Viðvörunarbjöllur voru búnar að hringja á Sólheimasandi Una Sighvatsdóttir skrifar 18. september 2016 19:00 Banaslysin urðu með innan við tveggja klukkustunda millibili, hið fyrra á Suðurlandsvegi um ellefuleytið í gærkvöldi og hið síðara á Útnesvegi á Snæfellsnesi klukkan tæplega hálfeitt eftir miðnætti. Þar valt bíll út af veginum og lét íslenskur karlmaður lífið en kona sem einnig var í bílnum var flutt alvarlega slösuð með þyrlu og liggur nú á gjörgæslu Landspítalans. Slysið á Suðurlandsvegi varð á Sólheimasandi skammt frá Pétursey, þar sem nýlega hefur borið á því að menn leggi bílum sínum í vegkantinum í miklum mæli eftir að lokað var fyrir umferð niður að flugfélaflakinu sem þar er orðinn vinsæll ferðamannastaður.Enginn aðstaða er við þjóðveginn yfir Sólheimasanda fyrir bíla en þar leggja ferðamenn í röðum við vegkantinn og ganga niður að flakinu.Var dökkklæddur á miðjum þjóðveginum í niðamyrkri Hinn látni var erlendur ferðamaður í tíu manna hópi. Hann hafði stigið út úr bíl sínum ásamt ferðafélaga og var á þjóðveginum þegar annan bíl bar að á fullum hraða. Kolniðamyrkur var en ökumaður, sem einnig var erlendur ferðamaður, var með háu ljósin á. Hann sá annan vegfarendann, sem var í skærlitum fötum en hinn, sem var dökkklæddur, varð fyrir bílnum og lést samstundis. Ferðafólkið hefur allt fengið áfallahjálp. Þar með eru tólf látnir í umferðinni það sem af er ári, samanborið við sextán í fyrra, en árið 2014 voru banaslysin fjögur talsins. Aukin tíðni alvarlegra slysa í umferðinni síðustu misseri má ekki síst rekja til mikillar fjölgunar erlendra ferðamanna sem þýðir að fleiri eru á ferðinni um vegi landsins. Þjóðvegur 1 hættulegasti staðurinn Mestur er straumurinn um Suðurland og þar hefur lögreglan unnið að því, í samvinnu við sveitarfélögin og hagsmunaaðila í ferðaþjónustu á Suðurlandi, að kortleggja staði sem ferðamönnum geti stafað hætta af, bæði á hálendi og í byggð. „Bæði höfum við verið að skoða hálendið, ferðamannastaði og svo það sem er nú hvað hættulegast, sem er bara þjóðvegur eitt,“ segir Víðir Reynisson lögreglufulltrúi á Suðurlandi. „Við erum bara nýbúin að vera að fara yfir nokkra svona staði á Suðurlandinu þar sem safnast saman fólk alveg við veginn þar sem er eitthvað áhugavert og sjá og ekki aðstæður fyrir það í sjálfu sér. Stundum sjáum við það fyrir og vitum hvar eru vinsælustu staðirnir en síðan kemur eitthvað og aðstæður breytast. Eins og í þessu tilfelli, þar sem er lokað þannig að menn geti ekki lengur keyrt niður að þessu flugvélaflaki og þá fara menn að leggja í vegkantinum. Og þetta sá svo sem enginn fyrir.“ Engu að síður hefur verið ljóst um nokkurra vikna skeið að hættuástand gæti myndast á Sólheimasandi þar sem ferðamenn ganga yfir þjóðveg með 90 kílómetra hámarkshraða. Hefði átt að vera búið að grípa til aðgerða? Víðir Reynisson lögreglufulltrúi segir að fyrir 10 dögum hafi verið lögð drögð að aðgerðum til þess að draga úr hámarkshraða og skapa betri aðstöðu á Sólheimasandi, til að forða slysi.Hefðu viljað vera búin að lækka hámarkshraða „Auðvitað í dag situr maður og hugsar, af hverju var maður ekki búinn að gera eitthvað meira í þessu? Við