Yfir blásarasextettinum svífur sópraninn Gunnþóra Gunnarsdóttir skrifar 20. desember 2017 09:30 Diddú og drengirnir í Mosfellskirkju. Björn, Sigurður, Brjánn, Diddú, Keli (með hornið á hausnum!) Kjartan og Emil. Vísir/Eyþór Ert þú ekki einn af drengjunum hennar Diddúar? spyr ég manninn sem svarar símanum í Túnfæti í Mosfellsdal. „Jú, jú, ég er karlinn hennar, kallaður Keli,“ svarar hann hress. Tilefni símtalsins er 20. jólatónleikar hóps sem kallar sig Diddú og drengirnir í Mosfellskirkju í Mosfellsdal í kvöld. Drengirnir eru sex og leika allir á blásturshljóðfæri, Kjartan Óskarsson og Sigurður Ingvi Snorrason á klarínettur, Þorkell Jóelsson (Keli) og Emil Friðfinnsson á horn og Brjánn Ingason og Björn Árnason á fagott. Söngkonuna Diddú þarf ekki að kynna. „Þetta er búinn að vera sami mannskapur í 20 ár, rosalega skemmtilegur félagsskapur,“ segir Keli. „Það gengur á með stríðni og svívirðingum allan daginn og svo er settur upp sakleysissvipurinn þegar byrjað er að spila!“ Keli segir jólaprógrammið mismunandi frá ári til árs. „Það er alltaf eitthvað nýtt. En við erum komin með mikið efni sem við getum valið úr. Þeir Kjartan og Sigurður hafa umskrifað og útsett heilan helling fyrir okkur því það var voða lítið til skrifað fyrir sópran og blásarasextett. Svo þetta er svolítið spes.“ Fyrir utan jólatónleikana í Mosfellskirkju sem eru fastur punktur í starfi hópsins hefur hann gefið út diska og er að skipuleggja þriðju ferðina til Frakklands í sumar. „Svo höfum við farið til Ítalíu, Vínarborgar, Lundúna og Kanada. Við skipuleggjum þetta saman, skiptumst á að reka hvert á eftir öðru,“ segir Keli glettinn að vanda. Allir eru blásararnir félagar úr Sinfóníunni. „Sumir alveg úr!“ eins og Keli orðar það. Hann var í Sinfóníunni í 36 ár en er nú kominn á eftirlaun. Hvernig finnst honum það? „Það er fínt. Ég kenni og spila hitt og þetta, meira að segja á böllum. Það er gott að vera frjálsari, hitt var alveg orðið nóg – eins og það var nú gaman.“ Tónleikarnir í kvöld hefjast klukkan 20. Dagskráin er falleg og hátíðleg aðventumúsík eftir ýmsa höfunda, bæði íslenska og erlenda, að sögn Kela sem nefnir meðal annars Händel og Mozart, Atla Heimi og Jóhann G. Jóhannsson. „Diddú syngur og við spilum einhver hressileg millispil,“ segir hann. „Þetta er ekki langt prógramm, kannski rúmur klukkutími. Það má ekki drepa fólk úr leiðindum rétt fyrir jólin!“ Menning Mest lesið Sigmundur og hvolpurinn gleðjast yfir fylgi Miðflokksins Lífið „Það braut ísinn að við hefðum deitað sama gaurinn“ Lífið Krakkatían: Ber, forsetar og prinsessur Lífið „Ég var heppinn. En ekki hann“ Lífið „Það er önnur hver gella með í vörunum“ Lífið Ólafur Ragnar skellti sér á sæþotu eftir langan dag Lífið Karlmennskuhlaðvarpið heyrir sögunni til Lífið Gómsætar haustkökur að hætti Elenoru Lífið Skrúfaði titrarann í sundur til að forða nágrönnum frá ónæði Lífið Fréttatía vikunnar: Körfubolti, laxaastmi og stýrivextir Lífið Fleiri fréttir „Hrátt háþróað krass, langt leitt krot“ Bjóða landsmönnum nauðbeygð til messu Allt í banönum á Brút Bríet lét sig ekki vanta á sýningaropnun Ynju Blævar Út um allar koppagrundir Alþingis: „Froðan flæðir endalaust, það er bara froða froða“ Skálda opnar: „Kannski ekki margir nógu vitlausir til að framkvæma þessa hugmynd“ Össur Geirsson er heiðurslistamaður Kópavogs 2024 Margmenni í sköpunargleði og stuði á safninu Ólafur Elíasson tekur yfir Piccadilly Circus og Times Square Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Sjá meira
