Pétur og úlfurinn lifna við í nútímaútgáfu Elín Albertsdóttir skrifar 10. nóvember 2017 15:15 Pamela De Sensi flautuleikari hefur gert nútímaútgáfu af Pétri og úlfinum sem frumflutt verður í Hörpu á sunnudag. Vísir/Hanna Ævintýrið um Pétur og úlfinn eftir Sergej Prokofiev er fyrir löngu orðið klassík. Framhald sögunnar hefur nú litið dagsins ljós og verður frumflutt í Silfurbergi, Hörpu, á sunnudag. Það er Pamela De Sensi flautuleikari sem er höfundur sögunnar ásamt Hauki Gröndal. Verkið nefnist Pétur og úlfurinn … en hvað varð um úlfinn? Stórsveit Reykjavíkur flytur verkið sem segir frá úlfinum eftir að hann var klófestur í sögu Prokofievs. Sögumaður er Guðjón Davíð Karlsson eða Gói. Pamela segir að verkið hafi verið lengi í vinnslu. „Við höfum unnið að því síðastliðin tvö og hálft ár að koma Pétri og úlfinum í þessa útsetningu. Þegar ég fór að vinna þetta með Stórsveitinni kom upp sú hugmynd að skrifa nýja tónlist við verkið. Þá fékk ég Hauk til að búa til tónlistina. Við erum mjög stolt af verkinu og teljum að okkur hafi tekist að færa það í nútímalegt horf. Tónlistin er frumsamin í stórsveitarstíl og er ætlað að kynna börnum muninn á hljóðfæraheimi og stíl djassins ásamt og klassíska,“ segir Pamela. „Sagan fæst í bókarformi með fallegum myndum eftir Höllu Sólveigu Þorgeirsdóttur og geisladiskur fylgir með.“ Pamela segir að úlfurinn hafi lært að haga sér skikkanlega eftir að hafa dvalið á bak við rimla í dýragarði. „Í sögunni fær úlfurinn frelsi og er eiginlega orðinn vegan en með þessari sögu viljum við senda góð skilaboð út í samfélagið,“ segir Pamela sem er ítölsk en hefur búið á Íslandi í 14 ár. Þegar hún er spurð af hverju hún hafi flutt til Íslands, svarar hún: „Það var ástin.“ Pamela bætir við að eftir að hún sagði frá verkinu á Facebook hafi margir erlendir vinir hennar spurt hvort það verði ekki flutt á ítölsku og ensku. „Ég fékk mikil viðbrögð við færslunni.“ Pamela rekur Töfrahurð sem hefur það markmið að kynna klassíska tónlist fyrir ungu fólki. Tónlistinni er blandað saman á léttan hátt með fræðslu og skemmtun. Tónlistarævintýrið um Pétur og úlfinn hafði einmitt það markmið þegar það var samið árið 1936. Prokofiev, sem var rússneskur, var falið að semja sinfóníu þar sem einstök hljóðfæri hljómsveitarinnar yrðu kynnt fyrir ungum hlustendum. Pétur og úlfurinn er eitt vinsælasta verk allra tíma. Pamela segist hafa hug á að fara með sýninguna um landið en með smærri hljómsveit. Á sunnudag verða tvær sýningar í Hörpu og koma 25 djassdansarar frá Danslistarskóla JSB fram á tónleikunum. Pamela hefur komið víða við í íslenskum tónlistarheimi. Hún er kennari við Tónlistarskóla Kópavogs og Tónlistarskóla Sigursveins. Þá hefur hún rekið Töfrahurð í tíu ár sem byrjaði sem tónleikaröð. „Mér fannst vanta tónlistarefni og bækur fyrir börn á Íslandi. Ég ákvað því að vinna í listsköpun sem væri sérhæfð fyrir unga hlustendur.“ Tónleikarnir verða í Silfurbergi í Hörpu kl. 14 á sunnudag og aukatónleikar kl. 16. Mest lesið Sigmundur og hvolpurinn gleðjast yfir fylgi Miðflokksins Lífið Með húsaflutninga á heilanum Lífið Dolly gefur 135 milljónir vegna Helenu Lífið „Það braut ísinn að við hefðum deitað sama gaurinn“ Lífið Krakkatían: Ber, forsetar og prinsessur Lífið „Ég var heppinn. En ekki hann“ Lífið „Það er önnur hver gella með í vörunum“ Lífið Ólafur Ragnar skellti sér á sæþotu eftir langan dag Lífið Karlmennskuhlaðvarpið heyrir sögunni til Lífið Gómsætar haustkökur að hætti Elenoru Lífið Fleiri fréttir „Hrátt háþróað krass, langt leitt krot“ Bjóða landsmönnum nauðbeygð til messu Allt í banönum á Brút Bríet lét sig ekki vanta á sýningaropnun Ynju Blævar Út um allar koppagrundir Alþingis: „Froðan flæðir endalaust, það er bara froða froða“ Skálda opnar: „Kannski ekki margir nógu vitlausir til að framkvæma þessa hugmynd“ Össur Geirsson er heiðurslistamaður Kópavogs 2024 Margmenni í sköpunargleði og stuði á safninu Ólafur Elíasson tekur yfir Piccadilly Circus og Times Square Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Sjá meira
