bara í Reykjavík. Áður voru borgarstjóraskipti tíð en það hefur ríkt stöðugleiki í Reykjavík með tilkomu Besta flokksins og Bjartrar framtíðar. Við leggjum mikla áherslu á liðsheild og höfum gert það í þessu meirihlutasamstarfi. Kannski minna í að berja okkur á brjóst, það skiptir okkur meira máli að við séum að vinna samhent fyrir borgarbúa.“Ætlar ekki að nota ódýr brögð í atkvæðaleitHún segir það rétt, ekki samræmist áherslum Bjartrar framtíðar að hafa hátt, hvað þá hátt um eigið ágæti. „En, nú er tímabært að útlista þetta betur. Við eigum eftir að leggja fram listann okkar í borginni og hvað við ætlum að leggja áherslu á. Sem verður áframhald þeirrar vinnu sem verið hefur og svo okkar framtíðarsýn. Við leggjum það á borð og fyrir kjósendur,“ segir Björt.En, virkar sá boðskapur í því stríði sem kosningar eru að öll dýr í skóginum eigi að vera vinir? Er það ekki klemma? „Jú, það er rétt.Ég veit hvernig maður getur á auðveldan hátt náð sér í mörg atkvæði. Með ódýrum trikkum sem geta reynst kjósendum dýr. En við leyfum okkur ekki slík vinnubrögð. Sú er hugmyndafræðin sem við störfum eftir og við erum henni trú. Framundan eru spennandi tímar, þá mun teiknast upp hverjir verða í framboði á vegum flokksins.“ Sveitarstjórnarkosningar Tengdar fréttir Líf vill áframhaldandi samstarf við Dag Vinstri grænir í lykilstöðu í borginni. 12. febrúar 2018 11:39 Mest lesið Tveir reyndust í skotti bíls Innlent „Ef hann hefði verið einn þá hefði þetta getað farið miklu verr“ Innlent Býst við þremur áminningum til og hjólar í lögmannanefnd Innlent Fannst hann þvingaður til að afsala sér hundinum Innlent Segir valsað um sjúkraskrána eins og á rölti um Kringluna Innlent Starfsfólk Ítalíu vill bíl Eflingar burt Innlent Vill hætta við nýja brú yfir Ölfusá og spara milljarða króna Innlent 21 árs konu bjargað á Gasa tíu árum eftir að henni var rænt Erlent Lögmaður eiginkonunnar fyrrverandi segir lögreglu ljúga Innlent Harður þriggja bíla árekstur á Suðurlandsvegi Innlent Fleiri fréttir Vilhjálmur Hjálmarsson kjörinn varaformaður ÖBÍ „Ef hann hefði verið einn þá hefði þetta getað farið miklu verr“ Bátarnir frá eldgosinu í Vestmannaeyjum málaðir á vita Af hverju er barnið mitt alltaf að segja Skibidi toilet? „Þegar hægrið fær að ráða ferðinni óheft og án alls taumhalds fer illa“ Fagna löngu tímabærri breytingu Átök í miðausturlöndum, ný forysta VG og mállýska unga fólksins Mótmælendur hindruðu för lögreglubíls í forgangsakstri Svandís og Guðmundur Ingi nýir leiðtogar Vinstri grænna Málningu kastað og ryskingar við sendiráðið Fannst hann þvingaður til að afsala sér hundinum Biskup Íslands predikar í Vík á 90 ára afmæli kirkjunnar Erfitt að setja tölu á hve margir vilji stjórnarslit Harður þriggja bíla árekstur á Suðurlandsvegi Landsfundur ræðir stjórnarslit og nýjum reglum um blóðgjöf fagnað Tveir stórir skjálftar í Bárðarbunguöskjunni Ríkisstjórnarflokkarnir mælast með tuttugu prósenta fylgi Þorgerður Katrín: Enginn ráðskonurass undir fólki í Viðreisn Tveir reyndust í skotti bíls Mannekla bindur hendur héraðssaksóknara í samráðsmáli Kertavaka til minningar um konur sem hafa dáið vegna kynbundins ofbeldis Munu hlýða kröfu landsfundar verði tillaga um stjórnarslit samþykkt Munu ekki láta af herferð vegna launaþjófnaðarins Orlof húsmæðra: Barn síns tíma eða liður í jafnrétti? Ákveðinn hópur hafi unnið að niðurstöðunni undir yfirborðinu „Öllum ljóst að Ölfusárbrú verði að rísa“ Loksins mega hommar gefa blóð Blóðgjöf samkynhneigðra karla leyfð og ósáttar húsmæður Fimm bíla árekstur á Vesturlandsvegi Nefndin deili ekki við þá sem gagnrýna hana á „mis málefnalegan hátt“ Sjá meira
