Notalegheit sem smitast út á götur Sigló Gunnþóra Gunnarsdóttir skrifar 1. júlí 2017 10:15 "Gestum gefst kostur á að spila og syngja með og fá sér tesopa,“ segir Mónika Dís. Vísir/Ernir „Dagskráin er metnaðarfull og fjölþjóðleikinn áberandi. Sem dæmi um langt að komna listamenn má nefna Mamady Sano, heimsfrægan tónlistarmann frá Gíneu, með flokk sinn Barakan Dance and Drums, líka þjóðlagasveitina Trato frá Síle. Og frá Kanada kemur margverðlaunað þjóðlagadúó, Sophie and Fiachra,“ segir Mónika Dís Árnadóttir. Hún er framkvæmdastjóri Þjóðlagahátíðarinnar á Siglufirði í fimmta skipti og vinnur náið með Gunnsteini Ólafssyni, stofnanda og listrænum stjórnanda hátíðarinnar. Hvernig fara þau að því að fá fólk úr öllum áttum og halda því uppi norður í Fjallabyggð? „Þetta er mikið batterí,“ viðurkennir hún. „Gunnsteinn er gríðarlega duglegur að hafa samband við fólk og svo fáum við margar fyrirspurnir alls staðar að frá fólki sem vill koma fram á hátíðinni og einnig tengla á tónlist þess. Almenna reglan er að borga undir listafólk en sumt er þegar komið með styrki og er á ferðinni.“Sophie Lavoie og Fiachra O'Regan frá Kanada kynna írska tónlist sem barst vestur um haf með innflytjendum.Mónika Dís segir Finna koma sterka inn, til dæmis dúóið Amanda Kauranne og Mikko H. Haapoja sem verður með magnaða listinnsetningu í gömlum lýsistanki. „Vin í eyðimörkinni er vídeóverk og tónlist, hvort tveggja innblásið af náttúruhljóðum og myndum frá Kirjálahéraði, Helsinki og Siglufirði. Þau Amanda og Mikko verða sjálf í tankinum hluta úr dögum og gestum gefst kostur á að fá sér tesopa með þeim og spila og syngja. Allt hluti af innsetningunni,“ lýsir hún. Mónika nefnir líka Svíana, þjóðlagasöngkonuna Malin Gunnarsson og Krilja-tríóið sem flytur rússneska sígaunatónlist. Jafnvel Íslendingarnir velja flestir tónlist frá framandi slóðum, Svanlaug Jóhannsdóttir er með argentínska tangóa og Björg Brjánsdóttir frumflytur hér á landi nýlegan flautukonsert eftir pólska tónskáldið Marcin Blazewicz ásamt Sinfóníuhljómsveit unga fólksins. Frá Egilsstöðum kemur svo kvennakórinn Vaseele Bebe og syngur kröftug lög af Balkanskaga sem einkennast af því að þar beitir fólk röddinni með öðrum hætti en við eigum að venjast, að sögn Móniku.Hyvä Trio frá Finnlandi leikur frumsamda þjóðlagaskotna tónlist.Ekki má gleyma Kalmanskórnum með ljóð og lög úr safni Þórðar Kristleifssonar, Ragnheiði Gröndal og Guðmundi Péturssyni með íslenska og enska ástarsöngva, Svöfu Þórhallsdóttur sem syngur tónlist eftir Grieg eða Tinnu Árnadóttur sem flytur lög Inga T., Jóns Múla og fleiri Austfirðinga. Né heldur Í-tríói sem heldur bæði tónleika og harmóníkudansleik. Þá eru ótalin námskeiðin sem eru samhliða tónlistardagskránni en upplýsingar um alla dagskrána eru á siglofestival.com. „Þetta er góður pakki,“ segir Mónika. „Notalegheit sem smitast út á götur Sigló. Það er svo gaman að rölta gegnum bæinn á næsta tónleikastað.“ Menning Mest lesið Með húsaflutninga á heilanum Lífið Sigmundur og hvolpurinn gleðjast yfir fylgi Miðflokksins Lífið Dolly gefur 135 milljónir vegna Helenu Lífið Krakkatían: Ber, forsetar og prinsessur Lífið „Það braut ísinn að við hefðum deitað sama gaurinn“ Lífið „Ég var heppinn. En ekki hann“ Lífið „Það er önnur hver gella með í vörunum“ Lífið Ólafur Ragnar skellti sér á sæþotu eftir langan dag Lífið Karlmennskuhlaðvarpið heyrir sögunni til Lífið Gómsætar haustkökur að hætti Elenoru Lífið Fleiri fréttir „Hrátt háþróað krass, langt leitt krot“ Bjóða landsmönnum nauðbeygð til messu Allt í banönum á Brút Bríet lét sig ekki vanta á sýningaropnun Ynju Blævar Út um allar koppagrundir Alþingis: „Froðan flæðir endalaust, það er bara froða froða“ Skálda opnar: „Kannski ekki margir nógu vitlausir til að framkvæma þessa hugmynd“ Össur Geirsson er heiðurslistamaður Kópavogs 2024 Margmenni í sköpunargleði og stuði á safninu Ólafur Elíasson tekur yfir Piccadilly Circus og Times Square Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Sjá meira