skoðuðum þessa staði fyrir 10 dögum síðan og eitt af því sem við vildum gjarnan gera var að lækka hámarkshraða þarna. En við vorum ekki búnir að vinna lengra með það, þannig að maður situr svolítið uppi með það í dag," segir Víðir. Eftir banaslysið þar í gær segist hann búast fastlega við því að málið fari efst á forgangslista hjá Vegagerðinni. Hann bendir hinsvegar á að þótt bregðast verði sem fyrst við því sem hægt sé að gera strax verði líka að gera langtímaáætlun, enda ekkert útlit fyrir að lát verði á umferðarþunganum. „Við þurfum að hugsa þetta í einni heild. Það eru engar töfralausnir. Við erum að horfa á ákveðna staði þar sem hægt er að gera eitthvað varðandi löggæsluna, vegakerfið sjálft, sjúkraflutninga og annað. Vegamálastjóri er nýbúinn að benda á þá fjármuni sem vantar í viðhald vega og þær lagfæringar sem þarf að gera. Síðan eru auðvitað svona staðir sem þarf að hugsa sérstaklega hvað þarf að gera til að taka á móti ferðamönnum.“ Ferðamennska á Íslandi Mest lesið Maður stunginn í brjóstkassann í nótt Innlent Þoturnar sem flytja Íslendinga yfir Atlantshafið næstu áratugi Innlent „Við vitum ekki neitt og höldum bara áfram að bíða“ Innlent Ótrúlegt myndband af gæsaflokki á flugi Innlent Segir Harris veika á geði Erlent Þriðjungur þunglyndra náði fullum bata með „heilasjúkraþjálfun“ Innlent Ekið á gangandi vegfaranda við Sæbraut Innlent Uppgjör á hægri vængnum: „Ægishjálmur Sjálfstæðisflokksins“ ekki lengur veruleikinn Innlent Neyddist til að aflífa 125 krókódíla í útrýmingarhættu Erlent Drakk beint úr könnunni og svelgdist á Erlent Fleiri fréttir Staða karlmennskunnar, kosningavetur og átök í Mið-Austurlöndum Talaði fyrir „tveggja ríkja lausn“ á allsherjarþingi Þriðjungur þunglyndra náði fullum bata með „heilasjúkraþjálfun“ Hlaupið í rénum en gasmengun gæti verið á svæðinu Þoturnar sem flytja Íslendinga yfir Atlantshafið næstu áratugi Ekið á gangandi vegfaranda við Sæbraut Maður stunginn í brjóstkassann í nótt „Við vitum ekki neitt og höldum bara áfram að bíða“ Ótrúlegt myndband af gæsaflokki á flugi Ávaxtakarfan frumsýnd í Hveragerði Lítið jökulhlaup hafið í Skálm Uppgjör á hægri vængnum: „Ægishjálmur Sjálfstæðisflokksins“ ekki lengur veruleikinn Sundrun á hægri vængnum og örvænting meðal fyrstu kaupenda Verslaði fyrir háar upphæðir með stolnu kreditkorti „Ég hitti ungt fjölskyldufólk sem er gjörsamlega að kikna“ Þyrlan kölluð út vegna fjórhjólaslyss Ullarvika til heiðurs íslensku sauðkindinni „Óþekku börnin frá Grindavík“ vakti úlfúð Verkfall á hjúkrunarheimilum ef lausn næst ekki á mánudag „Verðmæti fólgin í því að halda Reykjanesbraut opinni“ Úrbætur á gæsluvarðhaldsúrræði fyrir unglinga og upphaf körfuboltatímabilsins Skoða betri úrræði fyrir unglinga í gæsluvarðhaldi Brotthvarf Katrínar hafði mikil áhrif Hafði „útdraganlega kylfu“ meðferðis Nýliðar hlakka til að láta að sér kveða: „Finnst vanta fólk eins og mig“ Draumurinn að fríbúðir skjóti upp kollinum um alla borg Ekki hægt að aldursskipta börnum á Stuðlum í miðjum stormi „Skítastaða“ á Stuðlum, vongóðir nýliðar og búð þar sem allt er ókeypis „Það verður að láta reyna á þessar kærur“ Listamaðurinn Jón Gnarr hættir og pólitíkusinn tekur við Sjá meira
