Spenntur fyrir alls konar vitleysu 26. ágúst 2016 10:00 Benni Hemm Hemm gefur út ljóðabókina Skordýr og samnefnda plötu á sama tíma. Fréttablaðið/Hanna Þann 2. september gefur tónlistarmaðurinn Benedikt Hermann Hermannsson, eða Benni Hemm Hemm, út ljóðabókina Skordýr og samhliða henni kemur út tuttugu og tveggja laga plata. „Sándlega séð er þessi plata dáldið mikið öðruvísi en það sem ég hef gert áður. Þetta er eiginlega unnið sem demó. Venjulega hef ég alltaf unnið demó og sent á þá sem ég spila með og fer svo í stúdíó og bý til eitthvað úr því þar. Mig hefur alltaf langað til að gera eitthvað með þetta demó-stig því að það er svolítið skemmtilegt. Það er oft eitthvert rugl þar sem týnist svo oft á leiðinni. Núna er ég svolítið að vinna með þessi demó heima sjálfur. Í textunum eru þetta aðeins meiri ljóð en áður. Ljóðin í bókinni og textarnir haldast í hendur – en ekki alveg það sama samt. Það er fullt af ljóðum í bókinni sem ekki eru til lög við og öfugt. Mig langaði til að hafa þetta allt eins beinskeytt og ég gæti. Það er mikið af löngum þögnum. Það var einbeittur brotavilji hjá mér að gera bara algjörlega það sem mér sýndist. Maður er alltaf að vinna með eitthvert form, ef maður veit að maður er að fara að gera geisladisk verður heildarlengd laganna alltaf þekkt en ef maður gefur út á netinu getur það þess vegna verið tveir dagar. Ég er ekki að fara að selja neitt – það er enginn að fara að kaupa plötuna. Þannig að það má segja að það að gera það sem manni sýnist er þemað,“ segir Benni, sem af þessu tilefni ætlar að halda tónleika í Mengi – en þetta verða engir venjulegir útgáfutónleikar heldur mun hann halda þrenna tónleika á tveimur dögum næstu helgi. Fyrstu tónleikarnir eru á föstudegi og þá spilar hann með tónlistarmönnum sem hann hefur aldrei spilað með áður. Á laugardeginum spilar hann með kórnum Kórus og síðan kemur hann fram um kvöldið ásamt hópi tónlistarmanna sem hann hefur áður spilað með. „Við spilum bara lögin af plötunni og þau verða bara einhvern veginn. Það veit enginn. Mér finnst það svolítið spennandi og það helst í hendur við hvernig ég tók þetta upp. Ég reyndi að taka upp alla partana áður en ég kunni lögin almennilega. Maður spilar öðruvísi þegar maður er ekki alveg með kveikt á öllum skilningarvitum. Það er einhver spenna yfir því að vera að gera þetta í fyrsta sinn sem heillar mig. Mig langaði svolítið til að halda þessu konsepti á þessum tónleikum. Á laugardagskvöldinu þá er ég með fólki sem ég hef spilað með áður. Það fólk veit alveg hvað það þýðir þegar ég lyfti upp hælnum. Þetta verður allt öðruvísi dæmi, þau lesa allt öðruvísi í allt sem ég geri. Það verður spennandi að gera einhverja vitleysu sem ég veit ekki hvernig verður fyrirfram.“ Menning Mest lesið Með húsaflutninga á heilanum Lífið Covidsmitaður Al Pacino var nær dauða en lífi Lífið Sigmundur og hvolpurinn gleðjast yfir fylgi Miðflokksins Lífið Dolly gefur 135 milljónir vegna Helenu Lífið Krakkatían: Ber, forsetar og prinsessur Lífið Myndaveisla: Eliza Reid og Ásdís Spanó létu sig ekki vanta í Núllið Lífið „Það braut ísinn að við hefðum deitað sama gaurinn“ Lífið „Það er önnur hver gella með í vörunum“ Lífið „Ég var heppinn. En ekki hann“ Lífið Ólafur Ragnar skellti sér á sæþotu eftir langan dag Lífið Fleiri fréttir „Hrátt háþróað krass, langt leitt krot“ Bjóða landsmönnum nauðbeygð til messu Allt í banönum á Brút Bríet lét sig ekki vanta á sýningaropnun Ynju Blævar Út um allar koppagrundir Alþingis: „Froðan flæðir endalaust, það er bara froða froða“ Skálda opnar: „Kannski ekki margir nógu vitlausir til að framkvæma þessa hugmynd“ Össur Geirsson er heiðurslistamaður Kópavogs 2024 Margmenni í sköpunargleði og stuði á safninu Ólafur Elíasson tekur yfir Piccadilly Circus og Times Square Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Sjá meira