Ævintýrið um Pétur og úlfinn eftir Sergej Prokofiev er fyrir löngu orðið klassík. Framhald sögunnar hefur nú litið dagsins ljós og verður frumflutt í Silfurbergi, Hörpu, á sunnudag. Það er Pamela De Sensi flautuleikari sem er höfundur sögunnar ásamt Hauki Gröndal. Verkið nefnist Pétur og úlfurinn … en hvað varð um úlfinn? Stórsveit Reykjavíkur flytur verkið sem segir frá úlfinum eftir að hann var klófestur í sögu Prokofievs. Sögumaður er Guðjón Davíð Karlsson eða Gói. Pamela segir að verkið hafi verið lengi í vinnslu. „Við höfum unnið að því síðastliðin tvö og hálft ár að koma Pétri og úlfinum í þessa útsetningu. Þegar ég fór að vinna þetta með Stórsveitinni kom upp sú hugmynd að skrifa nýja tónlist við verkið. Þá fékk ég Hauk til að búa til tónlistina. Við erum mjög stolt af verkinu og teljum að okkur hafi tekist að færa það í nútímalegt horf. Tónlistin er frumsamin í stórsveitarstíl og er ætlað að kynna börnum muninn á hljóðfæraheimi og stíl djassins ásamt og klassíska,“ segir Pamela. „Sagan fæst í bókarformi með fallegum myndum eftir Höllu Sólveigu Þorgeirsdóttur og geisladiskur fylgir með.“ Pamela segir að úlfurinn hafi lært að haga sér skikkanlega eftir að hafa dvalið á bak við rimla í dýragarði. „Í sögunni fær úlfurinn frelsi og er eiginlega orðinn vegan en með þessari sögu viljum við senda góð skilaboð út í samfélagið,“ segir Pamela sem er ítölsk en hefur búið á Íslandi í 14 ár. Þegar hún er spurð af hverju hún hafi flutt til Íslands, svarar hún: „Það var ástin.“ Pamela bætir við að eftir að hún sagði frá verkinu á Facebook hafi margir erlendir vinir hennar spurt hvort það verði ekki flutt á ítölsku og ensku. „Ég fékk mikil viðbrögð við færslunni.“ Pamela rekur Töfrahurð sem hefur það markmið að kynna klassíska tónlist fyrir ungu fólki. Tónlistinni er blandað saman á léttan hátt með fræðslu og skemmtun. Tónlistarævintýrið um Pétur og úlfinn hafði einmitt það markmið þegar það var samið árið 1936. Prokofiev, sem var rússneskur, var falið að semja sinfóníu þar sem einstök hljóðfæri hljómsveitarinnar yrðu kynnt fyrir ungum hlustendum. Pétur og úlfurinn er eitt vinsælasta verk allra tíma. Pamela segist hafa hug á að fara með sýninguna um landið en með smærri hljómsveit. Á sunnudag verða tvær sýningar í Hörpu og koma 25 djassdansarar frá Danslistarskóla JSB fram á tónleikunum. Pamela hefur komið víða við í íslenskum tónlistarheimi. Hún er kennari við Tónlistarskóla Kópavogs og Tónlistarskóla Sigursveins. Þá hefur hún rekið Töfrahurð í tíu ár sem byrjaði sem tónleikaröð. „Mér fannst vanta tónlistarefni og bækur fyrir börn á Íslandi. Ég ákvað því að vinna í listsköpun sem væri sérhæfð fyrir unga hlustendur.“ Tónleikarnir verða í Silfurbergi í Hörpu kl. 14 á sunnudag og aukatónleikar kl. 16.
Mest lesið Sigmundur og hvolpurinn gleðjast yfir fylgi Miðflokksins Lífið Með húsaflutninga á heilanum Lífið Dolly gefur 135 milljónir vegna Helenu Lífið „Það braut ísinn að við hefðum deitað sama gaurinn“ Lífið Krakkatían: Ber, forsetar og prinsessur Lífið „Ég var heppinn. En ekki hann“ Lífið „Það er önnur hver gella með í vörunum“ Lífið Ólafur Ragnar skellti sér á sæþotu eftir langan dag Lífið Karlmennskuhlaðvarpið heyrir sögunni til Lífið Gómsætar haustkökur að hætti Elenoru Lífið Fleiri fréttir „Hrátt háþróað krass, langt leitt krot“ Bjóða landsmönnum nauðbeygð til messu Allt í banönum á Brút Bríet lét sig ekki vanta á sýningaropnun Ynju Blævar Út um allar koppagrundir Alþingis: „Froðan flæðir endalaust, það er bara froða froða“ Skálda opnar: „Kannski ekki margir nógu vitlausir til að framkvæma þessa hugmynd“ Össur Geirsson er heiðurslistamaður Kópavogs 2024 Margmenni í sköpunargleði og stuði á safninu Ólafur Elíasson tekur yfir Piccadilly Circus og Times Square Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Sjá meira