Banaslysin urðu með innan við tveggja klukkustunda millibili, hið fyrra á Suðurlandsvegi um ellefuleytið í gærkvöldi og hið síðara á Útnesvegi á Snæfellsnesi klukkan tæplega hálfeitt eftir miðnætti. Þar valt bíll út af veginum og lét íslenskur karlmaður lífið en kona sem einnig var í bílnum var flutt alvarlega slösuð með þyrlu og liggur nú á gjörgæslu Landspítalans. Slysið á Suðurlandsvegi varð á Sólheimasandi skammt frá Pétursey, þar sem nýlega hefur borið á því að menn leggi bílum sínum í vegkantinum í miklum mæli eftir að lokað var fyrir umferð niður að flugfélaflakinu sem þar er orðinn vinsæll ferðamannastaður.Enginn aðstaða er við þjóðveginn yfir Sólheimasanda fyrir bíla en þar leggja ferðamenn í röðum við vegkantinn og ganga niður að flakinu.Var dökkklæddur á miðjum þjóðveginum í niðamyrkri Hinn látni var erlendur ferðamaður í tíu manna hópi. Hann hafði stigið út úr bíl sínum ásamt ferðafélaga og var á þjóðveginum þegar annan bíl bar að á fullum hraða. Kolniðamyrkur var en ökumaður, sem einnig var erlendur ferðamaður, var með háu ljósin á. Hann sá annan vegfarendann, sem var í skærlitum fötum en hinn, sem var dökkklæddur, varð fyrir bílnum og lést samstundis. Ferðafólkið hefur allt fengið áfallahjálp. Þar með eru tólf látnir í umferðinni það sem af er ári, samanborið við sextán í fyrra, en árið 2014 voru banaslysin fjögur talsins. Aukin tíðni alvarlegra slysa í umferðinni síðustu misseri má ekki síst rekja til mikillar fjölgunar erlendra ferðamanna sem þýðir að fleiri eru á ferðinni um vegi landsins. Þjóðvegur 1 hættulegasti staðurinn Mestur er straumurinn um Suðurland og þar hefur lögreglan unnið að því, í samvinnu við sveitarfélögin og hagsmunaaðila í ferðaþjónustu á Suðurlandi, að kortleggja staði sem ferðamönnum geti stafað hætta af, bæði á hálendi og í byggð. „Bæði höfum við verið að skoða hálendið, ferðamannastaði og svo það sem er nú hvað hættulegast, sem er bara þjóðvegur eitt,“ segir Víðir Reynisson lögreglufulltrúi á Suðurlandi. „Við erum bara nýbúin að vera að fara yfir nokkra svona staði á Suðurlandinu þar sem safnast saman fólk alveg við veginn þar sem er eitthvað áhugavert og sjá og ekki aðstæður fyrir það í sjálfu sér. Stundum sjáum við það fyrir og vitum hvar eru vinsælustu staðirnir en síðan kemur eitthvað og aðstæður breytast. Eins og í þessu tilfelli, þar sem er lokað þannig að menn geti ekki lengur keyrt niður að þessu flugvélaflaki og þá fara menn að leggja í vegkantinum. Og þetta sá svo sem enginn fyrir.“ Engu að síður hefur verið ljóst um nokkurra vikna skeið að hættuástand gæti myndast á Sólheimasandi þar sem ferðamenn ganga yfir þjóðveg með 90 kílómetra hámarkshraða. Hefði átt að vera búið að grípa til aðgerða? Víðir Reynisson lögreglufulltrúi segir að fyrir 10 dögum hafi verið lögð drögð að aðgerðum til þess að draga úr hámarkshraða og skapa betri aðstöðu á Sólheimasandi, til að forða slysi.Hefðu viljað vera búin að lækka hámarkshraða „Auðvitað í dag situr maður og hugsar, af hverju var maður ekki búinn að gera eitthvað meira í þessu? Við skoðuðum þessa staði fyrir 10 dögum síðan og eitt