Sýningin er óður til Skólavörðuholtsins Gunnþóra Gunnarsdóttir skrifar 25. ágúst 2016 10:15 Þær unnu handritið að sýningunni saman, Auður Haralds rithöfundur og Magnea Björk leikstjóri. Vísir/Hanna Við ferðumst bæði í tíma og rúmi og kynnumst ýmsum leynistöðum í gamla Austurbænum,“ segir Magnea Björk Valdimarsdóttir leikstjóri um sýninguna Ef þú bara vissir. Viðburðurinn er undir hennar stjórn og er hennar hugarfóstur en Auður Haralds rithöfundur skrifaði textann með henni. Sýningin er liður í hátíðinni Everybody’s Spectacular sem fram fer í borginni þessa dagana. Fjöldi fólks kemur fram í Ef þú bara vissir. Þar eru leikarar, tónlistarfólk, myndlistarfólk, dansarar, rithöfundar, eldri borgarar og börn og fólk á aldrinum þar á milli, alls um 50 manns. Undirtitillinn er Afslappað tímaflakk um Austurbæinn og Magnea Björk segir um óð til Skólavörðuholtsins að ræða en gefur samt ekkert upp um efni verksins. „Sýningin byrjar heima hjá mér á Vitastíg 14. Áhorfendur mæta þangað, klæddir eftir veðri, og það eina sem þeir vita er að þeir eru að fara í ferðalag, en þó ekki erfiða göngu,“ segir hún íbyggin. Hún telur upp tónlistarmennina Sigurð Guðmundsson og Benna Hemm Hemm, leikkonurnar Birgittu Birgisdóttur og Margréti Guðmundsdóttur og dansarann Natöshu Monay Royal sem dæmi um þátttakendur í viðburðinum sem tekur um það bil klukkutíma. Magnea Björk er menntuð leikkona og var að flytja heim frá Marseille í Frakklandi þar sem hún var að ljúka námi í kvikmyndagerð. Hún vann um tíma sem sjálfboðaliði á eyjunni Lesbos í vetur, við að aðstoða flóttafólk og gerði stutta heimildarmynd um þá reynslu eftir að hún sneri aftur í skólann. Einnig hefur hún unnið að gerð heimildarmynda um fólkið í miðbænum og segir þessa sýningu nokkurs konar framhald af þeim. „Ég bjó í mjög sjarmerandi hverfi í Marseille. Þar er bílaumferð lítil en þess meiri saga og ég var búin að tengjast íbúunum vel. Þar hafði ég hugsað mér að setja upp svipað verk og þetta. En ég hef starfað sem leiklistarkennari barna hér í mínu hverfi í Reykjavík og kynnst fólki gegnum það, líka gert heimildarmyndir í þessum bæjarhluta og fann að hér væri ekki síðri efniviður í svona sýningu.“ Nú krossar Magnea Björk fingur og biður um gott veður. „Ég óska helst bæði eftir sól og regni því regnbogi mundi toppa stemninguna,“ segir hún glaðlega. Þrjár sýningar verða á Ef þú bara vissir – afslappað tímaflakk um Austurbæinn – á laugardaginn, 27. ágúst. Sú fyrsta klukkan 12.30, önnur klukkan 14 og klukkan 15.30 er sú síðasta. Ókeypis er á viðburðinn en það verður að panta miða á hann á tickets@spectacular.is Greinin birtist fyrst í Fréttablaðinu 25. ágúst 2016. Menning Mest lesið Með húsaflutninga á heilanum Lífið Covidsmitaður Al Pacino var nær dauða en lífi Lífið Sigmundur og hvolpurinn gleðjast yfir fylgi Miðflokksins Lífið Dolly gefur 135 milljónir vegna Helenu Lífið Krakkatían: Ber, forsetar og prinsessur Lífið Myndaveisla: Eliza Reid og Ásdís Spanó létu sig ekki vanta í Núllið Lífið „Það braut ísinn að við hefðum deitað sama gaurinn“ Lífið „Það er önnur hver gella með í vörunum“ Lífið „Ég var heppinn. En ekki hann“ Lífið Ólafur Ragnar skellti sér á sæþotu eftir langan dag Lífið Fleiri fréttir „Hrátt háþróað krass, langt leitt krot“ Bjóða landsmönnum nauðbeygð til messu Allt í banönum á Brút Bríet lét sig ekki vanta á sýningaropnun Ynju Blævar Út um allar koppagrundir Alþingis: „Froðan flæðir endalaust, það er bara froða froða“ Skálda opnar: „Kannski ekki margir nógu vitlausir til að framkvæma þessa hugmynd“ Össur Geirsson er heiðurslistamaður Kópavogs 2024 Margmenni í sköpunargleði og stuði á safninu Ólafur Elíasson tekur yfir Piccadilly Circus og Times Square Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Sjá meira