Ert þú ekki einn af drengjunum hennar Diddúar? spyr ég manninn sem svarar símanum í Túnfæti í Mosfellsdal. „Jú, jú, ég er karlinn hennar, kallaður Keli,“ svarar hann hress. Tilefni símtalsins er 20. jólatónleikar hóps sem kallar sig Diddú og drengirnir í Mosfellskirkju í Mosfellsdal í kvöld. Drengirnir eru sex og leika allir á blásturshljóðfæri, Kjartan Óskarsson og Sigurður Ingvi Snorrason á klarínettur, Þorkell Jóelsson (Keli) og Emil Friðfinnsson á horn og Brjánn Ingason og Björn Árnason á fagott. Söngkonuna Diddú þarf ekki að kynna. „Þetta er búinn að vera sami mannskapur í 20 ár, rosalega skemmtilegur félagsskapur,“ segir Keli. „Það gengur á með stríðni og svívirðingum allan daginn og svo er settur upp sakleysissvipurinn þegar byrjað er að spila!“ Keli segir jólaprógrammið mismunandi frá ári til árs. „Það er alltaf eitthvað nýtt. En við erum komin með mikið efni sem við getum valið úr. Þeir Kjartan og Sigurður hafa umskrifað og útsett heilan helling fyrir okkur því það var voða lítið til skrifað fyrir sópran og blásarasextett. Svo þetta er svolítið spes.“ Fyrir utan jólatónleikana í Mosfellskirkju sem eru fastur punktur í starfi hópsins hefur hann gefið út diska og er að skipuleggja þriðju ferðina til Frakklands í sumar. „Svo höfum við farið til Ítalíu, Vínarborgar, Lundúna og Kanada. Við skipuleggjum þetta saman, skiptumst á að reka hvert á eftir öðru,“ segir Keli glettinn að vanda. Allir eru blásararnir félagar úr Sinfóníunni. „Sumir alveg úr!“ eins og Keli orðar það. Hann var í Sinfóníunni í 36 ár en er nú kominn á eftirlaun. Hvernig finnst honum það? „Það er fínt. Ég kenni og spila hitt og þetta, meira að segja á böllum. Það er gott að vera frjálsari, hitt var alveg orðið nóg – eins og það var nú gaman.“ Tónleikarnir í kvöld hefjast klukkan 20. Dagskráin er falleg og hátíðleg aðventumúsík eftir ýmsa höfunda, bæði íslenska og erlenda, að sögn Kela sem nefnir meðal annars Händel og Mozart, Atla Heimi og Jóhann G. Jóhannsson. „Diddú syngur og við spilum einhver hressileg millispil,“ segir hann. „Þetta er ekki langt prógramm, kannski rúmur klukkutími. Það má ekki drepa fólk úr leiðindum rétt fyrir jólin!“
Menning Mest lesið Sigmundur og hvolpurinn gleðjast yfir fylgi Miðflokksins Lífið „Það braut ísinn að við hefðum deitað sama gaurinn“ Lífið Krakkatían: Ber, forsetar og prinsessur Lífið „Ég var heppinn. En ekki hann“ Lífið „Það er önnur hver gella með í vörunum“ Lífið Ólafur Ragnar skellti sér á sæþotu eftir langan dag Lífið Karlmennskuhlaðvarpið heyrir sögunni til Lífið Gómsætar haustkökur að hætti Elenoru Lífið Skrúfaði titrarann í sundur til að forða nágrönnum frá ónæði Lífið Fréttatía vikunnar: Körfubolti, laxaastmi og stýrivextir Lífið Fleiri fréttir „Hrátt háþróað krass, langt leitt krot“ Bjóða landsmönnum nauðbeygð til messu Allt í banönum á Brút Bríet lét sig ekki vanta á sýningaropnun Ynju Blævar Út um allar koppagrundir Alþingis: „Froðan flæðir endalaust, það er bara froða froða“ Skálda opnar: „Kannski ekki margir nógu vitlausir til að framkvæma þessa hugmynd“ Össur Geirsson er heiðurslistamaður Kópavogs 2024 Margmenni í sköpunargleði og stuði á safninu Ólafur Elíasson tekur yfir Piccadilly Circus og Times Square Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Sjá meira