Þann 2. september gefur tónlistarmaðurinn Benedikt Hermann Hermannsson, eða Benni Hemm Hemm, út ljóðabókina Skordýr og samhliða henni kemur út tuttugu og tveggja laga plata. „Sándlega séð er þessi plata dáldið mikið öðruvísi en það sem ég hef gert áður. Þetta er eiginlega unnið sem demó. Venjulega hef ég alltaf unnið demó og sent á þá sem ég spila með og fer svo í stúdíó og bý til eitthvað úr því þar. Mig hefur alltaf langað til að gera eitthvað með þetta demó-stig því að það er svolítið skemmtilegt. Það er oft eitthvert rugl þar sem týnist svo oft á leiðinni. Núna er ég svolítið að vinna með þessi demó heima sjálfur. Í textunum eru þetta aðeins meiri ljóð en áður. Ljóðin í bókinni og textarnir haldast í hendur – en ekki alveg það sama samt. Það er fullt af ljóðum í bókinni sem ekki eru til lög við og öfugt. Mig langaði til að hafa þetta allt eins beinskeytt og ég gæti. Það er mikið af löngum þögnum. Það var einbeittur brotavilji hjá mér að gera bara algjörlega það sem mér sýndist. Maður er alltaf að vinna með eitthvert form, ef maður veit að maður er að fara að gera geisladisk verður heildarlengd laganna alltaf þekkt en ef maður gefur út á netinu getur það þess vegna verið tveir dagar. Ég er ekki að fara að selja neitt – það er enginn að fara að kaupa plötuna. Þannig að það má segja að það að gera það sem manni sýnist er þemað,“ segir Benni, sem af þessu tilefni ætlar að halda tónleika í Mengi – en þetta verða engir venjulegir útgáfutónleikar heldur mun hann halda þrenna tónleika á tveimur dögum næstu helgi. Fyrstu tónleikarnir eru á föstudegi og þá spilar hann með tónlistarmönnum sem hann hefur aldrei spilað með áður. Á laugardeginum spilar hann með kórnum Kórus og síðan kemur hann fram um kvöldið ásamt hópi tónlistarmanna sem hann hefur áður spilað með. „Við spilum bara lögin af plötunni og þau verða bara einhvern veginn. Það veit enginn. Mér finnst það svolítið spennandi og það helst í hendur við hvernig ég tók þetta upp. Ég reyndi að taka upp alla partana áður en ég kunni lögin almennilega. Maður spilar öðruvísi þegar maður er ekki alveg með kveikt á öllum skilningarvitum. Það er einhver spenna yfir því að vera að gera þetta í fyrsta sinn sem heillar mig. Mig langaði svolítið til að halda þessu konsepti á þessum tónleikum. Á laugardagskvöldinu þá er ég með fólki sem ég hef spilað með áður. Það fólk veit alveg hvað það þýðir þegar ég lyfti upp hælnum. Þetta verður allt öðruvísi dæmi, þau lesa allt öðruvísi í allt sem ég geri. Það verður spennandi að gera einhverja vitleysu sem ég veit ekki hvernig verður fyrirfram.“
Menning Mest lesið Með húsaflutninga á heilanum Lífið Covidsmitaður Al Pacino var nær dauða en lífi Lífið Sigmundur og hvolpurinn gleðjast yfir fylgi Miðflokksins Lífið Dolly gefur 135 milljónir vegna Helenu Lífið Krakkatían: Ber, forsetar og prinsessur Lífið Myndaveisla: Eliza Reid og Ásdís Spanó létu sig ekki vanta í Núllið Lífið „Það braut ísinn að við hefðum deitað sama gaurinn“ Lífið „Það er önnur hver gella með í vörunum“ Lífið „Ég var heppinn. En ekki hann“ Lífið Ólafur Ragnar skellti sér á sæþotu eftir langan dag Lífið Fleiri fréttir „Hrátt háþróað krass, langt leitt krot“ Bjóða landsmönnum nauðbeygð til messu Allt í banönum á Brút Bríet lét sig ekki vanta á sýningaropnun Ynju Blævar Út um allar koppagrundir Alþingis: „Froðan flæðir endalaust, það er bara froða froða“ Skálda opnar: „Kannski ekki margir nógu vitlausir til að framkvæma þessa hugmynd“ Össur Geirsson er heiðurslistamaður Kópavogs 2024 Margmenni í sköpunargleði og stuði á safninu Ólafur Elíasson tekur yfir Piccadilly Circus og Times Square Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Sjá meira