„Dagskráin er metnaðarfull og fjölþjóðleikinn áberandi. Sem dæmi um langt að komna listamenn má nefna Mamady Sano, heimsfrægan tónlistarmann frá Gíneu, með flokk sinn Barakan Dance and Drums, líka þjóðlagasveitina Trato frá Síle. Og frá Kanada kemur margverðlaunað þjóðlagadúó, Sophie and Fiachra,“ segir Mónika Dís Árnadóttir. Hún er framkvæmdastjóri Þjóðlagahátíðarinnar á Siglufirði í fimmta skipti og vinnur náið með Gunnsteini Ólafssyni, stofnanda og listrænum stjórnanda hátíðarinnar. Hvernig fara þau að því að fá fólk úr öllum áttum og halda því uppi norður í Fjallabyggð? „Þetta er mikið batterí,“ viðurkennir hún. „Gunnsteinn er gríðarlega duglegur að hafa samband við fólk og svo fáum við margar fyrirspurnir alls staðar að frá fólki sem vill koma fram á hátíðinni og einnig tengla á tónlist þess. Almenna reglan er að borga undir listafólk en sumt er þegar komið með styrki og er á ferðinni.“Sophie Lavoie og Fiachra O'Regan frá Kanada kynna írska tónlist sem barst vestur um haf með innflytjendum.Mónika Dís segir Finna koma sterka inn, til dæmis dúóið Amanda Kauranne og Mikko H. Haapoja sem verður með magnaða listinnsetningu í gömlum lýsistanki. „Vin í eyðimörkinni er vídeóverk og tónlist, hvort tveggja innblásið af náttúruhljóðum og myndum frá Kirjálahéraði, Helsinki og Siglufirði. Þau Amanda og Mikko verða sjálf í tankinum hluta úr dögum og gestum gefst kostur á að fá sér tesopa með þeim og spila og syngja. Allt hluti af innsetningunni,“ lýsir hún. Mónika nefnir líka Svíana, þjóðlagasöngkonuna Malin Gunnarsson og Krilja-tríóið sem flytur rússneska sígaunatónlist. Jafnvel Íslendingarnir velja flestir tónlist frá framandi slóðum, Svanlaug Jóhannsdóttir er með argentínska tangóa og Björg Brjánsdóttir frumflytur hér á landi nýlegan flautukonsert eftir pólska tónskáldið Marcin Blazewicz ásamt Sinfóníuhljómsveit unga fólksins. Frá Egilsstöðum kemur svo kvennakórinn Vaseele Bebe og syngur kröftug lög af Balkanskaga sem einkennast af því að þar beitir fólk röddinni með öðrum hætti en við eigum að venjast, að sögn Móniku.Hyvä Trio frá Finnlandi leikur frumsamda þjóðlagaskotna tónlist.Ekki má gleyma Kalmanskórnum með ljóð og lög úr safni Þórðar Kristleifssonar, Ragnheiði Gröndal og Guðmundi Péturssyni með íslenska og enska ástarsöngva, Svöfu Þórhallsdóttur sem syngur tónlist eftir Grieg eða Tinnu Árnadóttur sem flytur lög Inga T., Jóns Múla og fleiri Austfirðinga. Né heldur Í-tríói sem heldur bæði tónleika og harmóníkudansleik. Þá eru ótalin námskeiðin sem eru samhliða tónlistardagskránni en upplýsingar um alla dagskrána eru á siglofestival.com. „Þetta er góður pakki,“ segir Mónika. „Notalegheit sem smitast út á götur Sigló. Það er svo gaman að rölta gegnum bæinn á næsta tónleikastað.“
Menning Mest lesið Með húsaflutninga á heilanum Lífið Sigmundur og hvolpurinn gleðjast yfir fylgi Miðflokksins Lífið Dolly gefur 135 milljónir vegna Helenu Lífið Krakkatían: Ber, forsetar og prinsessur Lífið „Það braut ísinn að við hefðum deitað sama gaurinn“ Lífið „Ég var heppinn. En ekki hann“ Lífið „Það er önnur hver gella með í vörunum“ Lífið Ólafur Ragnar skellti sér á sæþotu eftir langan dag Lífið Karlmennskuhlaðvarpið heyrir sögunni til Lífið Gómsætar haustkökur að hætti Elenoru Lífið Fleiri fréttir „Hrátt háþróað krass, langt leitt krot“ Bjóða landsmönnum nauðbeygð til messu Allt í banönum á Brút Bríet lét sig ekki vanta á sýningaropnun Ynju Blævar Út um allar koppagrundir Alþingis: „Froðan flæðir endalaust, það er bara froða froða“ Skálda opnar: „Kannski ekki margir nógu vitlausir til að framkvæma þessa hugmynd“ Össur Geirsson er heiðurslistamaður Kópavogs 2024 Margmenni í sköpunargleði og stuði á safninu Ólafur Elíasson tekur yfir Piccadilly Circus og Times Square Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Sjá meira