Björt Ólafsdóttir, formaður Bjartrar framtíðar, telur alltof snemmt að afskrifa flokkinn í borginni. Liðsmenn Bjartrar framtíðar eru nú að safna vopnum sínum meðan samstarfsflokkur þeirra í borgarstjórn, Vinstri grænir, er í lykilstöðu. Meirihlutinn heldur vegna þess að VG og Píratar bæta við sig fylgi frá í kosningum. Samfylking hins vegar dalar. „Nei, þetta er nú ekki alveg svo svart,“ segir hún þegar blaðamaður Vísis spyr hana hvort flokkurinn sé ekki hreinlega að þurrkast út í borginni. Þeir sem velta fyrir sér komandi sveitarstjórnarkosningum, en kosið verður 26. maí, horfa nú til nýjustu skoðanakönnunarinnar sem er Viðskiptablaðsins, birt fyrir síðustu helgi. Þar er útlitið svart, Björt framtíð mælist með 2,4 prósenta fylgi miðað 15,6 í kosningum.Jón Gnarr reynist pólitískum erfingjum sínum erfiðurSegjast verður eins og er að staða Bjartrar framtíðar er þröng og kemur þar ýmislegt til. Flokkurinn fór illa út úr síðustu Alþingiskosningum eftir að hafa slitið stjórnarsamstarfi, að mörgum finnst ómaklega sé litið til þess að það var á þeim forsendum að gegnsæi og traust þyrfti að ríkja í stjórnmálunum. Íslenskir kjósendur virðast samkvæmt þessu ekki gefa mikið fyrir slíkt þegar til kastanna kemur. Björt framtíð erfði fylgi Besta flokks Jóns Gnarrs fyrrverandi borgarstjóra í Reykjavíkinni. Jón veitti hins vegar Bjartri framtíð þungt högg í tengslum við alþingiskosningar. Hann sagði Bjarta framtíð sjúka. Og Björn Blöndal, borgarfulltrúi Bjartrar framtíðar og fyrrverandi aðstoðarmaður Jóns, hefur gefið það út að hann sækist ekki eftir endurkjöri.Björt segist ekki hafa þungar áhyggjur af stöðunniÞað er því í mörg horn að líta fyrir Björt og Vísir spurði Björt hvort hún hefði engar áhyggjur af þessu? „Nei, ég hef það ekki. Ef ég á að segja alveg eins og er. Við höfum góða málefnastöðu sérstaklega þar sem við höfum verið í meirihluta; í Reykjavík, Kópavogi og Hafnarfirði sem eru stærstu svæðin. Þar má sjá breytingar í grundvallaratriðum, vinnubrögðum sem við höfum lagt áherslu á og með því að opna bókahald, aukið gagnsæi, breytingar til batnaðar. Breytingar sem við erum stolt af.“Félagarnir Björn Blöndal og Jón Gnarr. Arfur Besta flokksins ætlar ekki að reynast Bjartri framtíð gott veganesti.visir/vilhelmBjört segir að þau í Bjartri framtíð hafi ekki verið að stæra sig af afrekum sínum, sem hún segir að séu margvísleg. „Ekki bara síðustu fjögur heldur síðustu átta árin. Þannig að ... þó við reynum eftir fremsta megni að vera hógvær finnst okkur við eiga talsvert í því hvernig borgin hefur breyst til batnaðar. Og við þurfum að koma því á framfæri.Catch 22 fyrir Bjarta framtíðSvo virðist sem Björt framtíð eigi í tilvistarkreppu sem má ef til vill kenna við Catch 22. Meðan þau hafa talað mjög fyrir samstarfi og annarri nálgun í hinni pólitísku orðræðu þá virðist það ekki henta í hinum flokkspólitíska landslagi þar sem þeir sem hæst hafa ná athyglinni. Kosningafyrirkomulagið er nánast þannig upp byggt að þeir ná eyrum kjósenda sem hæst hafa og bjóða uppá einfaldanir og árásargjörn slagorð? Björt segir það rétt en vill ekki vera sett í þá stöðu að vera ósamkvæm sjálfri sér. Pólitík Bjartrar framtíðar virki vel. „Hún virkar á þann hátt mjög vel að við finnum að við breytum vinnubrögðum svo um munar, ekki bara í Reykjavík. Áður voru borgarstjóraskipti tíð en það hefur ríkt stöðugleiki í Reykjavík með tilkomu Besta flokksins og Bjartrar framtíðar. Við leggjum mikla áherslu á liðsheild og höfum gert það í þessu meirihlutasamstarfi. Kannski minna í að berja okkur á brjóst, það skiptir okkur meira máli að við séum að vinna samhent fyrir borgarbúa.