Við ferðumst bæði í tíma og rúmi og kynnumst ýmsum leynistöðum í gamla Austurbænum,“ segir Magnea Björk Valdimarsdóttir leikstjóri um sýninguna Ef þú bara vissir. Viðburðurinn er undir hennar stjórn og er hennar hugarfóstur en Auður Haralds rithöfundur skrifaði textann með henni. Sýningin er liður í hátíðinni Everybody’s Spectacular sem fram fer í borginni þessa dagana. Fjöldi fólks kemur fram í Ef þú bara vissir. Þar eru leikarar, tónlistarfólk, myndlistarfólk, dansarar, rithöfundar, eldri borgarar og börn og fólk á aldrinum þar á milli, alls um 50 manns. Undirtitillinn er Afslappað tímaflakk um Austurbæinn og Magnea Björk segir um óð til Skólavörðuholtsins að ræða en gefur samt ekkert upp um efni verksins. „Sýningin byrjar heima hjá mér á Vitastíg 14. Áhorfendur mæta þangað, klæddir eftir veðri, og það eina sem þeir vita er að þeir eru að fara í ferðalag, en þó ekki erfiða göngu,“ segir hún íbyggin. Hún telur upp tónlistarmennina Sigurð Guðmundsson og Benna Hemm Hemm, leikkonurnar Birgittu Birgisdóttur og Margréti Guðmundsdóttur og dansarann Natöshu Monay Royal sem dæmi um þátttakendur í viðburðinum sem tekur um það bil klukkutíma. Magnea Björk er menntuð leikkona og var að flytja heim frá Marseille í Frakklandi þar sem hún var að ljúka námi í kvikmyndagerð. Hún vann um tíma sem sjálfboðaliði á eyjunni Lesbos í vetur, við að aðstoða flóttafólk og gerði stutta heimildarmynd um þá reynslu eftir að hún sneri aftur í skólann. Einnig hefur hún unnið að gerð heimildarmynda um fólkið í miðbænum og segir þessa sýningu nokkurs konar framhald af þeim. „Ég bjó í mjög sjarmerandi hverfi í Marseille. Þar er bílaumferð lítil en þess meiri saga og ég var búin að tengjast íbúunum vel. Þar hafði ég hugsað mér að setja upp svipað verk og þetta. En ég hef starfað sem leiklistarkennari barna hér í mínu hverfi í Reykjavík og kynnst fólki gegnum það, líka gert heimildarmyndir í þessum bæjarhluta og fann að hér væri ekki síðri efniviður í svona sýningu.“ Nú krossar Magnea Björk fingur og biður um gott veður. „Ég óska helst bæði eftir sól og regni því regnbogi mundi toppa stemninguna,“ segir hún glaðlega. Þrjár sýningar verða á Ef þú bara vissir – afslappað tímaflakk um Austurbæinn – á laugardaginn, 27. ágúst. Sú fyrsta klukkan 12.30, önnur klukkan 14 og klukkan 15.30 er sú síðasta. Ókeypis er á viðburðinn en það verður að panta miða á hann á tickets@spectacular.is Greinin birtist fyrst í Fréttablaðinu 25. ágúst 2016.
Menning Mest lesið Með húsaflutninga á heilanum Lífið Covidsmitaður Al Pacino var nær dauða en lífi Lífið Sigmundur og hvolpurinn gleðjast yfir fylgi Miðflokksins Lífið Dolly gefur 135 milljónir vegna Helenu Lífið Krakkatían: Ber, forsetar og prinsessur Lífið Myndaveisla: Eliza Reid og Ásdís Spanó létu sig ekki vanta í Núllið Lífið „Það braut ísinn að við hefðum deitað sama gaurinn“ Lífið „Það er önnur hver gella með í vörunum“ Lífið „Ég var heppinn. En ekki hann“ Lífið Ólafur Ragnar skellti sér á sæþotu eftir langan dag Lífið Fleiri fréttir „Hrátt háþróað krass, langt leitt krot“ Bjóða landsmönnum nauðbeygð til messu Allt í banönum á Brút Bríet lét sig ekki vanta á sýningaropnun Ynju Blævar Út um allar koppagrundir Alþingis: „Froðan flæðir endalaust, það er bara froða froða“ Skálda opnar: „Kannski ekki margir nógu vitlausir til að framkvæma þessa hugmynd“ Össur Geirsson er heiðurslistamaður Kópavogs 2024 Margmenni í sköpunargleði og stuði á safninu Ólafur Elíasson tekur yfir Piccadilly Circus og Times Square Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Sjá meira