af því sem við vildum gjarnan gera var að lækka hámarkshraða þarna. En við vorum ekki búnir að vinna lengra með það, þannig að maður situr svolítið uppi með það í dag," segir Víðir. Eftir banaslysið þar í gær segist hann búast fastlega við því að málið fari efst á forgangslista hjá Vegagerðinni. Hann bendir hinsvegar á að þótt bregðast verði sem fyrst við því sem hægt sé að gera strax verði líka að gera langtímaáætlun, enda ekkert útlit fyrir að lát verði á umferðarþunganum. „Við þurfum að hugsa þetta í einni heild. Það eru engar töfralausnir. Við erum að horfa á ákveðna staði þar sem hægt er að gera eitthvað varðandi löggæsluna, vegakerfið sjálft, sjúkraflutninga og annað. Vegamálastjóri er nýbúinn að benda á þá fjármuni sem vantar í viðhald vega og þær lagfæringar sem þarf að gera. Síðan eru auðvitað svona staðir sem þarf að hugsa sérstaklega hvað þarf að gera til að taka á móti ferðamönnum.“
Ferðamennska á Íslandi Mest lesið Maður stunginn í brjóstkassann í nótt Innlent Þoturnar sem flytja Íslendinga yfir Atlantshafið næstu áratugi Innlent „Við vitum ekki neitt og höldum bara áfram að bíða“ Innlent Ótrúlegt myndband af gæsaflokki á flugi Innlent Segir Harris veika á geði Erlent Þriðjungur þunglyndra náði fullum bata með „heilasjúkraþjálfun“ Innlent Ekið á gangandi vegfaranda við Sæbraut Innlent Uppgjör á hægri vængnum: „Ægishjálmur Sjálfstæðisflokksins“ ekki lengur veruleikinn Innlent Neyddist til að aflífa 125 krókódíla í útrýmingarhættu Erlent Drakk beint úr könnunni og svelgdist á Erlent Fleiri fréttir Staða karlmennskunnar, kosningavetur og átök í Mið-Austurlöndum Talaði fyrir „tveggja ríkja lausn“ á allsherjarþingi Þriðjungur þunglyndra náði fullum bata með „heilasjúkraþjálfun“ Hlaupið í rénum en gasmengun gæti verið á svæðinu Þoturnar sem flytja Íslendinga yfir Atlantshafið næstu áratugi Ekið á gangandi vegfaranda við Sæbraut Maður stunginn í brjóstkassann í nótt „Við vitum ekki neitt og höldum bara áfram að bíða“ Ótrúlegt myndband af gæsaflokki á flugi Ávaxtakarfan frumsýnd í Hveragerði Lítið jökulhlaup hafið í Skálm Uppgjör á hægri vængnum: „Ægishjálmur Sjálfstæðisflokksins“ ekki lengur veruleikinn Sundrun á hægri vængnum og örvænting meðal fyrstu kaupenda Verslaði fyrir háar upphæðir með stolnu kreditkorti „Ég hitti ungt fjölskyldufólk sem er gjörsamlega að kikna“ Þyrlan kölluð út vegna fjórhjólaslyss Ullarvika til heiðurs íslensku sauðkindinni „Óþekku börnin frá Grindavík“ vakti úlfúð Verkfall á hjúkrunarheimilum ef lausn næst ekki á mánudag „Verðmæti fólgin í því að halda Reykjanesbraut opinni“ Úrbætur á gæsluvarðhaldsúrræði fyrir unglinga og upphaf körfuboltatímabilsins Skoða betri úrræði fyrir unglinga í gæsluvarðhaldi Brotthvarf Katrínar hafði mikil áhrif Hafði „útdraganlega kylfu“ meðferðis Nýliðar hlakka til að láta að sér kveða: „Finnst vanta fólk eins og mig“ Draumurinn að fríbúðir skjóti upp kollinum um alla borg Ekki hægt að aldursskipta börnum á Stuðlum í miðjum stormi „Skítastaða“ á Stuðlum, vongóðir nýliðar og búð þar sem allt er ókeypis „Það verður að láta reyna á þessar kærur“ Listamaðurinn Jón Gnarr hættir og pólitíkusinn tekur við Sjá meira