“Ætlar ekki að nota ódýr brögð í atkvæðaleitHún segir það rétt, ekki samræmist áherslum Bjartrar framtíðar að hafa hátt, hvað þá hátt um eigið ágæti. „En, nú er tímabært að útlista þetta betur. Við eigum eftir að leggja fram listann okkar í borginni og hvað við ætlum að leggja áherslu á. Sem verður áframhald þeirrar vinnu sem verið hefur og svo okkar framtíðarsýn. Við leggjum það á borð og fyrir kjósendur,“ segir Björt.En, virkar sá boðskapur í því stríði sem kosningar eru að öll dýr í skóginum eigi að vera vinir? Er það ekki klemma? „Jú, það er rétt.Ég veit hvernig maður getur á auðveldan hátt náð sér í mörg atkvæði. Með ódýrum trikkum sem geta reynst kjósendum dýr. En við leyfum okkur ekki slík vinnubrögð. Sú er hugmyndafræðin sem við störfum eftir og við erum henni trú. Framundan eru spennandi tímar, þá mun teiknast upp hverjir verða í framboði á vegum flokksins.“
Sveitarstjórnarkosningar Tengdar fréttir Líf vill áframhaldandi samstarf við Dag Vinstri grænir í lykilstöðu í borginni. 12. febrúar 2018 11:39 Mest lesið Tveir reyndust í skotti bíls Innlent „Ef hann hefði verið einn þá hefði þetta getað farið miklu verr“ Innlent Býst við þremur áminningum til og hjólar í lögmannanefnd Innlent Fannst hann þvingaður til að afsala sér hundinum Innlent Segir valsað um sjúkraskrána eins og á rölti um Kringluna Innlent Starfsfólk Ítalíu vill bíl Eflingar burt Innlent Vill hætta við nýja brú yfir Ölfusá og spara milljarða króna Innlent 21 árs konu bjargað á Gasa tíu árum eftir að henni var rænt Erlent Lögmaður eiginkonunnar fyrrverandi segir lögreglu ljúga Innlent Harður þriggja bíla árekstur á Suðurlandsvegi Innlent Fleiri fréttir Vilhjálmur Hjálmarsson kjörinn varaformaður ÖBÍ „Ef hann hefði verið einn þá hefði þetta getað farið miklu verr“ Bátarnir frá eldgosinu í Vestmannaeyjum málaðir á vita Af hverju er barnið mitt alltaf að segja Skibidi toilet? „Þegar hægrið fær að ráða ferðinni óheft og án alls taumhalds fer illa“ Fagna löngu tímabærri breytingu Átök í miðausturlöndum, ný forysta VG og mállýska unga fólksins Mótmælendur hindruðu för lögreglubíls í forgangsakstri Svandís og Guðmundur Ingi nýir leiðtogar Vinstri grænna Málningu kastað og ryskingar við sendiráðið Fannst hann þvingaður til að afsala sér hundinum Biskup Íslands predikar í Vík á 90 ára afmæli kirkjunnar Erfitt að setja tölu á hve margir vilji stjórnarslit Harður þriggja bíla árekstur á Suðurlandsvegi Landsfundur ræðir stjórnarslit og nýjum reglum um blóðgjöf fagnað Tveir stórir skjálftar í Bárðarbunguöskjunni Ríkisstjórnarflokkarnir mælast með tuttugu prósenta fylgi Þorgerður Katrín: Enginn ráðskonurass undir fólki í Viðreisn Tveir reyndust í skotti bíls Mannekla bindur hendur héraðssaksóknara í samráðsmáli Kertavaka til minningar um konur sem hafa dáið vegna kynbundins ofbeldis Munu hlýða kröfu landsfundar verði tillaga um stjórnarslit samþykkt Munu ekki láta af herferð vegna launaþjófnaðarins Orlof húsmæðra: Barn síns tíma eða liður í jafnrétti? Ákveðinn hópur hafi unnið að niðurstöðunni undir yfirborðinu „Öllum ljóst að Ölfusárbrú verði að rísa“ Loksins mega hommar gefa blóð Blóðgjöf samkynhneigðra karla leyfð og ósáttar húsmæður Fimm bíla árekstur á Vesturlandsvegi Nefndin deili ekki við þá sem gagnrýna hana á „mis málefnalegan hátt“ Sjá meira
Líf vill áframhaldandi samstarf við Dag Vinstri grænir í lykilstöðu í borginni. 12. febrúar 2018 11:39